[!..الـ ج ـود..!]

ام محمد خلت رقمها عند ام دلع ..
عشان تعطيها رايها .. بالليل وقت النووم ..
ام دلع تكلم ابو دلع .. بالموضوع ..
ام دلع:اقوول ابو دلع ..
ابو دلع:هلا ..
ام دلع:تذكر ام محمد..؟
ابو دلع:من ذي ؟؟
ام دلع:ام محمد ماغيرها
ابو دلع:اقوول ام دلع ترى في مليون وحده اسمها ام محمد حددي اي وحده
ام دلع:قصدي الي دلع باتت عندهم ..
ابو دلع:اها شفيها ...؟
ام دلع:اليوم زارتنا ..
ابو دلع:اييه وبعدين ؟؟
ام دلع:بصرااحه ..
ابو دلع:ايه تكلمي..
ام دلع:جاايه تخطب دلع حق ولدها محمد ..
ابو دلع:ماشاء الله ومحمد كم عمره ووش يدرس؟
ام دلع:بصراحه هو توه طالب جامعي ..
ابو دلع:انا مازوج بنتي اي احد وآستآمنه على بنتي .. لآ لآ انسي
ام دلع:حرام عليك ابو دلع تقطع نصيب البنت ..؟
ابو دلع:اجل اعلقها لين يخلص الاستااذ .. محمد ..
ام دلع:طيب مااتدري يمكن هي راضيه
ابو دلع:البنت بزره وماتعرف مصلحة نفسها
ام دلع:ياابو دلع انت لو تفكر معي تذكر يوم هربت دلع من البيت ؟
ابو دلع:ايه ؟
ام دلع:الناس درت ان دلع هربت بس مااحد بيقول انها هربت الناس بتقول انها انخطفت ولا بتقول انها هربت مع واااحد واحمد ربببببببببببببك ان الي تقدم لها هو الي هربت عنددهم ولا وش كان بيقول كان بيقوول والله مااتزوج وحده تهرب من بيت اهلها وهكذا بينتشر الخبر ليييين تتشوه سمعتك بس الحمد لله ان محمد فااعل خير وخله هو ودلع يعيشون حيااتهم طبيعي ..
ابو دلع .. اقتنع بكلام ام دلع : طيب هي موافقه دلع ..
ام دلع:اتوقع انها موافقه
ابو دلع:حتى لو ماوافقت اقنعيها
ام دلع:ولايهمك ..
ابو دلع:يلآ تصبحين على خير ..
ام دلع:وانت من اهله ..
...
تقوم ام دلع وتروح عند دلع ..
ام دلع:دلع ؟؟
دلع:افتحي الباب تعالي ..
ام دلع:هلا بنتي
دلع:هلا
ام دلع:تدرين وش بكلمك فيه
دلع .. خدودها تحمر :شوو ..
ام دلع:موافقه ولالا ..؟
دلع:ليه استعجلتي تبين الفكه مني يعني ادري ادري
ام دلع:وي ياابنتي ابي فرحتك والله
دلع:خلووني افكر ..
ام دلع: خذي وقتك
دلع:طيب . .
ام دلع:يلآ تصبحين على خير ..
دلع:وانتي من اهله ..

..
ببيت محمد ..
محمد..هاا يمه وش قالت دلع واافقت ..
ام محمد:كم مره اقول لك لآ تستعجل بعد ثلاثه ايام راح يردون
محمد:لييه تآخرون كل شي انتي عارفه ان دلع موافقه ..
ام محمد:محمد يلآ عاااد خلآص بعد ثلاثه ايام يعني بعد ثلاثه ايام
محمد:الله يصبرني
ام محمد:انت على بالك انك ببتتزوجها كله تلبسها دبله وبس . .
محمد:ادري بس ابي اضمنها ..
ام محمد:كلها ثلاث ايام الله يصبرك ..

...

.. \\ [ بعد مرور ثلاثة ايام ] // ..

دلع تنزل لآمها بالصاله ...
دلع:يمه ..
ام دلع:هلا يمه ..
دلع:انا موافقه ..
ام دلع: جد والله ؟
دلع: ايه
ام دلع:خليني اتصل على ام محمد ..
تطلع غرفتها دلع ..

..
محمد كان بالحمام .. [ اكرمكم الله ] .. يااخذ شور
وترووك وامه كانو بالصاله يتقهوون .. فجأه يرن جوال ام محمد ..
[ رقم غريب ]
ام محمد:من ذاا رقم غريب
تركي:خلي عنك انا برد تلقينه احد يلعب
ام محمد:هااك يمه ..
تركي:الوو ..
ام دلع :السلام عليكم ..
تركي:وعليكم السلام
ام دلع:مو هذا جوال ام محمد ..
تركي:ايه جوال ام محمد من معي ..
ام دلع:انا ام دلع من انت محمد ؟
تركي:هلا هلا لآ انا تركي
ام دلع:هلا وليدي شخباارك ؟؟؟
تركي:الحمد لله بخير انتي شلونك عساك طيبه ؟
ام دلع:بخير دامك بخير ..
تركي:تفضلي امي ..
...
يعطي امه الجوال ويقوووم ررررررررككككككض عند محمد
ويدق الباب بقووه ..
تركي:محمماااااااد افتح افتح بسرررررعه
محمد:اوهووو حتى بالحماام محد يقدر يااخذ راحته ؟
تركي:افتتتتتح والله والله يفوووتك افتتتتتتتتح
محمد:وش تبي ؟
تركي:بسررررعه افتتتتتتتتااااااااااااااااااااااااااااااااااااح
محمد:وش فيك قول انك تبي الحمام وبطلع بكل هدوء ..
تركي:ان لله وان اليه راجعوون بتفتح ولا شلوون. .
..
يفتح محمد الباب ..
..
محمد:نعم ..
تركي:الللللللحق
محمد:وشهو ؟؟
تركي:ام دلع ام دلع عالجوال
محمد:امااااااا عاد تتكلم جد قول والله
تركي:قسماً بالله توني رااد عليها

يركض محمد عند امه وهي تكلم ..
وجالس يطالع امه .. وهي تكلم

ام محمد:سلآمتك ياوخيتي جزاك الله خير سلمي على دلع ..
ام دلع:يوصل ان شاء الله يلآ اشوفك على خير
ام محمد:على خير ان شاء الله فمان الله ..

ترووك كان وااقف عند الباب . .

محمد:هاا يمه وش قالو موافقه دلع موافقه ولالا يمه قولي ؟؟
تركي:حشى ـآ تقول انها طالعه من غرفة عمليات شفيك قلقاان ؟؟
محمد:انطم انت وش دخلك ., يمه تكلمي وافقوا ولالا
ام محمد مسويه تخفف دمها وتنكت وضبطت الدور:مدري وش اقول لك يااولدي ..
محمد:شنوو ؟
ام محمد:خيرها بغيرها
تركي:يعني شلون ماوافقوا ؟؟
ام محمد:مااهي من نصيبك
محمد .. تجمد ودموعه محبوسه بعيونه :يمه تكلمي زين وش تقولين وافقو ولالا ..

وقفه .. : هذا حسس محمد انه كله على بعضه عيوب حسس انه مخلوق بشع حسسه انه كاائن ضعيف وتحطم محمد ..


...

ام محمد:يلآ الله يعوضك باللي احسن منها ..
محمد يقووم ودموعه تنزل : الله يسامحك دلع ..
ام محمد:هههههههههههههههههههههههههههههه يااااااااحليلك ولدي
محمد .. يمسح دموعه :وشهوو يمه ؟
تركي:ههههههههه وشهوو وش فيك تضحكين ..
ام محمد:الف الف الف مبروووووووووك آمزح عليك وافقو والله ومستانسين بك ..
تركي:ياهوووووووو عليك ياام محمد اجل مسويه مراهقه وتتنكتين طالعي ولدك شلون تجمد ..
محمد .. وااقف ومو مستوعب : يمه جد جد جد ؟؟
تركي:مبروك يااخوي العقبال لي ان شاء الله
محمد:دلع صاارت لي ؟
ام محمد:مبرووك ..
محمد:يماه
ام محمد:هلا
محمد:انا عازمكم والله والله عازمكم على احلى مطعم
تركي:الله وناااااااسه وين وين ؟
محمد:وين تبون انا حااضر
ام محمد:لآتكلف على نفسك ياولدي
محمد:اصلا المفروض اعزم تركي وحده وانتي لا اجل خلي مزحك ذا ينفعك ..
ام محمد:ول ول ول ول وش هالكلام تقول يكلم خويته مو امه
محمد .. يبوس راسها :فديتك ياام محمد عساك ماتنحرمين منا ويخليك لنا
تركي:ولايحرمها من شبابها وخفة دمها
ام محمد:هههههههههههه اميين ..