بعد مرور ثلاثه ايام .. ~ قال محمد لآمه متى تبينا نروح لآهل دلع ونخطبها رسمي .. ام محمد:بكره ؟؟ محمد:بكره بكره اوكي ارسلي لآم دلع هالحين رساله وقولي لها ااننا بنجي بكره ام محمد:وان شاء الله مع مين بتروح لايكون بتروح بروحك ؟ محمد:تركي .. ام محمد:لآ والله تركي للحين صغير .. محمد:اجل مين ياايمه ..؟ ام محمد:اصبر خلني اشووف ممم محمد:شرايك بجارنا ؟؟ ام محمد:ابو منصور ؟؟ محمد:ايه ام محمد:الله بيقول توه يتذكر ان له جار ؟ محمد:اجل وش نسوي ؟ ام محمد:خذ تركي محمد:وش نقوووووول ام محمد:انت هالحين مرتبك ومستحي بس لاصرت قداام ابو دلع بيطلع الحكي وحده محمد:ايه صح صدقتي .. .. يروح محمد لآخوه وهو ناايم .. محمد:ترووك ترووك تركي قووم تآخرت .. تركي:اوهووو وش تببببببي خلني نايم .. محمد:قووم بقول لك خبر .. تركي:وشهوو محمد:اسمع تركي:هاااااا محمد:انزين لاتنفخ تركي:محمد يمينً بالله لو ماتتكلم زي الناس اني لآ انام وطق راسك بالطوفه تكلم وش تبي محمد:بكره تركي:السالفه فيها بكره اجل طيب من هنا لين يجي بكره خلآص انقلع محمد:اسسسسسسسسسسسسمعععععععععني تركي:هااااااااااااااا محمد:ابيك تروح معي عند اهل دلع ونخطبهم رسمي .. تركي:انا وانت محمد:ايه تركي:هههههههههههه تخيل اشكالنا محمد:والله يامحمد بيجي يوم وتحتاجني تكفى تكفى طلبتك تركي:والله ونااسه يعني لآنه انا اكبر منك بروح محمد:ايه تركي:وانا اتكلم محمد:ايه تركي:مو مشكله . . محمد:خلآص يلا اخمد .. ... دلع وام دلع وابو دلع جالسين بالصاله .. فجأه يرن جوال ام دلع رساله >>طبعاً من ام محمد << تن تن تن تن تقرى ام دلع الرساله وتبتسم .. ام دلع:دلع حبيبتي . . دلع:هلا يمه ام دلع:شوفي وش مكتوب بالرساله .. دلع:وش مكتوب ؟؟ ام دلع : مساء الخير ام دلع شلونك شلون ابو دلع ودلع حبيت اقول لك ان محمد واخوه بيجون بكره عندكم يخطبون رسمي بنتك دلع ردي علي .. دلع .. خدودها تحمر وتنزل راسها .. ابو دلع:مو مشكله قولي لها حياكم الله ام دلع:دلع نقول لهم حياكم الله؟ دلع : ايه عادي ام دلع: ترى فيها نظره شرعيه .. >> الي يسمعها يقولون محمد للحين ماشافها .. ابو دلع:ليه النظره الشرعيه ؟؟ مو شافها من قبل .. ام دلع:لآ ماشافها وين تبيه يشوفها ؟؟ دلع : عن اذنكم بطلع غرفتي . ام دلع:تعالي دلع:هلا ام دلع:خلينا نروح السوق نشتري لبس حق بكره .. دلع:اممم طيب ام دلع:نص ساعه ونروح .. دلع:اووكي .. ترد ام دلع على ام محمد .. ومحمد وام محمد كانو جالسين بالصاله .. وتجي رساله لآم محمد .. محمد:منوو ؟؟ ام محمد:هذي ام دلع محمد:كنت حااس وش تقول ؟؟ ام محمد:ممم محمد:يمه بلآ مقالب من هالحين قولي وش قالت ؟ ام محمد:تقوول حياكم الله محمد يآخذ نفس .. :الحمد لله ياارب الحمد لله ام محمد:عالبركه ياولدي .. محمد:الله يبارك فيك ياايمه .. .. الساعه [ 5 ] العصر .. دلع وام دلع بالسوق يبون يشترون فستان .. اشترو الفستان مع الشوز والاكسسوار فستان قصير بنفسجي مع فيونكه سوداء تحت الصدر واكسسوار اسود وشوز اسود >>بسااطه .. ورجعو للبيت .. [ وجآء بكره ] وموعد الزياره الساعه 9 العشاء .. ومحمد مااقصر جاهز من الساعه 5 العصر .. محمد:وش رايك يايمه ؟ ام محمد:ماشاء الله ماشاء الله وش هالزين بسم الله عليك تجنن .. وقفه:اكيد لبس ثوب وشماغ ومحدد السكسوكه واشك انه تروش بعطر .. محمد:صدق والله حلو يعني بيخقون لو شافوني ام محمد:ايه تحصن بس تحصن .. .. تركي يدخل .. تركي:ماشاء الله تباارك الرحمن وش هالزين وش هالزين .. محمد:طلعت كشخه تركي:بس مآكآنك استعجلت محمد:ايه استعجلت .. تركي:ماشاء الله محمد:يلآ عاد انت بسرعه تجهز .. تركي:الله من هالحين تبيني اتجهز ؟ .. الساعه 8 :تركي لبس وتكشخ .. الساعه 8 : 25 : ومحمد ينتظر تجي 9 :00 الساعه 8 : 30 : ومحمد ينتظر الساعه 8 : 40 : قامو وشغلو السياره .. الساعه 9 : 00 : انطلقوا .. .. اهل دلع ينتظرون .. ودلع بغرفتها كل شوي وضبطت نفسها وعادت عالروج .. سوت بشعرها بف استشوار وروج فوجي وكحل ثقيل اسود .. .. وصلو محمد وتركي عند الباب .. محمد:خايف خايف تركي:يلآ يارجال محمد:خلآص خلنا نرجع تركي:اوكي محمد:لآلآلآلآلآ امزح يلآ مشينا .. يدقون الجرس ومحمد يرجف من الخوف ويفتح ابو دلع .. تركي محمد :السلام عليكم .. ابو دلع:ياهلا والله وعليكم السلام تو مانور البيت والله تركي:هلا وغلا منور بوجودك عمي ابو دلع:ماعليك زود ., تفضلوا .. يدخلون ويضيفهم .. ويتكلمون تركي وابو دلع .. الخ ابو دلع: محمد وش تدرس ؟؟ محمد .. صوته مبحوح :والله .. احم احم .. ابو دلع:اشرب ماي اشرب محمد .. يشرب ووجه تلون .. وتركي .. فاطس ضحك .. محمد:ادرس بكلية الطب ان شاء الله تخرجي بعد اربع سنوات .. ابو دلع:ماشاء الله زين والله الله يوفقك .. محمد:تسلم .. ابو دلع:الله يسلمك .. .. يقوم ابو دلع يجيب الشاي بعد .. 5 دقايق .. ابو دلع:محمد .. محمد:سم ابو دلع:سم الله عدوك بس بغيتك تجي معي .. محمد:على امرك ابشر ابو دلع:حياك تفضل .. عن اذنك تركي .. تركي:اذنك معك خذ راحتك .. ... يروح محمد للمجلس الثاني كاان فيه ام دلع .. محمد:السلام عليكم .. ام دلع:وعليكم السلام حياك الله .. محمد:كيف الحال خالتي ؟ ام دلع:الحمد لله انت شلونك ؟ محمد:بخير الله يسلمك .. ام دلع:عساه دوم ان شاء الله محمد:تدومين ان شاء الله ام دلع:شوي وتجي العروس محمد .. يبتسم وينزل راسه .. ام دلع:شخباار امك ؟ محمد:الحمد لله بخيير ام دلع:ليه ماجات ؟ محمد:مره ثانيه .. ام دلع:سلم عليها .. محمد:الله يسلمك ام دلع:يلآ عن اذنك بنادي دلع محمد .. يعدل جلسته . . :اذنك معك . وتدخل دلع .. ومحمد يفهي .. وماقدر يشيل عينه .. ويكلم نفسه :يالبيييييييه وش هالحلا يااحظي ياحظي ياحظي ياويل حالي بس دلع .. محمره خدودها وتناوله كوب العصير:تفضل .. محمد:دام فضلك >> باللغلط لمس ايدها وبغى ينجن .. وتجلس دلع جنبه .. ام دلع : هاا ان شاء الله عجبتك ودخلت مزاجك >> ياشين هالاسئله .. محمد .. مادرى وش يقول وخدوده حمر ..:ايه ماشاء الله عليها .. ومحمد بكل جراءه يمد ايده ويلمس ايد دلع مره ثانيه .. دلع تستحي وتسحب ايدها بهداوه .. وتقوم دلع .. .. ومحمد بعد يرجع لآخوه بس قبل لايروح حط مبلغ بسيط على الطاوله ومشى ..