[وردهـ {ح} ـمرآ]

و عليكم السلام و رحمة الله و بركاته

موضوع جميل جداً . . ؛
استمتعت كثيراً بقرآءة المقابلات . . ؛
سيما و أنها مع عضوات مميزات في هذا المنتدى العزيز

/

» زبيب «

اكتشفت ان فيه عوامل مشتركة بيني و بينج . . ؛
- حب الرياضيات ثم الرياضيات ثم الرياضيات
- كره الأدبي ><"
- الرغبة في تخصص الهندسة
- عدم الاعتراف بالجاكيت أيام البرد

حركة دمج الفصلين . . احسها بتخليكم تتعبون وايد . .
بلا اجازات . . و بعدين امتحانات متراكمة و مراجعة دسمة ><"
الله يعينكم

/

»همس السكون «

[ أخذت الأولى على مدرستي 7 مرات ! ]

ما شاء الله تبارك الرحمن . . ؛
إن شاء الله دوم تحصدين هالمراكز العليا في الدنيا و الآخرة

ناوية تدرسين علم نفس . . و راح تتخصصين علمي . . !
احس هالتخصص يناسب اللي ميولهم أدبية أكثر . . !
بس عموماً . . العلمي يصلح لكل المجالات و كافة الأصعدة . . ما شاء الله عليه

/

» ازقرتيه «

و الله زين إن ضميرج يأنبج و ما تغشين . . ؛
قلّت هالفئة من الناس . . و يمكن صـارت نادرة بعد
إن شاء الله قريب تتوظفين في الوظيفة إلا تريحج و تحبينها

/

» مهوي «

كلمة و لا أحلى . . ؛
يا ليت تسمعها زميلتي في المدرسة . . ؛
الله يهديها . . مرة نقصت نص درجة في امتحان منتصف . . ؛
عفست الدنيا من الصراخ و الصياح . . قامت تصرخ مثل المجنونة على المعلمة . . ؛
قلنا هاذي يا أما جنّت يا فيها صرع يا فيها حالة نفسية . . !
من جد الموقف إلا صار مو طبيعي . . ؛
انسمع صراخها في كل المدرسة . . ؛
ما ظلت طالبة و لا مدرسة ما جوا يشوفون وش السالفة . . !
و كان معظم بنات الصف ناقصين هالنص درجة على نفس السؤال لان المعلمة وضحت لنا السؤال غلط . .
بس محد سوا ربع إلا سوته الله يصلحها . . !
تقول تبي تحصل بعثة و تدرس برا . . ألحين هالنص درجة هي إلا بتوقف في طريق البعثة . . !

/

» لولو الدلوعة «

شفتين هاذي عواقب الغش . . ؛
قال الرسول [ص] : [ من غشنا فليس منا ]
أتمنى أن تكفّي عن هذه العادة . . ؛
فدرجات الآخرة أفضل من درجات الدنيا
وفقكِ الله لما يحبه و يرضاه ~

/

» كاتلي «

يعطيج ربـّي العـافية ع المقـابلات الكشوخي . . ؛
بس فيني فضول أعرف وش يطلع الملحق إلـا الكل ما فهم وش هو . . ؟!

ما ننحرم