[وردهـ {ح} ـمرآ]

إحم

يُقال إن اليوم أول يوم دراسي لنا . . !

أحس نفسي متحمسة لهالكورس . . ؛

و إن شاء الله هالـإحساس ما يتغيـّر !

إمممم . . ما صار فيه شي . . ؛

أول مرة يكون أول يوم شبه فاضي من القرقة الكثيرة تبع المعلمات

ما شفنا إلا معلمة العرب و الإحتمال و [العلم و الكيم] <~ تدرسنا نفس المعلمة هالمادتين . . و بصراحة المعلمة غير مستساغة =$

اليوم مسوين حركة ما لها داعي . . !

عشان تاخدين الكتب لازم ينزل الصف كله للصالة الرياضية ويا المعلمة . . ؛

و كل بنت يعطونها كيس و تروح تاخذ لها كتب

عاد احنا على حظنا طق الجرس و بعدنا ما دخلنا الصالة قامت المعلمة خلتنا برا قالت تصرفوا و مشت !

و المعلمة اللا على باب الصالة ما رضت تدخلنا . . كل ما جينا بندخل تطلعنا و هاي سالفتنا !

جان أدخل و أني و رفيجتي ويا صف ثاني

عاد احنا سوينا الوضع [Funny] هناك . . !

على أساس إنه سوق مسوين تخفيضات و احنا نتسوق و المكان زحمة

عاد لمـّا رحت باخذ لي كتاب أجـا . . تقول لي بنية: اخذي لج اخذي لج ترى عليه تخفيضات بدينار . . جان اقول لها: يؤ دينار . . غالي ما يصير تخفضون !

عبالنا قاعدين بسوق الأربعاء

كان الوضع عجيب

عقب ما رجعنا الصف . . تقول لي اللا جنبي اني اشتريت كتبي بـ 19 دينار !

جان تسأل بنية: إنتي بجم اشتريتيهم !

قالت: 16 !

جان أقول للأولى: يؤ قصوا عليج هي اشترت الكتب بس بـ 16 . . !

و رفيجتي تقول لها: شكلج ما تعرفين تساومين !

^

ما عندي شي اقوله قمت قلت هالموقف اللي ما له داعي

و مسامحة ع الـإزعاج