[© ῟яαнơφơғά ♥]

مسآء الورد ,,

عندي اليوم سالفة مضحكة صارت لخوي حبيت انزلها لكم

صارت له وهو مسافر هو وواحدن من الربع ,,

من الجبيل الي الخفجي

المهم .. كانو دازين ( مسرعين يعني ) بالخط يمشون من 140 الي 160

طبعا اللحين هذا الممشى بالنسبة للي مروق للآخر

المهم كان توه مركب انوار ( زنن ) << أنوار بيضا قوية تعمي العين ورازن فيها وماخلا احد الا وصوره فيها<< والله من الدعاوي اللي بتجيك

وخويه هذا على موتره ماشي قدامه ..الاخ عنده ( زنن ) بس احس انه سهارية

مرره ضعيف مو قوي .. المهم انه صوره مع الضحايا اللي بالخط واعماه

والله وهم ماشين بالطريق الا وفيه سياره على الخط الثاني تكبس بالنور ( نور عادي اصفر )

وهو معطيها اشكل وطاق العالي مجهر خلق الله .. اول ماتعدى السيارة

الا وتطلع دورية وخويه وراه

وعلى طوووووول دعس للسيارة وهربت امشي 200

ويناظر بالمرآية الا وراعي الدورية شغل السفتي ( الونان اللي فوق الدوريه ) بعطين طفاه

الظاهر ان خوييه الثاني اللي معاه قال خلنا نلحقة واذا صرنا وراه نشغله .. وهم مو دارين انه

شاف النور و انحآآش <<حسيت انهم ناصر القصبي وعبدالله السدحان هههههههههههههههه

ويشطفون خويه يلحقونه

ويتصل خويه << يقولي ترى الدورية مطفية الانوار وداعسه وراك

قال ماعليك انا امشي 200 مايمديهم يجيبوني

المهم فيه نقطة تفتيش بعد 20 كيلو

اهو توقع انه يبلغ عنه التفتيش

هم عارفين السيارة بس مو عارفين اللون لان الدنيا لليل وماشافو لوحة السيارة بس عارفين ان

ان فيها النور العالي ( زنن )

طفى انوار السياره ووقف على جنب

وانتظر شويات الا يوم راعي الدورية مر من عنده وماشافني الدنيا لليل ههههههههههه

وانتظر شويات الا خويه توه يمر من عنده ههههههههههههههههههههههه

وانتظر دقيقتين ومشي

وصل نقطة التفتيش (وام الركب تصافقني اول مره احس فيها ) < على لسان اخوي

كان فيه قدامه واحد نفس سيارته بس لونها ذهبي اول ماوصلنا النقطه ويوقفون اللي قدامه

ويسمعهم يقولون له شغل النور العالي وطلع عادي ومشوه

وهو اللي يقول بخاطره( لا بالله الا صداوني الله يعيني على الحجز ) < اخوي على لسانه

اول مامشى وجا دوري ويوقفونه رجل الامن << اوخس

وقال له الرخصه والاستماره

عاد انا هنا جته ام الاخلاق العالية وويقول له ابشر يالغالي

وجا ابعطيه الرخصة ومداها بيدي اليسار وسحبها ومداها باليمين

هنا الرجال شافه اخلاااااااااق وشكله قمة في البرآئه

قام يسأله انت من وين ودقها سوالف ابو دقيتين ههههههههههههههه

قال له والنعم والله عطاه الرخصة وقال له روح

عاد اول ماجا بيمشي ويحصل خويه موقفينه وقاعد يتهاوش معاهم يقولهم مو انا

ويناظره خوييه وينصدم يوم شافه مر من عنده

وهو يفكها ضحك ههههههههههههههههههههه

لسان اخوي >> آآآه يابطني والله مت ضحك عليه مسكين طاحت براسه

عاد اول ماوصل البيت ويدق خويه عليه يسب ويلعن وحالته حالة

ويقول له بسبتك وقفوني يحسبوني انت

قال وش قالو لك

قالو بنعطيك مخالفتين مخالفة سرعة ومخالفة هروب من دورية وحجز للسياره

يقولون انهم كانو يمشون 180 وماامداهم يلحقونه وهو سيارته حدها 160

وعلمهم وورآهم كفراته انها راحية فيها وانواره ضعيفه مافيه الا نور واحد شغال وشكو انهم

غلطانين وفكوه

عاد قال له هين والله اوريك يالملعون مردوده ليش ماعلمتني انك موقف على جنب

عاد قال له من كان له حيلتن فل يحتال << ابوك يالحكم انت هههههههههههههه

بس

هذي السالفة ومافيها أتمنى انها اعجبتكم

وهالله الله بالتقييم على هالسالفة

تحاتي لكم