بنَـات بصَـراحة أنـا محتـارة من كاميرْتينْ ,
نـاوية أششتري كامرا يديدة ,
بس محتارة بين الـ Canon 550D و Nikon 90D
ما أعتقد في فرق كبير بين الـ canon 550D و canon 500D صح ؟
لأني شفت مقارنه بين الـ canon 500D و الـ Nikon 90D
و طلع ان النيكون أحسسن بوايدْ
ما أدري اذا يفرق الـ 550D و الـ 500D
شوفوا هذا اللي قريته
|
 |
اول شي الكانون 15 ميجا بيكسل والنيكون 12 ميجا .. لوهله راح تقول الكانون معناته افضل .. وانا اقولك لا ... النيكون السينسور حقها اكبر بشوي والبيكسل اقل بشوي .. يعطيك صوره افضل من الكانون هذا كلام اكيد
ثاني شي الايزو اللي يوصل الى 12 الف .. هذا حاجه للدعايه ودعم اسم الكاميرا ... لكن على ارض الواقع .. على ايزو 12 الف .. الكاميرا نتائجها كانت ابدا مو مرضيه .. بالعربي ماتقدر تعدي ال6400 زي النيكون
ثالثا .. تصوير الفيديو النيكون تصور فيديو HD لكن مو فل HD وكمان تصور لمدة 5 دقائق فقط ... والكانون عند الفل تصور 20 فريم فقط .. يعني ماتقدر تصور شي له حركه سريعه زي سياره او كذا .. يعني راح تصور عند 720 زي النيكون .. بس بالاجمال الفيديو بالكانون افضل
زبدة الزبدة .. زي ماقلت واحرج بكل موضوع .. لو كانت المقارنه بين النيكون دي300اس وكانون 7دي .. كان قلت كانون
لكن بهذي المقارنه .. النيكون افضل بالتصوير والبودي حق الكام احترافي اكثر ووجود الشاشه العلويه تعطيك احساس افضل
واخيرا العدسه الكت اللي مع النيكون مع انها تقريبا مشابهه للي تجي مع الكانون
لكن ريفيوهات ذكرت ان ال 18-55 النيكون اعلى من الكانون
|
|
< هو يتكلم ترى عن الـ canon 500D و Nikon 90D
مو عن الـ canon 550D
شرايكم ؟