الجزء الثامن عشر
كلّي فرح ماني مثل أول ، حزين ~!
----------------------------------
بو فيصل و أم فيصل و جاسم و فرح
بلمستشفى
فرح : خالتي شنو قررتو تسمونها
أم فيصل تطالع عيونها زوجها : ها بو فيصل ..شرايك
بو فيصل : والله يا أم فيصل مادري .. انتو شنو ودكم تسمونها ... جاسم بما انها تشبهك إنت لك حرية الإختيار .. شرايك ؟
جاسم مسك ايد فرح : أكيد اسميها فرح ... عشان يصير عندنا فروحتين... و إن شاءالله تطلع مثل مرتي فروحة
فرح كان ودها الأرض تنشق و تبلعها ....
وآي وقته يتغزل جدام الناس فشله شنو بيقول عني بو فيصل و أم فيصل بعد
أم فيصل : والله خوش إسم...
بو فيصل : إي والله خلاص أنا أروح أخلص الأوراق عشان نطلع
مر بو فيصل على الغرفة كان بيدخل ... بس شاف فيصل ...
بو فيصل : شيسوي هذا ... من صجه
فيصل كان قاعد عند البيبي و يكلمها ...
بو فيصل انصدم من الموقف ... معقولة فيصل جذي حنون
كان فيصل ما يبين لهم ... بس اهو كان أكثر واحد مستانس بقدوم فروحة الصغيرة لهم ...
فيصل : انزين انتي ليش ما تكلميني صارلي ساعه أكلمج أف شفيج
البنوتة نايمة
فيصل : متى تقعدين حبيبتي
للحين نايمة ...
فيصل :تدرين من تقعدين .. و تكبرين .. بسوي لج إلي تبينه ..أطلعج أونسج أوديج كل مكان ما أخلي شي بنفسج
بو فيصل : فيصل ؟؟ حبيبي ؟؟ شفيك يبى ينيت
فيصل : ها ... منو .. هلا هلا يبا... هههههههههه... لا يبا قاعدة أكلم... البيبي ..إلا صج شنو بتسمونها
بو فيصل : والله جاسم يبي يسميها فرح .. و خلاص نسميها فرح
فيصل : إي والله نسميها فرح ..بعد عمري فرووحة ..
..
بو فيصل : يالله روح عند أمك و أنا بروح أخلص أوراقهم و نطلع
فيصل : اوكي
طلع فيصل و بو فيصل باس بنته و طلع
فيصل شاف ابوه راح رد عليها
يتمرقص جدامها : عرفت إسمج عرفت إسمج .... فروحة فروحة قعدي قعدي
شوي ولا تقعد فروحة
فيصل : يا بعد حيي والله قعدت
راح يركض عند الممرضة : عفواً ... بس بغيت أقولج اختي فروحة داخل يصير اشيلها
الممرضة تطالع له بأستغرب : لحظة أشوفها أول
راحت وياه و شالتها له ..تفضل ...
بيشيلها ولا تقوله : سم بالله
فيصل استغرب : بسم الله ...انتي عربية ؟
الممرضة : أبوي عربي...بس أمي دنمركية
فيصل: أها و النعم .. مشكورة
راحت عنه و اهو مستغرب
شال اخته و راح عندهم
فيصل :السلام عليكم
الكل : عليكم السلام
أم فيصل : فيصل .. يايب فرح هني ..من صجك
فرح : هههههه حليلك فيصل تعرف تشيلها
فيصل : سكتي رحت قلت حق الممرضة و ساعدتني
جاسم : عطني عطني اشيل فروحتي
فيصل يرد ورى : لا هذي فروحتي أنا .. إنت فروحتك عندك تبي تشيلها شيلها
جاسم عجبتة الفكره : ها إي صح ...
نزل سوى عمره بيشيلها
فرح منصدمة : جاسم من صجك وخر وخر خالتي شوفيه
أم فيصل : هههههههههههه جاسم حرام عليك وخر عنها
جاسم : ههههههههه فديتها والله
دخل بو فيصل و أهم كانو جاهزين
و بجذي طلعت فروحة الصغيرة ... حق العالم الكبير
----------------------
فهد بروحة قاعد بحديقة بيتهم
يشرب قهوة .. و يلعب بلتراب إلي عند رجله
أفف ..أكيد سوت ملجتها ... و تزهب حق العرس ..
يالله يا نوف ..الله يوفقج
شاف واحد عند باب البيت ...
فهد : منوو
نواف : أنا ,,أنا نواف
فهد : حياك نواف ماكو أحد فلبيت
نواف : إي زين بغيتك بروحك
فهد: خير نواف شفيك
نواف: والله ماكو ..شخبارك شمسوي
فهد: تفضل تفضل ...خل نقعد ..
نواف : لا مالي خلق أقعد داخل .. أبي نقعد برا
فهد : اوكي حياك
قعدوا و فهد حس إنه نواف محتاج حق أحد يكلمه بس سكت و نطر منه اهو يتكلم
فهد : إي شخبار الوالد .. وصل الديرة صح
نواف: إي والله مستانسين هناك و الكل يسأل عني
فهد : يالله ماعليه روح لهم
نواف :مابي
فهد:ليش؟
نواف يشرب ماي، و فهد حس بإرتباك و شكثر كان نواف محتاج يكلم أحد
رد نواف القلاص و فهد حط ايده على ايد نواف
فهد : نواف حبيبي شفيك أنا اخوك الكبير ..تكلم قول إلي بخاطرك
نواف:مادري شنو أقول والله يا نواف محتاج أكلم أحد و ما لقيت غيرك ..
فهد : عيل اخذ راحتك
---------------------------
بيت بو فيصل
كان الكل متيمع
بيت بو فهد و بيت بو فيصل
بلصالة قاعدين البنات
سارة شوق زهور
و موسى
فارشين حق فروحة الصغيره و يلعبون وياها
مع انها ياهل ما تفهم شنو إلي قاعدين يسونه لها
أم فيصل : والله مادري يا أم فهد أحس انها ما تشرب هذا الحليب
أم فهد : إي انتي عوديها نوع حليب واحد .. أنا زهور كنت اعطيها نان أول شي ما حبته بس بعدين بلعكس حيل حبته
كانو يتكلمون عن البيبي ..وصار محور حديثهم فروحة
فرح و جاسم كل واحد قاعد بمكان و يتكلمون بلنضرات
شكلهم كان يضحك
جاسم : فرح تعالي بغيتج بسالفة
فرح :هلا
جاسم: شفيج تعالي
راح و تركها
أم فهد :شفيج ماما روحي شوفي ريلج
فرح : إن شاءالله ، عن إذنكم
طلعت فرح من الصاله و جاسم كان ورى الباب ينطرها
أول ما مرت من يمه طلع لها و شالها
فرح كانت بتصرخ بس من شافته بسرعه سكتت
فرح : جاسم نزلني لا يشوفنا أحد
جاسم : يبا والله مرتي و رب الكعبة مرتي شفيج انتي
فرح: انزين خلاص فهمنا نزلني وين بتروح فيني جذي
جاسم: بوديج قسمي ..أبيج تشوفينة
فرح : انزين خليني أنزل أعرف أمشي
جاسم : لأ بركبج الدرج أنا .. أنا ريلج .. آغار عليج من الأرض إلي تمشين عليها
فرح : شدعوة جسومي
جاسم : يا بعد حي و ميت جسومج انتي
فرح : نزلني
جاسم :قوليلي كلام حلو أنزلج
فرح:لااااا والله
جاسم: إي والله
فرح: نزلني حبيبي
جاسم : واي واي إي بعد بعد
فرح تخش ويها : زوجي حبيبي نزلني
جاسم يرقص و فرح خايفة تطيح : وآي جسوم بس كافي والله عاد صج
جان يروح يركض الدرج و اهيا تصرخ
طبعاً هني الكل إنتبه حق الصراخ بس دام فرح و جاسم ويا بعض يعرفون ملاقة جاسم
فرح وصلت فوق و نزلها و وقف جدامها كأنه مسوي إنجاز
فرح تعدل ملابسها و تمشي من يمه ولا كأنها شايفتة ولا كأنه موجود
جاسم يمسكها من ايدها حيل : أنا من أكون موجود ما تمشين جذي و تخليني
فرح: هد ايدي
جاسم : مابي
فرح :زين
جاسم: زين
و تمو جذي و تم جاسم يطفرها .. لين راحو
-------------------------
فرح و جاسم >> الله يديمها عليهم
شوق
شهد
نواف و سالفة إلي قالها حق فهد ؟؟
فيصل
و سالفة الرده حق الديرة
كله بلجزء الياي
نورتوا
تحياتي