[وردهـ {ح} ـمرآ]

واااي . . الجامعة مو من صجهم

هذا الأسبوع الثاني من داومنا و للحين ما وصلت الكتب للـ book shop

اليوم قالوا لنا إن أول أسبوع من أكتوبر راح يوصلون !

و دكتور الإيكون حدد موعد الكويز -يوم الأحد- يعني قبل استلام الكتب =$

آنا أحتاج الكتب عشان أذاكر أول بـأول . . لأن الدراسة بالإنكليزي و مصطلحات جديدة عليّ . . فـأبي أستوعب المادة عشان بعدين ما يصير علي ضغط و صعوبة =(

و اليوم بعد رحت باخذ لي لوكر -خزانة- ؛

جان يطلع ما فيه لوكرات في كليتنا إلا في استراحة الصبيان أو في الأرض كللللش ><"

كنت رايحة و آنا واثقة إنـّي بحصل لي لوكر . . لا و في الصفة الثانية بعد

ما توقعت في زحمة لهالدرجة ! !

فرجعت خالية الوفاضين

بجرب حظي بعد يومين و إن شاء الله أحصل ؛

و إلا بضطر آخذ لي لوكر في كلية الآداب . . و بعدين يالله قعدي طقي مشوار كل ساعة و كل دقيقة -رغم إن المكان مو بعيد- بس بعد يفرق =$



*بصراحة . . تحسوني ثرثارة و لق لق لق لق كثير ؟!