SMS : على قدرِ طمُوحنا نحصدْ !
. . لوول اليُوم أستاذة الرياضيات كرهتنا من خاطرْ إحنا من بدينا الامتحانات بدينا في وحدَة جديدة [ التكامل ] واليُوم عطتنا تمرين كله مسائل تطبيق على ما سبق دراسته . . وأول تمرين كان ما فيه ولا فكرة فقط أساس الأساسياتْ سألتنا مين تطلع ع السبورة تحلها بنتينْ فقط رفعوا يدهمْ . . أما أنا فبدعت عارفة الخطوات بس لما صارت المسألة بسيطة ومافيه شي فقط لازم أكامل نسيت انه الحين لازم أكامل فما رفعت يدي لأني ما وصلت للحل النهائيْ الأستاذة تغير وجهها وحسيتها تحطمت تحطيييييمْ يعني كانت زعلااااانة من قلب أكثر من انها معصبة قالت وكل هذا أنا أشرحْ بدون فايدَة ؟ بس بنتين رافعين يدهمْ !! بنت قالت لها بأسلوب مرح أستاذة أنا بحل الثالثة مٌو الأولى ردت عليها الأولى تااافهة أنا أريدكم تحلوها ! وبعد صمت دام ثواني جلست ع الطاولة وقالت أنا ما بشرح الدرسْ بكرا تجوني حاليين المسائلْ كلها ووحدة تخطأ الصف يوقف واستمرت لين نهاية الدوام ما تكلمنا وفيه بنتْ ثانية كانت تمشي مع بنت من صفي وقابلت أستاذة الرياضياتْ قالت لها أستاذة اشتقنا للرياضيات يومين ما تدرسينا ردت عليها : أحسن عشان ما أطلع عليكم حرتي من هذا الصف وتأشر ع البنت اللي جنبها من صفي بأمانة حسيتها كسرت خاطري مُو حلو الإحساس لما تشوفين جهدج يضيع وماله أثر بسْ بعد شسوي ما قدرت أتذكر مع إني بعد موقفها تذكرت وكرهت غبائي وحلينا - أنا ومجموعتي - كل المسائلْ لكن استغرقنا حصة كاملَة أتوقع إني على الرغم من انه الإجازة على الأبواب إلا أني بذاكر وحدَة التكامل كلها ، إيه صح في شي أعجبني اليومْ أثناء أستاذة الرياضيات ما تصحح دفاترنا . . مرت على دفتر صديقتي وكان مليان رصاصْ قالت لها حبري ليش ما تحبرينْ فردت عليها بخبر خواتي يحبرون لي قالت أيوا تستفيدين من خواتج وبعدين جاتْ عندي كان فيه كمية رصاصْ قالت لي وأنتِ ؟ قلت لها ما عندي خوات أكبر مني فضحكت تقول في بنت كنت أدرسها اكتشفت انه شغالتهمْ تعرف ترسم . . فكانت تخليها ترسم لها الخرائط + الرسوم البيانية + تزين دفاترها وإلخ أعجبتني الفكررة بقوة بكذا نقدر نطلع مواهب المُساعدات . .
مُشتَاقة لي يا جميلَة . . ؟