منذ /06-05-2011, 01:41 PM
|
#8
|
بنوتة SpeciaL
صعبة المراس ؛)
|
وعليكم السلام ورحمة الله وبركاته ..
ما عليه الغاليه رمسة الناس تزيد ما تنقص ولكن أهم شي
فديتج ناخذ منها الزين ونترك الشين ..!! يعني اذا الناس قالوا عني
1 ‘ 2 3‘ .. لازم قبل ما نزعل أو نضايج نفكر في كلامهم بعيد عن المشاعر
ونشوف اذا صح او غلط .. وعقب نقرر شو نسوي ..
شوفي حبيبتي نحن مب عايشيين بروحنا فالدنيا فلازم كل شخص يراعي عاداته
وتقاليده ويبيض ويه هله دووووووم ... ودام وايد قالوج انج متغيره فانتي فعلا متغيره ..
يمكن انتي بتقولين ليش انا علقوا علي وغيري لا ..؟؟
تعرفين ليش ؟؟
لانج بنيه عاقله وزينه فما يتوقعون منج الا كل شي زين اما غيرج عادي ع قولتهم
" ما على الأعرج حرج "..!! فصدقيني عشان جيه .. مب لانهم يبون يضايقونج أو
يركزون عليج انتي بس .. وفي نفس الوقت لا تسمحين لاحد يسير حياتج وسوي
الي انتي تبينه مب اللي الناس يبونه ولكن بشرط يكون يرضي ربج ويوافق عاداتج وتقاليدج ويناسب
شخصيتج العاقله المتزنه الطيبة 
|
|
|
|