[شغب أقلام]

موضوع رآئع بحق
ما أنكر انو اللي قلتيه ينطبق على اغلب الطالبات
بس احنا نعرف ليش هما كذا ؟
ليش هما مو زي طالبات اليابان في جدهم واجتهادهم ؟
قبل مانجيب حل للمشكلة خلينا نعرف اساس المشكلة من اصلو
السبب الرئيسي اللي يخلي الطالبة متكاسلة مهملة للدراسة
المدارس نفسها + اسلوب المعلمات
ما اعمم على المدارس كلها ولا اعمم على المعلمات كلهم
لكن خلونا نتكلم عن الاغلبية
نبدأ في المدراس
المدرسة هوا الشي اللي يخلي الطالبة تهتم بالدراسة
كيف تبغون طالبة تذاكر ومجتهدة في دراستها وتشارك ,, والفصل نفسو مكسر وخربان
اذا احنا في نص الصييف ويجي فصل ما فيه مكيف ؟؟ بالله تقدرين تشاركين في جو مكتوم زي كذا
فوق كذا تلقين 40 طالبة في الفصل
يعني بالاصح سوو البيئة المناسبة للدراسة عشان نتفوق
نجي للمعلمات
تخيلي شعور بنت شطورة ومؤدبة ودرجاتها فل وفي النهاية تجي بنت تستهبل على الاستاذة يتخاصم الفصل كلو ؟ ولا ينقص درجات ؟
مو ظلم ؟ بعدين لازم المعلمات يدونا الحافز اننا نشارك ونجتهد ؟
يعني حتى لما يدونا هدايا ونفرح فيها ليش يختومنها ب ( احمدو ربكم جبنالكم هدايا) أو ( تراكم ماتستاهلونها بس رحمناكم ) ؟
بالله هذا الشي حيخلي الطالبة تجتهد وتذاكر اول بأول ؟
زيادة على اني ما ابغى اتكلم عن الفاظ المعلمات الجمييلة جدداً << والعكس صحيح
اقوى مثال عندكم مدارس اليابان
اهتامهم بالمعلم اكثر من الطالب ؟ لانو المعلم هوا اللي حيبني الجييل
اتمنى تتقبلي رأيي
ما اقلكم الغلط من المعلمات والمدارس بس
حتى الغلط من الطالبات نفسهم
موضوع جا في الوقت المناسب مرره
شكرا بحجم السمآء