SMS : على قدرِ طمُوحنا نحصدْ !
. . جايَة أفضفض عادي ؟ الحمدُ لله انتهينا من أثقل أسبوع ما كانت فيه إجازات وكلها مواد أدبية ! وكل حد يسألني عن الامتحانات أقوله الحمدُ لله وأكتفي لأن جد جد مستوى امتحانات هالعام أثقل من أي عام الأسئلة البسيطَة صاروا يحورونها المواد اللي ما فيها غير حفظ وتسميع صرنا نحتاج نحلل ونفهم الامتحانات صفحاتها ما تخلص - ما بين 9 إلى 15 - صحيح الإجابة في نفس الورقة وبالتالي ياخذ مساحة بس يظل ! وحتى أكون عادلة فيه كمية محترمة من الأسئلة البسيطَة يعني مو كل الامتحان صعب ^^ عربي ! في سؤالين يصح فيهم اجابتين بس ما يقبلون غير وحدة وهنا الطامة الكبرى أنا ناقصة أكثر عن 6 درجات وبكذا طلعت من عالم الـ 99 وفي المهارات راحت درجتين عل سءال اختياري غبي >< والانجليزي درجة ونص على الفوكاب الثقيل فعلاً واليوم هذا وطني ما عارفين الصح من الخطأ السؤال الواحد 4 بنات مجاوبين بـ إجابات مختلفة أما ظواهر الغش الجماعي وطلاب توصل لهم نماذج الاجابات قبل ما يمتحنون فحدث ولا حرج رغم تشيد الوزارة والإجراءات الجديدة اللي عملتها حتى توقف الظاهرة عند حدها ! ومع ذلك نقول الله ما يوفق اللي يغش ودامنا تعبنا وكدينا أكيد بنحص إن شاء الله أنا ما أريد شي غير إني أنقبل بالتخصص اللي أريده خلاصة الموضوع بحكم إني أكتم على أهلي سالفة غلطاتي وودي بس أفضفض حتى ما أحس بالذنب يعني قمت وكتبت هنا على فكرة أنا طول الوقت متفائلة وأحمس نفسي وغيري ومهما يكون صعب أقول سهل بس الحين حبيت أغير جو عشان أقدر أتفاءل بقوة أكبر دعواتكم لنا السبت بنبدأ أول وأحلى مادة علمية ( الرياضيات )
مُشتَاقة لي يا جميلَة . . ؟