[Ηάјег ₪]

البآرت آربع وعشرون\

اليوم التالي
ام تركي وهي داخلة غرفة تركي:تركي . . الحمدلله ع السلامة وحظنته
تركي مبتسم:الله يسلمك
بوتركي:الحمدلله ع السلامة
تركي: الله يسلمك
ام تركي:طمني يمه شلونك الحين
رجاوي وهي داخلة ومعاها كوبين نسكافيه :اسمر من داخل احمر . . السلآم
الكل:وعليكم السلام
ام تركي:وانتي يابنتي ماتجوزين على استهبالك؟ . . شوفي بتعرسين ولا تركتي الهبال !
رجاوي وهي تعطي تركي الكوب:لا مستحيل ما اصير رجاوي اذا تركت العبط و الاستهبال
ام تركي:الله يهديك
تركي من قلب:آمييين
رجاوي بنص عين:خييير شايفني مجنونة !
تركي يكلم امه:والله مجننتني هالبنت مع اني احبها
رجاوي تدلع:يحق لك
تركي:خلاااص ماقدر انا بتهور
ام تركي تضربه بخفيف ع كتفه:وانت بعد ناقصني تفضحنا بالمستشفى
رجاوي تمد لسانها مثل الاطفال:.....
بعد دقايق دخل بوعبدالله و ام عبدالله و عبدالله و رنا و وليد اللي أصررت رنا تجي مع اهلها:السلآم عليكم
بو تركي - ام تركي - تركي - رجاوي : وعليكم السلام
رنا تجلس جنب اخوها:الحمدلله ع السلامة
تركي:الله يسلمك
بو عبدالله - ام عبدالله - عبدالله - وليد:الحمدلله ع السلامة
تركي: الله يسلمكم
رنا:شخبارك في شي يألمك بس قول لي
تركي يطالع وليد اللي عيونه كلها نوم وباين تعبان بس صابر عشان رنا:تمام كان جيتي بالعصر ولا الليل . . شوفي زوجك وشلون متعبته الله يفشلك
وليد وهو يتثاوب وتمغط:لالا لو ماجبتها بتسوي لي مناحة . . امس فشلتني الا تبغى تطلع من المستشفى اقولها انتي مجهضة تعاند وتقول الا اطلع وطلعتها شسوي بعد
الكل باستغراب:مجهضة!!
وليد تورط وماعرف يرد
رنا بسرعة:اي توني بالشهر الاول بس طحت من دورة المياه اكرمكم الله و اجهضت . . لاتخافون عادي اول مرة تحصل وبعدين الله كاتب هالشي
الكل:الحمدلله ع السلامة
رنا وهي مرتبكة وتطالع وليد:الله يسلمكم
رنا حست ان وليد تعبان و ماله خلق و تبغى تتخلص من الاسئلة اللي بيسألونها شلون ومتى اجهضت:يلا وليد . . استأذن
الكل:اذنك معك
طلعو وركبو السيارة
رنا:وليد . . امم انا ما اقدر اعيش مع امك بالبيت
وليد بحدة و كل الشياطين براسه:عارف . . ولاتكثرين حكي انا واصلة حدي واي كلمة تحملي وش عواقبها
رنا ارتعبت من صوته ومبين انه مرة تعبان و متنرفز:طيب
وصلو الفندق وعلى طول رمى وليد نفسه ع السرير بجزمته(اكرمكم الله) و ملابسه اللي ماغيرها من اول ماطلع من البيت لليوم ونام
دخلت رنا وهي بحيرة وكيف وليد بالايام هذي واصلة معه شالت جزمته و بدلت له ملابسه و غطته
و هي بدلت ونامت
اليوم التالي
طلع تركي من المشفى وعلى طول اشتكى ع هاني ومسكوه واعترف بكل شي وكتبوه تعهد
بيت بو وليد
ام وليد تبكي ع ولدها اللي مسكوه بتهمة تحشيش و اكتشفو انه راعي علاقات اهو وشلة معه واكتشف وليد يوم بيعالج نفسيته وهو مسجون انه اخوه وخبر اهله اما رنا ماتعرف شي:جيبو لي ولدي . . ولدي اللي ماشفته من سنين
بو وليد:لاهو ولدنا ولانعرفه . . انا تبريت منه . . وبعدين وش لك بولد راعي مخدرات و بنات ومادري ايش
ام وليد:مافي ام تكره ولدها . . ومافي ابو يكره ولده . . لاتكذب وتكابر يابو وليد . . لازم نطلع ولدنا ونعالجه . . لازم نخليه يعيش بيننا لازم
وليد وهو داخل:السلام
ام وليد:تكفى وليد طلع اخوك وخله يتعالج بس لاتتركه
وليد واخلاقه زفت:يمه انا جاي اقول لكم ان وليد سفروه اهو وجماعة من المدمنين لـ بريطانيا عشان يعالجوهم وبعد فترة بيرجع لنا وانا مكلمه وهو تفهم و كلمت واحد من الاطباء اللي ببريطانيا ووصيته فيه وتفهم للوضع وانشالله 5 شهور وراجع هذا اذا استجوب للعلاج لأن الحالة النفسية اهم شي
بو وليد:هذا شفتي وولدك وسفروه وش تبين بعد
ام وليد توجهت لغرفتها وهي تتمنى تشوف ولدها اللي من سنين ماشافته
وليد:يلا انا اسأذن
بو وليد:اذنك معك
توجه وليد للشقة
دخل شاف رنا وهي سرحانةابتسم وهو ماله نفس بس ماقدر يتركها كذا ومايكلمها:وين وصلتي؟
رنا:.........
وليد بأيده يأشر:هلووو
رنا ارتعبت بس بسرعة تغيرت ملامحها للحزن:......
وليد جلس جنبها:الحلو زعلان !
رنا:وخر عني انت لك فترة ماتكلمني ورافع خشمك علي . . خلاص حتى انا بسوي مثلك
وليد تنهد:. . والله وش اقول لك اذا قلت لك السالفة بتتعجبين كثيير واخاف تصيرين مثلي مهمومة
رنا رفعت حواجبها وهي مغمضة:خلاص لاتكلمني انا ماراح اكلمك
وليد:رنووو يلا عااد . . المفروض تجين تواسيني تجين تقلبين عليّ
رنا:........
وليد:خلاص زعلت انا
رنا بسرعة:لا . . وش فيك فضفض
وليد ابتسم: والله . . . . . . . . . . . . . . . .

الساعة 8 مساءً
في المول
البنات داخلين نعومي هذا المحل اللي أجلووه فترة < يعني اني يستحون
فطوم وهي تكلم جراح ومبين انهم زعلانين من بعض : جراح خلاص انا جالسة اتسوق . . كلمني بعدين
جراح:لا ماراح اسكر الا لما ترضين . . انتي ماتتصورين قد ايش مشتاق لك
فطوم شهقت يوم شافت رجاوي تأشر لها على ثوب نوم وتأشر لها بـ لا : ايوا . .
جراح:وش فيك شهقتي؟!
فطوم وهي ماتدري:ابد رجاوي تبغاني اخذ ثوب نوم خالع اشرت لها بـ لا
جراح:خلاص انا بكلمها وبخليها تشتريه
فطوم:ماراح البسه
جراح:تتحدين
فطوم:اتحداك
جراح:اول ليلة ماراح تشوفين الا هاللبس و قولي ماقال جراح
فطوم خافت :لالا خلاص . .
جراح:ابغا ثوب نوم اول ليلة قدع مو تجيبين لي ساتر
فطوم انحرجت:جراح . . بعدين اكلمك خلاص ترا استحي
جراح:فديت اللي يستحون . . يعني رضيتي
فطوم بدلع : ايوا
سكرت الخط واتجهت لرجاوي وودها تذبحها:انتي ما شفتي الا هالفستان تفضحيني فيه جراح بيكلمك تشترينه لي وان نفذتي كلامه يا ويلك والله لأذبحك
رجاوي مييتة ظحك:هههههههههههههههههههههههههههههههه
ملاك:بس فضحتونا
رجاوي:هههههههههههههه . . ماني قادرة مادري شفيني ههههههههه
شهد تركض : بنات بنات مو كأن هذا ترووك و رنووو جايين
رجاوي:ياويييلي اذا شافني بيسحبني وماراح يتركني و راحت زاوية تنخش فيها

عند تركي و رنا
رنا:اممم شوف هذاك حلو امش اخذه وياويلك تخرب الخطة
تركي:اووكي بس خلصيني احس مكاني غلط كله بنات ومافي الا كم رجال
جات لهم شهد:تروووووك من هذي . . هذي مسيار . . هههههه
تركي:شـــــــهد ! . . ياويلك لو فضحتيني اني هنا والله لأذبحك
رنا:تلف وتشوف شهد . . شهد ياويلك ان قلت عنا شي جالسين نخطط حق رجاوي ونشتري لها ثوب نوم
شهد:اممم عطوني مقابل
تركي سحبها وطيرها بعيد ورجع حاسبو وطلعو وتركي كأن هم فوقه وانزاح
رنا تكلمه وتعلمه وش يسوي وهو كأنه بزر يقول اي او لا

عند البنات
ملاك:وين رجاوي؟
رجاوي:هلا
ملاك:امم شرايك بهذا حلوو وياويلك ان قلتي وع انتي ما اخذتي شي اخذي لك ع الاقل ثلاثة وبعدين نروح محل ثاني
رجاوي:خلااص حلو امشو خلصوني . . ماشالله عليكم مابقى شي ماخذتوه استحو شوي
البنات:يلا مشينا نحاسب
خلصو البنات وكل وحدة رجعت بيتها
عند شهد كانت تكلم تركي
تركي:يابنت الناس افهمي انا مشغول اول زواجنا يمكن بعد شهر اصير فاضي
شهد:لاتفكر اني ميتة عليك بس ودي استانس برا واسافر
تركي:يالييييل . . طيب اوامر ثانية بابا
شهد تنرفزت:اي
تركي:وشو امري
شهد:مايصير ماتجي البيت امي شكت انك ماتبغاني ولو سمحت شرف عندنا
تركي " يآليييييييل على هالاوامر":طيب بكرا من 9 بكون عندك وماني طالع الا 1 تبين شي ثاني
شهد"اورييك انا تحسبني بزر . . هين":ايوا ولوسمحت هالهدايا تقطعهم خلهم لك افضل شايفني بزر اسكت بهدايا وبس لا يا قلبي العب ع غيري مو علي انا
تركي"ركز ع كلمة قلبي وحس بشعور غريب":تامرين امر وبعد
شهد بدلع:وبس
تركي سكر الخط وكمل نومه اللي قطعته عليه
شهد"انا اوريك ان ماخليتك تتعلق فيني . . اصبر بس"




اليوم التالي
تعذرت شهد للبنات انها مو طالعة معهم وقالت لهم يجيبون فستانها بطريقهم
وتجهزت من الساعة 5 عشان يمديها تعرفون كل شي ولا المظهر
لبست فستان تركواز قصير ل الركبة ومخصر ع جسمها و طقم الماس و سيحت شعرها اللي واصل لنص ظهرها ولونه الاسود اللي يقول شعر بدوية تعطرت بأقوى واثبت عطر عندها وحطت ميك اب خفيف ابرز انوثتها وهي تتوعد في تركي واخيراً خلصت الساعة 8:30 نزلت وشافت الخدم و تأكدت ان كل شي جاهز اخيراً وصل تركي و دخلته المجلس الخدامة و بعدها دخلت شهد بدلع وهي منزلة راسها بالارض وماتوقعت انها بتخجل ضيفته
تركي تعلقت عيونها بالجسم وفحصها فحص دقيق و آسره الخجل اللي ماتوقع منها تخجل منه:كيفك؟
شهد وبصوت غير مسموع:تمام . . وانت؟
تركي وهو بعالم ثاني:تما..م . . ليه جالسة بعيد؟
شهد:. . . .
تركي:طيب ارفعي راسك خليني اشوفك قرب منها ورفع راسها و انصدم من جمالها وكيف تشبه لأخوها انور كثيير بس عيونها شكل ثااني وغرق بلون عيونها العسلية سرحو في بعض وقت و ماصحو الا بدخو شخص
. . . .:هلا والله بالنسيب
تركي بعد عن شهد اللي شوي ويجلس عليها:هلا . . هلا اخبارك؟
انور:بخير . . انت كيفك
تركي وهو مرتبك : خير . . خير انشالله
انور استغرب منه واستأذن وطلع يكمل شغلته اللي هي الفرارة وترقيم البنات



عند البنات بالمول
ملاك:مسكينة ياشهد اخيراً شرف خالي وجا لك
فطوم:ايي والله ماسمعتيها وشلون فرحانة وهي تقول لي اخذ فستانها
رجاوي:ياعيني عليها الحين شكلها لاعبة فيه لعب وهو رايح فيها
نور:امشو هالمحل ناخذ لنا اكسسوار
البنات:يلا

بعد مرووور الاسابيع و اخيراً باقي يومين ع العرس
شهد تحسنت علاقتها مع تركي
و فطوم كمان مع جراح
والكل تمام التمام

انتهى البارت