وتحت ع الغدا عند بيت بو هزاع
شوق : هزاع اليوم العصر بنسير المول عشان ناخذ لنا لبسه لعرس الريم
مريم : منو الريم وانا محد عزمني
شوق : الريم اخت ربيع هزاع ,, الي سرنا عزا ابوهم من زمااااااااااااان
مريم : هييه بس أي وحده فيهم
هزاع : ههههههههههه لا بالله اكلت اليوم
شوق : الريم الي كانت تدرس في الامريكيه ضنتي خلصت ,,
مريم : هيييييييييه عرفتها السمره ؟
شوق : هيييه هيييه هي هذي
مريم : وانا محد عزمني جيه ماتخبروني
هزاع : انتي كنتي راقده وامس خبرنا منصور
مريم : خلااص مابسير اساسا مرت عمي تباني اسير وياها نسلم على حرمه مربيه
هزاع : يعني منو بسير بس هذي ومهرووه ؟
شوق : شكله جذا ,,
هزاع خلااص العصر بنسيير ,,
وبعد الغدا سار هزاع يرتاح ومريم سارت عند شوق يسولفون وشهد كانت فبيت عمها تباات عند عيال عمها الي بسنها ,~
فبيت بو بطي ::
بعد الغدا سولفو مع ابوهم عقب راح بطي يرقد ومهره سارت وراه بس دخلت غرفته
بطي : خير الشيخه نسيتي حايه فغرفتي ؟
مهره : لا بس اريدك برمسه
بطي : شوفي فيني رقااد بس بسمعج << لانه حس ان شوق في السالفه
مهره : بطي اخويه ,, تراني بديت الاحظ عليك حركات تظهر منك لشوق ,,
بطي وهو مرتبك : أي حركاات ,, مهره تعرفيني احب العوزج والعوزها القطوه هااي
مهره : بطي حبيبي انا اختك ولا تخبى عليه شي ,, قولي لي الصراحه ,, انت تحب شوق ؟؟
بطي وهو مرتبك وباين هالشي ع ويهه : هااه لالا عادي اصلا انا احب العوزها وبس
مهره : يعني ماتبا ترمس ,,
بطي : قلت لج يااخي ماافي شي ,,~
البارت السابع
وظهرت عنه اخته وراحت غرفتها ورقدت لين العصر ,,
شوق قاعده تتجهز لانهم بيظهرون ,, لبست برمودا وبنيه وعليها خطوط ورديه وحزام وردي ,, وبلوزه ورديه ساده وفيها ورده ,, ولبست عبايه مسكره ساده وشيله ورديه وعليها وروود بالبني ,, ولبست سلسله طويله فوق العبايه لونها وردي بعد وجوتي عزكم الله وردي وعليه ورده جوتي كعبه صغير وتجحلت وقلوس ونضاره شمسيه وهاند بااج بنيه وفيها سلاسل ورديه وسوالف ورديه بعد ,, ونزلت تحت
هزاع : ها شوااقي خلصتي ؟
شوق : يس فدييتك
هزاع : اتصلي في مهره وشوفيها لان بطي قال لي انه بيطلع من الصلااه وبيسلم ع يارهم وعقب بنمر عليهم
شوق : اوكي برمس هااي واحسااسي يقول بعدها ,,
اتصلت شوق لمهره وردت مهره
شوق : مرااحب السااع
مهره : مرحبتين هلااا
شوق : هلا فدييتج ,, خلصتي ولا بعدج ؟
مهره : يس خلصت بس باقي لي جحال وقلوس واختار لي شنطه وجوتي وانزل
شوق : لا والله لين تختارين وتسوين يبالج ساعه
مهره : شواقي فدييييييتج ياربي شرات بطوي انتي لاتذكريني فيه
شوق : هههههههههههههههه لييش يعني بلاه ؟
مهره : جذا حشره وكل حين يقول شي
شوق : اوكي اوكي يالهاديه ,, بخليج بس الساعه خمس ضببببببببببط احنا عند بابكم
مهره : اووكيي بباي
وسكرت عنها وراحو السياره وهالمره هزاع سااق
هزاع : شوق بتقعدين حذالي لما بي بطي ؟
شوق بخبث : اكيد هييه خخخ
هزاع : عاد مايخصني لو أذاج بطي برمسته
شوق : لالا مابيقدر ,,
ووصلو صوب بيت عمهم وطبعا شوق راحت ورا وبطي قعد حذال هزاع والبنات ورا
في الدرب
بطي : شوفو رحلتنا لليوم بنسير أمارات مول ,, وغصب عنكم يعجبكم كل شي
هزاع : هههههه صح صح مافينا انسير انحوط ومادري شو
مهره : جان قلتو ولا ييينا مع محسن احسن << محسن سواقهم
شوق : شوفو بما انكم تحملتو اتيبونا تحملو كل شي
بطي : صح سمعو ماعندنا بنات يتحوطن بروحهن من مكان لمكان ,,ومن تنزلن تتغشن
شوق ومهره : شووووه لالالا مايصير
مهره : أنا مأشوف لما أتغشى
هزاع : وكيف بتشوفين وانتي لابسه نضاره ومجحله عيونج
مهره : لالا اشوف بس الغشوه لاا
شوق : صح صح مانبا غشوه ويمكن وحده تستدفش وتطييح شو بتسون ؟
بطي : هههه بنشلج لاتخاافي بس تغشيين
شوق مستحيه : اوووويه فشللللللله اطيح وانش ولا اطيح وتشلني
كلهم : ههههههههههههههههههههههههههههههههههههه
وصلو المول والبنات يحوطون من مكان لمكان وخذو بس النعول عزكم الله والاكسسوارات وخذولهم شنط وشيل ,, وباقي لهم اللبسه وبس ,,
شوق : حشى مافي شي حلو
مهره : بوديج مكاان بتعيبج سوالفهن
شوق : يلا بس وينه ؟
مهره : امشي وانتي ساكته
هزاع : اففففففف انا تعبت الحين كل هذا وبعدكن ماخلصتن
مهره : بس باقي شي وااحد تحملوو
بطي : اففففففففففففففففففففففف انا خلااص ماأقدر بسير أقعد
هزاع : يالخااين بسير ويااك
شوق : ومنو بيسير ويانا
بطي وهزاع : خخخخخ محد
هزاع : شوفو بنات احنا بنقعد وانتو سيرو بس لاتبتعدون ولاتسون شي ولاتنزلون غشوتكن ومحد بسويلكن شي
بطي : وان حد سو لكن شي سولي مسكوول
مهره وشوق : اوكي تم
راحو البنات عند المحل الي قالته مهره ودخلن وخذولهن فستاان هاادي وكيووت وعقب سارو المحل الي حذاله وخذولهن بدليتن وتنوره يطقمون فيها ,,
وهم وظاهرين ,,