[Ms.abeer]

__________________________________________________ __________ السلام عليكم ورحمة الله وبركاته صَبحاكنّ ، مَسائكُن : عُنوان للفَرح *أعتذر عَن الّتأخير ، بس عاد تعرفون حوسة العيد وضيوف جايين وضيوف رايحين يَوم الثُلاثَاء:1\10\1432ه الّساعَة - 4:47- مِن هُنا بدأ يَومي )= طبعاً كَالعادة محدن في البيت نام عدل يعني كل شوي حد طالع من غرفته المهم على أذان الفجر ، قُمنا نتجهز لصلاة العيد تكشخنا ولبسنا وطلعنا..رُحنا مسجد ابن كثير وها صورته: الصورة مشوشة لأنهم راحوا وتركوني فقلت ألحقهم أحسن لي دَخلنا في نفس الوقت اللي دخلوا فيه جيراننا سلمنا عليهم ودخلنا عالمصلى اللي جوى، صورت لكم السجادة .. أصلا شكلي وأنا ماسكة الكام خلى الحريم يشكون إني بصورهم طبعا عند الباب اللي بره كانوا مجموعة بنات يوزعون هدايا للصغار صورت هدية أخذها ولد أختي.. ماقدرت أصور شكل الألعاب وهي بره لأن زي ماقلت لكم أحس الكل بيطالعون فيني وكأني بصورهم هذا خلود باللبس الحجازي"السديري والعمّة" قولوا ماشاء الله شويَ جات صحبة أختي وهي من جيراننا وجو أهلها كُلهم قعدنا نسولف لين ما بدأت الصلاة صلينا وقعدنا لنهاية الخطبة ثمن خرجنا صورت لكم المسجد مرة ثانية في هَ الصورة بس طالعوا في اللي فوق ترى هو اللي كُنت قاصدته مب الشي اللي تحت لفينا بالسيارة على جهة الرجال كانوا يرقصوا عالمزمار ومعاهم العصي..بس ماقدرنا نشوفهم عدل هذولا البنات كانوا يتفرجون عالرقص اللي تحت رجعنا البيت ونزلوا أخواتي الثلاثة كل وحدة كانت تبا شي من البيت عشين كذا رجعنا..أستغليت الفرصة وصورت شنطة أختي. يوم رحنا بيت جدتي صورت لكم الزينة اللي مسوينها وهذي البلونات اللي اتفقعت في الليل قولوا ماشاء الله"هذي عمتي وبنات عمتي الثانية جايبين هَ الفكرة وكاتبين أسماء العايلة في هَ القلب ، وماشاء الله كل سنة تزيد الأسماء"الله يحفظنا".. عجبني شكلها وصورتها هنا في بيت عمتي تحت اتقهوينا وأكلنا الشوكلاتة وطلعنا عند جدتي فوق.. هذي كُلَها صورة البلونات خرجت مع بنات عماتي وصورت وهذي الشوكلاتة اللي فوق موزعينها مع القهوة قعدنا نسولف الين ما اكتمل العدد وحطينا الفطور وهذي صورة الحلاوة ، ترا حتى نحن الكبار ناخذها ونمصمص فيها بعد الفطور قعدنا للشاهي وكذا.. بعدين خرجنا ورحنا بيت جدتي الثانية وهناك والله كان حيلي مهدوود فما صورت أي حاجة. قعدنا وأخذنا عيديتنا من خوالي وبعدها ردينا البيت ونووم إلى بعد العصر قريب المغرب قمنا وصلينا ورحنا نفطر طبعا خالي كان نايم عندنا عشين كذا الرجال لحال ونحنا لحال بس أمي ومرت خالي ماجو فطروا. أنا قمت أجيب الكاميرا وأصور الفطور وهاتك ياحش من بنت خالي وأختي عبالهم مجنونة أنا الملوخية شي أساسي يوم العيد والطحينة كمان بس أنا ما أكلها وهذا الحليب بالشاهي على أذان المغرب قمنا صلينا وخالي كان رايح يعيد على خالاتي فقعدت أختي تستشور لبنت خالي شعرها"تعدل عليه" وبعد ماراحوا قمنا نتجهز نحنا لبسنا ورحنا بيت جدتي ، مرة أتونسسنا هناك..شوي شوفوا مين دخل علينا هههههههه،هذي وحدة من مفاجأت عمتي الله يسعدها .. قبل ما نبدا البرامج قلنا نتعشى أحسن عشين نتنشط وبالفعل أتعشينا وهذي صورته العشا اللذيذ ماشاء الله كان طعم مراا مع إني أحيانن ما أحب آكل الرز كذا. أتعشينا وبدأت الفعاليات والبرامج .. أول شي وزعوا علينا أوراق صغيرة ، الأوراق مكتوبة فيها أسماء بنات العيلة وتحت كل إسم معناه ومكتوب رقم عالورقة موكل وحدة تاخذ إسمها يعني موزعينها عشوائي وعند عمتي كان فيه صندوق أول شي كانت تسحب رقم واللي ورقتها مكتوب فيها هالرقم تنسأل سؤال وإذا جاوبت تدخل عمتي يدها في الصندوق اللي عندها طبعا بدون ماتطالع وتخرج حاجة لزيزة وتعطيها للي جاوبت.. البرامج كانت ششي ماينوصف يعني جد إستمتاع آخر درجة والحمدلله كان شي جميل هالتجمع الله يبارك للجميع أعيادهم.. وصلنا البيت تقريبا الساعة -2:45- غيرنا وبعضهم دخلوا يناموا والبعض الآخر يستنون الفجر وهذا كان آخر مقتطف من اليوم الأول في شهر شوال - إنتهى - شُكرآ لِكُل من خش هنا مع الّسلامة ~

المصدر: منتديات بنات دوت كوم

---

ud]kh HpgQn >> ,hgX,'k HygQn ♥

الموضوع الأصلي : عيدنا أحلَى .. والْوطن أغلَى ♥ || القسم : مُستظل لِ أرواحٍ حالمة || المصدر : منتديات بنات دوت كوم || كاتبة الموضوع : Ms.abeer