SMS : | يا قلْـب .. لنَـا الله |
للأسف الشديد ما كنت أبغى أبدأ في متنفس جامعيات ببداية زي كدا بس الـشي دا لازم منو ما دام إني في كلية هبلة لا تقدر إنو اللي بيدرسوا فيها أوادم مو آلات أول حاجة قصة إننـا نلفلف المبنى كلو ندور على قــآعة أوو آسفة أقصد غــرفة أو فصل و ليست قاعة لا و بالنهاية ما نلاقيها ,هدي مصخرة كفـآية يعني إش يكلفكم لو تطبعو ورقة فيها أرقام القاعات و أسهم و اتجاهات كلها ورقة بيضــآ و حبر أسود و صلى الله و بارك شغلة تانية جابتلي المرض اليوم إنو من 9,30 إلى 1,30 و إحنا فاضيين مو فاضيين عشان عندنا بريك , لا أول شي الساعة 10 محاضرة استنينا الأخــت ما شرفت و لا حتى بلغتنــآ قلنــا تحصل في أحسن العائـلات .. محاضرة الساعة 1 .. برضو بنستنى حضرة الدكتورة مدري الأستاذة تشرف و مـاشرفــت و نفس الحكاية مع الحاسب لو إننا ماتداركنا الأمر و رحنا سألنا ! يعني أبغى أفهم شي واحد في كل كليات الدنيا الأساتذة يحطوا اعتذار أو بلاغ إنو احنا مو موجودين إلا المدري اش شكلهم الي عندنـــآ ! يعني سلاامــات !! كلها ورقة بيضا و حبر أسود ! فعرفت إنو في أزمة أحبار و أوراق و طابعات بناء على ذلك قررت أسوي مشروع تبرع خيري اللي عندها طابعة محروقة أو أوراق مخرمة أو حبر أسود مخلصة صلاحيته تحطوا عندي و أنا أوصلو للجهــات الآنفة الذكــر حرقوا أعصابنا و احنا لسا في تاني يوم يعني كــأنو بيهيؤونـا لما هو آتٍ و ما هو أفظـع سوري إذا ضيقت خلقكم بس ما أقدر أتنفس إلا كدا و دعـواتكم و ألف مبــارك لكل المستجدات و ربي ييســر أموركم و تكون أيامكم الجامعية أحلى أيّـام و الجميع يـــا رب بـــالتوفيق إن شاء الله مســـآ السرور و كل عام و إنتو بــألف خير ,