[حلوة الإحساس]

اللؤلؤه الفضيه ..

أهلا اهلا



.
.
.


نسييييت اخبركم..لما خلص العرس ورحت عشان ارجع الخيمه ..الكووشه هذي اللي تحت الفستان كل شوي وتنزل وتنزل لين ما وصلت للركبه ....
مشييت وانا مااسكه فيها بخمس الاصابع..

فشششله ...



.


.


يوم ما نزلت عشان اركب السياره كنت خجلاانه ..كل الناس احسهم
يشوفوني هنود على عرب والمكان زحممه ما يستحمل ان الناس تنتظرني عشان
يزفوني الطريق ضييق ..

مثل ما كنا نحنا ما نصدق نشوف عروسه ..والكل ينادي عروسه عروسه
ونظل نشووفها لين ما تغيب عن نظرنا ..


المهم بدت الزفه ومشوا السيارات ورانا ...

بس ابوي ما راح معانا ..رجع روح البيت ..()

لما طلعنا شوي من الزحمه ودخلنا على كورنيش ابوظبي ..بدأ التزمير...



بيب بيب بب بب بيب...بيب بيب بب بب بيب

والناس اللي في السيارات اللي مش معانا ..صاروا يزمروا تضامنا معنا ....
وتحاول السيارات تقترب من سيارتنا ..وترفع اصوات الاناشيد ..وتأشر لي ..



هذي صورة الكورنيش ..اخذتها من النت..


http://www3.0zz0.com/2011/09/13/21/766273136.jpg



ولما وصلنا لآخر الكونيش منطقه كااسر الامواج ...لفينا علشان نرجع...ولا نحنا ما نشوف غير سيارة الشرطه ورانا ...


انا قلت شو هاااا ..كمان الشرطه بتزمر معانا ....

ولا ما اصدق اللي صار ..راحت وقفتنا ...


وقالت ..لو ما اتوقف اصوات التزمير هذي ..بنحاسب العريس ..
وطبعا نحنا ..قلنا احسن ما يكون اول ليله لنا في الشرطه ..طلبنا من الاهل انهم يوقفون التزمير ..

واللي بعضهم يحاول يخوفنا ويزمر...ونحنا ..نتوتر ..ونتصلهم خلاص خلاص ما تزمروا




وبعدين مشينا ..من غير صوت ..محترمين مؤدبين ..لين الفندق ..

فندق شنغريلا ...كان اول مره اشوفه ..ولا قد سمعت عنه إلا قريب العرس

وصلت وانا ما ادري وين انا ..ما لاحظت حتى جمال الفندق وفخامته ...



كنت متغشيه ..وقاعده ألحق زوجي بس عشان اوصل الغرفه ...

وكانوا ورانا الاهل عشان يسلموا علينا ..

حتى ما اعرف ان الباب ينفتح بالبطااقه ..يا سبحان الله

وتمينا ندور ندور على اللمبه ...وبعدين اتصلنا نسأل من وين يفتحوها..وطلعت جنب الباب ..

بس ما ادري اشتغلت بالبطاقه وللا انه ضغط عليها


اول ما شفت الغرفه ..اكثر شي شدني وعجبني ..الكيكه اللي حطوها وجهزوها ...مبروك الزواج


بس ما كان لي نفس ابدن اني اطعمها ...مع اني من عشاق الكيك بالشوكولاته

بس تعرفون توتر وقلق ..فضيع ..ولا هزت شعري الكيكه



خلوني اوريكم صور الفندق ...الصور اخذتها من النت ..


هذا المدخل ...


http://www3.0zz0.com/2011/09/13/21/276089956.jpg





وهنا الاستقبال ...


http://www3.0zz0.com/2011/09/13/22/459881846.jpg




وهذي الغرفه ....


http://www3.0zz0.com/2011/09/13/22/956277531.jpg




سلموا اهلي عليا ..وبعدين راحوا ..

وطبعا ..دعو لنا بالخير والبركه ...

وطبعا ما يخلى كلام من هالجمله ..

الله الله بفلاانه ..انتبه عليها




الللحيـــــــــــــن ..التعب والشغل اللي سويته لك العاملات في الصالون ...


لازم تتعبين عشان تشيلينه ...


وأكككثـــر شي يتعب ..التسرييحه ...



نصييحه نصييحه ..


يا إما تشيلي الدبابيس هذي اللي يحطوها في شعرك ..بمكان ما يشوفك زوجك..
او انك تقولين له ..قوم فز وساعدني ..بدل ما تشوف وعيونك متفاجئه ..من كثرها ..


كأنه مستودع دبابيس داخل شعرك



الغرررفه كاااانت بااارده ...ومع اني متغطيه بالبطانيه بس ..البررد مووت ..

لدرجه اني لما اتكلم فمي يرتجف تلقائيا ...وما عرفنا من ويين يسكروها ...

وزوجي يحسب اني امثل ..لان ممكن هو مش حاسس بالبرد مثلي ...

والكيكه ما اكلت منها ..كانت بطني تعورني ...


مع انها شكلها رهييييب ..وطعمها بااين انه حلو ..

هي شكلها مربعه ...وكلها شوكولا ..وداخلها مثل الشيز ..بس بنيي..ومش سميكه ..



المهم..وتميت بردانه ..لين الظهر..وبطني تعورني ..من البرد..

وبعدها فجأة زوجي قام يفتح البلكونا ...




اتخيلوا ...لما فتحها




هنا







اتسكر المكيف ...



قلت وين هذا من زمان ..


وشوي وقمت آكل من الكيكه ...

الله الله على طعمها ..ولا عمري مر عليا طعم مثلها ...
انا لين الحين ..ندمانه ان لما طلعنا ما شليناها معانا ..كان عباقي نصها ...

بعدين رحنا نتغدا ..دخلنا البوفيه ...يالله ما احلاه ..



هذي الصوره كمان من النت


http://www3.0zz0.com/2011/09/13/23/357686183.jpg



http://www3.0zz0.com/2011/09/13/23/533870063.jpg





وكنت ادور وين الشاي والقهوة ما في ..مش عارفه انه اصلا موجود داخل الغرفه ..
ما اكتشفت الا يوم سألنا موظف الاستقبال

ولما خلصنا نتغدي ..رحنا نشوف المسبح ...



وهذا المسبح ..من النت



http://www3.0zz0.com/2011/09/13/23/705610528.jpg


http://www3.0zz0.com/2011/09/13/23/669205799.jpg


بس ما عجبني ..لان الحريم خربوا شكله ..واتضايقت وطلعنا بسرعه منه

ولما وصلنا ونبي نفتح باب الغرفه بالبطاقه .. ما انفتح ...

وتم يحاول ويحاول ..


شكينا قلنا ممكن قاعدين نفتح غرفه مش غرفتنا ..

او الرصيد خلص من البطاقه



واتصلنا لموظف الاستقبال ..هذا اللي ما نستغنى عنه هههههه

وجا ..وشاف ..وقال ان موعدنا خلص وكان لازم نطلع من الفندق


رحنا قلنالهم اعطونا مهله ناخذ اغراضنا ونطلع قبل لا يحسبوا رسوم اضافيه ..



ما استمتعت في الفندق كثير ..لان طلعنا بسرعه ما لحقت اشوف الغرفه شوفيها ..
واشرب شاي او قهوه حتى ..واكتشفت ان في شوكولاته وعصيرات وشيبس...وانا ما ادري

ممكن اخذت شوكولاته معانا


سرعه سرعه وطلعنا ...


رحنا عند اهلي وسلمنا عليهم ..واشترينالهم هديه ..وبعدها رحنا بيتنا ..






وتوته توته خلصت الحتوته ....















ان شاء الله المره الجايه بخبركم على اشياء حلوة ..وتصرف يسعد العروسه والعريس واهله ..



وكيف تختارين يوم عرسك ؟؟..

وتكوني مررتاحه