[هٍمس الآحساس]

البارت الحادي عشر

مُتىْ نلتقُى؟

وأعٌلمكُ وشًكثرَ (مشتآِقُ ) !

وأبُينٌ غلآكٌ آلليُ سكُن"دآخل ٌأعمآِقيُ"

وأخُلىَ لقآِنآ [ ضمُ - ودفآِ - وعنُآقُ ]..

وإذاً قلُتليَ يكُفيُ .. قلتلكُ لاُ بعدٌ بآِقيُ..

يوم الاثنين

في المدرسة

سارة : بنات متى بيجي الخميس ><

امل : ههههههههه متمللة سارة

دشت ابلة الكيمياء

الابلة : السلام عليكو

البنات : وعليكم السلام و رحمة الله و بركاته

جواهر تطالع سارة و تبي تقولها عن الموضوع ...

الابلة : اللاه ايه ده دانا نسيت الاغراض امل تعالي هنا

امل : نعم ابلة

الابلة : روحي انتي و

طبعا البنات متحمسين كلهم يبون يطلعون

البنات : ابلة انا

الابلة : لأ تعالي يا . اسمك ايه

نورة : نورة

الابلة : تعالي يانورة ... شوفي حتروحي انتي و امل و قيبولي الاغراض بتاعتي

نورة : اوكي

و راحوا امل و نورة

هني لقت جواهر فرصة تكلم فيها سارة

جواهر : سارة

سارة : هلا جوجو

جواهر : عادي اسئلج سؤال صريح

سارة : قولي

جواهر : اذا تقدملج خالد بتوافقين ؟

سارة انصدددممت من السؤال نزلت راسها

جواهر : والله سوسو كيفج بس خلود يحن عللي اسئلج يقولي مايبي يتقدم و يتفشل هههههههه

سارة مبتسمه و ساكته

سارة ( و انا يحصلي يتقدم لي نفس خالد )

جواهر : سارة ؟

سارة هزت راسها بالايجاب

جواهر : يعني موافقة

سارة نزلت راسها : اييه

جواهر ابتسمت: مبروك من الحين

سارة ابتسمت لها

جواهر ( كان واضح عليكم تحبون بعض )

رجعوا امل و نورة

سارة خرب مزاجها يوم قالت الابله : يالله بنبدى الدرس

سارة : افففف اموول نورروه كان سويتوا نفسكم ماتدرون و يبتولها اغراض ابلة ثانية

الابلة : بتفكريني مش سمعاك ياصارة مانا بسمعك واللهي

سارة بصوت واطي : يما منها ام اربعين اذن

البنات : ههههههههههههههههههه

_ _ _ _ _ _ __ _ _ _ _ _ _ _ _ _ _ _ _ _ _ _ _ _ __ _ _

مروا اسبوعين على البنات ثقال

جواهر قالت لأخوها تقدم و انت مرتاح بس قالت له اصبر شوي مب الحين

و كلن كان جاهز للحفلة الجميلة ... طبعا الاهل ماخلوا حد ماعزموه

صباح يوم الاثنين ( يوم حفلة جواهر و طلال )

جواهر كانت قايمة ترتب اغراضها عشان تروح بيت الجد العود لانه هناك الكوافيرة و كل حاقة راحت هناك

بعد صلاة المغرب

جو العيلة في البداية طبعآ

( سارة كانت لابسة فستان احمر كت و مسوية تسريحة )

( منيرة كانت لابسة فستان ناعم ابيض وتسريحة بسيطة )

( مريم كانت لابسة فستان تركواز حلو على جسمها )

( امل فستان وردي )

و بعدها جاو الناس

و بعرفكم على جيران الجد

بيت ابو عبدالرحمن

عندهم سهى و نهى عمرهم 18 توأم جو مع نجلاء اختهم

و بيت ابو سلمان

عنده بنت وحده عمرها 21 سنة اسمها خلود .. هذي البنت كانت تدرس مع طلال في الجامعة و تمووت فيهه معجبة فيه بس هو مو معطيها وجه سمرا و طويلة ملامحها ناعمه و شعرها طوله متوسط مجعد كانت لابسة فستان اورانج ومرررة غيرانة من جوجو و يوم سمعت انه ملك بغت تموت وقررت تحضر ملكته

خلود( آنا الا اشوفها هاذي اللي خذت طلال لازم اشوفها )

× ماشاء الله الجد ماخلى احد ماعزمه

و جات نورة اللي كانت حدها كيوت

( لابسة فستان نافش اخضر فاتح و كانت طالعه تجنن كانها طفلة )

امل : اكيي هي نووووورة

نورة : امموول

امل حق مريم و منيرة : هذي نورة رفيجتنا نورة هذولا بنات عمي مريم و منيرة

مريم و منيرة سلموا عليها

و تعرفوا على بعض

البيت كان مزدحم

و الكل ينتظر قدوم العروس ...

اللي كان مستانس لها .. واللي كان حاقد عليها

دخلت جواهر ع الزفة

الله يازين الي حضرت غطت على كل الحضور

طلتعلينا وانورت وما عقب هذا النور نور

حتما قول وش فيه زود

يا ناس ماهي من الوجود

يعني تسميها ملاك

شبهها يلهباختصار
ورده ولا كل الورود
شبهها يله باختصار
ورده ولا كل الورود

كانت طالعه ( قليلة فيها قمر

فستان ناعم اصفر بأكمام طايحة و كان ضيق ناحية الصدر كان يجنن اللون على بشرتها و مسوية تسريحة و حاطة تاج كريستال كانت قمة الذوق و الاناقة )

و قعدت

خلود ( الله ياخذها الكلبة حلوة .. بس انا متأكده انه غاصبينه طلال اكيد يحبني )

جو البنات سلمو عليها

نورة : جوجو قممممممممممممممممممررر

مريم : اشك انه طلال بيستخف

منيرة : ممممم انا اقول طلال يمكن يغمى عليه من الصدمة

مريم : اسمله عليه انتي ماتقولين شي فيه خير

أمل : والله جوجو احنا استخفينا

سارة غمزت لها : عيل الريل شبيسوي

جواهر انصبغت احمر

جو سلموا عليها

اما في مكان وحدة حاقدة

كانت تسمع و ميتتتتتته قهر .. ( الله ياخذج ياجواهر دامج خذيتيه مني )

راحت تسلم عليها بخياس نفس

و ماكان معاها الا سارة

سارة تطالعها : من انتي

و بكل وقاحه قالت : ضرتها هاهاهاي

سارة و جواهر ماستوعبوا شتقول !

سارة : حمدالله و الشكر من هذي الحين باروح اكفخها مب صاحية

سارة بتقوم جواهر مسكتها : خلاص سارة

سارة سكتت

جواهر : لا تقولين سارة مانبي مشاكل

سارة : اوكي

نورة و البنات كانوا يسولفون

سارة قعدت معاهم

امل : ايييه تعالوا حلو محل الفساتين اليديد اللي فتح ؟

نورة : ييننن واايد راقي

مريم : ايه صح ترا وايد حلو

نورة رن جوالها كان امها

نورة طلعت برا كانت تكلم امها

في الناحية الثانية ( الرجال )

عبدالرحمن : سعود واللي يسلمك ياخوي طلبتك الاهل داخل و اتصلت عليهم ولا يردون

سعود : ان شاء الله اكلم الوالدة اشوفها

سعود : حتى الوالدة ماترد

في هذه الاثناء نورة كانت تتكلم في التلفون و مانتبهت لطابوقة اللي قدامها طاحت : ااه

سعود كان جاي و شاف وحدة طايحة

كان يحسبها طفلة راح صوبها : بنت تعورتي

نورة ... ( هاي مب كانه صوت ريال )

سعود : قومي يايبا شسمج > عباله بنت ام 11 سنة

نورة مييته من الاحراج ماتعرف شتسوي ( عباله ياهل >< )

سعود ( يمكن ماتقدر تقوم )

جا صوبها ومسك يدينها و رفعها و يوم لفت انصدم انها بنت ناضجه ( لانها من ورى ماتبين مع فستانها النافش )

نورة ركضضت داخل حتى جوالها خلته

سعود كان مستغرب حده (؟ )

امل طلعت برا : نوووورة نوووورة ... سعووود !!! شجابك هنيه

سعود : عبدالرحمن يبي خواته

امل : اوكي باقولهم ..

سعود ( نورة .. سامع بهالاسم والله مادري وين .. مسكيينه انحررجتت هههههههههه )

نورة رجعت متفششلة حدها ( يحسبني ياااهل امبي حده احراج )

امل جات : نوروه و انا من مساع ادورج

نورة : ههههه كنت اتكلم برا و سمعت صوت واحد جان ايي اركض

امل : اييه سعودوه اخوي صح تعالوا ماشفناو توأم هنيه اخوهم يبيهم

نورة بلعت ريجها ( اخوها !)

سارة : امبلا خوات نجلاء اللي تلعب مع وعود دايما موجودين هناك

راحوا كلموهم

_ _ _ _ __ _ _ _ _ _ _ _ _ _ _ _ _ _ _ __ _ _ _

بعد هاذيه قالوا العشاء ياجماعه

العشاء كان محطوط في المجلس راحوا الكل الا البنات خذوا اكلهم و قعدوا في طاولة قريبة من جواهر عشان مايخلونها بروحها

خلود قالت هاذيه الوقت المناسب :: راحت حق جواهر و قالت لها :

انا طلال كان يدرس معاي و كان يمووت فيني تدرين

جواهر ساكته

البنات منصدمين

مريم قامت : ههي هيي من انتي شتبييين

جواهر كانت تطالع مريم انه خلاص و طالعت خلود بنظرة واثقة

خلود : يححببني اكثثرمن ماتتصورين بس غصبووه عليييج ..انتي خذيتي حبيبي مني

انتي خذيتي حبيبي مني

انتي خذيتي حبيبي مني

طاااخ

صوت الكف اللي كان بيخليها تطيح على الارض

خلود : انتي تممدييين يدج علللي والله ماتهنننيين ياجوااهر تمديين يدج على خلووود طلال لي انا لي انا

جواهر : اططلعيي برااا اطللعي برا

خلود : لا تحسبين نفسج راح تعدين على خيرر ماكون انا خلود ياجواهر ان ماخليتج تتحسفين و طلعت

البنات كانوا حدهم منصدمين من ردة فعل جواهر

مريم : حقققققققيييرة هذي

امل : مبب صااااحيية جججد

جواهر : مريم لاتقولين لطلال

مريم : ليش

جواهر : بليز مريوم لاتقولين له

مريم : اوكي

خلود : اففف حتى ماشفت طلال

وهي طالعه برا كان طلال واقف

خلود و هي رايحة بيتهم ( فديت الرزه و الطول والله )

طبعا عقب ماخلصوا العشاء

دخل طلال

طلال ( شوي علييج قممر )

دخل و لبسها الشبكة و الخاتم و جلسوا بعدها في غرفه

طلال : قمرر والله

جواهر مستحية

طلال : فددييت المسستحي

جواهر تطالع تحت

طلال : آآه بكرة بسافر ياجوجو عاد اذا اتصل فيج مب تسحبين علي

جواهر : هههههههههههه

طلال مستانس

_ __ __ _ _ _ _ _ _ _ _ __ ___ _ _ _ _ __ _ _ _ _ __ _ _ _

بعد ماقضوا ليلة الملكة

اليوم الثاني

الساعة 10 الصبح

في بيت ابو فيصل

فيصل : يما و بعدين متى الملكة يعني

ام فيصل : زين ياوليدي لاتستعجل

سارة : شوي شوي يافيصل

ابو فيصل و هو يكلم : تعال ياولدي حياك

خالد : المغرب يناسبك عمي

ابو فيصل : أي انا قاعد اليوم

ام فيصل : شسالفة يابو فيصل

ابو فيصل : خالد يبي يجيني اليوم يقولي ابيك في موضوع

سارة انحررجت عرفت الموضوع

_ _ _ __ _ _ _ __ _ _ _ _ _ _ _ _ _ _ _ ____

في بيت ابو سعود

امل تتكلم مع سارة

امل : ايييه نوووروه طالعه تييننن رووعه عليها الفستان النافش مبينها كانها ياهل

سعود ( وانا اشهد )

ام سعود : ياوليدي لقيتلك خوش بنت والله

امل صكرت : منهي يما

ام سعود : شفتي وحده اسمها خلود بنت

امل : لا لا لاتكمليين هاي لو تموت ماخليتها تاخذ اخوي

ام سعود : ليش شفيها

امل ترقع : لسانها طويل وو الله يستر عليها

ام سعود سكتت

ام سعود : عاد انا لازم ازوج وليدي

سعود ( قرر يقول الصج ) : ابي نورة

امل : نوورة من

سعود : نورة رفيجتج ماغيرها

امل : شدراك فيها انت

سعود : انتي مب تقولين حليوة و طيبة زين ابيها

امل : أي و حلوة بعد

ام سعود : أي والله مافكرت فيها شزينها و بنت عرب متى تبيني اخطبلك اياها ياوليدي

سعود : أي وقت يناسبج يما

_ _ __ _ _ ___ _ _ _ _ __ _ __ _ _ _ _ _ _ _ _ _ _ _ _ __ _ _ _ _ _

بيت ابو طلال

ام طلال : الله يحفظك ياوليدي

طلال حب راسها تامرين بشي يالغاليه

ام طلال : والله مابي الا سلامتك

سلم على خواته

مريم تهمس له : لاتنسى تروح لجوجو

طلال : اكييد

سلم على فالح و على راشد

سلم على ابوه و خذا شنطته و راح لبيت عمه

في بيت ابو خالد

خالد راح فوق : جوجو طق الباب

جواهر كانت لابسة فستان بيت وردي ناعم

خالد : طلال تحت يبيج بسرعة بيسافر

جواهر منصدمة ماتدري انه الحين : بس انا مب

خالد : اقول يالله و سحبها

جواهر : لا خالد لا

ناصر جا يجر جوجو و نزلوها لين تحت

شعرها كان مستشور عادي و حاطة كحل و قلوس متفشلله انه مب كاشخه

طلال : هي شوي شوي على مرتي انت وياه

خالد : ههههههههههه مرتك ماتبي تييك اصلا

ناصر : هاي جزاتنا سحبناها سحاب لين عندك

طلال : ههههههههههه

جواهر مستتتتحححححية

طلال : شفيج والله حلوة والله

سولفوا شوي

طلال حضنها : انا باروح توصيني على شي

جواهر بعدت : سلامتك

سلم عليها و رااح

جواهر تتذكر تهديد خلود ( ماتقدرين تاخذينه .. و ابتسمت )

[ ودهم/فيك ]

لكن خلهم: يحــلمون !!

لوبعضهم يقول انه..بَ حبك" جريح !

قل لهم ...
لآينآدونك ولآ يتعبون !!
أنت [ لي ] و بسسسس !
علم هـَ البشر » تسستريح «

_ _ _ _ __ _ _ _ ___ _ _ _ _ _ _ _ _ _ _ _ __ _

نهاية البارت

خلود بتنفذ تهديدها ؟

خالد و خطبته ؟

نورة .؟ و سعود ثنائي جديد ؟

انتظظظروووني ياحللوووين