البارت السادس عشـر
ويش صار وش الي غيرني
ماعدت اعرفني
طبيت في المطب
عيار !
كانو يسموني كلهم يعرفوني
مالي انا والحب ؟؟؟
قام من النوم غسل ويهه و قعد يفكر " اول مرة فـ حياتي حسيت اني بديت احب , يارب شصار فيني كلمت بنات شكثر و لا وحده حبيتها و لا وحده دخلت عقلي لكن هالبنت صارتلنا مصادفات بسيطة وداخلة عقلي و افكر فيها ..آهـ يـآنــورة )
ابو طلال : ياللله عيال يالله قوموا
سعود طلع من الحمام
ابو طلال : ياولدي ياسعود قومهم هاذوله موراضيين يقومون
سعود : ان شاء الله عممــي
سعود : شباب اشبلاكم قوموا
:امممممممممممممم
ناصر قام
سعود : نويصر قومهم ذولا محد يقومهم الا انت
ناصر يصرخ ...
قام عبدالله
عبدالله : هيــن يانويصر انا ارويك
سعود : عبود عبود قومهم يالله
عبدالله : افا ياسعود ماتعرف تقومهم
سعود : يالله قومهم عمي يبينا نروح له
عبدالله : شوف بس بكلمه وحده اقومهم ...قال بصوت عالي : شباب قوموا اكو جابوا الريوق 
قام فيصل وبعده خالد ومعاهم فالح و سعد و راشد و جاسم
عبدالله : شفتوا كل شي ولا بطونهم 
ناصر : هههههههههههههه
خالد : اه يازين طاري الاكل
راشد : يالله على بركة الله
فيصل :اهم شي ا الحمص والفول
جاسم : انا قلت حق ابوي ابي جباتي
فالح : عبوووود لايكون تقص علينا
عبدالله : امشوا يالله مب تبون تتريقون
سعود يطالعهم و يضحك ( علامات الخيبة على وجوههم )
خالد : معليـه ياعبود 
العم جايهم
ابو طلال : يالله ياعيال جابوا الريوق
خالد : هل مرة راحت علينا لاكن قص علينا مرة ثانية و شوف شبيصير
عبدالله : هههههههههههههههههههههههههههه
جاسم : عمي جابوا الجباتي
ابو طلال : كل شي موجود يالله امشوا
_ __ _ _ _ _ _ _ _ _ _ _ _ _ _ _ _ _ _ _ _ __ _ _ __ _ _ __ _
امل : بنات يالله قوموا
سارة و نورة و مريم و منيرة قاموا
سارة صرخت : يوعـآآآآنـــه
ام فيصل : سويرة ويهههد ان شاء الله
سارة : وع يما شنو سويرة احس نفسي مغبرة 
البنات : ههههههههههههههههههههههههههههه
روضة :هههههههههههههه ساروه اختي ام لسانين
سارة : ههههههه والله خايس اسم سويرة
ام فيصل : ماتبون تاكلون يابنيات
البنات : امبلة
ام فيصل راحت تجيب الريوق
مريم : خالتي تبين اساعدج
ام فيصل : فديتج انا ياعلني ماخلا منج مرت ولدي السنعة
البنات يصفقون : عاشت مـــررت الوللد عاشت 
مريم تطالعهم بتهديد
روضة : هههههههههه شكلها مريم جايتكم عقب شوي تصفقكم
البنات : ههههههههههههههههههه
روضـة : يالله اليوم لازم تسوون كل اللي فبالكم اليوم اخر يوم
امل : اييه اففف
جواهر : والله بنشتاق للمزرعة
روضة : ههههههههههههههه
جواهر تفككر سرحانه
رن جوال جواهر
جواهر راحت بعيد و شلت الجوال
جواهر : الووو
طلال : هلا وغلا و مسهلا بالزييين كله
جواهر : اهلين و ينك ماتصلت ليش ماتتصل
طلال : والله جوجو انشغلت مب بيدي صدقيني
جواهر : ......................................
طلال : والله وحشتني الدوحة و بلادي و وحشوني اهلي و انتي اكثر وحده بس شاسوي
جواهر : حتى انت لك وحشة
طلال : فديتج والله
جواهر : .............
طلال : زعــلآنـه منـي ؟
جواهر : لا شدعوه
طلال : ههههههههه
وكملوا سوالفهم بعدها صكروا الخط
جات عند البنات
امل : ها جوجو خلصتي من حبيب القلب
جواهر استحت و لفت ويهها
مريم : تعالي اكلي مرت اخوي ماعليج منهم
جواهر قعدت و حطت لها اكل
__ _ _ _ _ _ _ _ __ _ _ _ _ __ _ _ _ _ _ _ __ _
في لندن
طلال بعد ماكلم امه و ابوه
كان يبي يطلع فـ اتصل حق راكان
طلال : الوووو
راكان : هلا والله
طلال : هلا بالزين ..شخبارك راكان شمسوي
راكان : حمدالله يارجال و انت اخبارك ؟
طلال : تمام والله ...ها شرايك نطلع ؟
راكان : والله اتصلت فـ وقتك طفشان مرره
طلال : ههههههه زين انا جايـك الحين
_ _ _ _ _ _ _ _ _ _ _ _ _ _ _ _ _ _ _ _ _ _ __ _ _ _
فـ قطر
العيال
ناصر : شباب اقولكم شي
سعد : قول
ناصر: شرايكم نلعب لعبة الفضايح
راشد : أي وحدة هذي
جاسم : نصوور ليكون صراحـة و جرأة
ناصر : ايه
عبدالله : شنو هذي
جاسم : هذي الله يسلمك تجيب علبة الماي طبعا تكون فاضية و تلفها و الاول يسأل الثاني : صراحة و لا جرأة ..و الثاني يجاوب اذا كان صراحة يسأله سؤال صريح و اذا جرأة يسوي حركة جريئة
سعد : اووووووه والله حلوة
عبدالله : تعالوا شباب تعالوا نلعب خوش لعبـة
خالد من بعيد : شنو
عبدالله : تعالوا تعالوا لعبـة الفضايح بسرعة
فيصل جا : شنو لعبة الفضايح
عبدالله : أيـه تعالوا يالله بنلعب برا
جاسم : اكي جبت الغرشة يالله
امل : بنات يالله تعالوا نطلع برا ملل
سارة : اوكي يالله البسوا عبيكم بنتمشى و نسولف
طلعوا برا و تمشوا و راحوا الحديقة و هالاماكن
وبعدها قعدوا على الكراسي اللي ف الملعب
جاو الشباب
ناصر : هي سعد
سعد ( يطالع امل ) : هممم
ناصر فشلة خلنا نروح مكان ثاني البنات هني
سعد : يااه أي فشلة تعال تعال بس عادي
قعدوا و كانوا البنات قريبين من مكانهم نوعا ما كانو قاعدين على الكراسي ( يعني مكان ينسمع )
نورة تشووف سعود وتتذكر ( ياربي فششششلللة )
البنات كانوا كاشفين وجوههم و لابسين نظارات شمسية
عبدالله : يالله شباب نبتدي
قعدوا و دوروا العلبة
طلعت على فيصل و ناصر
فيصل : هاهاهاهاها وقعت تحت يدي
سارة : بدا هبال فصيل
امل : هههه سكتي خلنا نسمع
فيصل : نويصر كم مرة شردت من المدرسـة هالسنـة ؟
ناصـر : مب ذاكر بالضبط فالاعدادية 12 مرة يمكن .. والحين ممم 4 مرات
خالد : هااااااااه نويصر انا ارويك يالخايس اشووف كله غايب مسجلينك
جواهر : ههههههههههههه هاذي حركات ناصر هههههههههههه
سارة : هههههههه اما ماتوقعته هالكثر شرد من المدرسة
امل : ههههههه طلع مب هين
لفوا العلبة
وطلع الحظ على عبدالله × راشد
عبدالله : صراحـة و لا جرأة
راشد : مممم جرأة
عبدالله : غن لنا اغنيـة
راشد : زين أي اغنية
ناصر : نبي راشد الماجد
خالد : لا تكفى نبي محمد عبده
فيصل : لا نبي حسين الجسمي
راشد : اوه زين خلاص انا باغني على كيفي
عبدالله : غن بكيفك احسن
راشد بدى يغني بصوته العذب
:
يا غرام العاشقين ... يا سليل الطيبين
بيني وبينك محبـــه وماتفرقنا السنين }
الحياه فيك ابتدات وبسما طيبك حيت ..
لك محبن ما يخونكــ لين ما يصبح دفين }
وقتي بقربك يطيبي ادوايا والطبيب ..
بالصراحه انته نادر وانتي لي شي ثمين }
انته عندي شي غير وانته في قلبي كبير ..
انته مني وانته عني ياغلا كل السنين }
سعد كان يطالع امل طول الاغنية ..امل تستحي و تنزل راسها
سارة لاحظتهم و سكتت
اما جواهر عاشت مع الاغنية وكانت تطيح دموعها
وبدآ التصفيـر و التصفيق
فيصل : عاااش عاش رشووود
خالد : رهييييييييبب
سعود : صج والله صوتــه خطييييـر ماشاء الله
فالح : أي اخوي لازم صوته حلو ... يالله عاد لفو العلبة
لفوا العلبـة يالله
طلعت على
خالد × فالح
خالد : ههههههههه يالله صراحة و لا جرأة
فالح : صراحة
خالد : ناوي تتزوج ؟
فالح : حاليـآ ..لآ
لفوا العلبة
طلعت على جاسم × سعد
جاسم : صراحة ولا جرأة
سعد : صراحة
جاسم : شال قلبك على عبدالله اخوي اذا كان أي ليش ؟
سعد : أي شال قلبي عليه
عبدالله ( اشوفـه متغيـر من امس ) : هاه اما سعد شال فـ قلبك عللي
سعد : لانه يوم متضايق مايقولي السبب اللي مضايقه
جاسم : افا ياعبدالله هاي انتو عشرة عمر و ربع ليش جي
عبدالله ساكت
لفوا العلبة
وطلع الحظ على
راشد × سعود
راشد : صراحة ولا جرأة
سعود : صراحة
راشد : موقف مستحيل تنساه
سعود طالع نورة . ..نورة لفت الجهة الثانية و استحت 
سعود : يوم اني 13 سنة ابوي عطاني (500) ريال رحت مع ابوي و شفت مرأة تمشي مع عيالها و لابسة ثياب قديمة هي و عيالها ..رحت و عطيتها الخمسمية ريال ودمعت عينها و كانت تدعيلي : الله يحفظك ياولدي الله يحفظك ياولدي وين ماكنت
سعود يكمل : و لين الحين اتذكر دعائها موقف مستحيل انساه صراحة
فيصل : كفووو والله
خالد : والله تعجبني ياولد العم
فالح : شباب اقولكم شي خلاص خلنا نروح
راشد : أي والله يالله
مشوا الشباب
سعد قام و راح
عبدالله لحقه
عبدالله : والله الدنيا كلها تزعل عللي الا سعد
و حب راسه
عبدالله : ادري اني ضايقتك بس ماحبيت اضايقك معاي والله !
سعد ابتسم ولف على عبدالله و ضموا بعض
كان مشهد حلو يعبر عن الصداقة و التسامح و التماسك 
سارة : الله يخليهم حق بعض
امل : يارب
سارة : هاااااااااااااااه !!!
مريم : شفيج
سارة : ميداليتي طاحت مالت الجوال اللي جابها ابوي هدية !!
امل : اي وحدة
سارة : ميدالية قطو كريستال 
منيرة : شوفيها اماكن اللي تمشينا فيها
جواهر : تبين ندورها معاج
سارة : لا لادقيقة جايتكم
امل : اوك احنا بندش داخل
جواهر : اذا ماحصلتيها قوليلنا بندورها كلنا
سارة : اوكي
سارة راحت تدور ( ياربي انا وين طاحت )
سارة مشت تدورها بين الحشيش و فـ الحديقة ماحصلتها
شافتها من بعيد شي يلمع
ركضت ناحيتها و زلقت و طاحت
سارة : آآآه
كان قريب
سمع صوتها
ميزها بين باقي الاصوات
ركض ناحية الصوت و لقاها طايحة ع الارض
خالد جا صوبها
حط ذراعه تحت راسها
خالد : سارة .. انتي بخير ؟
سارة فتحت عيونها شافته قدامها
سارة استحت : أأنا راح اقوم طيحة خفيفة
سارة قامت و راحت تاخذ الميدالية ( الشي اللي يلمع ) و جات بتروح
خالد وقف : تحملي على نفسج ياسارة
سارة من كثر مانحرجت طاحت دموعها
مشت دموعها و راحت عند البنات
نورة : ها حصلتيها
امل : زين حمدالله
سارة : ايي
جواهر لاحظت شكل سارة المتغير
سارة جات بتروح الحمام
جواهر : سارة سارة
سارة : نعم جوجو
جواهر سحبتها : تعالي بارويج شي
سارة : ( اوو جوجو كلش مو وقته )
جواهر سحبتها برع
جواهر : شصار لج
سارة : شنو ماصار شي
جواهر : سارة انا اعرفج عدل شصار قوليلي
سارة : ...........
جواهر : خالد صح
سارة هزت راسها بالايجاب
جواهر : شنوسارة قوليلي
سارة : طحت قدامه
جواهر : سلامات شصار فيج
سارة : لا الم بسيط
جواهر : وهاي مزعلج عادي سارة
سارة : شاسوي انحرجت
جواهر : لا لا تنحرجين عادي تحصل في ارقى العائلات 
سارة :هههههههههههههههه اوك ولا يهمج ماراح ازعل
جواهر : ايه تعجبيني ههههههه ماحب اشوفج زعلانه
و دخلوا داخل
_ _ _ __ _ _ _ _ _ _ _ _ _ _ _ _ __ __ _ __ _ _ _ __ _ _ _
بعد ساعات
كانوا يطالعون التلفزيون و كلن خذاه تفكيره
سارة تتذكر موقفها مع خالد ومنحرجة منه ( شقال عني ابي اعرف شقال آهــ )
نورة تتذكر نظرة سعود لها ( معقولة موقف مب ناسيه ..)
امل تتذكر نظرات سعد لها
جواهر تفكر في طلال و شلون و شقاعد يسوي
منيرة تفكر فـ عبدالله
مريم تتذكر فيصل و ضحكه و هباله و تبتسم
قطع تفكيرهم صوت ام خالد
ام خالد : يالله يابنيات الغداء جاهز
قاموا عشان يتغدون
_ _ _ _ _ _ _ _ _ _ __ _ _ _ _ ___ __ _ _ _ _ _ _ __ _ _
عند الشباب
كانو يتغدون بهدوء
وبعدما خلصوا
خالد : والله شباب طلال له وحشششة
سعد : أي والله مكانه مبين
فالح : و حتى فـ البيت مبين مكانه
فيصل : وحشنا ازعاجه و ضحكه فديت طلول
راشد : أي والله
رن جوال فالح
فالح : الطيب عند ذكره .. طلال اخوي
اول ماشل التلفون
فالح : الووو
طلال : الووو
فالح حط سبيكر : هلا طلال
طلال : هلا بالغالي شخبارك ياخوي شمسوي
فالح : حمدالله بخير انت شمسوي هناك
طلال : حمدلله والله ياخوي
فيصل : طلووول مكانك مبين يالدب خلاص عاد يالله تعال
طلال : والله مب بيدي يافصيل
خالد : ربي يسهل عليك ياطلول وحشتنا وايد
طلال : انتو اكثـر والله
راشد : الاماكن كلهـآآ مشتاقــة لييك
طلال : حبيبي والله رشود
سعود : طلال لازم ترجع والله الجمعه مب شي بدونك
طلال : والله شاسوي ياسعود ...تسلم يالغالي الخير و البركة فـ الشباب الوجودين
و بعد ماكلموه
صكر الخط
_ _ _ _ _ _ _ __ _ _ __ _ ___ _ _ _ _ _ _ _ _ __ _
فـ لندن
نزلت دمعه غصب عنه
صحيح ماصار له كثير فـ هالبلد
لكن الدمعه دمعة اشتياق لاهله و وطنه
طلال : ( يالله ياكريم تصبرني )
_ _ _ __ _ __ _ _ _ _ _ __ _ _ _ _ _ _ _ _ _ _ __ _ _ _
قضوا يومهم رائـع و جميـل و مليئ بالمغامرات
بكرة راح يفارقون هالمكان اللي جمعهم و صارت لهم اجمل المواقف
كلن ساهي بتفكيره حزة النومة
سعد ( كل ماشوفج ياامل تجيني فرحة )
عبدالله يفكر ( آه يامنيـرة )
و سعود اللي كان مخطط على شيء ( انا لازم اسوي جي )
خالد اللي كان يفكر فموقفه مع سارة ( فديتهـآآآ والله اللي تستحي )
حبيت لاتسالوني ليش ؟!
يمكن عقل او طيش
والحاله هيحاله
وسويت في نفسي القصه
مافادت القرصه وغنيت مواله !
ياترى شيفكر فيه سعود ؟
و طلال متى بيرجع ؟
سارة و خالد ؟
و شراح ينتظر ابطالنا
انتظروني ياجميلات فـ البارت السابع عشر
ومشكورين وايد ع المتابعة فديتكم ادري اني مقصرة معاكم ><