الــجزء الواحـد و العشرين
---------------------
كلنآ ،
بَ / دروبُ ( آلتعععب ) ؛ تآيهينُ
نآسَ تبوح . .
و نآس ( تكتم ) وجععععهآ ..
--------------------
يا جاسم وقعد على السرير ينطرها تبرر موقفها
جاسم مو من النوع الي يطق
ولا يعصب
جاسم عنده صبر و عنده قانون التفاهم فوق كل شي .
قرب منها؛ تكلمي ! فهميني ؟؟ شنو قصرنا فيه!! ليش يا ساره ليشش؟
ساكته
مسكها من جتفها وضغط عليها ؛ تكلمي
هزها حيل و صرخ: اتكلمي قوووووووولي يرحم والديج فهميني احس اني بكابوس ، معقووووووووووووووله .،
جان ترد عليه بكل برود : جاسم انا ادري غلطت بس انا حبيته
بدون ما يرد عليها بولا كلمه، رده كان طراق على خدها: سكتي ، سكتي . حبيتيه! ومافكرتي باهلج ؟ بسمعتج! حبيتيه !! و اهو يحبج؟!! لو يحبج يا و دق الباب و طلبج محد بيوقف بطريجكم بس هالشي الي صار والله يا ساره ما بيعدي على خير والله.
وقف و فكر شوي و اهي تشهق من البجي.
رد مسكها من جتفها: قوليلي من وين تعرفتي عليه و شنو الي صار بينكم و منو ولده اهو؟
ساره بكل انكسار :من شات،
جاسم : شنوووو شات!! هذا مستواج!!و بعدين تكلمي
ساره: الي صار كلمته مسنجر بعدين فون واليوم اول مره اشوفه، ولد ******
جاسم بعصبيه بسرعه راح اخذ الاب و كسره جدام عيونها، صار قطع صغار وبكل اسف والدمعه بعينه: حسافه يا ساره، والله حسافه
طلع ورقع الباب وراه
راحت تبجي
وتلعن كل لحظه كانت غبيه فيها
بس انا احبه، ادري غلطت ، بس والله احبه و ادري. يحبني
-----
جاسم بطريقه شاف فرح
وخر عنها
فرح؛ حبيبي شفيك ، جاسم حياتي ياعمري شوي شوي مايصير جذي افا عليك
تتكلم و تلحقه تبي تمسكه ماقدرت
جاسم: فرح تكفين وخري مالي خلق
فرح: انزين وصلني بيتنا
جاسم: تبين اوصلج بيتكم ؟قومي يالله فكينا
فرح بزعل راحت يابت جنطتها وطلعت جدامه
واهو طالعين شافوا بو جاسم و فيصل رادين البيت
راحوا سلموا عليهم و كملوا
فرح حست ببو فيصل انه يدري وبقلبها دعت حق ساره الله يهديها
بالسيارة
فرح بتنزل
جاسم مسك ايهدها: اسف اخرتج وايد اليوم
فرح ؛لا عادي
جاسم: و اسف عصبت عليج
فرح: لا عادي ( بس كانت حابسه دموعها)
جاسم: اممممم ( رفع ايدها وباسها)
فرح: يلا باي
نزلت وقبل ما تبطل الباب
حط ايده على ايدها
جاسم: معقوله تنزلين وماتحطين عيونج بعيوني ، فروووووح شوفيني
رفع ويها بايده
وانصدم بدموعها
جاسم: وااااااي حبيبتي ليش تبجييييي بابا شفيج
فرح: ولا شي
جاسم يدري انه فرح ماتتحمل اي كلمه و اذا احد عصب لازم تبجي
جاسم قرب منها ولمها
فرح تضحك: جاااسم وخر لا يشوفنا احد
جاسم لمها اكثر: يالخبله ماكو عرب
فرح قعدت تضحك اكثر
حط خده عند حلجها
جاسم؛ بوسيني
فرح ويهها صار احممممر: وي جاسم وخر
جاسم مسك ويها وحد حلجها عند خده : بوووووسيينييييي مرتي خووو
فرح باسته و انحاشت
جاسم : يمممممممممه يمممممه بموت متى تصيرين مرتي بس وببيتي
فرح سمعته و صكت الباب واهي تضحك
دشت شافت الكل نايم راحت دارها
شافت دار شوق مبطل الليت
راحت عندها ودقت الباب شووي شووي
شوق : هااااا
فرح بطلت الباب: ويعاااه شفيج
شوق: فرح !! هلا ؟ وينج انتي ؟!!!
فرح: ويني يعني ! ويا جاسم كنت تووه ييت
شوق: امممم شصار خالتي شلوننها الحين
فرح : تمام وخالتي تعبانه الله يعيينها والله، امبيه انا طلعت و عمي بوفيصل دش مو صج شكله يخوووف والله الله يعينها
شوق: فرح شنو الله يعينها تستاهل محد قال لها تتشيطن وبعدين تذكرين شسوت فيني بسالفه صالح ، يبا سكتي سكتي
فرح : ولو ساره مو توه نعرفها.
شوق: سمعي انتي وجاسم ماحددتو موعد العرس
مبلا بعد شهرين بس يبيلنا نروح نحجز صاله وبعدين نبدا التجهيزات الثانيه
شوق تشهق: امببييييييه مو من صجج شهرين والحين تقولين
فرح: شدراني اليوم كنا نتكلم عن الموضوع و عقب السالفه نسيت اقولج
شوثق: يالخايسه الحين شسوي بعمري انا شلوووووون يمدي افصل ،؟!!
فرح ؛ اي يمدي
شوق: وانتي نفنوفج شصار عليه
فرح : بعد 3 اسابيع يخلص
شوق: وناسه يالله الله يتمم على خير يارب
فرح: امين يارب
--------
بوفيصل دش البيت
وبهدوء
راح سيده داره
فيصل انصدم من الي سواه ابوه
توقع يروح يكسر الدنيا فوق راسها
فيصل كان وده يسوي هالشي
بس ابووه حذره انه يتدخل لانه يعرف فيصل و تهوره
ساره بجت عند لابتوبها المكسر لييييين نامت
---
نروح بعيد شوي عن الكل والمشاكل
نرد حق حمد الي محد يدري عنه شي
بس يشوفون خياله
داش البيت
وطالع
وفجر الي تغير عليها حمد و مستغربه من هالتغيير ، شسويتله ياربي ، ليش عقب ما ملجنا وصرت له تغيير، حتى مسج منه مافي
فهد كان قاعد بروحه ، دق فونه-نواف- : الو
فهد :هلا والله نواف
نواف: هلا حبيبي شخبارك
فهد: والله تمام وانت شخبارك شمسوي
نواف :والله تمام حبيت اتطمن واسال دامكم حاقرين اخوكم مالت بس
فهد: ههههههه افاا احنا نحقرك نخسي ونعقب
نواف: حبيبي والله تسلم ، الا صج وين حموود شفيه ادق عليه مايرد شصار؟
فهد: والله يا نواف مادري شفيه هالصبي اكلمه يحقر ومايرد على احد حتى مرته تسال امي اليوم ، بس تدري شلون يبيلنا نتيمع كلنا مثل اول ونشوف شسالفته
نواف ؛ اي والله خوش فكره
فهد : حلو عيل من اشوف ماى مافضيت ارتب لكم الشقه ونتيمع هناك ، الا قولي شلون دراستكم انت و شوق اشوف صايرين تمبل نوم واكل
نواف دق قلبه من قال شوق: ها ايي هههههه والله شقولك عندنا بروجكت و باجر نسلمه تووه دقت علي شوق وقلت لها انصدمت جنه ناسيته
فهد: ههههههه اي سهرانه اهي جنه قاعده تسويه
نواف : خلاص عيل اخليك واشوف ادز لها مسج اذا تبي مساعده لانه بنسويه يميع
فهد: خلاص حبيبي اخليك تدرس وديروا بالكم دراسه هذي مو لعب ، وما اوصيك عاد شوق اختك دير بالك عليها
نواف استغرب من هالجمله ،شكوو؟!! معقوله فهد حاس بشي؟! ي افا عليك فهد شوق اختي ومن احنا يهال نفس الكلاس لا توصي
فهد: تسلم والله ادري فيك ونعم التربيه والله، يالله سلم ع الاهل واي شي حياك رقمي عندك
نواف: الله يسلمك . ماتقصر والله يلا مع السلامه
فهد: مع السلامه
نواف( ليش يوصيني الحين؟!!! انا وشوق من زمان مع بعض محد قالي هالكلام من قبل !!!، الله يستر )
فهد راح عند شوق
فهد دق ع الباب
شوق : تفضل
دش وشاف فرح و شوق
فهد: ها
بناتنا اجتماع خاص اطلع !!؟
شوق: اي تفضل اطلع
فهد قط عليها دبدووب : مالت عليج بدال ماتقولين حياك اخوي
فرح: ههههههههه حياك حبيبي افا عليك فديته فهوود.
شوق : اي عزمي انتي دارج وانا مادري
فهد؛ هههههههه خلاص يمه من لسانج ، شتسوون
شوق : نقرق ، وانت ليش قاعد
فهد : انطر حمد ، للحين ما يا
شوق: شسالفته هذا ، ترا صج مرته بطت راسي كل شوي تدق و مسج ، دق فونها مسج
شوق : كا شووفوو ، لا هذا نواف
قرت المسج
شوق: شكو فهوود تقوله اني اسوي البروجكت
فهد: شدراني عبالي تسويينه ، هههههه شنو يقول
شوق : يقولي تبين مساعده لانه باجر بنسويه يمييع
فهد: ولا يهمج انا اسويه له لا تزعلين
فرح: شوق حبيبييي انتي الحين بعمر يخوف ديري بالج
شوق: امبيه فرح مو من صجج انا شوق
فهد: لا فرح شوق مو جذي، و شوق اعصابج اختج الكبيره و تنصحج عادي
شوق: ان شاءالله
شوي وراحو الكل
وفهد ساعد شوق بجم شي و خلاها تكمل
صورت الي سوته و دزته واتساب حق نواف : ها شرايك زين
نواف : اي زين اكمل الباجي؟!
شوق: كيفك
بعد ربع ساعه دز لها صوره
نواف: ها زين ؟!
وتمو يصححون ويعدلون حق بعض لين الساعه 3 ونص الفير
شوق: نواااف باجي 3 خلهم حق باجر دخت حدي
نواف صور لها فيديو،. مصور عمره
هاا شواق نمتي هع سمعي هذيل انا سويتهم وانتي هذيل نقلتهم هني بكتبهم بالاب و باجر بس نكمل الثلاث الباجيين نسلمه ونكون خلصناااااا، وافتك من حنتج . يلا ام راس نامي تصبح على خيييير
قعدت تضحك جان تكتب تصبح على ورد
ونامت
اهو استانس على هالكلمه
وحس انه قصدها شي ثاني مع انه قصدها بريئ
----
ســارة!!!!!!!!!!!!
فرح وجاسم شنو آخر التأجيل و سالفة سارة بتخرب عليهم؟!
نواف ؟ شنوالي يبي يوصل له بالضبط !
حمد شصاير له؟!
فجر بتتحمل الي يسويه وياها؟!
فهد ؟
كلهم بنتابعهم بالجزء الياي
----
احم
وبجذي خلص الجزء
اسفه وايد تاخرت
بس ان شاءالله لعيونكم انزل جزئين اليوم و اسهر لكم على الي بعده وانزله باقرب وقت
ومشكورين حق الي يتابعوني فديتكم
و حق الي دزو مسجات على راسي والله تسلمون لي يارب بكملها عشانكم
والمتابعيين الجدد منورين
وتشرفني متابعتكم
Enjoy it
؛)