SMS : الله يجمعنا بجنتهـ يآرب ..
يوووه حبيباتي إنتوا ما شفتوا شي أحكي لكم بعض الذي يحصل في فصلنا 1 بينما المعلمة تجمع الورق قفز 4 طالبات وجلسوا جنب بعض ونقلوا الأجوبة نسخ لصق لا ومن الوقاحة الزايدة انهم راصين الأوراق جنب بعض وغش عيني عينك وفي الأختبار البنات يطلعوا الكتب ويغشوا 2 مرة من المرات الأبلة قالت لي أجمع الورق ورحت عند بنت آخذ ورقة قامت البنت قالتلي إش هاذي ؟؟ تبغى الحل والأبلة واقفة قدامي قلتلها مع نفسك هاتي الورقة طبعا البنات سوو لي فلم بعدها 3 رحنا الفصل الثاني ووحدة من البنات كانت مضاربة مع بنات فصلنا وكانت عندها اعادة قامت طلعت الكتاب وجلست تنقل الأجوبة وبنات فصلنا غشاشات عالميااااات الله ينتقم منهم المهم انهم قالوا لازم نبلغ عليها انا قلت لهم ماشاء الله هذي لازم وانتوا لأ ؟؟ قالوا لأ هذي طريقة غشها غير مـــا شـــــــاء الــلــه ~ يعني العبرة بالطريقة ؟؟ الغش غش مهما اختلفت الطرق جميع الطرق تؤدي الى روما كان بودي ان اقول لهم انه اذا بيبلغون عنها انا ببلغ عن كل بنت بهالفصل و زيهم زيها والي قهرني اكثر انهم قالوا عادي اصلا كل الي بالفصل يغشوا 4 في بنت طلعت الطالبة المثالية بالمدرسة لو تدروا قد ايش هي غشاشة حتنهاروا نفسيا وتغشش كمان يعني هي لآ تستحق لقب مسلمة بدين محمد حتى 5 ومو بس كذا حتى بالنهائي غش انا حاسة اني بنتحر من هالشي وأيام الاختبارات جيت انشر صور بالنت عن الغش وتلقيت السب والسخرية كم لا تتخيلونه والحديث من غشنا فليس منا أرى أن فيه تبرؤ واضح من كل غشاش عالعموم لازم من هالموضوع تكون بداية ايجادنا لحل المشكلة اذا بلغتي ما تدري انواع الأذى الي حيجيكي بس مايجوز انك ما تبلغي يا بناااات ترى مايجوز واجب علينا نبلغ عن كل غشاش اش ممكن نسوي لوقف هذه الظاهرة ؟؟ اش الردود الي نردها عليهم ؟؟ كيف نتكفى شرهم ؟؟ ختاما لك أكـــبر تقييم عالطرح متابعة~