الجزء الثالث والعشرين
وهل للجراح .. آهات!
وهي سلبت الروح ... واختفت الصرخات !
-------------
كان حمد ينطر دوره
وامه قاعده متنرفزه
يت فجر تركض : يمه شفيه حمد .. حمد حبيبي شفيك
حمد : وليييييين شنو هذا من صجج يمه !!
ام فهد: وييي شسوي دقت علي وماقدرت اخش عنها
حمد: اوووف بس مافيني شي حبيبتي بس ارهاق
فجر؛ تقص علي صح؟! ارهاق وتزوع دم!!!
حمد متنرفز حده :استغفر الله واتوب اليه.. حبيبي انتي باباتي والله مافيني شي
ولا يسمعون الممرضه تنادي باسمه
حمد؛ قعدو هني انا ماني مطول
فجر : لا بدش معاك
حمد: فجر قعدي قلت
فجر: يممممه قوليله
ام فهد : يمه حمد خل تدش تتطمن عليك انا انطركم عادي
حمد: استغفر الله امشي بس مابي سمع صوتج زين
فجر : ان شااءالله
مشت وراه بكل هدوء واهو بقلبه يبتسم
طالع وراه مالقى احد غيرها
وجدامه مافي
لف عليها بسرعه
قرص خدودها بعشق وباسها على خشمها : حيوانه اموت فيج
فجر من زمان عن هالكلام
دمعت عيونها : اووووشششش يلا خل ندش
حمد : بوسيني اوووول
فجر: هاااو!! حمد!!
حمد : بلا هاو بلا مياو يلا بوسيني
فجر باسته وانحاشت
حمد يضحك: يممممممه فديت مرتي
دش عند الدكتور
--------
شوق ونواف ومحمد وشهد خلصوا دوامهم وكل واحد رد بيته
بالطريق
كانت شوق بالقطار
مشغوله بالافكار
اخيييه عطله شسوي فيها وين اروح والله استانس واطلع حرتي كلها
فجأه رن فونها
ساره: قووه شوق شخبارج شمسويه مادري فاضيه اليوم!
شوق !!!!!!!!!!!!!!!!!
يااااااقواة عيييييينج ياااااختي مطنشتني صارلج دهر والحين فجاءه صرت غاليه وعزيزه ومحد عندج غيري مالت اي والله طيري
ماردت عليها
ودقت على فرح
شوق: ها فرووحتي
فرح: شقشق اكلمج بعد دقايقه بس اخلص الي بإيدي
طوط طووط طوط
شوق: هاااو!!! مالت اي والله
نروح عند العروس نشوف شنو بإيدها
كانت اهي وجاسم يشوفون اخر تصاميم الصالات .. قاعدين بكوفي...
رفيج جاسم يشتغل بالصالات
جاسم يكلم رفيجه وفرح جدامه : انزين انا ابي شي يديد يعني صاله يديده شي جذي ظبطني تكفى
جاسم: انزين يعني الحين انا ابيها بس العروس عندها شروط ونبي نشوف الصاله ماعليك امر... يعني متاكد اول عروس عربيه اهي فيها! لا تفشلتي تكفى ... خلاص دقايق واكون عندك .. مشكور ماتقصر مع السلامه
جاسم: يلا حبيبي قومي
فرح: ها حبيبي شصار؟
جاسم: والله قال في صاله توه افتتحوها ويقول كبيره وحلوه راعيها هندي ويقدر يصمم لج الي تبينه حسب ذوقج واعتقد السياره معاها و البوفيه وكل شي
فرح : الله ونااااااسه يلا نروح
جاسم: يااابعد عمري والله يلا حبيبتي
راحو الصاله
شافوا باب كبييييير لونه اسود وعند الاطراف على طوووول الاطراف ليتات صغار تتغير الوانها
فرح؛ ابيييييييييه جسووووووم شووووف
جاسم : عجيبه والله دقيقه لا تدشين خل ادق عليه يطلع لنا
فرح ماسمعت الكلام دزت الباب شوووي ولا يتبطل .. والمافجإه في عرس داخل مختلط وهني الكل انتبه على فرح عبالهم العروس جان تلف وتنحاش عند جاسم
جاسم: اححح فشله وخري ماعرفج
فرح: امبيه فشله جاسم خشني
جاسم: دواج عشان تسمعين الكلام
فرح : اسسسسفه
طلع رفيج جاسم وصكر الباب ويا عندهم : وتكلم مع جاسم وحددوا موعد يشوفون الصاله باجر بتكون فاضيه واي اضافات يقدرون يصيفون ويشيلون منها و اصر عليه انها بس حريم يعني حتى الخدم حريم والمصوره والدي جي وتفاهمو وتركهم وراحوا
_____________
نروح عند فهد
وملاك الي باطه جبده
مغيره بالاوراق
والترتيب
والجدول
دق عليها ويت
ملاك: هلا مستر فهد ..ناديتني
فهد: لو سمحتي انسه ملاك شنو مسويه ؟
ملاك: خير شسويت؟؟!!!!
فهد( يااااااااربي).: سمعي ابيج تقعدين مع السكرتيره الي فصلوها وتاخذين منها التعليماتانا تعودت على شغلها خل تعلمج ومايصير تغيرين الجدول بدون علمي
ملاك بكل برود؛ اسفه بس هالجدول تغير وانا حاولت اعدله لك انت كنت حاط اجتماعات و مواعيد وكل شي بيوم ويكون يومك مزدحم وانا بس حبيت اخدمك عادي ولا يهمك راح ارده مثل ماكان
فهد : يلا بسرعه رديه ويبيلي البريد
ملاك: ان شاءالله
طلعت وصكت الباب : اووووووف اووووف وااااي موووو صج من صجه هذا يااااااربي متى القى مكان غيره وافتك
فهد: لا هذي مستحيل اقدر اتعامل معاها تبط الجبد
........................
ساااره
كانت قااعده بروحها
للحين محد معطيها ويه
يااااربي شسوي بعمري
ابي اروح الجامعه ابي اداوم ابي اشوف حياتي
نزلت وشافت امها وفرووحه قاعدين بالصاله
بكل هدووء شالت فروحه وقعدت تلعبهاا
ساره: يمه ؟
ام فيصل: نعم؟
ساره: انا اسفه
ام فيصل: ليش تتاسفين
ساره: يمه ادري غلطت والله ادري
ام فيصل: اي عيل تاسفي حق نفسج دام تدرين
ساره: يمه والله انا ادري كارهتني وماتبيني بس ورااااسج كانت اول مره واخر مره كان يبي يخطبني بس قال بشوفج وماكنت ناويه اطول بسرعه
ام فيصل: وانا شكو فيج ! سوي الي تبين منو انا!
ساره تحط فرح بكرسيها وتقد عند ريول امها: انتي دنيتي وامي وحياتي وروحي
ام فيصل: وخري عني خل اقوم
ساره تبجي عند ريول امها: يمه الحب مو حرام ولا غلط انا كنت بقولج بس في انتي مو فاضيه
ام فيصل: الحب!!! اي حب!!!! تطلعيين وياه جدام العالم ولا جنه شي صار تقوليين لي حب!.. شلون احط عيني بعين ام فهد والعالم .. وبنتي سوده ويهي ! شلووون اجابل ابووج واخوانج ... انتي تغيرتي على الكل من عرفتييه وانا قلبي كان حاااس حتى ساره رفيجتج واختج هدييتيها ودراستج وكل شي وتقولييين لي حب!!
ساره امها تتكلم واهي تزوووود ببجيها
ابووها كان عند الباب يسمعهم
وتقدم عشان يخلص السالفه
وبجذي نكتفى
لييي بااااك بعد شوي
تخيلوا الموقف
اووو والله صعب الله يعينهاااا
بس دواااها تستاهل
هع