[دُنْيا]

حفلُ تخَرُّجْ..! : السلامُ عليكّم ورحمةُ اللهِ وبركاتُه بحكِي لكُم شيء مأساوي حصل معَاي بآخر سنَة والحمدلله .. الإسبوع إلي فات كُله مَا حضرته .. لأن خلصنَا المناهِج ومو بحاجة إلا مُراجعات يعني تقدروا تقولوا ما تهمنِي ولا أستعين فيهَا بالمُذاكرة ، بس إضطريت إنِي أداوم يوم الثلاثَاء .. لأن كان اليوم إلي بختبر فيه الحاسب "النظري والعمليّ" يوم الإثنين "إلي قبل يوم الثلاثَاء " خبرونِي البنَات إن بتصير حفلَة بفصلنَا بمناسبَة إنتهاء العام الدراسِي :) وقالوا جيبي أكل ومن هالأشيَاء ، وأما هُم جمعوا فلوس عشان يجيبوا كيك وكذا بما إني غايبة فمادفعت معهُم .. وعشان كذا لازِم أجيب شيء .. مُعجنات أو عصيرات أو شيء يعني .. وخبرت بَابا .. بس للأسَف ما تذكَر إلي أبغَاه إلا متأخِر .. وعلى هذا الأسَاس كلمت صديقتِي ووصيّت معهَا وقالت بتجيب لِي وكذا :) وإنزاح همّ منّي والحمدُلله وحضرنَا المدرسَة اليوم التَالي "يوم الثلاثاء " بس للأسَف حضرت صديقتكِ خاويّة اليدين وقالت مَا حصل لهَا ومَا قدرت تجيب ولا جابت لا لِي ولا لهَا .. طبعًا عذرتهَا وكذا وقلت مَافِي مُشكلة :) وشويّة إلا وإختبرنا وكذا .. والحمدلله كان الإمتحان جدًا سهل وبسيط بإذنِ الله الدرجَة الكاملة فيِه وبعد الإمتحان يللَا البنَات يقولوا خلونَا نسويّ الحفلَة الحين والكُل وافق ويَللا تشوفوهُم مجهزين الطاولات والأكل وكذا .. وانا مكسُور خاطري وبعدين جت بنِت وقالت لنَا "أمسكوا هذه دامكُم ما دفعتوا " تقصدِ نمسكَ باقَة ورد كانت مجهزتهَا لأحد المُعلمات .. وطلبت منّا نمسكها عشان تقصُد "لا تيجوا تآكلوا وتحتفلوا معانَا " فعلاً فعلاً عصبّت وإنقهرت وحسيت بخنقَة بس طنشت وحاولت أنسى :) لأن مو قادرَة أسويّ شيء أصلاً .. ! وشويّ إلا يصورون أياديهُم على الكيكة وكذا .. طبعًا أنا عندِي كبرياء أول ما شفتهُم كذا أخذت صديقتِي وطلعنَا برا الفصِل كان وقتها على الفُرصَة "الفسحَة" وشويّة إلا أشوف كُل فصول ثوالِث مسويين حفلَات بفصُولهم .. وبعض البنَات حاطين شَالات مكتوب عليّها "مبروك التخرُج " وإكتشفت مؤخرًا إن هذه الحفلة هِي حفلَة تخرُجنَا الحمدلله على كُل حال .. الحمدلله الله يعوضّنِي خير بس طبعًا المدرسَة ما سوت لنَا حفل تخرُج .. بس البنَات مسويين يعني .. وكُل فصل لحَاله بصراحَة حسيت إن أجمل أيام حياتِي ضاع منّي وفوق كذا كلمة البنِت لما كانت تقصُد فيها "لاتحتفلوا معنَا " آلمتّنِي وتأثرت جدًا ، بس الحمدلله مع إن في حاجَات كثيرة حصلَت مَا حبيتها .. إلا إن فِي شيء أسعدني :') وحدَة من جميلَات الفصل .. جابت 5 هدايَا وأهدت بنَات مُعيّنات في الفصل وكُنت أنا بينهُم :""") هالشيء أسعدنِي جدًا وفرحنِي الهديّة جدًا بسيطة ، بس يكفِي معناهَا كبييييير والحمدلله على كُلِ حال :)