SMS : الله يجمعنا بجنتهـ يآرب ..
هاا كيف الآيس ؟؟ لا تفكوا هالصورة برمضان الله يبلغنا إياه جيتكم بقصة ثانية قبل يومين ثلاثة كنت صاحية من الفجر اسم الله علي وطبعا جا المغرب وأنا خلاااص ميتة وفي تلك اللحظة قررت أمي إننا نروح مجمع العرب والذي يبعد عن بيتنا مسافة ساعتين ونحو ذلك والله ورحنا تجهزنا نزلنا المغرب ووصلنا العشاء تعرفون جدة وزحمة وشوارع رهيبة وأنا طول الطريق أشخخرر بأقوى ما عندي وصلنا وصحوني ودخلنا وأول شي جبنا باسكن اشتريت ملابس كثيــر الحمد لله بس على بال ما أمي تجيب العشاء جلست أنا وأختي - بيبي نايمة بعربيتها - وأختي الثانية سنة أولى ابتدائي قالت لنا ماما استنوا بمكان التزلج عاد هناك كان في شباب مصاقيع مخرفين وكل مالهم يزيد عددهم والله نشف دمي وقتها كانوا يمكن 13 رجال وكلهم مراجيج وأنا من الفجعة أطالع فيهم مثل الخبلة الله يهديني كنت خايفة أقووى شي بس عت على خير وما صدقت خرجنا من عندهم ورحنا أخذنا لنا طاولة التحفة واحنا نتعشى شفنا ناس شايلين ذيك الكاميرات الضخمة الي يصوروا بيها أفلام والله كانوا حماس وشفنا 3 أخوان كلهم كدش وأصغر واحد فيهم يمكن ما يوصل ركبتي وكدشه أكبر كدش فيهم وبعدين صارت الساعة 1 الليل وجينا طالعين نبي ننزل ومعنا العربية وجانا هندي مرعب عينه حمرا يقول الا والا هو بينزل لنا العربية من الدرج الكهربائي العربية فيها اختي الصغيرة وما لقيناه غير سحب العربية ومشي أمي خافت على أختي وراحت شالتها بس العربية فيها البطاقة والملابس والفلوس والجوالاات وكل شي عاد قلت والله مافي الملابس الحلوة الي اشتريتها تعاااااااااااااال هنا ولحقته بالدرج ونطيت ومسكت العربية وهو مو راضي يسيبها إلين ما جات أمي وبرضو ما سابها بعدين قال فلووس ~~> يبي فلوس عشانه نزل لنا العربية عاد ماما عطته ريال قام قال بس واحد ؟؟ عطته تاني وقال يبغى كمان بس سحبنا منه العربية ومشينا بعدين واحنا خارجين إثنين من أخواتي الصغار الله يهديهم راحو بدوننا وكانو حين\عسوا بسيارة مصاقيع وواحد سواق تاكسي انفجع عليهم وساعدنا جزاه الله خير عاد تخيلوا أنا صاحية من الفجر ووصلنا البيت الساعة 2 رحت ومت على سريري أخيرا بســ