حبيبي الزعل خله ترى مال الزعل اسباب &&& انا ماخطيت في حقك عشان اتزيد بغيابك
اذا كان الخطى منك وتفتح للزعل ابواب &&& اجل لو كنت انا المخطي تصك بوجهي ابوابك؟؟؟
انا اللي ميت بقربك وعن حبك ابد ما تاب &&& انا العاشق انا المغرم انا اللي مت واحيابك
انا اللي رافعٍ قدرك وصرت بقمة المرقاب &&& انا اللي مد كفين المحبه ولا تهنابك
كتبتك حب في قلبٍ وفيٍ بالهوى مرتاب &&& كتبت اسمك على قلبي وحرف الشعر غنابك
تغنا باسمك الجوري بياض الثلج ياجذاب &&& ولـّحّنك النفل غنوه وورد الفل هلابك
تعال وخلني احيا تعال وخلنا اقراب &&& تعال ارجوك لا تقسى على قلب ٍ تعزوابك
تعال وخلني ارسم سواد الليل بالاهداب &&& ورمش ٍ لا نزل كله يغطي ليل اهدابك
حبيبي اترك جنونك ترانا بالهوى احباب &&& دخيل الله لا تجرح خفوقٍ ضاع باسبابك
دخيلك لا تعذبني بهجرٍ يحرق الاعصاب &&& ترى كثر الهجر يذبح حرام تعذب احبابك
اذا كان الرضا منك يبيني اقطع الارقاب &&& قطعت ارقاب خلق الله وجيتك طارقٍ بابك
واذا كانك تبي تعاتب وتطفي هالزعل بعتاب &&& تعال وعاتب المشقي ترى يرتاح لعتابك
hg.ug
الموضوع الأصلي :
الزعل
||
القسم :
صندوق ذكرياتـــنــا ..
||
المصدر :
منتديات بنات دوت كوم
||
كاتبة الموضوع :
LOVECITY