[بسمة وردية]

بسم الله الرحمن الرحيم ..

انا بادية معاكم بس ماكنت ادري انه لازم تنابع هنا .. :027: ..
بس يالله مايخالف ..
الحفظ انا بادية احفظ سورة المزمل .. وبسمعها لبنت الاجاويد ان شاء الله ..
وقراءة ايه الكرسي بعد كل صلاة .. انا مواظبة عليها لاني من زمان متعودة اقولها فما وجدت صعوبة او نسيان .. الحمد لله .. :) ..
سنتي الفجر والمغرب ايضا مواظبة عليها .. اعطي نفسي 9|10 لاني لاني كم مرة انساها واصليها متأخرة ..
الكتاب .. صراحة ماعرف اقرا اي كتاب ..
بس انا بديت اقرا كتاب عن الدعاء للشيخ عايض القرني ..

الرضــا ..
بالايام اللي راحت عصبت كم مرة وحاولت اضبط نفسي .. احيانا اقدر واحيانا ما اقدر امسك نفسي ..
اليوم صار لي موقف مررررة عصبت في داخلي .. جت وحدة من البنات وانا كنت سرحانة وفجأة صرخت في وجهي ..
ومعها بلونة فجرتها عند اذني .. يعني من الروعة طمرت واقفة ..
يعني صراحة عصبت من جواي بس مابينت ابتسمت لها وقمت طالعة ..

وبعد اليوم العصر توني قايمة من النوم ونفسي في طرف خشمي واطلع من الغرقة والقى اشيائي واغراضي مكبوبة عند الباب وكل شيء مفتح .. الكريمات والعطورات والخرابيط .. واشوف اخوي واختي الصغار جالسين يلعبون فيها ..
واختي الاكبر منهم جالس تتفرج عليهم .. بصراحة عصبت مرة وقعدت اهاوش واصارخ ..
اعطي نفسي في الرضا 7|10 ..


واعذروني عالتأخير ..

فطووم الحين كيف تقيمني اجودية .. او كيف انا اقيمها ؟؟