ليه...كيف...متى..مين...هل...

[الجوهر المكنون]

السلام عليكم ورحمة الله وبركاته

ليه .. كيف .. متى .. مين ...هل ..
أشيااء عبييطة بس مووجودة.....

ليه شبابنا إذا دخلوا مع المعرس في الزفة في زواجات أخواتهم تنزل عليهم فجأة
صلة الرحم ويتذكرون جداتهم وعماتهم وخالاتهم اللي ماشافوهم ولا
يدرون عنهم من أيام مسلسل (أصابع الزمن) وماهو كذا وبس لا وعمات وخالات أمهم
وأبوهم بعد ويدورونهم ويسلمون عليهم وكل وحدة يحبون راسها عشر
مرات ويطلع السنع ويسألونها عن صحتها وأحوالها وعيالها وولدها فلان القاطع
اللي لا يمر ولا يسلم ومافيه مانع من استرجاع ذكريات طفولتهم الشقية
معها ولو عندهم عمة وإلا خالة من الرضاعة بيدورونها بعد ماراح يقصرون

كيـــف
كيف ممكن أفكر أتزوج إذا كان للحين خبر الزواج ينكتب بهالصيغة العبقرية
احتفل فلان الفلاني بعقد قرانه على كريمة إحدى الأسر ) لاعاد !! بالله عقد)
قرانه على كريمة إحدى الأسر!! انهبل هذا وإلا وش صار فيه!! مالقى إلا كريمة إحدى
الأسر عشان يعقد قرانه عليها!! جد والله ؟؟إنت متأكد ؟؟ يعني فعلا ودي أسال
اللي يكتب مثل هالخبر في الجرايد وأقوله هل فيه من وجهة نظرك خيار ثاني
غير إنها تكون كريمة إحدى الأسر؟يعني بيعقد قرانه على كريمة إحدى
سلالات الزواحف مثلا؟

متـــى
متى تنتهي ظاهرة زاوية هواة التعارف في المجلات ؟ والحقيقة إن المشكلة
ماهي في رغبتهم في التعارف بحد ذاتها لكن المشكلة الحقيقية إنهم
عندهم أمل إن أحد يراسلهم بعد ماحطوا صورهم في المجلة
وطبعا مايحتاج أوصف لكم الخلفيات المبتكرة وإلا الابتسامات الساحرة وإلا النظرات
:الغامضة في الصور والله العظيم إن واحد كاتب عنوانه في مجلة بالشكل هذا
مصر القليوبية مدينة أبو زعبل البلد: شارع البلد شارع السوق
!! جوار الزاويةإذا كان هذا عنوان المراسلة أجل عنوان الزيارة وش بيكون

ميـــن
مين ؟؟ سؤال برئ نوجهه لأي أحد يدق جرس البيت لكن عاد الإجابة الأزلية واللي
تصدم براءة سؤالنا في كل مرة هي (افتح) !! لاحظوا الرابط والعلاقة بين
السؤال والجواب (مين؟ -----> افتح!) والحقيقة أنا فكرت كثير وما لقيت إلا تفسير
واحد من إثنين يا إما كلمة مين معناها وش تبي ؟ أو وش المطلوب ؟ وأنا فاهمتها
غلط السنين هذي كلها أو إني فاهمتها صح لكن اللي يدق الجرس دايم يكون
!! (اسمه (افتح
وساعات يخربها الي يدق الباب ويقول انا كذا ما اقدر اقول اي شئ لأني اصير غبيه اذا ما عرفت مين أنا

هـــل
هل ممكن يجي يوم من الأيام المستحيلة ويتحقق فيه فلم الخيال
العلمي وتقدر البنت تمشي في الشارع في الرياض بدون ماتسمع كلام من نوع
ياحلوة يادلوعة أول مرة أشوف قمر على الأرض ) وغيرها من الكلام اللي )
يصنف ضمن فئة الغزل المنتهي الصلاحية هل ممكن يجي اليوم الي تمشي فيه
البنت في الشارع بدون مايناظرونها كأنهم شايفين مخلوق فضائي
مجهول حط على كوكب الأرض في ظروف غامضة !! 00

ويـــن
وين ممكن ألقى محل ملابس ما يكون فيه واحد مزعج وملقوف ما يشوفني

ماسكة قطعة ملابس إلا ويباغتني بمفاجأة أغرب من الخيال لا كانت على
!!(البال ولا عالخاطر ولا يمكن يستوعبها أي عقل بشري ويقول لي (فيه مقاسات .. احللللف ,,
!! هااااه !! وش قلت ؟؟ فيه مقاسات !! الملابس صار لها مقاسات !! سبحان الله
فعلا تكنولوجيا!! أكيد إنهم هاليابانيين ماخلوا شي ما اخترعوه حتى
الملابس طلعوا لها مقاسات أكيد هذا آخر الدنيا





ملطووووش

المصدر: منتديات بنات دوت كوم

---

gdi>>>;dt>>>ljn>>ldk>>>ig>>>

الموضوع الأصلي : ليه...كيف...متى..مين...هل... || القسم : سجن بنات دوت كوم || المصدر : منتديات بنات دوت كوم || كاتبة الموضوع : الجوهر المكنون

[*~mero~*]

مشكوره على الموضوع حلو كتيررررررررررر
جزاكى الله كل خير

[*.* بنوتة كول *.*]

مــــــــــــرحبا غـــلاتي الجوهــر المكنون ,,, أشكركـ ع الموضووع المتميـــز

دمتي بــــــوود *_*

[.miley.]

مشكوووووووووورة اختي على الموضوع
تسلمين

[صـدى الليل]

غلآتـو
موضوع ـك منقـول ومآ طبقتي سيآسه المنقـول
اقرأي الموضوع المثبـت في القسـم
باسمـ المنقول وسيآسته كبطآقتين ورح تفهمي قصـدي
ينقل للسجـن الى حين تعديلـه