| همس |

[همس الخواطر ..]

السلام عليكم ورحمة الله وبركاتة

كيف حالكم عساكم بخير ؟



اليوم الأثنين بتاريخ ٢٨ فتحت لي مدونة ٢

وإذا مشرفة القسم شافت موضوعي ترجع تحذف مدونتي اللي قبل لأني م أعترف فيها
بتقولون ليه ؟ لأنو الله يسلمكم من ٤ سنوات أنا كنت عندكم وكان عمري ١٤ والحين عمري ١٨ والله لا يوريكم وش حسيت فيه وأنا أشوف مدونتي وموضوعاتي صدق بزر .

وبعد لو تحذفون مواضيعي كلها يكون أحسن والله .

راجعه لكم بتعريف عن نفسي

المصدر: منتديات بنات دوت كوم

---

| ils |

الموضوع الأصلي : | همس | || القسم : همس الأرواح || المصدر : منتديات بنات دوت كوم || كاتبة الموضوع : همس الخواطر ..

[همس الخواطر ..]

أيون طبعاً مثل ماقلت لكم غبت عن المنتدى ٤ سنوات ب الظبط وأشتقت لكم قلت أدخل

المهم أنا همس أفضل بعدم بوح أسمي الحقيقي كذا بدون سبب ترا
خريجة ثانوية وأنتظر قبولي ب الجامعة بِ أذن الله ، عمري ١٨ سنة ،
طموحي أكون أخصائية أجتماعية ، أنا رابع أخواني من بعد ولد وبنتين أي وعلى فكرة بعد ترا خواتي مسجلين هنا ب المنتدى ومن ضمنهم أختي ترا ( أنامل الخير ) لو تذكرونها ،
شخصية مرحة دائماً مبتسمة أحب أحل مشاكل الغير م أحب أشوفهم بضيقة ومنزعجين من شيء خصوصاً اللي قريبين مني مرة ،
تقريباً كتومة ميب من النوع اللي يفضفض لأي أحد ومن النوع اللي يتنرفز بسرعة مع الأسف ،
أحب البزران أعشقهم عشق ميب طبيعي لدرجة أضرب الشخص اللي يبكيهم أياً كان !

ومع السوالف راح تعرفون شخصيتي أكثر وأكثر ي حبي لكم .

[همس الخواطر ..]

أنا عند جدتي مع أختي الصغيرة طيب ؟
جدتي تقول لي لاتروحين خليك معي قلت منيب رايحه يمه هذاني هنا ثم أبتسمت جعلني بس
ثم ترجع تقول لي أحبش أوي أوي !
خقيت على الأوي أوي أستغربت تطلع منها جعلنيي بس

صراحة بدون جدتي أنا ولا شيء ربي يخليها ويطول بعمرها

[همس الخواطر ..]

هلا والله

جيتكم بفضفض شفتوا كيف من قبل يومين فلت جوالي من يدي وبوممم ع الأرض على وجه الجوال قلبي طاح ببطني
وانزل لأهلي البدروم وانا ضامه الجوال بصدري وعيوني متغارقه دموع ( جوالي للمعلومية ايفون ٤ ) ، وتشاهق ماما شفييك خيير تصيحين واراويها الجوال ويشاهقون كلهم الا بابا قلت له ابيك توديه المصلح قال
ابشري ي قلبي لاترتاعين ابشري ابشري وانا متحسفه عليه ولا مره طاح مني وطيحته قويه تفتفتت الشاشة ، وماما تقول من فهاوتك ولا كيف يطيح الجوال قلت شسوي طاح
هو انا ناويه اشتري جديد ايفون ٦ بس انتظر بعد ٣ شهور نشوف وش ينزلون ابل ٦ اس ولا ايفون ٧ ، المهم شافني مره بابا ع الجوال طبعا استخدمه الشكوى الله الشاشة مكسره هاوشني قال لي خبله انتِ !
قلت شفيك قال لاتجلسين عليه يعمي عيونك ( عاد انا نظري م شاء الله كامل ٦/٦ ) وجا بيسحبه مني قلت لا لا خله معي واذا بتروح اعطيك اياه ويخزني وهو معصب ويمشي
وجا قبل شوي وطلب الجوال لانو بيطلع فقدته انا كلي احزان بسرعه جيبوا لي جوالي ميب منتظره جوال ثاني الا اذا على حسابكم هاتوه تسوون خير فيني