انا بخير..ان كان هذا سؤالك

[شموووخي سمو ذاتي]

انا بخير..ان كان هذا سؤالك




انا بخير..ان كان هذا سؤالك
و ان كان غيره..لا تحاول ولا تقول
ما راح ارد الا على ( كيف حالك )
و اقول ماشي الحال .. لو كان مشلول !



ماطيق بعدك..بس مابي وصالك
معادله سهله ولا تبغي حلول !
هم دلّلوك و جيت تعرض دلالك
و انا معي ذا الطبع ما هوب مقبول



عند الرجوله .. أشّر و طاب فالك
و عند المواقف .. سلّني سيف مسلول
لكن اذا كان الدلع هو مجالك
غلطان يوم اخترت لك شخص مب ( كول )



غرك جمالك ؟ .. بكرا تلعن جمالك
و تعود لي من صدمة الوقت مذلول
و انا على خبرك خصيم المهالك
اذا قسيت يصيبني داء ( ابو الهول )



قد قال ابوي ..احفظ رفيق ٍ عنا لك
و اللي تمادى بالجفا خلّه يزول
لا تلتفت له لو ترجّى وصالك
منته مكلّف به ولا عنْه مسؤول



مع السلامه روح و الدرب سالك
بابي عن رْياحك غدا اليوم مقفول
حتى الشموع اللي ارسمت لي خيالك
طفّيتها بكيفي .. و كل شي معقول !



فوق الهموم و حزني .. القلب شالك
حبيتك و لك قلب مغتر معلول
تعبان بَعدي..صح؟ .. و انا كذلك
خلّك بعيد احسن .. و انا بْعيد .. لاحول !

المصدر: منتديات بنات دوت كوم

---

hkh fodv>>hk ;hk i`h schg;

الموضوع الأصلي : انا بخير..ان كان هذا سؤالك || القسم : المخالفات || المصدر : منتديات بنات دوت كوم || كاتبة الموضوع : شموووخي سمو ذاتي

[أحتراف جرح∞]

الله تجنن
كلماتها قويه
القصيده رائعه واااااصلي ولا تحرمينا من جديدك