ع ــــذراً ياسـعــوديـــات ,,,,

[PINK _ DREAM]

بسم الله الرحمن الرحيم..

السلام عليكم ورحمة الله وبركاته..

اليوم جايه بلسان وحده

كاتبه موضوع مهم صراحه.. ووصتني احطه بكل مكان اقدر انشره فيه..
وهذا المهم بالنسبه لصديقتي.. ((الأوساط السعودية )) وخاصة الشباب منهم.. بناتهم وعيالهم..

لكم الموضوع..

.
.
.
.
.

كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..

كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

بنات..صافين..عالجدار وملقينا ظهورهم..ومرفعين يدينهم (كأنهم معاقبات)..
ومنزلين البنطلون..ونص البتاع طالعه..

قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟

الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!

ويلومننا ليه نكره الدول العربيه!

رحنا لمطعم سقيم..طلع فيه واحد عالستيج.. ومسك المايك وقال
((احلى تحيه لشعب السعوديه))

وتصفيييييييييق..!!

لحقونا بعد شوي الشعب الاماراتي والكويتي..

بس السعوديه عادها يمكن 6 مرات..

جلست افكر.. ليه يعني حنا اكثر؟؟

فكرو فيها شوي.. لين يخلص الموضوع بعدين جاوبو..

......
ارجع الحين لصلب الموضوع..

ليش صرنا نشوف صور كثيره.. وعناوين الصور
((سعوديات..سعوديات..سعوديات))

لو نتفرج عالصور..

نلقى رجول..

نلقى جزم!

نلقى اساور خضرا<< يعني ترا حنا سعوديات..

والفيس بوك عاد..والهاي فايف.. انواع الصور اللي مدري وش اقول عنها

شفايف..

* * *...

عيون..

ونادر ما تلقى وحده حاطه وجهها..

على فكره.. اللي تحط صوره وجهها,, محترمه اكثر من اللي ترزز اشياء ثانيه!!

يعني عشانكم تتغطون..تروحون تصورون ذا الصور..!

تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر..

او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟

ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..

ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.رجلينكم..
((شنطكم الماركه))..

يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..

بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..

الدال عالخير كفاعله.. والشر بعد..

بعدين انتي ياللي مصوره انتي وخوياتك..

يعني انتي همك الوحيد ما يشوفون وجهك عشان محد يعرفك..

بس مقفاك.. شفايفك.. و* * * *.. عادي يشوفونه!!

لأن المهم عندك الناس.. موب الله؟؟

طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟

اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟

عيب يعني..يعني عشانكم بنات مع بعض عادي تورون بعض يعني؟؟

ولا اقولكم..انا نسيت انكم ناشرين الصور للعيال..فما يهمكم البنات..

يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..

ودي اعرف امك..وابوك..وش بينظرون لك بعد ذا الصور؟؟

يعني حرام..اهلكم ربوكم احسن تربيه..

بس انتم للأسف ما ربيتو انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!

ولا قروب ثاني سعودي برضو..والصور اللي ناشرينها..

ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!

طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!

طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه..

اللي همهم نوم واكل.. وفلوس ياخذها من ابوه ولا امه!

تطورو شوي.. ارتقو شوي..اطلعو بصوره احلى من كذا..

انتم عارفين ان النت اكبر وسيله انتشار..

قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..

ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟

انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..

ليه بس تنشرون الشي الشين؟

انواع المقاطع الشينه تنتشر.. انواع الصور الشينه..

ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!

اقولكم شي؟

شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعن لفئه معينه من الناس..

بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول

يدرسونه؟؟ تخيلو؟؟

رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..

يا حلّو الثقافه اللي يتثقفونها بس!

يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!

انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..

ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن موب الغلط في اللي كتبته رجاء.. لكن الغلط في مخ كل من يقرا الروايه!!

شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!

بس عادي يدشرون ويخربون وكل شي.. بس ما ينتشر عنهم شي!

ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!

غلط ! كل دوله بالعالم فيها الصالح والطالح..

البيت الواحد فيه الصالح والطالح..

ما تحبون احد يحكي فيكم ابد.. بالرغم من كل الاغلاط بحياتكم..

قبل فتره سمعت انهم رحلو هشوم الرياض.. الى ديرته الحقيقه
(سوريا)

وانه لا يمت للشعب السعودي بصله!

كأن ما عندنا سعوديين من هالجنس!!

ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟

بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!

شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟ تقريبا 4 الاف..

بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..

برضو حمله تبرعات الراجحي..

ترا اكثر من تبرع فيها شباب..

((المواقف مذكوره عشان ابين انو فيه ناس كويسه,,يعني ابين الجانب الايجابيه))
يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال.. بس برضو بحدود..

موب عشانكم ورا الشاشات يعني عادي؟؟

(هياط ورا الشاشه = مرض)

الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..

اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!!

وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!

قال الرسول صلى الله عليه وسلم
(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..

يهمني الموضوع ينتشر في المنتديات السعوديه.. اكثر من المنتديات العربيه..

لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..

ابغى اذا احد قال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معه حق..

تناقض المجتمع وتناقض الافكار ينتقل بصوره عجيبه!

وأخيـــــــــــــراً للأمــــــــــــانه يعني الموضـــوع منــقــوــــــوـــــــول نصياً بالظبط من إيميلي

حبيت أنــزلــــــــوا لكـــــــم لأنـــــــوا من جد عجبنــــــــي مرهـ .. أتمنـــــــى من كل قلبي يعجبكم بعد وتشاركوني

بـــآآرآآئــــــــــــكــــــــم فيــــــــــــه...

أختــكمـ ,,, PINK _ DREAM

المصدر: منتديات بنات دوت كوم

---

u JJJJ`vhW dhsJuJJ,]dJJJhj <<<<

الموضوع الأصلي : ع ــــذراً ياسـعــوديـــات ,,,, || القسم : "الأرشيف" مغلق || المصدر : منتديات بنات دوت كوم || كاتبة الموضوع : PINK _ DREAM

[اسيرة الامل]

الكلام المذكور صحيح الف بلميه
بس انا من وجهة نظري ان ايجابيات مجتمعنا
اكثر من سلبياته لكن للاسف الي يطلع
امام الناس هو السلبي.
وهذا بسبب الاعلام وبالذات الاعلام الغربي
الي دائما مايذكر الا الاشياء السلبيه
تحياتي واحترامي لك يالحلم الوردي.

[التفاحه الحمراء]

انشاء الله اقدراوصل الموضوع للجميع

[عازفة الآهات]

وعليكم السلام ورحمة الله وبركاته

بالبدايه ليه كاتبه العنوان " عذرا ياسعوديات " ؟؟
إنتي تشوفين بموضوع شي يخليك تعتذرين مننا ؟؟

مـوضـوع رائـع بعض الشي للحـوار لا لـنشر الـسلبيـات
الـموضـوع فيـه مـا لا أؤيـدهـ والـعـكس

افتح ايميلي واشوف رساله من قروب مشهور... صور لبنات ويتفاخرون انهم سعوديات السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

 

 

لا أعـتـقد أبـداً أنهم سعوديات
لاأبرىء الجميع ..

لـكـن ..
لـنقوم بالأفتراض انهم غير سعوديات حتى لاتعتقدون اني متحيزه لبنات شعبي
لو كانت امريكيه مـثـلا مستحيييل انها ستقوم بنشر اسم دولتها على هذه الصور الخليعه
وتشوويه صورة بلدها بهذا الشكل ..

هناك الكثير من البعض يحااول جااهداً تشويه صورة هذه البلد
وإظهاار مساوء شعبها ..
لا انكر ان هناك سلبياات في بلادنا لكن الإيجابيات هي الأغلب

نحااول ان نحل هذه السلبيات لكن ليس بهذا الشكل
الصور المنشووره ابدا لا اصدق ان من يقوم بتصويرها سعوديات

ويلومننا ليه نكره الدول العربيه!

 

 

تكلمي عن نفسك رجاءً
نحن لانكره اي دوله عربيه ..
بالعكس من ذلك ..

بس السعوديه عادها يمكن 6 مرات.. جلست افكر.. ليه يعني حنا اكثر؟؟ فكرو فيها شوي.. لين يخلص الموضوع بعدين جاوبو..

 

 

لـييييييـهـ ؟؟؟

وللمعلوميه مصر دوله احبها كثيرا
وهي ليس مانقلتي ان هناك الكثير من اماكن الفسااد
بها الخير الكثييير حفظ الله شعبها

ليش صرنا نشوف صور كثيره.. وعناوين الصور ((سعوديات..سعوديات..سعوديات))

 

 

ذكرت لك اني لااصدق انها من شابات سعوديات
بل من " من يريدون تشويه سمعت هذا البلد "
>>>> اقصد الصور الفاحشه مثلما ذكرتي سابقا

لكن اليد والعين .. ممكن لاأبرىء أحد

طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟

 

 

صدقتي ..

طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه.. اللي همهم نوم واكل.. وفلوس ياخذها من ابوه ولا امه!

 

 

ليسوا رجالنا بهذا الشكل
بل الشباب هداهم الله

انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا.. وكل اللي سوو عليه ضجه.. هذولي يبون يعترضون لمجرد الاعتراض..

 

 

من قال ان الأعتراض بمجرد الأعترااض
انا قرأت هذا الكتاااب ..
ينشر سلبياات تووجد بمجتمعنا نعم لكن قله قله
الروايه ماعجبتني ابداً ..

فيها اشياء كثيره لاتصدق ولا اعتقد انها بمجتمعنا
ابدا ماذكرت شي من ايجابيات مجتمعنا
هداها الله ..

رجاء الصانع تبي تصلحكم وتفتح عيونكم على اخطائكم.. لكن موب الغلط في اللي كتبته رجاء.. لكن الغلط في مخ كل من يقرا الروايه!!

 

 

الله يصلحها هي ..
تبي تصلحنا تنشر روايه بهذا الشكل
انتشرت واساس منعت قولون بالسعووديه
ويجيبونها من برااا

تبي تصلح ماتنشر اشياء نادره في مجتمعنا
كأنها تقول ياناس شوفوا الشعب السعودي كييف

حبيبتي حنا ارقى من كل كلمه قالتها وكل هالمواقف اللي صارت
اما ان بنات الرياض بهالشكل
مستحيييييييل ..

اللي تسكر واللي تشيش واللي تلبس بنطلون والثانيه ثووب
ويطلعوون الشاارع ..
هذي وين صاايره ..

بس عادي يدشرون ويخربون وكل شي.. بس ما ينتشر عنهم شي! ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!

 

 

الله يهديك بس ..
لاتعممين .. شعبنا فيه كثير من الشباب الصاالح

قصدكم سعوددين= ناس طاهرين

 

 

عندك شك ؟؟؟

غلط ! كل دوله بالعالم فيها الصالح والطالح.. البيت الواحد فيه الصالح والطالح

 

 

صحيح .. لكن ماينشر الطالح
والصالح محد يدري فيه ..
وربي وربي فيه حاجات بسيييييييييطه بمجتمعنا
ومتعوودين نسويها
لكن لما يعرف اي احد من اي دوله يستغرب من اللي قاعد يسمعه
تدرين ليه ؟؟
كل مايقرأ عن المجتمع السعودي يقرأ سلبيات × سلبيات
عمركم نشرتوا إيجابيات مجتمعنا ؟؟؟!!



واشكرك ع الإيجابيات البسيطه اللي ذكرتيها
الله يعطيك العافيه

[PINK _ DREAM]

أسيرة الأمل g التفاحه الحمراء ... مشكوورين حبايبي على مروركم ولاعدمناكم إن شاء الله

عازفة الآهات .. أول شي كــــــلل الفخر إني سعووديه أختي انا نزلت هالموضوع وذكرت في النهايه

إنوا منقوول بالضبط من اميلي ووصلني يعني ماحركت فيه اي حرف ولا عدلته إسمـ الموضوع

نزلته زي ماوصلني كمان .. ردكـ ياإختي وكأن في نوع من التسرع وكانك قاعده تكلميني شخصيا

ياقلبي انتي روحي شوفي شلون الصور اللي منزلينها البنات بالفيس بوك ولا بعد وكاتبين انهم

سعوديات وهالكلام يعني ابد الحيا ممسوووح من عندهم وهذا الشي بالمرره يحزني إن يكونوا

بنات بلدي كذا انا ادري ان في هناكـ بنات وشباب يضرب فيهم المثل واعتقد ان مكتوب عنهم

بالطرح,, اكيييد يعني ماراح يفرحني هالشي بس من جد انا نزلت هالموضوع ممكن يكون في

هناكـ بعض العظه والعبرهـ .. لان من جد في صور بنااات من جد مررررررررره مالهــآآآ دااعي بقووه

واللي يثبت إنهم من جد سعوديات مو من أي مكان مصورين في أبرز الاماكن عندنا بالمملكه حتى

بعد منزليين صورهم وهم في بيوتهم كلل شي مصورينوا ماعاد الوجه اللي مو مصور .. شي

فضييييع.. وعلى طااري السفر قلتلكـ واعيدها مو انا اللي كاتبه الموضوع بس من جد صدق

أحنا لمن نروح لبلاد عربيه نشوووف هالشي وبكثرهـ بعد شلوون يصفقون للسعوديه وصدقيني

اختي ورى هالتصفييق أشيااااء مو شي بعد .. بالاخيير لــي والله الفخر إني سعووديه أنا من جد

أحزن على الوضع اللي اشوفوا وهذا اللي خلاني انزل هالموضوع من جد لأني مقهووره

شلوون بلاد الحرمين يصير فيها كذا ولاتستغربي اختي من أي شي ترى هالزمن ماصار في

شي مستحيييييل .. مشكورهـ على مروركـ وردكـ وتفاعلكـ معي الله يجزاك خيير إن شاء الله

أختـــكمـ .. الحلم الوردي

[عازفة الآهات]

وذكرت في النهايه إنوا منقوول بالضبط من اميلي ووصلني يعني ماحركت فيه اي حرف ولا عدلته إسمـ الموضوع نزلته زي ماوصلني كمان .. ردكـ ياإختي وكأن في نوع من التسرع وكانك قاعده تكلميني شخصيا

 

 

صـحيـح مـنـقـووول ..
لـكـن مـستحييل أنـك نـقـلتـيـهـ بـدون مـاتـقريـنـهـ صـح
يـعـنـي ننـقـل ولا نـعـي مـاننـقـل ..
لا أقـصـد الـموضـوع ككـل ..

أقـصـد مـاأزعـجنـي مـنـهـ وهـي

لأن يوجد فيها فساد اكثر من الدول الغير عربيه صراحه!!

 

 

و

ويلومننا ليه نكره الدول العربيه!

 

 

و

قصدكم سعوددين= ناس طاهرين

 

 

ألـيـس بإرادتـك حـذف هـذهـ الـجمـل
الـيسـت تـسـييء لـمجتـمـعـات ؟؟؟

مـن سيـحـاسـب عـلـيهـا ؟
مـو إنتـي ..!!
والـعـذر أنـك نـقـلـتـيـهـ نـصيـاً ..

أنـتـبهـي الـلـه يـعـافيك مـرهـ ثـانيـهـ
والـلـهـ يـوفقـك لـمـا يـحبـهـ ويـرضـاهـ

[.. قطعة حلا ..]

المشاركة الأصلية كتبت بواسطة اسيرة الامل الكلام المذكور صحيح الف بلميه

 

 

المشاركة الأصلية كتبت بواسطة اسيرة الامل بس انا من وجهة نظري ان ايجابيات مجتمعنا اكثر من سلبياته لكن للاسف الي يطلع امام الناس هو السلبي. وهذا بسبب الاعلام وبالذات الاعلام الغربي الي دائما مايذكر الا الاشياء السلبيه تحياتي واحترامي لك يالحلم الوردي.

 

 

كلاامك مليون في المليون صحييييييييييح

سعوديه و افتخر

[PINK _ DREAM]

ج ــزآآآكـ الله كــل خير أختي على نصيحتكـ لي .. صدقيني أنا والله ماقصدت إني أسيئ لمجتمعي

يكفيني والله إنني أنتمي إلى بلاد الحرمين .. فقطـ كان مقصدي أن يكون لموضوعي معرفه للبنات

أنهم ينصحوا الفيئات الي تنزل صورها بكل مكان هذا كان والله مقصدي .. والله يعلمـ بنياتنــا

عالعموم مشكوورهـ لمروركـ الثاني ومنورتنــا ..

[PINK _ DREAM]

بطه شاربه شطه ,,, مشكووورهـ حبيبتي على مروركـ الخفيف

منورتنـــا دوووم إن شاء الله هالطــلات .. لاعدمنـــاكـ يالـــــــــغلا ..

[هتون السعد]

بسم الله الرحمن الرحيم ..

السلام عليكم ورحمة الله وبركاته ..

افتح ايميلي واشوف رساله من قروب مشهور... صور لبنات ويتفاخرون انهم سعوديات السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

 

 

يمكن موب سعوديات زي ماقالت عزووف ..
ترا كثير نشوف يقولون سعوديه وسعوديه .. وأكثرها ماخذ جنسيه ولا شي ..
كذا ..

اذا كان حقيقه انهم سعوديات ..
صراحه مو اني اوقف مع بنات وطني لا .. بس صراحه
احس هالاشياء ماتوقف علينا ..

اللي عندنا مو مثل اللي بالبلدان الثانيه ..
صراحه شويه شويه مرررررررره ..

اصلا اللي تسوي هالحركات .. أكيد عايلتها
مو مربينها او انها نفسها ماثقفت ذاتها .. باللي نعيشه اللحين ..

بس جد ما أتخيييل ابد ابد ..
كيف يعني ..

الصيف اللي راح.. للأسف غلطنا ورحنا مصر .. وما ادراك ما مصر .. مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!! ويلومننا ليه نكره الدول العربيه!

 

 

مصر من البلدان المثقفه .. بس كما سمعت انتشار الفساد بها ..
شي عظيييييم ..
حال اخر !!

ليش صرنا نشوف صور كثيره.. وعناوين الصور ((سعوديات..سعوديات..سعوديات))

 

 

احييها على هالجمله ..
لأنه صراحه صارت الفتاة والشاب السعودي مطلع الانظار
أي شي يصير بالسعوديه ..
كل العالم يدرون ليش ما ادري .. ؟
والدليل على كلامي ..
كل فتاة خارج الخليج بشكل عام تحلم بالزواج من
شاب سعودي .. !!
إرتفاع الاسعار ايضا شاهده .. ليست
كغيرها من الدول ..
صح اني جبت اشياء ثانيه .. بس تدل على ان السعوديه
كل الناس تطمع بها ..
نلاحظ الان بالاسواق ..
كله اجانب من شتى البلدان .. أصبحت ارى انقراضا بالمجتمع
السعودي ..
فأصبحت ارى العماله والاجانب والسائقين ........ إلخ

نلقى اساور خضرا<< يعني ترا حنا سعوديات..

 

 

يحق لهم الفخر بدولتهم ..
لأنها ونعم الدوله مطبقه لشريعة الله وسنة رسوله ..

ونادر ما تلقى وحده حاطه وجهها..

 

 

اظاهر ودهم نتفصخ .. موو .. !!!!!!!!!!!!!

بعدين انتي ياللي مصوره انتي وخوياتك.. يعني انتي همك الوحيد ما يشوفون وجهك عشان محد يعرفك.. بس مقفاك.. شفايفك.. و* * * *.. عادي يشوفونه!! لأن المهم عندك الناس.. موب الله؟؟

 

 

والله اذا كانت سعوديه حق وحقيقه ..
فهذي فئة ضالة الله يستر علينا وعليهم ..
اقولك ليش مايصير هالكلام كله
اشاعه اختلقه احدهم .. ليحط المجتمع السعودي
بالحضيض ..

(بنات الرياض)

 

 

سمعت به ولكن لم أقرأه بعد ..

ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!

 

 

ليه وش فيه .. الحمد لله لايوجد اختلاط وهذا سبب الفساد بالدول الاخرى ..
والشعب السعودي يحق له يفخر ..
مو عشان طائفة ظاله انتشرت طلعوا كل شي بها الشعب .. الله يحفظه كللله

(هياط ورا الشاشه = مرض)

 

 

هذي وش قصدها اللحين ..
يعني حنا مرض .. الحمد لله حنا عارفين راسنا من كرياسنا ..
احنا اصلا شعب محترم عارف ان الله حق .......... !!!

اتمنى ان موضوعي هذا ينتشر بنفس الطريقه اللي انتشرت فيها هالصور.. يهمني الموضوع ينتشر في المنتديات السعوديه.. اكثر من المنتديات العربيه. لأننا نحاول نناقش قضيه سعوديه داخليه..ومافيه مجتمع ما يخلو من الاخطاء.. ابغى اذا احد قال((احلى تحيه لشعب السعوديه)) وعادها 6 او 10 مرات.. اعرف ليه قالها.. واقول معه حق.. تناقض المجتمع وتناقض الافكار ينتقل بصوره عجيبه

 

 

لكني ما اشوف فيه شي يستحق النشر ..
انتي الان فضحتي طائفة من الفتيات .. واقص ايدي اذا هم
سعوديات ..
ارجوا تعيدين صياغة كلامك بصورة لاتتطرق للسب .. من جانب بعيد ..

شكرا لك على هذه الايجابيات التي يعرف بها الشعب السعودي ..
..

اشكرك غاليتي ..
على النقل الذي تمنيت ان يكون بمضمون
اروع ..