![]() |
|
الـقـصـص و الـروايـات ![]() |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
![]() |
|
أدوات الموضوع
![]() |
#1
|
||||
|
||||
المشاهدات: 8421 | التعليقات: 53
روايه : حياتي قصة سطرت بها الامي /،بقلمي
أمسكت بقلمي
وبدئت بالكتابه بعنوان ( حياتي قصة سطرت بها الامي ) عن حكايه ممتزجه بالخيال! تتحدث عن شخصيات كثيره واشخاص متنوعين منهم اصحاب القلوب الطيبه ومنهم اصحاب القلوب الغداره الخادعه ومنهم من غيرهم الزمن ! ربما من شخص قاسي إلي طيب او العكس! / وقصه تحكي عن فتاة بعمر الزهور وسوف تعرفون شخصيتها من خلال قرائتكم واستقبل انقداتكم وارائكم بصدر الرحب ![]() / * ترـآ قد نزلها في منتدى ثآني ونفس اليوزر وهم بعد الروايه موب كآمله ![]() المصدر: منتديات بنات دوت كوم v,hdi : pdhjd rwm s'vj fih hghld LKfrgld الموضوع الأصلي : روايه : حياتي قصة سطرت بها الامي /،بقلمي || القسم : الـقـصـص و الـروايـات || المصدر : منتديات بنات دوت كوم || كاتبة الموضوع : شهد الوليد
|
#ADS | |
:: إعلانات ::
Circuit advertisement
![]() تاريخ التسجيل: Always
الدولة: Advertising world
العمر: 2010
المشاركات: Many
|
|
![]() |
![]() |
#2 | |||||||||||||||||||||
بنوتة مبتدئة
اتع ـبني غروري ..!
|
![]()
/
(الجزء الأول) صحت ترف على صوت المنبه وناظرت السقف بملل ترف تتنهد : إن شاء الله اليوم يكون حلو مافي شي يكدر خاطري قامت ترف واتجهت للحمام "تكرمون" وغسلت وجهها ونزلت تحت سوت لها كوب قهوه وترف من طبعها تعشق القهوه المره وتوصفها دايم مثل حياتها واخذت كوبها وراحت للصاله وفتحت الـt.v وقامت تطالع بغير مبلاه سمعت صوت دنيها أخوها صغير فهد: ترف ترف : هلا حبيبي هلا بدنيتي فهد يحرك عيونه بيده لأنه توه كان قايم : جوعان ترف:طيب الحين اسوي لك أكل بس وش تبي؟ فهد:بيض وخبز وحليب ترف وقفت : من عيوني فهد اخذ ريموت وحط على mbc3 وقام يطالع راحت ترف وسوت لي فهد خبز وقشطه ومربا بالفراوله غير على إلي قاله وجلست وعطته اياه فهد: قلت بيض مو مربا وقشطه ترف:تقدر تقول تعيجزت فهد:ترف ترف تحدق بالـt.v لأنه جاء توم وجيري وهي تحب تطالعه خخخ : هممم فهد : بابا متى بيطلع من المستشفى ؟ ترف لفت عليه : إن شاء الله بيطلع قريب..وبعد العصر راح نزوره فهد : طيب ........: ومن قالك أنك راح تزورينه ترف لفت راسها : فاطمه نبغى نشوف ابوي فاطمه: ترف انا بوديك لي اختي لين ابوك يطلع وذا طلع ابوك من مستشفى راح تشفونه ترف: فاطمه ليه هذا ابونا فاطمه :بعد العصر تتجهزون انتي وفهد اوديكم عند اختي ترف وقفت وحطت عينها بعين فاطمه : مو انتي إلي تحرمينا من ابونا فهمتي ؟ فاطمه ضحكت : ومن تكونين حظرتك تهدديني فهد ببكاء: ماما ابي اروح ابي اشوف بابا فاطمه:فهد موب مدخلينك ابوك بالعنايه ترف طالعت فهد : فهد ماعليك بوديك انا الأم: اذا انتي تبين تروحين روحي بس ولدي لاء ترف سفهتها ومسكت يد فهد وأشرت بعيونها تعال فوق ومشو ورقو فوق بغرفة ترف فهد:ترف ليه امي معيه ترف:ممممممم يمكن صدق يعيون يدخلونك فهد:وليه انا كبير ترف:ههههههههههههه ايه ايه كبير .. لا بزر فهد : انتي البزره انا عمري 9 سنوات ترف:هههههههههههه ممم 9 سنوات خلاص بخطب لك ريوف فهد : لا وع ترف : طيب اطلع برا بنوم فهد : توك قايمه ترف تكذب : بس فيني النوم فهد وقف : طيب ترف حطت راسها على مخده وبنفسها اهـ يا يمه ليه رحتي وتركتيني بهاذي الدنيا وينك بس وينك تشوفين الحال إلي انا فيها ! وطاحت دموعها ومسحتها على طول ورددت كلمتها ... الله يرحمك يااارب واذن العصر وقامت تتضوا وتصلي ولبست عبايتها وعند الباب ......: على وين ؟ ترف ارتجفت من صوت : وأنت وش عليك ؟ ناصر: انا اخو زوجة ابوك..ولي الحق اعرف وين تروحين ترف ضحكت : لا ولله لايكون محرم لي ونا مدري..مالك الحق تسئل وين اروح وين اجي فهمت ناصر:أحمدي ربك أحد يسئل عنك مو هـه عمانك إلي من لحمك ودمك مايسئلون عنك ولا حتى زارو ابوك بالمستشفى ...ولا بعد خوالك مايدرون وين ارضك وين سماك ترف لفت عليه ورفعت حاجبها الأيمن ونزلت نظرتها الشمسيه : خلصت ؟ ناصر انبهر بحركتها : ها اا .. > بفهواه > ايه خلصت ترف ابتسمت نص ابتسامه لين بانت غمزاتها وببرود : اوكي عن اضنك > مشت ترف وركبت السياره وزينت لثمتها ترف: السلام عليكم ابو انس : وعليكم السلام ترف: ابو انس ودني لي مستشفى ابو انس : إن شاء الله ببيت ابو ترف ناصر:قليلة ادب هلبنت فاطمه : ايه ولله قليلة ادب وبس شفت كيف تطلع وهي ماتتغطى بس هي مو من عوايدها طبعا ترف تتغطى لكن ناصر كذب على فاطمه ناصر ارتبك : ايه بس قدامك فاطمه : وإن شاء الله قمت تطالعها ايه وشعليك محد حولك ناصر:احد يشوف الملاك ولا يطالعه فاطمه:ويييه من زينها ناصر: قومي بس حطي الغدا بالسياره ترف قبل لا تنزل رن جوالها ترف : الووو ......: هلا بتروفه اخبارك ياحلوه ترف:الحمد الله تمام .. وأنتي شخبارك ديم : دوووم..انا بخير دامك بخير ترف : اوكي قلبي انا عند المستشفى بسلم على ابوي عسى يدخلوني بس وارجع اتصل عليك ديم : أوكي..يلا فإمان الله ترف:الله معك دخلت ترف المستشفى وطلعت فوق عند العنيات ترف: اخوي ابا ادخل الأمن : اسفه اختي ممنوع ترف : كيف ممنوع .. قلت لك نص ساعه بشوف ابوي وبطلع الأمن : طيب لحظه بروح اسئل الدكتور وبرد لك ببيت ابو ترف ناصر و فاطمه قاعدين يتغدون ناصر : وين فهيد يجي يتغدى فهد دخل عليهم : انا اسمي فهد مو فهيد ناصر: اوه اوه وطلع لك السان فاطمه: أكيد دامه ماعشر ترف فهد: ترف احسن منكم كلكم فاطمه عصبت: انقلع عن وجهي > طلع فوق فهد خاف من عصبية امه لأنه يدري لاعصبت تقلب الدنيا فوق تحت ناصر ضحك : ههههههههه الغيره تذبح ديره فاطمه : اغار من هاذي تخسى ناصر : اقول كلي ونتي ساكته بالمستشفى الأمن رجع لي ترف ترف : هاه اخوي بشر الأمن : يقول الدكتور خلها تدخل ترف ابتسمت : شكرا ما قصرت < ودخلت وراحت عند ابوها اول ماشفته تجمعت الدموع بعيونها على حال ابوها ومشت ببطء وماتسمع من إلي حولها ومسكت يدين ابوها بصوة واطي لو كان صاحي مايسمعه إلا هو ترف: يبه طلبتك قم يبه قم مالي غيرك اانت سندي لا تتركني مع فاطمه وناصر ودنيا هاذي يبه تكفى لا تخليييييني ................ وبكت السستره مسكت كتف ترف وقامت تهديها وطلعتها من العنايه .. بإستراحة الجلوس السستر سعوديه : لا تبكين ادعيلها بكاك مراح يفيده بشي ترف تمسح دموعها بسرعه من عدتها تكره دموعها تنزل قدام احد وبإستنكار: مابكيت..وإدعيله انتي بعد السستر ابتسمت بنفسها : إن شاء الله .. معك امل ونتي وشسمك؟ ترف : ترف السستر امل : عاشت اسامي ترف..ترف ممكن سؤال بس مدري بضايقك او لا ترف بنفسها كل الدنيا ضايقتني جت على سؤالك :لا عادي .. اسئلي امل : ما اشوف احد يزور ابوك يعني انتي احيان اشوفك واحيان اشوف حرمه بس مدري تقرب له ومستحيل تقرب له لأنه احيان تدخل وتدعي عليه واستغرب ولله ترف شهقت : حسبي الله عليها امل استغربت وسكتت ترف ارتبكت : اقصد حسبي عليها حقوده .. بس ترا ما اعرفها..وذا على ابوي محد يزوره ماعنده اخوان ولا اخوات يعني مقطوع من شجره > ترف تعرفها إلي هي فاطمه بس ماحبت تاخذ امل فكره سئه عنهم أمل بنفسها تلعبين على مين .. عائله معروفه ومقطعوين من شجره : اهاا الله يعين ترف : امين..يلا عن اذنك امل:الله معك مشت ترف وركبت سياره عند أمل أمل بنفسها : ولله هاذي الترف ورها قصه .. الله يعينها بسياره ترف اول ما دخلت على طول ابو انس سئل عن اخبار ابو ترف ( محمد ) ترف تنهدت : ادعيله يا ابو انس ابوي محتاج دعاك ابو انس حرك السياره وترف لاحظت تعابير وجهه الحزينه ؛> رن جوال ترف ترف يؤ نسيت اتصل عليها : هلا ديم ديم : تو ناس ترف : ههه توني طالعه من المستشفى ديم : هاه بشري شخبار ابوك ترف: محتاج دعاك ديم تنهدت : الله يشفيه يارب..ترف اسمعي خن نتصدق ثواب لأبوك ترف : ايه هذا إلي بسويه..بس تروحين معي اخاف اروح للأحياء القديمه بلحالي تعرفين مايصدقون يشفون الأكل يتهجمون على طول ديم : يعني انا إلي بحميك ههههههههههه ترف : خخخخخ يمكن .. هاه امرك ديم : ايه ترف : اوكي ديم : يلا فإمان الله ترف : الله معك >ابو انس : وين تبين تروحين ؟ > انس متجنس .. يعني ماخذ جنسيه سعوديه ولا هو بكستاني ترف : رح بيت ديم ابو انس : إن شا ءاللهِ ببيت ديم ديم تنزل من درج شافت امها بصاله ديم جلست : هلا يمه شخبارتسسسسسسسس الأم .. خديجه : وه يازينتس ونتي تتكلمين كذا احسن من دلع بالكاف ... > خديجه بدلع تقلد > شخبارك ديم : هههههههههههههههه يا حبي لك يا يمه خديجه : هاه وشبغيتي ديم : يعني ماتبين اقعد معتسسسسسسسسس خديجه : مدري عنتس تجيني اوقات الضروره ديم:افا يا يمه ..طيب يمه الحين بتمرني ترف نروح نصدق ثواب لي عمي محمد خديجه : الله يعينها والله يشفي ابوها..زين روحي معها ولله ماوقفت إلا اني واثقه فيها..وأحب امها الله يرحمها..وهم بعد انتم صدقات من طفولتكم ديم : طيب ادعي يخليلنا لي بعض خديجه : ههههههههههه..الله يخليلكم لي بعض وازوجكم بيوم واحد ديم من قلب :أمييييييييين خديجه : اثقلي ديم ترقع الوضع : لا لا اقصد يعني يخللنا لي بعض خديجه ضحكت وديم طلعت فوق واخذت عبيتها وجت ترف ونزلت تسلم على خديجه وطلعو السوبر ماركت هذا الجزء الأول إن شاء الله ينال على اعجابكم ![]()
|
|||||||||||||||||||||
![]() |
![]() |
#3 | |||||||||||||||||||||
بنوتة مبتدئة
اتع ـبني غروري ..!
|
![]()
(الجزء الثاني)
خديجه ضحكت وديم طلعت فوق واخذت عبيتها وجت ترف ونزلت تسلم على خديجه وطلعو السوبر ماركت / بسوبر ماركت ديم : ترف وش نشتري ترف : سندوشات لوزين وعصاير وشبسات وحلويات والعاب للأطفال ديم : اوكي > وتفرقو البنتين وخلصو وراحو عند الكشير ترف يرن جوالها ديم : اكيييييد فطيموه ترف: كان احسن ديم : أجل من يدق عليك ترف : نويصر ديم : عمى قليل ادب..لالا تردين ترف : ايه هذا إلي بسويه ديم : عفيه ترف : خخخخ > وطلعو من سوبر ماركت واتجهو للأحياء القديمه / فقراء ليس عندهم أكل .. مال او حتى ماء ! تمردوا اصبحو لايعرفون من هم سواء بقيا دنيا مرجحها القدر وجعلها هكذا فقراء ليس لهم مؤوا ف تحمدو واشكرو ربكم على ماانتم عليه / بسياره ووقفو عند حي المنفوحه .. قريب من أحياء الفقيييره ونادر يجونها > بس ناسيه اسمها> ديم:يؤ يؤ ترف شوفي هذاك الطفل شلون يدخل راسه بزباله وياخذ بقيا اكل ! ترف تنهدت : اييه شفت الحمد الله على نعمه ديم : صدقتي الحمد الله على نعمه ابو انس : عطوني الأكل .. انزل اعطيهم اياه ديم بفهواه : طيب انتبه لايكلونك ترف+ابو انس : ههههههههههههههههه ترف: لوهم وحوش على غفله ديم : تلقينهم ما اكلو من اسبوع ترف تهز راسها : ايه صح صادقه .. > وعطت ابو انس الكيس وعطته فلوس 100 ريلات يوزعهم ببيت ابو ترف ناصر بعصبيه : ذييي ليه ماترد فاطمه : من تكون ترد عليك ناصر : اووووف..دقي عليها اشوف فاطمه مسكت جوالها ودقت على ترف فاطمه : الوووو ترف بنفسها وععع عليها صووت كخخ : نعم فاطمه بنفسها ماااايعه ., بعصبيه : وينك فيه ترف : لا تزاعقين..ويني فيه اسوي خير فاطمه : هههههههههههه يعني عكس ترف بعصبيه : خيييييير وش تقصدين ؟.. تفكيرك الوسخ خليه .. لي نفسك..يا و....> وسكتت ما كملت كلامها لأنه مهما كان زوجة ابوها > ومن العصبيه صكت بوجهه ديم : وش قالت ؟.. وخلتك معصبه كذا ترف : سئلتني وينك قلت اسوي خير قالت يعني العكس ديم : حقققققيره ترف كانت حآطه رجل على رجل وتهزها من العصبيه .. ومن بين اسننها : وأأأأأكثر وعم سكوت بسياره لين دخل ابو انس وركب السياره ودمع متحجر بعينه على حال هلمساكين ! ابو انس بصوة مبحوح : الحين وين تبون ترحون ؟ ترف : ديم وين نروح ديم : احم وتسئلني بعد ترف ضحكت : لا تصدقين نفسك ديم : وليه مااصدق نفسي ترف: اخلصي بس وين نروح ديم : مدري عنك ترف : نروح مطعم ديم : اوكي.. ولا اقولك تعالي تغدي عندنا ترف : لا استحي ديم : بالله لا يكون متعرفه عليك من اسبوع ترف: ههههههههههههههههههه ..لا لا خليها مرا ثانيه ديم : على راحتك .> وأتجهو لي مطعم Diamond / ببيت ابو ترف فاطمه : زفته هاذي ترف تأأأخرت طالعه من صلاة العصر والحين قرب يأذن المغرب فهد : ماما لا تقولين عنها زفته فاطمه : هذا إلي فالح فيه بس تدافع عنها .....: وله الحق يدافع عنها مو أخته فاطمه وقفت برتباك بتفااجئ وحطت الجلال على وجها على طول >فاطمه كان عليها الجلال وأكيد بكون عليها لأنه احيان يجون عمان ترف فجئه و يسئلونها عن اخبار اخوهم حي ميت !> طبعا اخوهم محمد مايدري بس سؤالهم عنه مو لي سواد عيونه "بالأحداث راح تعرفون سالفه" عبد الله : ردي مو أخته ؟ فاطمه وبنفسها شلوون دخل ومن متى رجع بعد 4 سنوات يرجع ماصدقت افتك من اخوانه يطلع لي ذا على غفله حاتم الطائي : هاه ايه ايه اخته فهد راح ضم عبد الله : خااااااااالو عبدالله من متى جيت .. من زمااااااااان ما شفتك من يومني عمري 5 ؟ عبدالله نزل نفسه لي مستوا فهد : ايه يا حبيبي كنت مسافر والحين خلصت وبقعد عندكم لللللللأبد فهد بفرحه : صدق عبد الله ابتسم : ايه صدق فاطمه : اا انا بروح اسوي لك شاهي عبد الله وقف : لا لا شكرا ما ابي ..> ......: خااااااااااالي عبد الله التفت وبفرحه : يا هلا وغلا بترف يا هلا..بشبيهة اختي ترف راحت سلمت على خالها وقامو يسلفون مع بعض عبد الله : ترف بقولك ترف : هلا خالي عبد الله : احمم ترف : وشفيك عبد الله : انا ترف : ايوا عبد الله : انا تزوجت ترف بشهقه : كيييييييف شلون ومتى عبد الله : وهي معي بسياره ترف عقدت حجانها : لايكون اجنبيه ؟ عبد الله : لا لا لا مو اجنبيه ترف تنهدت: اشوا عبد الله : ههههههههههههه.. ترف : طيب هي وشو .. وش جنسيتها عبد الله : مممممممم ترف : مااحب إلي كذا تكلم عبد الله : ههههههههههه..ممممممم لبنانيه ترف : لااااا اقولك اجنبيه تقولي لاء عبد الله : انتي قلتي اجنبيه بس هي عربيه ترف : خالي ليه تهورت عبد الله : يختي احبها ترف : طيب..وشفيك مقعده بسياره بذا الحر دخلها عبد الله : اوه نسيتها ولله > وطلع برا وقال لي سرين تنزل من سياره وتدخل بمجلس رجال سرين بخجل : سلام عليكم ترف : وعليكم سلام ... يا اهلين بزوجة خالي سرين : اهلين فيكي ترف بنفسها..سبحان الله الخالق جميله ما شاء الله مالومه يحبها : تفضلي سرين جلست ترف : خالو ما عرفتني عليها عبد الله : سرين بنت عصام الـ*** ترف : اها ونعم عبد الله : وتدرين قريبه من عمرك ترف ابتسمت : صدق ؟ عبد الله : ايه عمرها 22 فرق بينكم 3 سنوات ترف : العمر كله سرين كانت ساكته من الخجل عبد الله وقف وقفت مع سرين عبد الله : يلا انا بمشي ترف : لا اقعدو شوي مامليت منكم عبد الله : وليه هههههههه لا مليتي منا طردتينا ترف: لا حشا خخخخ عبد الله : سرين وشفيك ساكته ؟ سرين : ولله مابعرف شو بئول عبد الله : شكلي بعلمك على سعوديه سرين : ايه هاه شوي شوي راح اتعلم احكي زيكو ترف ضحكت : لبى قلبك ولله عبد الله : يلا عن اذنك ترف.. ترف : الله معكم راحت ترف غرفتها وحطت راسها ونامت بصباح سمعت صراخ قامت بسسسرعه وفتحت الباب ولقت فاطمه تبكي بكلمات ملخبطه ترف خافت إنه ابوها صارله شي : فاطمه وشششششفيك وش صار ابوي صارله شي وشفيك ! فاطمه بصوت متقطع : م ا ت م ا ت ترف طاحت من طولها واغمى عليها .................. / هذا جزء ثاني ..)
|
|||||||||||||||||||||
![]() |
![]() |
#4 | |||||||||||||||||||||
بنوتة مبتدئة
اتع ـبني غروري ..!
|
![]()
(جزء الثالث) راحت ترف غرفتها وحطت راسها ونامت بصباح سمعت صراخ قامت بسسسرعه وفتحت الباب ولقت فاطمه تبكي بكلمات ملخبطه ترف خافت إنه ابوها صارله شي : فاطمه وشششششفيك وش صار ابوي صارله شي وشفيك ! فاطمه بصوت متقطع : م ا ت م ا ت ترف طاحت من طولها واغمى عليها .................. فهد جاء يركض عند ترف وضمها وهو يبكي فهد يهز كتف ترف : ترررررررررف قومي قومي قومي .. .> ورن الجرس وراحت الخدامه تفتح الباب .. ودخل عبد الله وهو يضحك مع سرين..و سمع صياح بدور إلي فوق وطلع على طول و لقى ترف مغمى عليها عبد الله : فهد وشفي ترف وشفيها فهد يمسح دموعه: امي قالت مات واغمى عليها عبد الله شال ترف وحطها على كنب عبد الله : نسرين روحي جيبي ليمون بصل مويه أي شي يقوم البنت نسرين : حازر > وراحت جابت بصل ومويه < ترا صدق إلي مغمى عليهم سو لهم كذا يقمون على طول هع > عبد الله مسك البصل وجلس يحطه حوال خشم ترف المحمر ترف فتحت عيونها ودفت يد عبد الله ريحت البصل كانت قويه ترف بصوة مبحوح : عبد الله لا تقول ابوي مات الدنيا تموت بس ابي مايموت تكفى عبد الله قلي كلام غير غير عبد الله : لا حولا ولا قوة إلا بالله..من قال إنه ابوك مات ابوك مافي إلا كل خير ترف تعدلت وبفرحه : صصصصصصصدق عبد الله : ايه صدق..وذا منتي مصدقه اوديك له الحين عبد الله ينادي سرين إلي كانت مع فاطمه اخذتها للغرفه تهديها ترف : خالي أجل منهو إلي مات؟ عبد الله : ايه كاني بسئل سرين عبد الله : سرين سرين سرين جت بسرعه ومبين إنها كانت تبكي لأنه الكحل سال عبد الله بنفسه ولله وقلبك رهيف يا سرين : سرين حاولي تسئلينها منهو إلي مات ؟ سرين : عم تحكي بكلامت متأطعه بس إلي فهمتو منها عم بتئول مات اب بعديها بتشهق وبتبكي عبد الله : اهاا مات اب .... يعني مات ابوها ترف غمضت عيونها : لا حولا ولاقوة إلا بالله... عبد الله : ترف قومي هديها تلقينها منهاره ترف: إن شاء الله > وقفت ترف ومشت لها وقامت تهديها وأكلتها حبوب منومه عشان ترتاح وقرت عليها وطلعت من الغرفه ولقت عبد الله ونسرين وفهد جالسين بصاله بالأسفل ترف وهي نآزله من درج جاء فهد يركض وضمها ترف تضحك ونزلت نفسها لمستواه : خفت علي فهد : ايييييييه كثيره حسبتك متي ... يييه بسم الله عليك ترف ابتسمت وضمت فهد عبد الله : الله يسعدك يا ترف ترف: اميين وياكم .. خالي .. خوالي وينهم عبد الله عقد حجانه : وليه تسئلين عن ناس ما جابو طاريك ترف ارتبكت : هاه بس اسئل يعني عبد الله وقف : طيب يا ترف جيت بسلم عليك وبطلع ترف : ليه صرت ماتقعد كثير عبد الله : تبين صدق كنت بسهر معك بس تعرفين زوجة ابوك ابوها توه ميت وناس بتجي الحين تعزيها ترف:بس مو عندنا هي بتروح لي بيت ابوها عبد الله : صح بس يمكن يجونها لأنك تعرفين ماعندها إلا اخوانين وأخت ناصر و محمود..ومحمود مسجون....و طيبه ترف تتنهد : الله يعين...أجل الله معكم بعد ما طلع عبد الله وسرين ترف لقت فهد نايم على كنبه شالته وودته لي غرفته وراحت غرفتها ودقت على ديم ديم : يا هلااا بالقاطعه ترف : هههههه توني امس مكلمتك مدري قبله ديم : انا ساعه اسميها قاطعه ترف:ههههههههههه ديم : ايوا شخبارك ترف: عادي ونتي ديم : افا وشفيك ترف : قبل العصر مات ابو فاطمه ديم : لا حولا ولا قوة إلا بالله..عظم الله اجركم ترف: اجرنا واجرك ديم : وشلونها الحين ترف : عطيتها حبوب منومه شكلها بتقوم قبل المغرب واه بس الله يعينها ديم : اميين..اجل بجي انا وامي بعد العشاء نعزيها ترف : طيب ترف: يلا اناحبيت اسلم عليك..تبين شي ؟ ديم:ابد سلامتك يا الغاليه..الله معك صكت ترف الجوال وحطت راسها على مخده وناامت / مر على العزا 3 ايام وفاطمه تغيرت 180 درجه ليت للأحسن..صارت للأقسى! / فهد يدق الباب على ترف ترف بصوة مبحوح من البكي : أدخل فهد : وشفيك ترف ترف تمسح دموها : مافيني شي فهد: طيب تعالي تحت امي بس تصارخ علي وتقول الله ياخذك انت وابوك ترف بصوت عالي سمعته فاطمه ترف: الله ياخذك انتي يافطموه فهد مسح على شعر ترف : ترف عمي خالد كان صادق بياخذك ترف وقفت وخذت عبيتها وهي تلبسها : لا ماراح ياخذني موب بزر عنده فهد : وين بتروحين ترف : بروح للمستشفى فهد : بروح معك ترف: فهد قلبي ولله يرفضون انا بالياله يدخلوني فهد نزل راسه : طيب مشت ترف وطلعت برا بالحديقه وكانت تقلب بالجوال تدور على رقم حسيت بإحد يمشي ورها ف لتفت على طول ترف : ما تعرف تتنحنح ناصر : توني جاي ترف ناظرته بستحقار : بالله ؟ ناصر : كيفك لا تصدقيني ترف : أنت متى بتطلع من حياتي كل مااروح مكان القاك قبالي ناصر : صدقيني بتندمين على كل حرف تقولينه ترف ناظرته من فوق لي تحت :بالله ؟ ترف بنت محمد ما تتهد ناصر : عادي الأيام بتثبت لك > وراح عنها بسرعه وركبت ترف السياره بعصبييييه ابو انس بصوة هادي : عسى خير ؟ ترف من عدتها اذا عصبت تحط رجل على رجل وتهز رجولها بقووه : خير خير ابو انس حرك سياره وعند الأشاره ابو انس : ترف ترف : نعم ابو انس : ماقلتي وين بتروحين ترف : المستشفى ابو أنس : إن شاء الله ببيت ابو ترف فاطمه : ما شاء الله اشوف البنت تطلع وتروح على كيفها ناصر : المفروض يجي واحد ويسنعها فاطمه : اخخخخ بس ودي اذبحها وافتك منها فهد : لو ذبحتيها بقول للشرطه فاطمه + ناصر ضحكو بهستريه فهد تجمعت دموعه وركض فوق بالمستشفى دخلت ترف وعند العنايه كلمها الدكتور الدكتور : أختي ابوك بحاله سيئه جدا والمرض بدا ينتشر بجسمه ترف سكتت الدكتور بنفسه ولله تهورت البنت صغيره وما تستحمل لا حولا ولا قوة إلا بالله ترف : ممكن اشوفه الدكتور : أكيد ترف دخلت عند ابوها وتجر معها الام الدنياااا ترف مسكت يدين ابوها البارده وناظرت بوجهه المصفر وبصوة وآطي : يبه لا تتركني بدنيا مارحمتني ونت عايش اجل شلون لارحت عن دنيا ؟ يبه تذكر عماني وش بسون فيني يبه ولله الدنيا ف مماتك بتلعب فيني يبه مابي دنيا بدونك يبه مابي شي منك غير عيني تشوفك يبه فقت امي مابي افقتك يبه خلاص تعبببببببببببببببببببببببببت قم علشاني ترف بكت بكت بكت كل مع كلمه تصرخ بونات وطاحت على ارض وتمسكت بالحديد وجت سستر امل نفسها ووقفتها وجت بتطلعها رفضت ترف قالت بتقعد شوي وامل ما عارضت على رغبتها وراحت رجعت ترف تناظر في ابوها تحس اخر نظره له ! .. مسكت يدينه وقبلتها وقبلت راسه وعينه وخده ...... ومشت وطلعت من المستشفى ... وركبت سياره بصمت ابو انس : الله يشفيه يارب ترف : امين < حرك ابو انس وراح بيت ديم ترف طالعته ترف : ابو انس ما قلت لك رح لي ديم ابو انس : اسف يا ترف بس اعرف انك محتجتها الحين ترف ابتسمت : ايه ولله محتجتها كثيييير..شكرا ابو انس : ما سوينا شي..انتي بنتي ثانيه ترف ابتسمت ونزلت ودقت الجرس ولكن للأسف مكان احد في البيت ورجعت السياره ابو انس : وشفيك رجعتي ترف : مافي أحد ابو انس : طيب > وحرك سياره واتجه لي بيت ابو ترف نزلت ترف وراحت غرفتها على طول اكلت 3 حبوب منومه / أكلتٌ 3 حبوب منومه لأتنوم وأتمنى إن لا اصحوا بدا ولا اسمع بصاعقه الكبرى بوفاة ابي الغالي وأعلان نهايتي على ايدي اعمامي ! فقت الأمل نعم فقته ! كنت متأمله .. ب غدا احسن لكن قد خاب ضني / العائله كلها مجتمعه أخوان محمد وخواته ترف صحت وتحس راسها ثقيل ناظرت ساعه لقتها ساعه 12 بليل ترف : اوووه من متى انا نايمه !..> قامت راحت تبدل ثيابها وأخذت لها شور ونزلت للأسفل واول ما نزلت تفاجئت بوجد عمانها ترف بنفسها .. ابوي مات ابوي مات مات وكانو الموجدين العم خالد والعم سعدون والعم طارق والعمه شمه ترف ناظرتهم كلهم ولمت يدينها : عسى ماشر العم خالد بعصبيه : سلمي طيب ترف ظغطت على يديها : ليه اسلم عليكم ونتم مافكرتو تسئلون عني يعني متبرين مني انا بنت اخوكم محمد طرآآآآآآخ.. تناثر شعر ترف على وجهها ومسكت خدها الحار وحبست دموعها..وقفت بكل شموخ ترف : هاذي اولتها وشلون تاليها..حسبي الله عليكم العمه شمه بتوتر : طارق ليه عطيتها كف ماسوت شي البنيه طارق بعصبيه : ماسوت شي والكلام إلي قالته ما ملا عينك ترف رفعت راسها ومن بين عبراتها : ابوي شلونه خالد : ابووك وشلونه..ابووك مات مات من يومين ونتي توك تصحين على دنيا وتفكرين تقومين طارق بصوت واطي : خالد كان موهاذي الطريقه قلت لها سعدون : ايه ولله مهما كان هذا ابوها خالد أعلى صوته : كلنا بنموت والموت حق نزل خالد لمستوى ترف ومسكها من شعرها خالد : من بكرا تتجهزين فهمتي > ووقف وطلعو عمانها برا البيت العمه شمه راحت عند ترف وضمتها ترف : وخري عني شمه : ترف انا عمتك حسبت امك ترف : ههههههههه لا لا غلطانه انتي ماتجين مثل امي لو ربع شمه : ترف ولله موب بيدي يوم قاطعتك ترف : لحقي اخوانك بس ولا تسوين علي هلتمثليه عشان احبك وتستغليني شمه وقفت : شكرا يا ترف يجي منك اكثر > ومشت عنها ترف بصاله كورت على نفسها وبكت بكت بكت / يبه رحلت على دنيا الله يرحمك وعسى مثواك الجنه يبه طلبتك لامن نمت تزورني بحلامي يمكن لاشفتك نسيت همي الله يقدرني على فرقاك يا الغالي والله يقويني على دنياي الصعيبه / ديم ببكي : يييييمه خديجه: وشفيتس ديم وشبلاتس تصحين ديم : يبه ابو ترف مات خديجه جلست على كنبه : لا حولا ولا قوة إلا بالله إن إليه راجعون لا حولا ولا قوة إلا بالله ديم ارتمت بحظن أمها وببببكت / بكيت لجلكِ بكيت لأنك تيتمي مبكرا بكيت لأنك فقتي الأم والأب بكيت لأنك فقتي الحنان ولم تجدي السعاده طلال حياتك صدقتي اعدك أن أكون لكِ الأب والأم والأخت / خديجه تمسح على شعر ديم : يلا ديم البسي عبايتك ونا بلبس عبايتي نروح لي ترف ديم وقفت بسرعه : إن شاء الله هذا جزء الثالث ..)
|
|||||||||||||||||||||
![]() |
![]() |
#5 | |||||||||||||||||||||
بنوتة مبتدئة
اتع ـبني غروري ..!
|
![]()
( جزء الرابع )
|
|||||||||||||||||||||
![]() |
![]() |
#6 | |||||||||||||||||||||
بنوتة مبتدئة
اتع ـبني غروري ..!
|
![]()
(جزء الخامس) سعود : دييييييم .. دييييييم ديم : هاا سعود : هويتي تعالي تحت ابيك ديم : هلا سعود أجلسي ديم جلست على كنبه وسكتت سعود : احمم ديم : اييه سعود : ابي اتزوج ديم فتحت عيونها على أخر : تتزوج سعود : ايه اتزوج ديم : تتزوج منو ؟..اقصد في بالك أحد ولا اخطب لك سعود : إلا في بالي أحد ديم : منهي ببيت ابو ترف ترف كانت قاعده بصاله تحاكي فهد ترف : فهد تراك بتروح معي فهد : وين ترف : عند عماني فهد : لييه ابي امي ترف : فهد فهد : نعم ترف بغت تقوله بس قالت لا صغير مراح يفهمني : لا لا خلاص فهد : شهد لا تكفين قولي ترف : رح جب جوالي من فوق بدق على خالي عبد الله فهد : ليه ماتقولين للخدامه ترف : اوه اخليها تترك شغلها عشان جوال..بتجيبه ولا كيــــــــف؟ فهد وقف : لا خلاص بجيبه ~> وراح جاب جوال ترف فهد : امسكي ترف : شوكرا .. > جت تدق على خالها إلا دقت عليها ديم ديم: ترررررررف ترف : هلا ديم : أطلعي فوق ترف استغربت : وشدراك اني تحت ديم : مدري..بس روحي غرفتك ترف : اوكي > وراحت غرفتها وصكت الباب ترف : ايه وشتبين ديم : اخوي بتزوج ترف : اا .. مين ؟ ديم : تعرفين جارتنا ؟ ترف : ايه .. بس أي وحده ؟ ديم بضيق : افنان ترف : يعني اخوك بتزوج افنان ديم : ايه ترف بخنقه : ديم شوي بكلمك ديم : ترف وشفيك ؟ ترف تغارقت دموع بعيونها : لا لا مافي شي ديم : صوتك تغير ترف وشفيك تخبين علي ترف : ديم تكفين بكلمك بعدين .. باي ديم : الله معك عند ديم ديم : وشفيها هاذي ؟ لايكون بس تحب اخوي لا مستحيل سعود : منهي إلي تحبني ديم : هاه لا لا محد سعود : ديم تكلمي منهي ديم : اا .. ياخي محد ..> وقفت بسرعه بتروح غرفتها وسعود مسك يدها وجلسها بالغصب سعود : بتتكلمين ولا شلون ديم : اا .. افنان ايه افنان تحبك سعود : اقول تلعبين على هندي ...؟ ديم : اووووف..ياخي سوالف بنات مايصلح سعود : ديم تكلمي ولله ماراح تمشين من هنا إلا ونتي متكلمه ديم بنفسها اخاف اقوله وحده من صدقاتي وو ارطها خلني اقول صدق احسن : تت تتت ترف سعود استغرب : تـــــــرف ؟ لا يكون ترف بنت محمد ! ديم : ها .......... ايه سعود تركها وراح غرفته على طول عند ترف كانت تشوف صورها متناثره ولا من دزها تحت الباب ناصر! ترف : كيييييف جاب صوري يارب كيف اهـ انا ناقصه بعد هم ورن جوالها وشافت المتصل ناصر ترف رد بسرعه : يا حقيييييييير ناصر ضحك : قلت لك يا ترف لا تلعبين معي ادوسك تحت الأرض ترف : انت احقر انسان شفته بحياتي..ولو عندك رجوليه كان مسويت كذا يا خسيس يا نذل .. بتشوفها يوم ببناتك ناصر : هههههههههههه..اسمعي يا تمشين بالحرف الوآحد ولا صورك هاذي يا صاحبة الجمال الفاتن..منتشره بالأنترنت وبالبلتوث . ترا كلها تك تك .. وتنتشر صورك ترف ابتسمت نص ابتسامه : سبق وقلت لك انا ترف بنت محمد ما تتهدد > ترف استغربت من نفسها شلون طلعت ذا الكلام وهو يمديه يسوي أي شي ناصر : لك مهله اسبوع فكري زين .. يا ايه تمشين بالحرف الواحد..ولا لاء..وتنتشر صورك ترف : حقييييييييييييير > وصكت بوجهه / لما القدر يجلبني إلا الأسوء ّ! / بكت ترف وخبطت نفسها وتشاهق بكلامة ياربي ليه !؟ ورن جوالها ..> ديم يتصل بك ترف : ياربي يا ديم مو رايقه لك..خلني ارد شكلها ضاق خلقها ترف : هلا ديم ديم : تريف اعترفي انتي تحبين اخوي ترف بفهواه : أي اخو ؟ ديم : يعني بالله أي اخو .. سعود ترف بتناحه : سعود اخوك ديم : ايه وشفيك ترف : لا من قال ديم : مدري عنك يوم قلت انه بتزوج قمتي تضايقتي وحسيتك بكيتي!..وقلت بعدين اكلمك ترف يوه ديم راح تفكيرها بعيد : ههههههه لبى قلبك..بس مم ايه شفتي الكمادينه ونا افتحه طاح الأبجوره على يدي> وبنفسها .. اوه شلون جت ذي الكذبه < ديم زل لسانها : تصدقين...سمعني اخوي ونا اكلم نفسي بس بصوة واطي انك يمكن تحبينه وسئلني وقلت ترف ترف : شنوووووووووو ديم بخوف: اسفه ترف : ديم يا سخيفه ليه سويتي كذا الولد بصدق عمره ديم : لا لا هو شكله يحب افنان ترف : اوف مالت عليك..روحي كلميه يا شيخه ديم : لو سمحتي اسمي ديم ترف : لا ولله فاضيه لأستهبالك.,يلا باي وروحي قوليله بسرعه > / عند سعود سعود كان يفكر ويكلم نفسه سعود لو هي تحبني ليه دايم تناظرني بإستحقار ونظرات تستفز .. بس لو تحبني .. بتخرب علي جزوآجي ..لازم اكلمها طق طق طق سعود : أدخل ديم : سعود سعود : هلا ديم : بقولك شي سعود : هلا ديم : ترف ما تحبك سعود لا رد ديم : اقصد ههههههه يعني حسبتها تحبك لأني كلمتك وهي تضايقتك يوم جبت طاري الزواج يعني انك بتتزوج بعدين دقيت عليها وسئلتها شسالفه قالت لي أنها طاحت الأبجوره على يديها سعود : هههههههههههههههههههههههههههههههههههههههه ..وتصدقين انا صدقتك ديم : ههههههههه من جد ..! سعود : خخخخخخخ أي ولله ديم : يا حليلك بس وطلعت ديم بسرعه لأنه سعود عنده ياحليلك سبه عند ترف ترف : عمي انا مابي اروح معكم لي بيت وبأسم ابوي ليه اروح ؟ معكم العم خالد : انتي تعرفين الورث بعد من بيت ابوك ولازم نبيعه ترف : طيب..موافقه بسس العم خالد : بس ايش؟ ترف : انتو تعرفون فهد اخوي صح من اب وأم العم خآلد ضحك : اكيد نعرف..وعشان......... ترف : عشان ايش كمل؟ ع / خالد :لا لا ولاشي..ايه كملي ترف : ايه ابغى اخوي يروح معي..واسكن عندي عمتي شمه ع / خالد : طيب بس للعلم ترا عمانك وعماتك كلنا جيران ترف : طيب..بس ابي اسكن عند عمتي شمه ع / خالد : طيب إلي تشوفيه ترف كانت تعرف طيبة عمها خالد لجل شي بس سكتت ع / خالد : خلاص بعد العشاء بمرك تزهبين كل شي والبيت بينباع..وموجد إلي يشتريه ترف : طيب...ووقفت ./ تبي شي بطلع غرفتي ع / خالد : سلامتك > ووقف هو وأتجه لي سيارته ترف بغرفتها دقت على طول على ديم تقولها ديم ردت بسرعه : ترف ترف تر ف ترف : هلااا ديم : شتفي افنان ترف : وشفيها ديم : تغيييييييييرت مرا مرا مرا مرا وه اتعب ونا اقول مرا ترف : خخخخخخ شسالفه ديم : انا رحت انا وأمي وكذا وكلمناهم ع اساس بنخطب افنان لي سعود .. ، حلووت مرا طلعت تجنن أحلى مني هع ونحفت .. وصارت ثقل مرا تغيرت ما عرفتها ترف : هههههههههههه .. خبله يعني كنتي متضايقه عشانها شينه وبتزوجها سعود ههههههههه ديم : هع هع ايه ترف كانت بتقولها بس هونت عشان فرحتها لأخوها : على بركه ديم : الله يبارك فيك, عقباالك ترف: هه أمين بيوم وآحد انا وانتي ديم : لا ابي بلحالي ترف :خخخخ من زينك ., تبين شي ؟ ديم : بدري ؟ ترف : بقولك بعدين..يلا مع سلامه ديم : الله معك ..> ترف جهزت اغرضها واغراض اخوها ولقته نايم , ولبسته ونزلته بصاله وراحت لـ/جوجو> خدامتهم > ترف : جوجو جوجو : نئم ترف : انا بروح اعيش مع اعمامي جوجو : ليش.؟ ترف : مدري .. يمكن عشان ابوي موت الله يرحمه..بس تبين تروحين معي ولا تسافرين ؟ جوجو: لا سوري ميس ابغا سافر ترف : اوك مثل ماتبين ..> راحت ترف تصلي العشاء وراحت غرفة فاطمه تسلم عليها > صح تكرها بس فاطمه سوت اشياء لي ترف سعدتها احيان .. طق طق > لا رد ترف استغربت وفتحت الباب لقت الغرفه فاضيه ودولا فاضي من الملابس ترف انقهرت : بتبقين طول عمرك نذللللله ..> نزلت تحت تتظر عمها وجاء عمها واخذها وودها لي بيت عمتها شمه / اعرفكم بعائلة ترف العم خالد ( ابو عبد العزيز ) و العم سعدون ( ابو بدر) و العم طارق(ابو فارس) و العمه شمه(ام فيصل) و العمه حصه (ام ركان ) / تسئلون ليه ترف اختارت العمه شمه ؟ / لأنه ترف تحبها والعه شمه طيبه معها وتخاف عليها كثر بنتها / ابو عبد العزيز : يلا ترف انزلي..وثاني مرا اشتري غطوه زينه مو لثمه ترف : إن شاء الله فهد : ترف ابي امي ابو عبد العزيز بعصبيه : هاذي مو امك إلي اسمها فاطمه أمك ماتت فهد بكى ... وترف ضمته ونزلته..ودخلو القصر وكانت العمه شمه بإستقبالها ولكن البنات كانو طالعات بس بقت هي وبنتها ام فيصل : يا هلا بترف يا هلا ببنتي ترف بنفسها مصره اني بنتها : هلا بك عمه ...: يمه هاذي ترف ؟ ترف لفت وقعدت تنظرها لأنها ما تعرفها ام فيصل : ايه هاذي ترف..ترف هاذي بنتي فهده ترف ابتسمت : يا هلا فهده ام فيصل : هي اكبر منك بسنه ترف : اهاا .. > ما تدري وش تقولي < العمر كله فهده فهده : وياك..تعالي اطلعك لي غرفتك ترف ابتسمت : طيب بس اسلم على عمتي فهد يمسح دموعه : ترف ابي امي فهده : يانسيييي يجنن ما شاء الله من هذا ترف : هذا فهد اخوي فهده : اخوووص متقاربين بالأسامي انا وهو .. فهد تعالي حبيبي اعطيك كيك وحلاو وكل شي فهد راح عند فهده وشالته وقامت تلعبه ترف ارتاحت لي فهده وحبتها على طول وجلست هي وام فيصل يسلفون بعدين رقت فوق لي غرفتها تصفف ملبسها .. وراحت غرفت فهد وصففت ملابسه فهده دخلت على ترف فهده : بنتت وشفيك ترتبين ..كان قلتي للخدمات ترف ابتسمت ماتدري وش تقول فهده : ترف اشوفك من اليوم توزعين ابتسمات .. بس يا حلوها ولله ترف : هههههههههههههههه .. وياحلوك انتي بعد فهده : تعالي نشوف لنا فلم او أي شي ترف : اوكي ..>/ شسمه هاذي نص جزءالخامس ![]()
|
|||||||||||||||||||||
![]() |
![]() |
#7 | |||||||||||||||||||||
بنوتة مبتدئة
اتع ـبني غروري ..!
|
![]()
(تكملة جزء الخامس) فهده : تعالي نشوف لنا فلم او أي شي ترف : اوكي ..> جو يطلعون من الغرفه وهم ماشين بسيب .......: من هاذي ؟ فهده : هلا عهود عهود من دون نفس : هلا فيك..> ومن نظرات فوق لي تحت < : من هاذي ؟ ترف بادلتها نظرات ورفعت حاجبها الأيمن,وبغرور : ترف بنت محمد, يعني بنت عمك عهود ضحكت : هههههههه .. بالأسم بس ولا انا ما اتشرف تكونين بنت عمي ترف انصدمت وكانت بتتكلم بس فهده تكلمت فهده بعصبيه : خلاص عهود عهود سفتها ومشت فهده لفت على ترف ببتسامه : تروف لا تشرهين على عهود صغيره عمرها 17 ترف ابتسمت : لا عادي ماهمتني فهده : ها نشوف فلم ولا هونتي ترف ضحكت : لا نشوف فهده : طيب تعالي نسوي بابكرون .. ترف : أوكي نزلو ترف وفهده بالطبخ بدال مايسون البابكرون قامو يسلفون فهده : اها....ونتي كملتي دراسه ولا ترف : ولله بعد ماابوي دخل المستشفى اهملت كل شي فهده : وأي سنه انتي الحين ترف : اوله جامعه بس المفروض ثاني فهده : اها انا ثالث ترف : الله يوفقك فهده : وياك .........: فهده دآخله المطبخ غررررررررررريبه ترف عطتها ظهرها على طول فهده : بسم الله الرحمن الرحيم..فصيييل ما تعرف تتنحنح فيصل بفهواه : اقول وشفيها الخدامه عطتني ظهرها فهده : خدامه بعينك..هاذي ترف بنت عمي فيصل : هههههههههههههه..حسبتها خدامه فهده : لا ولله فيصل : ولا خدامه حلوه .. قلت زين بصبح وبمسي على وجه يفتح النفس ترف ماسكه ضحكتها ونفس الوقت معصبه فهده : اها بس..طيب اطلع برا البنت ماعليها حجاب فيصل : طيب طيب طيب ،> وطلع برا المطبخ ترف بضحكه : ههههههههههههههه..فهده اخوك وربي مو صاحييييي> بعدين بعصبيه < أجل يشبهني بالخدامه فهده : ههههههههه لأنه عارف ماعنده إلا اختين من وين جت ذي اكيد خدامه ههههههههه ترف : اها ليه انتو تكشفون حق بعض عادي ؟ فهده : ايه ايه عادي بس لزوم نتحجب ترف استغربت :اها فهده : اوه ماسوينا البابكرون >< وهي تتثاوب ترف تثاوبت مثلها : اعوذ بالله من شيطان الرجيم , شكلك فيك نوم فهده : ايه ولله ترف : مي تو , اجل يلا نروح ننوم فهده : أوك وطلعو فوق ترف جت بترقا الدرج ......: ترف ترف لفت ورجعت نزلت : هلا عمي خالد ع / خالد : ماتعرفين تمشين بالبيت ونتي متحجبه فهده نزلت على طول يوم سمعت صوت عمهآ فهده : اوه اسفه عمي بس انا خليتها تنزل ونسيت اقولها وهم بعد ماتدري إنه عندنا اخوان ع / خالد : وابوك وين راح فهده : ابوي اعرف انه يرجع متأخر ع / خالد : طيب يمكن يرد بدري فهده سكتت ترف تغير السالفه : عمي بغيت شي مني ع / خالد : تعالي بالمجلس ترف راحت وراه وجلسو بالمجلس ع / خالد : بعنا البيت وخلصنا باقي تقسم الورث ترف بلعت ريقها : ايه ع/ خالد : ولي ماسك حلال ابوك وابوك كاتب وصيه > وطلع من جيبه ورقه ؛< وهاذي وصيته طبعا انا قلت للي ماسك حلال ابوك إنه ماتقدر تجي هنا عطني نسخه من وصيت المرحوم ترف اخذت الورقه وقامت تقرا ., ترف بإستغراب: ابوووي يبغى لكم نص الورث خالد : ايه ترف وقفت : مااصدق,’وما اصدق إلا لين اشوف ماسك حلال ابوي خآلد وقف معها وقرب من ترف ومسك يدها وظغطها عليها بقووه ترف : أه خالد : الحين تكتبين كلامك وأنك موافقه فهمتي ولا راح تشوفين شي ما يعجبك> وفك يده ترف :........ خالد : ولا اقولك ,,’ بتجين معي بكرا وتشوفينه وتقرين الوصيه الأصليه ترف بنفسها لا يتكلم بكل ثقه : طيب > ومشت بسرعه ولقت فهده تتصنت ترف : فهده وشتسوين هنا فهده سحبتها ورقو فوق بسرعه لي غرفة ترف فهده وهي تلهث : ترف شكلك ماتعرفين قصة عمي محمد وعماني ترف استغربت : ليه شسالفه فهده : هما عمي محمد ام فيصل دخلت بعصبيه ام فيصل : فهده فهده خفق قلبها : سـ..ـم ي سمي يمه أم فيصل : ليه هزئتي عهود قدام ترف ترف استغربت : ما هزئتها فهده ولا سوينا شي؟ ام فيصل : انتي اسكتي ولا كلمه ترف استغربت اكثر وسكتت ! فهده : يمه ولله ما سويت شي هي جت وقالت لي ترف ما اتشرف تكونين بنت عمي ام فيصل : كيف عهود تقول كذا ما اصدق فهده بنفسها بلاك ماتدرين وش نوايها : ايه يمه ولله قالت كذ1 ام فيصل جلست جب ترف ومسحت على شعرها ام فيصل : اسفه يا ترف عصبت عليك بس انا ماراضى احد يهزئ بناتي ترف ابتسمت : لا عادي عهود دخلت عليهم : لا ولله يا ماما بدال ما تهزئينهم جايه تراضينهم أم فيصل بعصبيه : وليه تقولين لي ترف ما اتشرف تكونين بنت عمي عهود شهقت وبدلع : ماما انا اقول كذا حرام عليك تعرفين اني طيبه .. ولا يطلع مني هذا الكلام يكذبون لا تصدقينهم > وراحت جب ترف وباستها ترف انصدمت عهود : سح ترف ما قلت كذا ؟ ترف بإستغراب وبفهواه : ها ايه فهده : تتتتتتتتتتتتترف ؟ ترف : اقصد ., لا عمتي فهده إلي قالته صح ام فيصل وقفت : لحول دروختوني .. ومسكت يد عهود وطلعتها برا فهده : غبيه ترف : يختي مدري .. استغربت بوستها وش اسوي فهده : لا يكون خقيتي ترف : لا بس انا افهي لا احد جاني وباسني فجئه فهده : ههههههههههههه.’ نامي بس ترف : إلا فهده وين فهد ما اشوفه ؟ فهده : قاعد مع فيصل يلعبون بلستيشن ترف : طيب عفيه قومي ناديه يجي ينام فهده : اوكي > وقامت ونادت فهد ونام بغرفة ترف لأنه يخاف اول يوم له بالبيت .. وفهده راحت تنوم بغرفتها.... في صباح يوم جديد ! ترف صحت على صوت الجوال وردت كلها نوم ... : يا هلا وغلا بترف كيفك حبي ترا اشتقت لك ترف صحت وعقدت حجانها ترف : خير يا ناصر نعم وش تبي داق ؟ ناصر : هههههههههه .. اوه اوه وش قلنا .. إلا تعالي انا مهلتك اسبوع هاه وش قررتي ؟ ترف : من الأخر تخسى اكون لك زي الخاتم ,. ناصر استغرب : يعني عادي انشر صورك ؟ ترف تعلثمت : اييه > وصكت جوالها فهده تطق الباب طق طق ترف : مين فهده : مرفت امين ترف مشت وفتحت الباب :خخخخخخخ حلوه بس لا تعدينها فهده : هع ,’ ما قام فهود ترف : لاء ><؛ فهده راحت يم فهد وجلست تقومه فهد : هممم فهده : قوم فهود تعال نفطر ترف : لا كيف نفطر فهده : شلون يعني كيف؟ ,, ترف : اقصد كيف نفطر واخوك فيصل موجد فهده بستغراب : عادي تحجبي انا وبنات خالي و نتحجب لي اولاد خالي عادي ترف : لا لا معليش فهده : ترف بلا مساخه., اصلا بتتعودين لأنا كلنا كذا ترف : نو نونو فهده : تررررررررف ترف : هاا.., بعدين تعالي اوكي اتحجب عند اخوك,’ طيب وأبوك ؟ فهده : عآآآآآآآآآآآآآآآآآدي.,اساسا اذا رحنا السوق ما نتغطى نتحجب ترف : كيف عايشن انتو فهده : بهواء هع ترف : خخخخخخخخ فهده : المهم تجين او لاء؟ ترف :لاء فهده راحت دالوب ترف وطلعت تنوره جينز وتيشرت كمه طويل لونه موف وطلعت حجاب موف فهده : امسكي ترف : لا لا لا لا لا لا فهده : إلا اقول ترف ليه خدودك محمره خخخخخخخخخخخخخخخخ ترف : هاه ,’ شلون محمره ,,’ مدري يمكن عشان قمت من النوم فهده : اجنبيه على غفله هع ترف : خخخخخخخ .., طيب بدخل اتحمم .. فهده : اوك اجل بقول لي الخدامه ترقي لنا فطور ترف ابتسمت : اوكي >..> دخلت ترف تتحمم بعد العصر جاء عمها خالد مع ابو زيد ( إلي ماسك حلال ابو ترف ) العم خالد بالمجلس جاء فتح له الباب فيصل العم خالد :فيصل رح قل لي فهده تنادي بنت عمك فيصل : إن شاء الله .> راح فيصل فوق يدور فهده مالقها ف راح غرفت ترف ودق الباب ترف : ميين فيصل : أحم فيصل ترف قربت من الباب : نعم فيصل بغيت شي فيصل : ايه عمي يبيك تحت ترف : اوك > ومشت تلبس عبايتها وتلثمت وفتحت الباب ولقت فيصل متكي بصاله إلي فوق ترف مشت وهي ميته خجل فيصل : اوف ترف وشفيك متلثمه ترف سفهته ونزلت عند عمها جت بتدخل المجلس بس العم تنح تنح وقام لها العم خالد : ماقلت لك لا تلبسين الثمه ولا اكشفي احسن..عيونك تسبب فتنه ترف بنفسها ههههههههههه اها عشان كذا .. وشالت لثمه وحطت عليها غطوه : وكذا العم خالد : زين زين ترف : هاه يلا نروح العم خالد : لا جبت معي ابو زيد إلي ماسك حلال ابوك..وافق انه يجي ترف : طيب العم خالد : يلا ادخلي دخلت ترف المجلس وجلست بعيد عنهم واخذ العم خالد الوصيه من ابوي زيد وعطها ترف تقراه / هذا تكملة جزء الخامس و توقعآتكم ؟..)
التعديل الأخير تم بواسطة شهد الوليد ; 17-09-2009 الساعة 02:06 AM |
|||||||||||||||||||||
![]() |
![]() |
#8 | |||||||||||||||||||||
بنوتة مبتدئة
اتع ـبني غروري ..!
|
![]() وبـِـِس هذا حاليا الأجزآء إلي كتبتها ~
|
|||||||||||||||||||||
![]() |
![]() |
#9 | |||||||||||||||||||||
بنوتة مبتدئة
اتع ـبني غروري ..!
|
![]()
وــــــــــلآ رد ؟
|
|||||||||||||||||||||
![]() |
![]() |
#10 | |||||||||||||||||||
بنوتة CooL
DenGer Girl
|
![]()
بصراحه يعجز لسـانـي عن وصف ابداع الروايه
|
|||||||||||||||||||
![]() |
![]() |
الكلمات الدلالية (Tags) |
الامي, بها, حياتي, روايه, or ،بقلمي, سطرت, قصة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|