منذ /11-12-2006, 01:38 PM
|
#21 | |||||||||||||||||||
|
بنوتة مبتدئة
|
مشكورررة على البارت مرررة يجنن و اتمنى انك تنزلين الجزء الي بعده
|
|||||||||||||||||||
| #ADS | |
|
:: إعلانات ::
Circuit advertisement
 تاريخ التسجيل: Always
الدولة: Advertising world
العمر: 2010
المشاركات: Many
|
|
|
|
منذ /11-12-2006, 02:08 PM
|
#22 | |||||||||||||||||||
|
بنوتة محلقة
|
مشكورييييييييييين
|
|||||||||||||||||||
|
منذ /11-12-2006, 02:12 PM
|
#23 | |||||||||||||||||||
|
بنوتة محلقة
|
اهلا بنووووتااااااااااات اشلونكم اتفضلوووووو..................:char0248  فيصل كان جالس عالكرسي وحاط ايده على راسه ماينلام الحين كلش على راسه متوتر ومايدري وش في اخوه وولد عمه كيف بيعلم اهله والمشكله مافي غيره يعلمهم فيصل : سعود سعود : هلا فيصل : كلمني عن الحادث كيف صار سعود : في البدايه دق علي اخوك وقال لي تعال نفحط بالتحليه عاد انااصلا كنت ناوي اروح هناك ........وجانا بسيارة ال Bm ......و فيصل يقاطعه : بي ام ؟؟!! سيارتنا ؟؟ سعود : أي كان يقول انها حقت الوالد فيصل خلاص ماقدر يمسك نفسه فيصل وهو مرتاع : ووش صار للسياره الحين ..؟ هذي حقت ابوي وتوها جديده .... ا خخ منك يارفاس الحين كيف بقول له سعود : مشكله والله يساعدكم ... بس فارس ماكان مهتم ابد انها لأبوك ...... الله يهديه ويشفيه فيصل : امين ..كمل لي عن الحادث سعود : أي وبعدين بدأ فارس بحركاته المعروفه ....الحركات الجنونيه والكل كان يصور ..... لكنه بسبب لمبة الشارع راح فيها فيصل : انا لله .. سعود : وهذي صوره الحادث في الجوال فيصل : كان مرره متوتر وهو يطالع المقطع اللي يبدأ بتفحييط مميت ... ويليه اصوات صراخ الشباب ....... وتجمعهم على السياره .. والمقطع الثاني كانت صورة وجه عبدالله المهشم واللي ماتبين ملامحه زين فيصل سكر المقطع واعطى الجوال لسعود فيصل : لاحوول ولاقوة اللا بالله ..... ليه يافارس .. ليه كم مره حذرتك ...... الحين فارس لازم اعرف وش اللي صار عليه . فيصل وسعود الوحيد ين اللي كانوا بالمستشفى والباقي كللهم راحوا لأن فارس مررا تأخر بالعنايه المركزه سلموا على فيصل وراحوا لبيوتهم وشوي .... ويجي مشاري للمستشفى ... لأن نوف علمته بالخبر زي ماقال لها .فيصل ... مشاري كان جاي مستعجل مررا مشاري : فيصل هاه وش اللي صاير بشر عن فارس فيصل بحزن : فارس بالعنايه وعبدالله تقدر تدخل عليه بالغرفه رح مشاري مسرع لغرفة عبدالله سعود : فيصل الله ان شالله بيجبر مصيبتكم ....... يللا انا استأذنك ..بس طلبتك ان عرفت شي عن فارس .. هذا رقمي ..... فيصل : طيب سعود : مع السلامه فيصل : مع السلامه جا مشاري لعند فيصل ........ مشاري : عبدالله والله مايستاهل فيصل : الحين كيف بنعلمهم ؟؟ واهل عبدالله .. وش السواة يامشاري ؟؟ مشاري : والله مابيدي شي الحين وفجأه طلع الدكتور المسؤول عن حالة فارس من العنايه فيصل ومشاري على طول لعند الدكتور فيصل : هاه يادكتور وش حالته مشاري : اقدر اشوفه الحين د: أي تفضل فيصل : علمني وش فيه ؟؟ د: والله مدري وش اقول لك ..... بس احنا الحين نحاول نسيطر على الحاله فيصل : مافهمتك .. فارس وش فيه د: اهو الحادث كان مو جهته تقريبا ... بس احتمال .................................................. ............................................ِشلـــ ــــــل نصفــــــــــــــــي .............................. ((قال شلل ... وكانت زي الطعنه على فيصل ... ليه ليه يضيع شاب في احلى عمره ....... نتيجه لأهمال من الأهل .. )) فيصل : شلل !!! على حسب خبرتي انه مايحرك رجلينه الثنتين د: أي ... حاولنا نسيطر على الحاله بس للأسف ... وتطاير بعض الزجاج على صدره بس الحمدلله ............ قدرنا عليه بس بعض الجروح على صدره فيصل بدون مايستوعب كلام الدكتور دخل على اخوه اللي كان في غير وعيه ......... كان مبنج ولايحس بشي حوله ....... فيصل على طول توجه لعند فارس وهو يطالعه بنظرة شفقه .. والدمعه كانت متحجره في عيونه ...... مشاري راح لعند فيصل .... وحط ايده على ظهره ولفه .... مشاري باستغراب : فيصل !! تبكي ؟؟ وليه كلها جروح وان شالله مع الوقت تروح فيصل ..غمض عينه حتى نزلت دمعته على خده .. مشاري : فيصل ايش قال لك الدكتور ؟؟ علمني فيصل : مشاري اخونا عنده ..... شلل نصفي مشاري باستغراب : مشلووول ؟؟!! فيصل : يعني مايحرك الرجلين مشاري : انا لله ..طيب مافي امل من علاجه ؟؟ فيصل وهو يجلس على الكرسي : لامافي امل حاولوا بس هذي النتيجه اللي لازم نستسلم لها مشاري : لااااااا ... طيب ولا برا ؟؟ فيصل : لا ولا برا ماينفع شي .... مشاري اخونا بيصير مقعد ... والثاني كسر بالحوض ... والسبب اهماااال مشاري : لاحول ولاقوة اللا بالله .. فيصل : والحل الحين كيف بنعلم امي ؟؟! مشاري : شف انا من راايي نخلي عبدالله يعلمون اهله اخوانه ...... وامي نقول لنوف .. بس ماتقول شلل وبيصير مقعد لا نقول انه مريض وبس فيصل بنفعال : بس امي لازم بتعرف مشاري : هذا مبدأيا والخبر بالتدريج دخل الدكتور على الاثنين فجأه د: لو سمحتوا المريض محتاج لراحه فيصل : اوكي يللا لازم نروح مشاري : مشينا والقوا نظره اخيره على فارس .. ذاك الولد المطيوور والصغير .. وصاحب التصرفات المراهقه .... مبنج على سرير بيقوم من بعده بحاله ثاانيه ................... الحين بتغير حياته من هاللحظه .. وبيصير انسان مقعد كانوا راكبين السياره والهدوء والحزن يعم المكان ,.... ويفكرون كيف بيعلمون اهلهم ... فيصل : مشاري .. مشاري : نعم ؟!! فيصل : عارف الحادث بأي سياره .. مشاري : اتوقع انها لواحد من ربع فارس فيصل : البي ام حق ابوي مشاري : البي ام !!!... اووف ايش هالمشكله والسياره وش صار فيها بعد ؟ فيصل : السياره راحت والعيال راحوا كله اهمالنا .. مشاري : طيب والحين كيف نخبرهم فيصل بصراخ : مدري والله مدري انا مثلك متورط :::::::::::::::::::::::::::::::::::::::::::::::::: :::::::::::::::: كانت جالسه بتوتر وحزن وخوف لامشاري ........ ولافيصل يردون ... يالهى ويقطع تفكيرها صدى صوت فتح باب الشارع ...راحت مستعجله لنافذة الغرفه .. وشافت الاثنين يدخلون وبعد شوي دخل عليها مشاري وفيصل وجلسوا الأثنين على الكراسي الموجوده ...... في غرفتها نوف : فييصل مشاري ... علموني وش اللي صاير مشاري : نوف انتي تعلمين امي خلاص ؟! نوف : عن ايش وفارس وش فيه الحين ؟؟ فيصل : انا طالع نسيت سعود يبيني اتصل عليه ... استاذنكم نوف : مشااااري !! وش صاير مشاري : فارس عنده شلل نصفي يعني مايحرك رجوله نوف حطت ايدها على فمها : لااااااااااا وش لون يعني مشلول مشاري : مشلول نوف طبعا مافي اسهل من دموعها .. وماتقدر تسوي شي ... غير ان الدمعه نزلت على خدها .......... اللى ان نزلت دموعها على خدها ... واحمر لون وجهها نوف وهي تبكي : لالا مااايصير .. لا فارس مافيه شي مشاري حط ايده على كتف نوف : نوف لاتبكين هذا اللي الله كاتبه نوف لازالت تبكي بحرقه : لالا بس مووفارس ...انشل انا .. ولا ينشل فارس .... حرام توه مابعد يشوف الدنيا........ فارس مايصير يعيش شبابه على كرسي مشاري : نوف في ناس حالاتهم اصعب من كذا للي صار صحيح مو شوي بس هذا اللي ربك بغاه نوف بصوت مازال يبكي : طيب وامي الحين كيف اقول لها ؟؟! مشاري : الله يعين امي على الخبر الثلاثه ماعرفوا ينامون من هول الخبر ... اللي كان مثل الصاعقه عليهم الساعه 10 كانوا بالصاله .... وشوي ودخلت عليهم ام فيصل وأبو فيصل ... ابو فيصل كان بيروح للمزرعه حقته اللي في الدرعيه ....من عادته يروح ومايرجع اللا وقت العصر .... اما ام فيصل جلست مع عيالها ام فيصل : صباح الخير مشاري وفيصل : صباح النور جلست مستغربه هدوءهم لأن من العاده .. مشاري يجنن نوف ونوف تصارخ ... وفيصل يسكتهم ... يعني زي كل الأخوان اما الحين الكل يطالع باالثاني بظرات ... مليانه حزن وحيره ... ام فيصل : ياعيال وش بلاكم كن عندكم عزا ؟؟ نوف : سلامتك يمه بس طفش ام فيصل : طيب مو عادتكم ساكتين ... ومشاري فاقدين تنكيته مشاري وفيصل ... كانوا يحاولون يلمحون لنوف أنها تقول لأمها ...لأن هذا الوقت المناسب مشاري وهو يهمس لنوف : قوليلها نوف : اممممممم يمه ام فيصل : هلا نوف راحت لعند امها بدت تبكي ... ام فيصل : نوف بسم الله عليك وش فيك ؟؟ تعبانه ؟؟ نوف : ليتني تعبانه فيصل ومشاري حسسو بارتباك .. ام فيصل : نوف علميني اشفيك لاتبكين كذا نوف : يممه .. فارس !! ام فيصل : وش فيه فارس ؟ نوف : امس رايح مع عبدالله للتحليه ام فيصل : وطيب نوف : وسوو حاادث ام فيصل : حادث !! ووينهم الحين ؟؟ نوف : بالمستشفى فيصل ومشاري .. راحوا لعند ام فيصل وحاولوا يهدونها ام فيصل بخوف : يمه وليدي !! طيب وش فيه وورا مايجيبونه ؟ وعبدالله وينهم ؟ فيصل : يمه لالا مافيهم اللا الخير .. فارس بس عنده جروح في صدره من الحادث والمستشفى مو راضين يطلعونه ام فيصل : واكيد فيه شي ثاني مايجلسونه اللا وفيه شي ..وانا ابي اشوفه الحيين تودوني فيصل : ان شالله يمه الحين تروحين ام فيصل : مشاري شكلك يقول كلام ثاني مشاري : لايمه ام فيصل : علموني والمستشفى بياخذون ولدي عشان جروح ... علموني ولدي وش فيه فيصل : يمه فارس معاه شلل نصفي ام فيصل : وش شلل نصفي مااعرف كلامكم أنا نوف: يمه يعني مايحرك رجوله الثنتين ...... يعني مقعد طول عمره ام فيصل سكتت شوي وبعدين .....بدت تبكي بصوت يقطع القلب .... هذا ظناها فارس ..اخر العنقود ..... وتتمنى يومها قبل يومه .... وبالنسبه لها طعنة السكين .. ولاانها تسمع بخبر زي هذا .. فارس اللي على كثر طلباته وصياعته ... كانت تشوفه صغير مهما كبر ام فيصل وهي تبكي : فيصل تروح الحين تودينني عند فارس خلووني اشوفه مشاري : نوف يللا بنروح روحي جيبي عباية امي نوف ان شالله واركبوا السياره كانت ام فيصل تبكي على ولدها ... والمكان يملأه الحزن ... ونوف كانت مشتاقه لأخوها وودها تشوفه وصلوا للمستشفى واسئلوا عن الغرفه ودخلوا ام فيصل على طول راحت لودها وبدت تبكي ... ونوف نفس الشي نوف حطت راس اخوها على حظنها ... وبدت تحرك شعره الكثيف والناعم ..... وام فيصل بعد ماهدت وهدءها عيالها .. اخذت مصحف وبدت تقرا عليه .. وفارس شكله ضعيف مثل الطفل الصغير دخل عليهم الدكتور يتابع حالة فارس مشاري : د متى يخلص مفعول البنج ؟؟ د : الساعه 9 كان واعي ..... يمكن بعد شوي يصحى فيصل : وشلونه الحين ؟ د: لا الحمدلله حالته تتحسن اكثر فيصل : الحمدلله اما ام فيصل طمنها كلام الدكتور فيصل راح للطبيب المسؤول عن عبدالله د ... سالم فيصل : د سالم د : هلا فيصل : وش بتسوون مع عبدالله بالنسبه للكسر ؟ د: لالاعمليه بسيطه نجبر له الحوض ........ لكن المشكله انه بيظل يعرج على طول فيصل : طيب العمليه لابد منها ؟ د:أي طبعا ماراح يقدر يعيش بدون ماانجبره فيصل : طيب كم نسبة نجاح العمليه ؟ د: 95 % ان شالله فيصل : طيب سووها له د: أي ان شالله اليوم بعد الظهر بنسويها فيصل : اوكي ... شكرا د: العفو :::::::::::::::::::::::::::::::::::::::::::::::::: :::::::::::::::::: وبعد شويه ويقوم فارس ... من النوم ... فتح عينه على اخته اللي كانت حاظنته فارس ماكان يدري ان معاه شلل....... يحسبها جروح وغيبوبه وانتهى الموضوع فارس : يمه نوف انتو هنا ؟ ام فيصل : عندك يايمه مشاري : سلامتك فرووس فارس : الله يسلمك ...........علموني وش اللي صار امس ؟ مشاري : مدري من اللي طالع بسيارة ابوي ......... فارس بخوف : هاه ......... بدأ فارس يتذكر اللي صار بالحادث ....... وتذكر عبدالله وكلامه ....... كان يفكر وساهي ... وفنفس الوقت مررا خايف ....... فارس : ووين عبدالله ؟؟ نوف : عبدالله بلغرفه الثانيه فارس بخوف : وشفيه ؟ خلوني اروح له مشاري : لامافيه غير العافيه ...مثلك فارس : يعني عبدالله هنا ؟ نوف : أي فارس وهو يحاول يجلس : ابي اروح له وشوي اللا حط ايده خلف ظهره وبدا يتألم .... لأن العمليه كانت بالظهر فارس وهو حاط ايده على ظهره : ااااااااااه .. وانسدح على طول لأنه ماقدر يجلس ... ام فيصل بعد ماشافت منظر ولدها اللي كان مررا ينرحم .......نزلت دمعتها اللي تحاول تخبيها فارس : يمممممممه .. ماني قادر أجلس .... ااااااااه ظهري مره يوجعني نوف حاولت انها تسدحه .. نوف : لاااا فارس لاتجلس مو زين لك فارس : ليه طيب ؟ ام فيصل : خلاص ياولدي مافيك شي بس مو زين تجلس فارس : يمممه ام فيصل بشفقه : عيون امك فارس بنظرات كانها نظرة طفل بري ... والأسئله تدور براسه :: يممه ماني قادر احرك رجلي ابد ام فيصل : كلها فتره وبتطيب ان شالله فارس : صدري يوجعني ... ام فيصل : بسم الله عليك فارس : مشاري .. طلبتك خلني اروح لعبدالله ... ابي اشوفه ... تكفى . مشاري طلبتك .... لاتردني مشاري صحيح انه يرحم فارس ... وشكل فارس مررا يكسر الخاطر ... بس لازم يتادب على اللي سواه ... الحين ول بعدين .. لأننا دلعناه وهذي النتيجه ... لازم اتصرف والعواطف ماهي حل مشاري : أي صح انت لازم تشوفه نوف شافت مشاري بنظرات عتب ... يعني ليه تخليه يروح .. اهو الحين مو ناقص مشاري كان مقتنع باللي يسويه ... اما ام فيصل ماتملك غير الدموع ...وكل ما التفتت على ولدها نزلت دموعها .. فماحبت انها تتدخل .. وفارس لازم بيعرف السالفه مشاري اتصل على احد الممرضات عشان تاخذه بكرسي ودخلوا على عبدالله بالغرفه فارس شاف وجه عبدالله اللي كان مغطى بالشاش .... ومبنج ولايتحرك ولا يتكلم .... ولأجهزه ممليه جسمه ... فارس : عبدالله !! فارس : عبدالله كلمني مشاري : لالا اهو الحين تحت تأثير البنج فارس بحزن : وش فيه ؟؟ طيب ؟ مشاري : فارس ... عبدالله معاه كسر بالحوض .... وتشوه !! فارس وذقنه كان يرتجف : وشو كسسر ؟ فارس ماقدر يمسك نفسه حط راسه على صدر عبدالله .... وبدا يبكي ... يبكي بصوت الندم ... تمنى انه يموت الف مرره .. ولا انه يتسبب بألم أو مرض ... وعلى مين ؟! ولد عمه عبدالله ؟؟ .... اللي كان ينصحه وخايف عليه طول الطريق ... وهو يتطنز فيه ... ومسوي روحه فاهم ... والحين اللي أكلها عبد الله .. .. مااصعب مصيبتك يافارس .. مشاري : فارس !! خلاص !! فارس : مشاري أنا السبب .. أنا مشاري بدأ يهتم شوي وجلس بجنب فارس ..:: انت السبب !! وشلون ؟ انتم مع بعض طالعين فارس : لالااصلا عبدالله ماكان وده نفحط .. كان طول الطريق ... ينصحني بس انا .. انا الحقير ,,.. انا التافه ... انا اللي كنت اتطنز كني كفو مشاري : الحين مكان الحادث بالضبط كان مكانه ... واهو حالته اصعب منك ... حرام عليك يافارس تسويها بولد عمك ... وش تنفع دموعك الحين فجاه دخل عليهم فيصل بعد ماسمع كل الكلام اللي دار بينهم دخل وفي عينه عتااب على مشاري ... لأنه عارف ان مشاري يبي ... يزيد حدة ألم فارس .. بس وفارس اللي فيه كافيه فيصل : مشاااري يكفي خلاص !! مشاري بنفعال : يستاااهل .. احسن خله يتادب ... وليه يطلع يسوق بسيارة ابوي .. ووش ذنب عبدالله يروح فيها ؟؟.. فيصل: خلاص اهو بعد .. (فيصل كان وده يقول انه منشل بس .... سكت بعد ماشاف نظرة فارس ... اللي مليانه تعجب ودموع ... وندم ... وحزن ... وبدا يلمح لمشاري فيصل : مشاري خلاص افهمها مشاري نزل راسه فارس : علموني وش فيه ؟!! وانا اشفيني ؟؟!! ان كان فيني شي تراني أستاهل .... وياليتني مت كان احسن ... فيصل في نفسه ((فارس لازم يعرف حالته )) فيصل : قرب لعند فارس وحط ايده على كتفه وكلمه بهدووء.:: فارس هذا اللي كاتبه لك ربك ... رجولك منشله .... فارس ان شالله اجر انت ياحظك الحين مأجور ... وبعدين شف عبدالله وش اللي صار له ... بعد شوي بيدخل لغرفة العمليات .. وانت احمد ربك فارس ماقدر يمسك دمعته .. مو على نفسه ..... لا على صديق عمره عبدالله ... وبعد فتره جت الممرضه والأطباء عشان يروح عبدالله لغرفة العمليات .. فارس : د بتاخذونه د: أي العمليه الحين فارس حب راس عبدالله ودعا له بالسلامه فيصل اخذ اخوه لغرفته .. .. بالكرسي .. فارس جلس يفكر شوي مع نفسه ... يفكر بأشياء كثيره .. يفكر بحاله وحال ولد عمه .. وكيف بتتغير حياتهم .. من هاللحظه وبدا يدعى لعبدالله بالسلامه ... ويقطع حبل أفكاره مشاري مشاري : فارس ,, سامحني فارس : لاأنا استاهل مشاري : يلاا ترا مابقى شي وتطلع من المستشفى .. افرح فرووس وسع الصدر فارس ابتسم بسمة تفاؤل : ان شالله ام فيصل : فارس ارتاح على السرير الجلسه كذا مو زينه لك فارس : ان شالله ام فيصل مشاري ساعده يجلس على السرير مشاري : طيب :::::::::::::::::::::::::::::::::::::::::::::::::: :::::::::::::::::::: فيصل (( الحين بروح للبيت عيال عماني لازم بيدرون ..... واهل عبدالله بعد .... مايصير الولد يطلع من العمليه اهله مادروا ... ويتصل على اخو عبدالله ... راشد .. )) فيصل : الوو راشد : هلافيصل فيصل : هلا والله ... كلكم قايمين راشد : أي والحين بنروح للمسجد .... وانتو وينكم مااشوفك لاانت ولامشاري ولا فارس .... حتى عبدالله مو موجود .... ؟؟؟؟؟ فيصل : راشد انا عشان كذا داق عليك .. راشد : وش السالفه فيصل : الساالفه ياراشد ... ان اخوك وفارس .... مسوين حادث امس بالليل راشد : حادث ! فيصل : أي والحين اخوك يسسون له عمليه ... وفارس انشل عبدالله عنده تشوه راشد : لاحول ولاقوة اللا بالله .. خلاص انا ابجي عندكم بس بأي مستشفى فيصل : في التخصصي . راشد : خلاص ابجي أنا والشباب .... بس فيصل عبدالله دخلوه الحين ؟ فيصل : أي توه داخل راشد : يللا جايكم فيصل : اوكي باي راشد : باي :::::::::::::::::::::::::::::::::::::::::::::::::: ::::::::::::::::::: جالسه على السرير .... واللي بالبيت كللهم مجتمعين تحت .... تتنتظر وقت مكالمة محمد ((ياربييييي متى بيتصل الحيين .... ياحبه يحرق اعصابي ... )) دق الجوال ياحياة ألبي وكل مناي معاك عمري ماقلت الآه رفعت الجوال بلهفه ****************** حياة القلب &*** الجوهره وهي تنعم صوتها : هلا محمد : هلا وغلا ... قوه جيجي الجوهره : قوه ... حمودي محمد : كيفك حياتي .؟ الجوهر : تمام محمد : وشفيك ؟ صوتك متغير ؟ الجوهره : حمودي انا زعلانه عليك محمد : افااااااا ليه ؟ الجوهره : الحين انا مواصله انتظر مكالمتك اللي مواعدني فيها .. وينك ... وليه مادقيت بدري محمد : معليش سامحيني .. جيجي بس كنت مع الوالد مشغول شوي الجوهره : اجل ليه تواعدني ؟ محمد : سامحيني .. كلش ولازعلك ياحياتي الجوهره وهي تضحك : وشووو محمد : ايش ؟؟ وشفيك ؟ الجوهره : حياتك ؟ محمد : وعمري ,... وقلبي ... وحياتي .. وكلش ياجيجي الجوهره : الله .. الله امدانا ؟ محمد : امدانا شفتي شلون ؟ الجوهره : انا مدري كيف تحبون بها السرعه محمد : ليه ؟ يعني تكرهيني الجوهره : لالامااكرهك بس مو حياتي وعمري محمد : افاا كذا جيجي يعني في احد ببالك ؟؟ الجوهره : لااااااااااوالله ان كان فيه مافي غير حموودي محمد: ااقدر اعتبر نفسي حبيبك ؟ الجوهره : حبيبي ونص محمد : ياحبي لك والله الجوهره: تسلم يالغالي وظلو الأثنين الخادع والمخدوع ...... ظلوا على وكل واحد يلعب مع الثاني ...... والمخدوعه الجوهره ماتدري وش بيصير بعدها بس كانت تتمنى تسمع هالكلام المعسول ... اللا ان صارت من عشااق محمد اللي يكلم كلل بنات الخبر ... اما محمد يحاول يلعب عليها بكل مايقدر :::::::::::::::::::::::::::::::::::::::::::::::::: :::::::::::::: بنتظار ردودكم الحلوه
|
|||||||||||||||||||
|
منذ /11-12-2006, 03:33 PM
|
#24 | |||||||||||||||||||
|
بنوتة مبتدئة
|
مشكورة على البارت مرررة حلو
|
|||||||||||||||||||
|
منذ /11-12-2006, 05:15 PM
|
#25 | |||||||||||||||||||
|
بنوتة محلقة
|
مشكوووورة
|
|||||||||||||||||||
|
منذ /11-12-2006, 06:15 PM
|
#26 | |||||||||||||||||||
|
بنوتة محلقة
|
تسلميييييييييييييييييييييييين على البارت المبكي
|
|||||||||||||||||||
|
منذ /12-12-2006, 12:10 PM
|
#27 | |||||||||||||||||||
|
بنوتة مبتدئة
|
هههههههههه طيب مشكورة على الرد
|
|||||||||||||||||||
|
منذ /12-12-2006, 02:45 PM
|
#28 | |||||||||||||||||||
|
بنوتة محلقة
|
مشكوريييييين
|
|||||||||||||||||||
|
منذ /12-12-2006, 03:01 PM
|
#29 | ||||||||||||||||||||
|
بنوتة مخلصة
|
مشكورة كثير عالاجزاء
|
||||||||||||||||||||
|
منذ /12-12-2006, 04:37 PM
|
#30 | ||||||||||||||||||
|
بنوتة مبتدئة
|
الحب تسلمين يا الغلا والله يعطيك العافية وعسانا
|
||||||||||||||||||
| الكلمات الدلالية (Tags) |
| تفوتكم, ونوف, طلاء |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
