اللي تريد تستفيد حياها الله ..معايااا ..

**حلوة الإحساس** · #1 10-09-2009, 11:56 AM

السلام عليكم ورحمة الله وبركااته ...

تحيه حلوة للحلوين ..

حياكم الله وبيااكم..واسعدكم اينما كنتم..

في الحقيقه ..انا مخططه ..أجمع ربيعاتي في الجامعه ..واكلمهم بمواضيع ...على قولتي بعطيهم كورس من غير فلوس ولا كتب لكن لسا الوضع مش مرتب والبنات لسا اوقاتهم مش مرتبه فقلت ليش ما أبلش فيكم

.. ..

ان شاء الله يكون الموضووع مفييد...وطبعا باب النقاش والمداخله مفتووحه ...

وانا اتمنى اتمنى ..ان اللي يقرا موضووعي ..يكون ماخذ الموضوع بجديه ..

وطبعا لا تواخذوني اذا الموضوع مش مرتب

لان والله انا قاعده اكتبلكم وانا مو حاطه في بالي شي ..اقوله الحيينه ..

......

:cat73:

المصدر: منتديات بنات دوت كوم

hggd jvd] jsjtd] pdhih hggi >>luhdhhh >>

الموضوع الأصلي : اللي تريد تستفيد حياها الله ..معايااا .. || القسم : الحلم الأبيض || المصدر : منتديات بنات دوت كوم || كاتبة الموضوع : حلوة الإحساس

**حلوة الإحساس** · منذ /10-09-2009, 04:10 PM

...............................

أول شي ..اتمنى اللي يقرون موضوعي يكونوا على وجه زوااج ..واللي بعدها ..ياليت يوم ما يصير نصيب ترجع تقرا الموضوع ..

اتفقناا؟؟؟؟؟؟؟؟؟؟

وبعدين اللي انا بقوله ممكن انتوا فاهمينه او عارفينه ..زي ما انا كنت عارفاه قبل الزواج .زبس بعد الزوااج غيير غيير ..يعني زي ما تقولين ..انا لو الله اعطاني فلوس بسوي وبعمل وبدفع و و و و و ..الخ..لكن وقت الجد ..يصيير حااجه ثاااانيه ..

يعني لو تقرون كتب عن الحياة الزوجيه و و و ..قبل الزوااج ..بتحسوها عادي وااو ..وكذا ..لكن لما تدخلون في الصدق ..ما في وقت انكم تطبقون ..او ممكن تطبقي مره مرتين وبعدين ..يلاا خلااص فكنااا ..اوووووف..

احلى شي لما تتوقعون السلبيات عشان يوم تصير لا تنصدموون...وبعدين الشرح ..

وبكمل بعدين ..السمووحه وقتي مقطع...

**~ أشـواقـ اللـقـا ~** · منذ /12-09-2009, 10:06 PM

شيّ شيّ .. أحلى شي عندي نصايح المجربين ؛) ,,

الله يسعدج و يجمع بينكم بخير . .

يلا انطرررررج :)

**~ أشـواقـ اللـقـا ~** · منذ /12-09-2009, 10:08 PM


يعني لو تقرون كتب عن الحياة الزوجيه و و و ..قبل الزوااج ..بتحسوها عادي وااو ..وكذا ..لكن لما تدخلون في الصدق ..ما في وقت انكم تطبقون ..او ممكن تطبقي مره مرتين وبعدين ..يلاا خلااص فكنااا ..اوووووف..

شلون يكون غييير ؟ هل قصدج التصرفات ؟

أو الامور اللي قريناها غير عن الواقع ..

هل الواقع اسهل و احسن و افضل من الصوره الخياليه اللي في البال

أم العكس؟

**FaiTh & Destiny** · منذ /13-09-2009, 12:53 AM

يؤ يؤ
حلوة رجعت بمواضيعها الحلوة>> حلوة صح؟؟ خخخ تستهبل

متابعة لك بكل جدية
يسلمو يا الغلا

**لحن المطر** · منذ /13-09-2009, 03:45 AM

الله يسسلمكـ قلبوـو ....

نستنى نصااايحكـ و تحكين لنا تجربتكـ ..

ووالله نور المنتدىـآ برجعتكـ حوـوبـــي ...

لـآتنسَ ذكر اللهْ}~

مودتـــي ..,,’

كن في الدنيا غريب ..,,’’’

**حلوة الإحساس** · منذ /13-09-2009, 02:33 PM

اهلا وسهلا فيكم حبووبات ..

هلا والله بشويق الحاضره الغاايبه ...

نورتووني بطلتكم ...

اقوول شويق انا جاايه في الكلااام.. ان شاء الله بوصل للنقطه اللي تبينهاا...

انا الحينه بتكلم ..وانا ادري اللي بيقرون موضوعي من عده طبقات مختلفه..فانا بحاول يكون كلامي بالنص ..واحااول انه يستفيد منها لكل النوعيات ...

اول شي ..انت انت ايواا ..اهم شي انت بالاول ..

شخصيتك ..أسلوبك ...تفكيرك ..اهتماماتك ...نظرتك للحياة الزوجيه ..نظرتك للي حواليك ..

يعني مثلا .. فكروا معايا ..كيف لازم او المفروض تكون هذي الست اشياء عشان تكون الوضع منااسب ...للزوجه اللي هو انت..؟؟

اكيد بتقولون..تكون الشخصيه قويه ..وحلوة ..ورومانسيه ..و و و و ...وبنفس الوقت التفكير يكون ايجابي والاسلوب جميل و و و و ..الخ ...

طيب ؟؟ ويين انت تلاقين نفسك في هذا الأشياء ...؟؟

وييين؟؟

الحينه انت لازم تفكري ..مدام انت بمرحله زواج ..وبمرحله انك راح تتعاملين مع شخص ..جديد في حياتك ...

لازم تحطين في بالك ..أشياء واشياء ..وأشيااء ...

يعني مش كله اشيااء حلوة ..اكييد بيكون في اشيااء حلوة ..بس كماان فكري لو صار في سوء تفاهم ..يعني ..قصدي فكري واتوقعي السلبيات...مو قصدي انك تكوني سلبيه ..لااااااااااااااااااااا..لازم التفااؤل ...بس هذا التوقعاات تساعدك ...

الحين بتقولون بشو تساعد ...؟؟

يعني اتوقعي ان يعاملك باسلوب جارح ..اتوقعي انه يهينك ..اتوقعي انه وانه ..يعني اتوقعي ..عشان لو صاار حتى لو يكون من المستحيلات ..يكون الصدمه عليك اهون...طبعا ..ان شاء الله بشرح واجيب امثله بعدين ...

يالله يا بناات ..اهم شي اهم شي الدين والاخلاق الحسنه ..مو مهم الكماليات ..الجماال و المال..و و و و ...

صح انها مطلوبه ..بس الاخلااق والدين الاهم الاهم ...

يعني قولولي بالله ...كيف الحياة ..لما الزوج يعاملك باسلوب كانك مش زوجته ..ومع انه معيشك بافخم بيت ... وبأحسن سياره و و و ... بتحسين بانك محرومه مع انك عندك كل حااجه ...

واللي زوجها ما شاء الله اخلاق ووو ....لكن ميسور الحال ..وانت بعد فيك الاشياء السته اللي ذكرته قبل ..والله بتحسين بسعااده ..حتى لو انك محرومه من اشياء كثيره في بيتك ..وبالعكس الاشياء هذي ..بتيجيلك حتى لو بعدين بس الاخلااق صعب تحصلينهاا..إلا ناادر ....

ان شاء الله المره الجايه بكملكم ..

السمووحه

**~ أشـواقـ اللـقـا ~** · منذ /14-09-2009, 02:14 AM

تسلم يميينج ..

صح الأخلاق أهم شيّ ..

أنطر بعد :>

**حلوة الإحساس** · منذ /15-09-2009, 11:38 PM

الحينه بكلمكم على اشياء عااديه تصيير ..بس ممكن انتوا بتفكروا فيها ..او ممكن ما بتفكروا فيها...

يعني مثلا ايام الملكه ..كنتي تتكلمي مع زوجك كثير..وطبعا الكلاام يكون حلو..وترتاحين وانت تكلمينه..ولكن بعد الزواج..لما بيتصل فيك بيتغير الأسلوب..لانك خلااص صرتي في البيت عنده...يعني يتصل فيك أحيانا .يدخل في الموضوع بسرعه ومع السلاامه... واحيانا عااد يكون عادي ..بتحسين بشي غريب وبتقولين يا حلاات ايام الملكه ..ويا حلات مكالماتهاا...ويينهاا..؟؟ على الأقل ..تسمعي كلاام يشرح الصدر تحي ان اللي يكلمك يكلمك وهو مبتسم ومبسوط.....تحسي ان اللي يكلمك زوجك مش اخوك..خخخخخخخ مش رسمي اقصد..لكن هذا طبعاا مش دايماتصيير ...طبعا هذي مش مشكله كبييره ولا صغييره ..بس حبيت اذكرهاا..انها ممكن تجي في بالك ..

بتقولين ماهو عندك في البيت بيكلمك لما يشبع...بقولك ..وحتى ولو كذا ..في اشياء بيشغله من الكلاام معااك..

بس طبعا هالتفكيرات اللي بتيجيلك ..كلها لانها اول بدايه زوااج..ولكن مع الوقت بيصير عاادي...

يعني لان الانسان هذا اللي هو زوجك بيكون انسان جديد عليك..اي كلمه اي نظره اي حركه ..اي اسلوب ..غريب ولاول مره يسويها معاك ..بتتحسسين منهاا..لانها اول مره ..انت ما اتعودتي على هالاشياء منه ..ممكن انت اتعودت من ام او من ابوك او من اخوانك...وعاادي عندك..بس لان من زوجك غيير ..بس انا اعتقد ان هالشي يا خووخااتي ممكن تكون في البدايه ..وبعد مرور الايام بيصير الامر عاادي,,,

ان شاء الله بحاول اشرح هالنقطه اكثر ..بعدين ...

الحينه لما اتذكر انا لما كنت اقرا كتب عن الحياة الزوجيه والشخصيات وكيفيه التعامل مع الزوج الخ الخ ..

والحينه انا لما دخلت في الجد..قعدت اقول بيني وبين نفسي شو اللي قريته ..شو هو اللي عالق بمخي ..وسااعدني في حياتي ..شو اللي استفدت من الكتاب هذا ..بس اكثر شي اسويه الصمت ..زي لما انت مو عارفه بيت صديقتك ووصلتي الشارع اللي هي تقوليك عليه ووصلتي لطريق فيه فتحه يمين وفتحه يسار وما عندك رصيد تكلميها ..ولا هي عندها رصيد تكلمك...ف ساعتها بتوقفي تفكري أأذهب يمينا ام يسارا ...

ف كذا احسها ..اول بدايه الزواج ..لما يصير شي ..تسكتي وتفكري كيف اتصرف ..شو ارد..كيف احل الموضوع كيف ادافع عن نفسي ؟؟كيف اتعامل معاه بطريقه يفهمني ويفهم مشاعري واحاسيسي..من غير ما أقلل من قيمة زوجي ..او اني اجرحه .. ..عاد هذا حسب شخصيه كل وحده..اما الوحده الرزينه تحاول تحلل تشخص ..قبل لا تنطق بكلمه او تتصرف تصرف يزيد الطين بله ..

يعني في الكتب يقعدوا يقولون لو كانت شخصيه زوجه كذا سوي كذا ولو ولوولو...او انهم يتكلمون عن الرجال..كيف وكيف تسوين ..وانت في الحقيقه تشوفين زوجك ما تنفع معاه اللي قريتيه او تحسين ان زوجك مختلف شوي ..او انك لسا في البدايه زواجك ما تعرفي شو تفكيره وشو طبايعه وشو شخصيته ..عشان تعرفي..تتصرفي...

بس كل هذا يجي مع التجربه ..يعني سويتي شي معين..شوفي كيف رده فعل زوجك..اذا مش اللي تبينه ..غيري..يعني تمي حاولي ..مع الايام بتفهمي زوجك وتعرفيه اكثر..واللي مستخبى يبااان ...

اما لما تقرين كتاب يكتبلك كللل شي مرره وحده وانت لما تتزوجي تكتشفي زوجك وحده وحده ....

يعني زوجك ما راح يجيلك كتاب مكتوب ومشرووح ..اتمنى انه انفهمت النقطه ...

وان شاء الله المره الجايه بتكلم عن شو اللي يضايق الزوجه..واللي يضايق الزوج..على فترات طبعا..

ياليت ما بكون الكلام دخل من اذن وطلع من الاذن الثانيه زي كذاا ...

~

**حلوة الإحساس** · منذ /16-09-2009, 10:27 PM

قرب موعد العرس ..يوم يومين وبتودع الزوجه غرفتها ..وأهلها.. عشان تروح لبيت زوجهاا..

الأب والام فرحانين..وبنفس الوقت يحسوا ان قلبهم أخذه الزوج
تبكي الام وربما ايضا يبكي الاب ..ويبدا بالوصيه ...انتبه على بنتي..امانه عندك..و و و و و الخ..

وتبدآان بعدها حياتكم الزوجيه ...

طبعا ..في البدايه بيكون صعب التفاهم ..لان مش كل واحد فيكم يعرف ايش اللي يضايق او بجرح الشخص الثاني..

فنلاقي اول شي ..يبدا الحساسيه بين الزوجين ..
ولان الرجل لا يعرف ان هذا يجرح او يزعل قلب زوجته ..ولا هي تدري ان هالشي يجرح زوجها ..

ولان بعضهم ما عندهم اسلوب المصارحه والتفاهم ..

ف تكتم الزوجه جرحهاا ..وتتحسر الما ..فتبدا بالبكااء لترتااح ..

لان هالشخص جديد عليها وما بتعرف كيف تتعامل معاه او تبين له ..او تحسسه ان هالشي ازعجهاا ...

شو الاشياء اللي تضايق الزوجه ..وتجرح مشاعرها بشكل عاام ...؟؟

وكمان شو الاشياء اللي يجرح مشاعر الرجل ويضايقه بشكل عاام ..؟؟

شو هي اساليب تقدير الزوج وتقدير الزوجه ..يعني لما تتعمل يحس الشخص انه غالي ومثمن ومقدر للشخص الأأخر

...وكمان ممكن شي انا بضايقني واعتبره يجرحني..بس مش شرط يجرح او يضايق اي زوجه اخرى..نختلف نختلف ..ممكن في حرييم يزودووها زيااده ويكبروا الساالفه على الفااضي ...

ولكن في اشياء نحن النساء نتشابه فيه وتضايقنا ..وايضا للرجاال ...

مثال على ذلك الغيره ....لكلا الطرفين

خلووني أبدا ..

بسم الله

ما اعتقد ان شهر العصل مدري البسل ..يكفي ..ان تعرف عن شريك حياتك..لان في البدايه بيكوون الاثنين..مستحيين من بعض كل واحد يحاول يكون لطييف وبأسمى اخلااقه الحسنه ..طبعا مش الكل ..ف ممكن الواحد ما يظهر الطبايع اللي فيه بهالشهر..لكن بكلمات عاديه ممكن يتحسسوا من بعض في هالشهر..مثلا ...لما يكون عندك جاره جديده..تكون شوي تتكلمي معاه بحذر ..وتلتزمي بقوانين الزياره والتحدث..ولكن بعد مروور فتره..تحس نفسك خلااص عادي تروحي عندها و تجلسي وتتكلمي و و و و..يعني طبيعتك العاديه تظهر ...

ليش الحساسيه ..لان المراه بتكون اول مره تسمع هالكلمااات اللي ممكن سمعتها من ناس ممكن صديقاتها ولكن لم تنزعج..بس لما اول مره تسمعها من زوجها..بتتحسس شوي من الموضووع ..

كل حاجه لما تكون اول مره ..من زوجها ..بيكون فيها حساسيه ..

مثلا ..لما الاب متعود انه ما يضرب بنته ..لسنواااات..

ولكن مره صاارت وضربها ضربه خفيفه ..فالبنت بتتحسس وكماان تبكي ..لانهاا بيكون عليها اول مره من ابوها ..

اتمنى يكون النقطه انوضحت...

طيب ...

نبدا باللي يضايق الحريم ..

1-اول شي اول شي ..معاملتها بأسلوب جديد عليها ..يعني تكون بشهر العسل الزوج طول الوقت يكلمها بحنيه و و و ..وبعدين فجاة بيوم كذا يعاملك او يكلمك باسلوب غريب ... هنا ..بتتحسسي ..لان اول مره .....ممكن انت تتغاضي وتتحسسي بينك وبين نفسك وتسكتي ..وتنسى ..او انك تكبر السالفه على الفاضي عااد واتكون لك مشكله ..عااد حسب شخصيات الحريم ...عااد كماان هالشي ممكن لان في البداايه وبعديين الزوجه يصير هالشي عاادي ..وخلااص ..

والحل: على الزوج يحااول قدر الامكان انه يحط مكانه مكاانك في هذيك اللحظه ..ويحااول انه يختار الاسلوب المنااسب اللي ما يأثر عليك ..يعني .. حتى ولو كان في سوء تفاهم ..تقدر تبين هالشي ..باسلوب حلو .. وما يجرح زوجتك ..شريكه حياتك ..وعليك يا ايتها الزوجه انك تحطي في بالك ان هالشي يصيير ..وما تخليها تاثر عليك لطوول اليوم ..يعني مده قصييره وتنسيها على طوول ...ما في وسع تتحمليين كل هفوه وكل كلمه ..وتحطيها بقلبك ...

اهم شي ان يكون في مصاارحه بينكم..وتفضفضين له باسلووب حلو ولو عاايزه يكون مؤثر..طبعا بيكون باين بدموعك

..شو اللي ضايقك .لان هو ما بيكون قااصد ومش عاارف ان هالشي ضاايقك

نكمل المره الجاايه...

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق