][§¤°~^™ مـتـنـفـس جـآآمـعـيـآآت ™^~°¤§][

[همزة وصل]

:السلام عليكم:ورحمه الله وبركاته

:كيف الحال: يا حلوات ان شاء الله الكل بخير وعافيه

اولا: حبيت ابارك لكل طالبه مستجده تخرجها من الثانوي وقبولها بالجامعه وعسى الله يكتب لكل وحده فيكم الخير و النجاح بتخصصها وبحياتها ان شاء الله ... قولووو آآممييييييين

نظراا للخبره المتواضعه بالجامعه ( 4 سنوات وان شاء الله رايحه على 5)
حبيت اقدم لكم هالنصايح

الحياه الجامعيه امممممم شنو هالحياه اكيد بتسألون انفسكم سهله ؟ صعبه ؟

1) خواتي لازم تعرفون ان مافي شي اسمه صعب كل شي سهل باذن الله بس اهم شي تشدووون حيلكم من اول يوووم بالدراسه وما تتهاونون ابد...سبحان الله العلم النافع مايرتبط بالانسان الا اذا كان مصاحبه التقوى فخلي علاقتك مع رب العالمين قويه وصدقيني والله كل شي بيسهل عليج

2) و شي مهم بعد الصحبه الطيبه لازم تختارين رفيجاتج اختيار صح .. يهتمون بمصلحتج مثل مصلحتهم وتبادلينهم انتي هالشي راح تمر عليكم الكثير من الطالبات منهم تبي تلعب وتستانس ومنهم جايه تتعلم وتنجح وتحقق شي بحياتها ....فأبتعدي عن صحبه السوء ترى ماوراها الا الخساره

والصحبه الطيبه بتوقف معاج وقت اللي تحسين فيه بالضيق وتفرحلج وقت نجاحج ومو بس تعينج بالدراسه همن تعينج على الالتزام بالعبادات

3) نوتووو ( اكتبو ملاحظات) اللي يقولها الدكتور/ه ترى غالبيه الامتحانات تجي من المحاضره اللي انشرحت يعني عندي لكم خووش معادله :
الكتاب + ملاحظات الاستاذ/ه + توكل على الله = النجاح بتفوق باذن الله

4) اذا كانت عندج امتحانات سابقه حاولي لي خلصتي دراسه تحلين شويه من هالامتحانات لانها بتعطيج اول شي الثقه وتبعد عنج رهبه الامتحان ( صدقوني مجربتها والحمدلله حليت عدل) وثانيا بتعرفين طبيعه الاسئله بالتالي تسهل عليج المراجعه


5) اذاا صعب عليج شي او مافهمتي سألي الدكتور او الدكتوره مباشره بوقت المحاضره ولا تستحين لا حياء بالعلم بعدين يمكن في بنات مو فاهمين نفسج بس مستحين يسألون وديري بالج تسألين اللي يمج يمكن اهي بعد تكون فاهمه غلط وبجذي ماتحلين بالامتحان ( صارلي هالموقف للاسف )

6) دراستج لازم ماتكون على حساب دينج وقعدتج مع اهلج عطي كل ذي حق حقه



وترى الحياه الجامعيه حدهاا حلوه راح تتعلمين الاعتماد على النفس انسي ايام ركض الوكيله واالابله وراج ... بالجامعه انتي اللي بتركضين ورى مصلحتج وراح تصيرلج مواقف غالبا تكون مضحكه وساعات تكون مبكيه ( الله يبعد عنكم الزعل) بس بالنهايه تتمنين ان الحياه الجامعيه ماتخلص


ان شاء الله تستفيدووون من نصايحي المتواضعه .... بالتوفيييييييييق للجميع باذن الله

[اسيرة الامل]

همزة وصل ..
ماشاء الله عليك أختصرتي الحياة الجامعية
وفعلا كلامك صحيح أن شاء الله المستجدات
يستفيدون من كلامك ويرتاحون ..

[الشمائل]

هموووزة

ما شاء الله عليج

حطيتي ايدج على الجرح

.
..

رغم اني داخلة السنة الثالثة

إلا اني احس اني محتاجة خبرة اكثر واكثر واكثر للاسف

ما اتعلم من اخطائي وخاصة ( الركض خلف مصلحتي )

>> عندي قاعدة تقول ان كل شيء ولا مذلتي عند الدكاترة ،،

& نماذج الامتحانات ، هي عين العقل لكل وحدة تطمح لدرجة حلوة في الامتحان

وبيني وبينج ، سواء شفت الاسئلة السابقة او لا ،، فانا راح عني رهاب ما قبل الامتحان ..

لووول يقولون صارت عندي مناعة هع


.
.
ومشكورة مرة ثانية
لاني فعلا بحاجة لـ رفرش ما قبل الدراسة

.



دعواتكم ورا باجر دوامنا الرسمي

[منتهى الرقه]

بنات ساعدوني
من كل قلبي محتاجه لنصايحكم
أنا علمي وطالعه ثالث
أدرس بالشرقيه
محتاره إيش أدخل تخصص
مابي شي فيه طب ولا هندسه ولا كمبيوتر
أبي قسم سهل ومو معقد وأهم شي مافيه رياضيات
>> وش خليتي ! خخخخ
+ اللي عندها معلومات عن جامعة الأمير محمد بن فهد
تعطيني إياها
وبكون شاكره


شمايل ~
الله يوفقك شدي حيلك

[همزة وصل]

أسيرة الامل

ان شاء الله

شمايل

ولو يا قلبي ماسويت شي لاشكر على واجب مثل مايقولون
لووووووووووووووول والله ماتنلامين اذا صارت عندج مناعه من الامتحانات لان الكليه ماتخلصين من امتحاناتها الا بالتخرج

وقاعدتج عين العقل >>>>كل شيء ولا مذلتي عند الدكاترة ،،

عسىى الله يوفقج ويوفقنا جميعا وديري بالج على مصلحتج وانا اختج ^_^

منتهى الرقه

التخصصات بالمجال الطبي
يعني مثلا: فنية اشعه او مختبرات .. اخصائية غذاء .. علاج طبيعي..صيدلانيه << خوش تخصص:)

التخصصات الغير طبيه مثل: مدرسه باي تخصص عاجبج ( احياء ..كيمياء..فيزياء..جيولوجيا..الخ)
اداره اعمال( مجالها واسع ) ...اذا فيه كليه فنون اللي تشمل التصميم وغيره... كليه التكنولوجيا..

وهذاا رابط جامعه الامير محمد بن فهد
http://www.pmu.edu.sa/enn/default.asp

وبالتوفيق ان شاء الله

[منتهى الرقه]

همزة وصل
فدييييتك
كنت أدور عن موقع الجامعه من زمان
شكراً

[بسمة وردية]

منتهى الرقه

راح يتغير رايك ميه مرة خلال السنه هذي >>زي الي صار لي خخ
كل يوم لي راي
ما ثبت على رأيي إلا قبل التقديم عالجامعه بأسبوع

شوفي ... استشيري واستخيري
وحاولي تجيبي أعلى نسبة تقدري عليها
عشان تكون لك فرصة بدخول أقسام كثيرة
والله يكتب لك الخيييــييـر ^_^







.

[~ أشـواقـ اللـقـا ~]

منتهى الرقه راح يتغير رايك ميه مرة خلال السنه هذي >>زي الي صار لي خخ كل يوم لي راي ما ثبت على رأيي إلا قبل التقديم عالجامعه بأسبوع

 

 

صح والله .. مااخترت الكليه اللي ابيها إلا يوم رحت الجامعه
عشان اسجل الرغبات واهناك اخترت الرغبات

و ترا طووول السنه لج راي .. أكثر راي بيستمر معاج لمدة
اسبوع بعدين تغيرينه ؛)

و شدي حيلج ثالث حييل سهله و تمر بسررررعه ..

و بالنسبه لج اختاري ادارة أعمال حييييل حلووو و تخصص مطلوب

والله يوفقج

[الشمائل]

يوميات جامعية :

1- اول يوم امس

2- شرشحة وبهدلة من الساعة 3 الظهر إلى أن وصلت البيت الساعة 6 :@

3- فتحوا المبنى اليديد وفيه جمعية وداخل الجمعية كوكيز بالكاكاو :$

4- من الدلاخة راحت الجامعة بشنطتها من دون كراستها

5- الم ومغص بالبطن بسبب غداهم

= =

اول يوم رمضان وثاني ايام الدراسة :

1- المحاضرة الساعة 10.20

2- النفسية تحت

3- نعاس شديد

4- تخلص الدوام الساعة 1.40 والله يعلم لو فيه شرشحة وبهدلة اليوم أو لا

[~ أشـواقـ اللـقـا ~]

8
8


أمـا يومين :×
الله يعينج عليهم ..

و كلها كم ساعه و تتغير النفسيه:]

إلا ماقلتي ........... رفعتي اسقف ولا اكتفيتي بهالـ 4 مواد ؟