يـــــوميـــات غربة (( قصه واقعيه من تاليفي ))

[ஃ S H M O O 5 ஃ]

السلام عليكم



سووووري ع التاخير

بس كمبيوتري خرب




بحط لكم جزئين هع


الحــلقه الثـــانيه





ودي ابكي لين ما يبقى دموع ...

وودي اشكي لين ما يبقا كلام ...من جروح ...

صارت بقلبي تلوع ...ومن هموم ...

احرمت عيني المنام ...



**********




جاسم : السلااام عليكم


ام فيصل , شوق , موسى : وعليكم السلام


جاسم : شلونكم شخباركم


ام فيصل : الحمد لله .. انت شلونك تغديت ?




شوق كانت واقف عند باب المطبخ

و موسى يبي يدخل ياكل واهي مو مخليته


جاسم : اووه شوق .. شلونج وشخبارج

شوق ماكانت علاقتها فجاسم مثل فيصل و موسى : الحمدلله تمام ..

جاسم : شلون اهلج وفهد وحمد و،،،، فرح ...


شوق ههههه فرح .. وربي هالعم بايعها : الحمدلله بخيير .. يسلمون عليك...


سارة طلعت من المطبخ ماتدري عمها موجود.. كانت تشلح الروب حق الغسيل

طالعت عمها .: عممممممي جااااسم ... يالخاااايس يااالكرييييه وييينك .. رااحت له لمته بشوق


جاسم يضربها بخفه على راسها: طاااع هذي..انتي يالخبله انا عمج احترميني...


سارة: فديييتك جسووم والله ولهت عليك

جاسم: وانا بعد حبيبتي

سارة مسكت من ايده: تعااال اغديك مو متغدي...

جاسم خنقته العبره..وكان يتجنب يطالع فوجهه شوق .. فيها شبهه من اختها فرح فاظطر انه يجذب : لالا سارونة بروح انام انا تغديت

حرر ايده بخفه من ايد ساره

ابتسم لشوق ابتسامه خايفه لاتنفضح بعيون شوق

وقال: سلمي ع الاهل .. وعلى زهورة .. سلام



ركب الدرج بسرعه


راح داره

فصخ الجاكيت

قعد يطالع وجه فالمرايا

قام مسح وجه فايده.. وصار يروح ويرجع فالدار


طاحت دمعه ماشافت النور لانه كان اسرع منها وومسحها فاصبعه

قعد علارض´.. اختنق ..والونات الي فقلبه تنادي فرح


فرح.. الي حبها

وصدته

الي بقى يحبها¨

وجافته

لكن ليش

ليش يكبر حبها


مسح دموعه

راح الحمام ( انتوا بكرامه )

تسبح وراح االدريشه

كان تحت الدريشه التدفئه الكهربائيه

شغلها لان الدار كانت بارده


وقف يطالع الثلج رفيج دربه


وقعد ع السرير وهو يسمع اغنيته المفضله


ودي أبكي لين مايبقى دموع
ودي اشكي لين مايبقى كلام
من جروح صارت بقلبي تلوع
من هموم احرمت عيني المنام
انطفت في دنيتي كل الشموع
والهنا مايوم في دنياي دام
غربتي طالت متى الرجوع
كل عام امني احلامي بعام
أن شكيت الحال ما احد لي سموع
وان سكت الناس زادوني ملام
طال صبري والزمن عيا يطوع
والرجى باللي عيونه ما نتام



غطى روحه ورااح فالحلامه حق فرح


******





شوق تدري فالي بين فرح وجاسم

بس ليش مايتزوجون ... ليش هالعذاب الي فعيونهم


سارة: شوق وناااااسه بتباتين هني وباجر نروح الملجه حقت نور سوى....

شوق: هاه..ايه .. بس شلبس.. تعالي معاي السوق نروح نشوف لي شي نعوم

سارة: فكره والله.. انا عندي فستان قصير

شوق: قومي خلينا نقول لامج.. انا اتصل فامي بعد


سارة: okay ..yallah

راحوا البنات واهلهم وافقوا


شوق وسارة بيطلعون..

وساره لبست : قميص طويل لونه ابيض .. مع حزام على الخصر لونه اخظر غامج .. وجينز اخظر وجاكيت ابيض . وشيله خظرة.. وبوت طويل ابيض.. سارة تحب الميك اب فلذا تحط اكثر من شوق .. كان حاطه فونديشين برونزي و عيونها كحلتهم وحطت عليهم لمسات من الاي شادووو الاخظر
وخلصت الميك اب فالماسكارا



اما شوق ماغيرت ملابسها

بس كثرت الماسكارا ورشت عطر


عدلت شيلتها وطلعن


فيصل و حمد ينزلون من فوق

فيصل : اوب اوب حجيااات على وين

حمد : ههههههههه حجيااات كاااك

سارة : اعوذ بالله

شوق: من حمد وفيصل الرجيمين هههههه

فيصل : لالا على وين

سارة: بنروح االسوق

فيصل : زيين تعالوا معانا احنا بعد رايحين

شوق: الحمدلله فكه من القطارات

سارة: ايه والله

حمد: هيه انتوا.. سيارتي ماتستحمل دبات مثلكم..بس بشفق عليكم على شرط البانزين على حسابكم

شوق: احنا دبات يالسباال ... مالت عليك

وعلى ضحك ووناسه راحوا السوق

وفي السيارة..

كان حمد وفيصل مندمجين مع اغنية Candy shop

ومعلينها ع الاااااخر

وسارة وشوق مسكراات اذونهم



شوق: حمدووو تدري لو فهد ولا باباا يشوفك جذي شنو بيسوون فيك


(((( ممنوع الاغاني عندهم ))))


فيصل بصريخ: شوووقوو مو وقتج الحين ..ويكمل
I'll take you to the candy shop
Boy one taste of what I got


حمد:I'll have you spending all you got
Keep going 'til you hit the spot woah


سارة: الحمدلله والشكر

شوق: قااال عرب قاال


*******







فـــهـــد


الشخص الغامض

العاقل

كان قاعد فمكتبه

يشتغل مع رفيجه

فشركة قطع سيارات

كان سرحااان

والنظارات الي على عيونه كانوا ينزلون بهدوء لحد ما طاحوا ع الطاولة

انتبه لعمره

وشاف الساعه


فهد: اووووف الوقت مر بسرعه

راح رتب اغراضه بفوضويه شال جاكيته

عدل من بدلته السوده

لبس طاقيته والشال الي من صنع شوق ومشى

طلع مالقى احد موجود

ضحك وكمل طريقه للباركن حق السيارات

شاف الباركن فاضي اخذ سيارته ومشى للبيت

كان صوته حلو

كان يقراء قرءان فالمسجد

ويدرس يهال

وشوق تسرق من وقته وتتعلم منه


قعد يقراء ويقراء ويبتسم

كان يلعب معها

وتقوله غني لي

يقول لها عيب شنو اغني حرااام

انا ولد بو فهد

مو ولد فيفي عبده

ضحك هالمره فصووت عالي

وسرعان ماختفت الضحكه

وذكريات طفولته

مصاحبته فكل مكان

فهد واو يلف المقود حق السيارة ببراعه: اااه وينك ياااوطن وييينك... دورنا عليك ونبقى ندور ... الله كريم

وقف بالباركن حق بيتهم

نزل

راح البيت



شاف امه وزهراء

فهد: السلااام عليكم

امه: عليكم السلام


زهراء: فهووودي ااههههئ شفت شوووقووو وحمد راااحوا عني

فهد: يووه يا زهورتي شفيج عااد الحين انا مو تارس عينج..


زهوره: انبلا بس اذا تبي تراضيني اخذني انا وفرح و موسى نتمشى

فهد وعيونه الناعسات يفتحهن فغرابه: انتي خبله.. اطلعج فهالثلج


زهور تتصنع البكاء فحظن امها : اااهئ اهههئ .-.. خلااااص مااااماا شوفيه


ام فهد: فهووود اخذهم طلعهم.. وفطريقك نزلني عند اام فيصل

فهد: داام فيها حبيبتي لطوووف انا موافق ( لطوف لطيفه امه)

زهور: yeaaah...فداااايت ماااي موووم انا هههههه

ام فهد: هههههههههههه وانا بعد فديتج

فهد: يالله تجهزوا

راحت ام فهد وقالت حق فرح ولبسوا وطلعوا

نزلوا عند بيت بو فيصل

ونزلوا ام فهد

وزهوره راحت تنادي موسى

زهوره: هاااي ..( تكلم جاسم الي كان لابس ويبي يطلع ..باسته على خده)..وييين موووسى


جاسم: هلا والله.. موسى كاهو

دخل موسى وطلعوا الثلاث

نزل الدريشه فهد وكلم جاسم: هلا والله جسووم .. اركب حياااك


جاسم ماكان منتبه لفرح الي كانت خايفه وقلبها لو ينسمع جان وصل لاخر الدنيا.. لكن الحمدلله محد سمعه.. بس في شخص حس فالي يصير بين جاسم وفرح.. وفكل مره يتقابلون يلاحظ هالشي


فــــــهــــــــد

الي يلاحظ ابسط التحركااات
وماااايطوفه شي
حس فكل شي

وحس فالموقف الي غير حياة جاسم الرجل البشوش الى رجل يحمل احزن عيون ... وفرح الي قل كلامها وصارت ماتبين



******************




فهد ... شبتكوون ردت فعله على الي بيصير والي قاعد يصير

وشنو الموقف الي شافه فهد


.... سارة و قراراتها الكثيره والجديه ...

شوق... وتحررها.. و تمسكها فالدين...


كل هذا فالجزء الثــــالث



يـــتبع



**************************

[ஃ S H M O O 5 ஃ]

الحــلقه الثـــــالثه

********

اقضي مع الافكار
غربه وترحال ذكري تفرحني
وذكرى حزينه
انت الفرح وانت السعاده والآمال
يامن بنى له فى ضميري مدينه

*******

دخل جاسم السيارة ولف على ورى

جاسم: مووسى حبيبي اربـ ـ ..اوووه فرح هني...شلونج..ش..شخبارج

فرح : تمام ب,بخير,... وانت.. شلونك

جاسم : يرجع راسه لقدام ويرد عليها بابتسامه باهته...مجروحه لاحظها فهد : تمام من الله بخير ...موسى انت وزهوره اربطوا الاحزمه

موسى: اناا شيعرفني فهالخرابيط وهلاحزمه يوووه .. Farah Hjaelp mig( فرح ساعديني )

فرح: ok..men du ska lare det selv skat (اوكي بس لازم تتعلم بروحك حبيبي ..

موسى: اووووه.. ماتستحي..Jeg er Faktisk en STOR mand..du skal ikke sige skat til mig ok..forstaar du
( انا على فكره رياااال كبير .. ومالازم تقولين لي حبيبي )...ولا شرايك جسوم

جاسم: جسوم فعينك ..ههههه ايه رياال وشيخنا كلنا

على ضحك ووناسه وصلوا لشارع المشي في cobenhagen .. اسمه Strojet..

********

نرجع حق المراهقين المجانين

سارة وشوق يمشون فالمجمع

سارة: شواقه

شوق وهي تفتر بين الملابس وتاخذ الي يعجبها عشان تجربه: jaah Saronah (نعم سارونه)

سارة: Jeg har bestemte mig at....(انا قررت ان)

قاطعتها شوق : شقررتي يا كوندريزا رااايس هههههههه ..

سارة: شووقوو سمعيني شوي..احم...انا ( لفت وسوت حالها تقلب فالملابس) بلبس عبايه ( طالعت شوق´بسرعه تبي تشوف ردة فعلها)....hva synes du ? ( شرايج)

شوق واايد افكارها متحرره.. وبعمرها محد قدر يغصبها على شي

وقرار سارة بيكون قنبله ففكر شوق وطبعها

شوق وعيونها الكبار وخدودها الي امتلوا بالابتسامه صار شكلها كيووت:: Sige wallah (قولي والله ) ...شهلقرار العاقل...مو من عوايدج

سارة: همم..لا بس كافي لبس وستايل وهالخرابيط شبعت...ابي البس شي يستر ...ويبين اني خليجيه وغير عن هالبناات..الي اعوذ بالله

شوق: Sara...mashallah ...en god ting du har bestemt Fdaiiitch...
( سارة ماشاءالله قرار حلو فديتج )

سارة:hva me dig (وانتي ?)

شوق: تعرفين... مو مقتنعه فالعبايه .. ولبسي محتشم..بعمري مالبست شي قصير الا عليه شي طويل.. والعبايه البسها حق المناسبات..

سارة: كيفج..

راحت سارة وشوق تختار وتجرب وتطلع وتروح ... واخر شي اخذت توب لونه وردي ومكتوب عليه اشياء وخرابيط ناااعمه فالاسود.. و تنورة قصييييرة جينز سودا وتحتها اختارت "panty hose" ( مدري شسمه فالعربي ) قصير لتحت الركبه بشوي لونه وردي..

رجعن البيت...وسارة تفكر فقرارها الي بيكون له جوانب سلبيه فالمجتمع الدانمركي اكثر من ايجابيته ...

وشوق كانت تفكر فــــ فهد الي متغير ..

وعلى جذي صار الليل فبيت ابو فيصل

والكل تجمع هناك

*******

فهد يرد على موبيله وقام ترك الكل فالمطعم وطلع

موسى: Zahraa koooom lad os gaar der de spiller et eller andet ..kom hurtigt ( زهرااا تعالي خلينا نروح هناك قاعدين يلعبون مدري شنهو قوووومي بسرعه )

زهراء: Ok...kom( يالله تعال)

جاسم ابتسم .. واخيرا بنبقى لحالنا

فرح كانت خايفه...يااربي شهالحظ وييينك يافهد

فهد رجع لهم وشكله خايف من شي ..: اقول جاسم انا مظطر اروح .. عندي شغل ظروري .. خلي اليهال يستانسون وبعدين رجعوا فالقطار ...( التفت لفرح الي نظراتها تطلب منه ياخذها معاه) فرح بروح ..تامرين شي ?

فرح فصوت مو مسموع :Nej..Tak ( لا..مشكور)

فهد: يالله ses ( see you)

راح فهد

وترك مكانه اكثر ثنين متناقظين فالوجود

كان جاسم متوتر .. وفرح تطالع الثلج الي غطى البحيرة الي مزينه المطعم الدافئ

كسر الصمت..والتوتر وقال: احم
det koldt..og sneen ser godt ud..Danmark ser flot ud med den

((.. برد والثلج حلو.....الدانمرك طالعه حلوة فيه)

فرح ساكته ...

رد وقال: اليهال مستانسين مع الكريسماس والتحظيرات له..

ابتسمت له فرح ... وفظلت السكوت

سمعت (( ااه)) من جاسم قطعت قلبها .. وتحرك لسانها الي كانه قطعه من الثلج وذابت لحرارة قلب جاسم

فرح: شفيك ..!?

جاسم يضحك باستهزاء على سؤالها ويرجع ضهره للورى .:: هههه.. سؤال حلو..ااه .. الا شنو الي مافيني ... فرح

فرح فز قلبها من سمعت اسمها كانها اول مرة تسمع اسمها

جاسم: ليش تكابرين....Tror du jeg er saa dum...tror du jeg ikke ved hvad du onsker og hvad du tanker på (تفكرين اني فهالغباء ... تفكرين اني ماعرف شنو تتمنين ولا فشنو تفكري )....

سكت وصدره العريض كان يصعد وينزل ...

جاسم كمل فصوت مبحوح...مجروح : فرح رحمي هلانسان الي قدامج

فرح كانت ساكته ... بس دموعها قالوا...وصرخوا انها تبيه ... بس اهي اقوى من هالمشاعر..اهي اقوي من الحب والقصص الخرافيه

جاسم خلاص الالم بان´فوجهه.. لكن قطع حبل الامهم ودموعهم موبايل جاسم حاول يعدل من صوته ورد : هلا فيصل

فيصل: هلا بلعم ... شلونك..

جاسم: تمام..

فيصل: دووم مو بس هليوووم يااا جسووووم...هههههههه..اقول جاسم hvor er i hen nu ? ((وينكم فيه الحين))¨

جاسم: ههههههههه تسلم..احنا فمطعم ---- .. ليش انت وينك ...?

فيصل:انا ...انا فالسيارة ياينكم...يالله سي يو

جاسم: حياكم الله..

سكر ورجع يطالع فرح الي فزت من تقابلت عيونها فعيونه ...ورجعت وطالعت من الدريشة ...

جاسم e kommer om lidt..((بيجون بعد شوي ))

فرح: حياهم

كانت في وحده تبيع ورود فالشارع

قربت من جاسم وقالت : hej...Har du ikke lyst til at kobe en rose til din smukke kareste ( هاااي...ماودك تشتري ورده لحبيبتك الحلوة)

فرح انصدمت ونزلت راسها وخدودها ولعوا

وجاسم ابتسم وعجبته السالفه

اشترى 3 وردات

وحده شالها واعطاها لفرح فرح ابتسمت بعصبيه لكن احتراما للعجوز اخذتها واهو كان فرحاااان

بعدين كملت القعده مع الشباب والبنات

وعقب ساعتين من الوناسه ردوا البيت

فبيت بو فيصل الكل متجمع

وقاعدات الحريم فصالة تابعه للمطبخ

والرجال فالصالة >>> ماعندهم مجالس هع

وفرح فالمطبخ ماسكه الورده

وتبتسم واهي تتذكر شلون كان جاسم ذكي وماحب يسوي لها مشاكل واعطى الوردتين الثانيات حق شوق وسارة

(( على فكرة الشي الي يموووووتن عليه شوق وسارة اهو الورد الجوري ))

فرح ابتسمت بس كان عمر هالبسمه ثواني معدوده

شوق: ليش قاعده هني بروحج فروحه ,..

فرح: لا بس حابه اقعد هني .. يمكن يمرني سانتاكلاوس (بابا نويل)
ويحقق لي امنيه من امنياتي

شوق: hehehehe...stor fantasi du har kare soster..( ههههههه...خيااالج وااااسع اختي العزيزة)

ضحكت ضحكه تجامل فيها خفة دم اختها الي مو فمحلها

شوق:Jassem er saaaa sod han ved at vi elsker roser....(حليله جاسم وووااايد طيووب..يعرفنا نحب الوورد))

فرح عارفه مدى دهاء اختها وذكائها الي تخبي ورى شخصيه مرحه زائفه .. تعرف اختها عدل.. فلذا قررت السكوت

شوق: men ved du hvad ...din rose er flotter end vores..tror du det er bare noget eller r det mening..((بس تدرين .. وردتج احلى من حقاتنا´...تعتقدين شي عادي...ولا له معنى ))

فرح : مدري... hva mener du ?...(( شقصدج)

شوق: ohhh Farah hva sker der for dig...hvorfor spiller du dum...og det klaerer dig faktisk ik..lad vare med at vise at du er stor og ik har et hjerte du elsker ham du er vild med ham...ka du ik se dig selv ....(( اوووه فرح شصايرلج... ليش تلعبين دور الغبيه..على فكره هلدور مايناسبج...لا تورينا انج كبيرة وماعندج قلب ..انتي تحبينه..ومغرمه فيه مو شايفه عمرج..))

فرح: Shoq stop ...jeg ved det ...( شوق كافي ..انا اعرف هالشي))

فرح قعدت تصيح ... شوق مسكت اختها وطلعوا برى البيت لسيارة فرح..وفرح منهاره

شوق: فرح سوري

فرح: ياااربي اانا شنو لازم اسوي..اسمع كلام قلبي ... ولا اسمع كلام ابوي..Oh Gud hjalp mig ( اووه يااربي ساعدني )

شوق: شدخل ابوي فالسالفه...

فرح: تدرين.. جاسم خطبني

شوق بفرح: حللللفي..ياااجلبه وماتقولين لي

فرح والدموع ماخذه راحتها

فرح بهدوء عكس اختها..: شوق ابوي قالي رفضيه...لانه ما (( واهي تبجي)) مايستاهلني... بس والله ابيه شوق..انتي´اول وحده اقول لها هالشي

شوق: فديتج والله..وبعدين شفيه جاسم ليش ابوي مايحبه جذي...انا بكلم ابوي وصدقيني مابطلع منه الا والدنيا مقلوبه هههههه

فرح : ههههههههه ايه انتي وابوي اذا تناقشتوا فشي يوووه مصيبه

شوق:hehehe ja ja...kom lad os gaa idn yallah(ههههه ايه ايه يالله خلينا نروح داخل))

راحوا البنات داخل وكملوا القعده

وجاسم الي لاحظ وشاف كل شي من بعيد رجع بعدهم فخمس دقايق وشاركهم القعده الا ان عيونه ماتحركت من على فرح الي تضحك مع شوق وسارة وفايدها الي ترتجف من الارتباك الوردة

****************

شوق...ونيتها على انها بتكلم ابوها...تعتقدون تقدر تنقذ حياة حب مات قبل ما ينولد...

سارة وردت فعل المجتمع معاها

جاسم...

وابو فهد...

كل هذا فالجزء القـــادم

يوميات غربـة

[..قلبي شدا..]

مرة حلوة انتظر التكملة

تسلمي بنت بابا

[ஃ S H M O O 5 ஃ]

قلبي شدا
تسلميين حبيبتي
منوورة
لا عدمنا تواصلج

[ஃ S H M O O 5 ஃ]

قلبي شدا
تسلميين حبيبتي
منوورة
لا عدمنا تواصلج

[هدباء]

أبدااااااااااااع حلوووووووووو

فديتج الله يوفقج و ننتظر تكملة القصة

بشووووووق و لهفففففففففة

لا تتاخرين علينا ترى و الله اسوي فيج شي

خخخخخخخخخخخخخخ امزح معاج فديتج

بس رح أقول لج كلمة مني شخصياً

أبدعتي بالحق و اتمنى لج طريييق حلوووو

في عالم الكتابة نصيحتي لج أستمري

لانة الكتابة أجمل ما في الكون عذريني لاني أنا مهووسة في شي اسمه كتابة

بس يلا ننتظرج لا تحرمينا من جديدج

تحياتي
.. ريماني الفوارس ..

[دفء الشتاء]

جزء ولا أروع :)

الحين قدرت استوعب القصة خخخخخخ

والله الأحداث رهيبة

واصلي الإبداع

بالنسبة للشخصيات:

شوق
هذي فيها مني
دلعها..عند ابوها
وقوايتها خخخخخ
وخصوصاً رايها في العباية يوم سارة اشترتهم :027:
السالفة حصلت معي يوم صديقتي قالت شرايك نلبس
ردة فعلي نفس ردة فعل شوق :/ مع اني تمنيت البسها

برأي أتوقع انها رح تقدر تقنع ابوها بسالفة الخطبة
ولا لا تكوني ناوية عذاب فرح و جاسم يستمر :030:
ذكرت ان ابوفهد مو موافق على جاسم لانه ما يستاهل فرح
ليش :/
ما شفت في جاسم شي!!

سارة
يحليلها شخصية مثالية
روحها مرحة
أتمنى اني اعرف اكثر عنها


فــهـــد
محيريني ليش ما ادري ;121;
عجبني تدينه


فرح و جاسم
دونت ميك مي قو كرييزي
:011:


حمد و فيصل
توووحفة المراهقين خخخخخ


اما الباقي ما عليهم كلام ^^

الا صح اللغة الدنماركية شي ماااا ينفهم *_*

قعدت سنة احاول افهم بأي طريقة بس ما قدرت

ما فيه شبه بالانقلش
الا شرايك تترجمين عنجليزي :010:>>>فاضيتلك


متى رح تنزلين الجزء ؟

ننتظره

وسلمت أناملك :018:

[ஃ S H M O O 5 ஃ]

هدباء
تسلميييييين حبيبتي هذا من ذوقج
هههههه فديتج والله
ويشرفني مرورج

لا تحرميني مرورج

[ஃ S H M O O 5 ஃ]

دفء الشتاء
يفرحني بجد تعليقج الحلو
واللغه الدانمركيه اهي لغتهم هع
تحملي لووول
وانتظرووووني
بااااجر بنزل جزء اذا شفت ردود اكثر >> طماعه هع

[دفء الشتاء]

يعني لو مالقيتي ما تنزلين جزء ها

اجل ابشري ولا يهمك انا بملي الصفحة ردودي خخخخخ