روايتي الاولى ( عهد على ذكرى الالم والمهانه لآخذ بثار دموعنا ياخفوقي)

[شعاع الاكوان]

يييوووه مررآ مررآ قصصير

بسس عآذرتك ي حلووه



يوه نورآ أول مره تطلع بالرواية ؟



bey sweety

[мħāωψ]

بآآرت جميل جدآآ
أحسن أسآآمه اكتشف لعبت سآآره
متحمسه أعرف قصة محمد
وآآتوقع ليآن بتقآآبل جوود
في أنتظآآر البآآرت الجآآي بـحمآس>>>اغير الكلمه شوويه
في حفظ الرحمن

[* rafal]

ياااااي حماااس

احسسسسسسسسسسسن سارة انكشفت

البارت حلوو ف انتظار اللي بعده


عادي حبيبتي نامي وريحي عشان تكملين بحماس

خخخخخخخخخخخخخخخخخ


()

[أسِيفْ]

لااا ،
يا خوفي محمد عن جد ينشغل بأمر أخته وينسى جود
أبيه يوصلهم لبعض بأسسرع وقت
.
.
ارتاحي وارجعي لنا
منتظرينك بشوووق

[AL5ANSA]

شكلها حماااااااااااااااااااااااااااااااااااس
كمليها وأقراها ..

[B S O M A]

عُذذراً !!

الآختبآرآت أخذذذتني

بسس ڪنت أقرأ ڪل بآرت بوققتـﮧ = )

المهم . . نرجع لروآيتنآ ^^" !

()

أول شششيء . .

" موت جوآإد " = $$

الصصصرآحـﮧ قهرتينييييي

و من شدة القهر " بڪيت = P " !!

وش ذذآ يعني علششآني أحببـﮧ هو أختـﮧ يمووت = (

أجل من اليوم ورآيح بحب جهآد و فههد !

المهم اللّـﮧ يرحمـﮧ . .

()()

جوود

هذي صآرت تنرفززززززني

باللّـﮧ وش ذآ خلآص أخوڪِ مآت . . أرضي بالآمر الوآقع يَ فتآةةة

بس من جدد دمعت ع حآلهآ = (

إن شاء اللّـﮧ الـ قآدم يڪون أحسسن

()()

لييونـﮧ

أححححححححوبهآ . .

أن شاء اللّـﮧ تقآبل أمهآ

و اللّـﮧ يفڪهآ من شرر " فههد " !!!

()()

أحمد . .

مدري أحسسـﮧ بيعرف ڪُل ششيء عن جود ^^" !

()()

نآصصر . .

أممممم . . يمڪن هو إلي بيتزوج جوود

()()

فهدد



()()

محمد . .

وش طلللع أختـﮧ الحييييين ؟

خليـﮧ يخلص من جود بعدين يرجع لأختتتـﮧ

أتمنى أنه يسآعد جوود مو ينسآهآ

()()()()()

متحمسسـﮧ للبآرت الجآي مرآ

نزليـﮧ بأسرع وقت لآهنتِ . . و نوم العوآإفي

[فارسة القلوب]

تابع .........



في السعوديه :
تعب من الشغل بين فروع الشركه اللي موزعه بالمملكه موقادر
يصيطر على كل شي من بعد وفاة جواد يحس انه صار عاجز
خذا جواله واتصل على فارس
جهاد : الو السلام عليكم
فارس : وعليكم السلام ورحمة الله وبركاته
جهاد : كيفك فارس وكيف الاهل
فارس : الحمدلله تمام كيفك انت
جهاد : الحمد لله تمام فارس تعرف غلاتك من غلات جواد الله يرحمه
فارس : الله يرحمه
جهاد : انا بصراحه تعبت من الشركه واحس مو قادر اسيطر عليها واللي
اعرفه انك تداوم بشركه بس وش رايك احطك مدير على شركتي ولك
الراتب مضاعف
فارس : جزاك الله خير ماتقصر بس انا الحمدلله مرتاح في شغلي
ومستحيل اطلع من الشرقيه
جهاد : خلاص مافيه مشكله تكون مدير الشركه اللي عندكم بالشرقيه
فارس : بس...
قاطعه جهاد : راح ادبلك الراتب
فارس : المسأله ماهيب مسألة فلوس بس جواد مادخلها ولا اشتغل فيها
عشان انا اجي واشتغل فيها اعذرني ما اقدر
جهاد بحزن : ادري انك تلومني على جواد بس صدقني وربي اني نادم قد
شعر راسي تراه مهما صار يافارس اخوي وربي ندمان
فارس : انا مالومك على احد ومالي حق الومك هو اخوك ولكم
خصوصياتكم بس لو جواد حي مارضى اني ادخل بهالشركه
جهاد : بس هذي شركة جواد
فارس : وشلون شركته وهو خذا ورثه كله
جهاد : لا الشركه هذي ماحسبتها من ضمن الورث واخذتها انا
فارس بصدمه : وشلون
جهاد : انا ظلمته ماعطيته حقه وافي
فارس بحزن : انت من ايش مخلوق حرمته من كل شي حلو بحياته
ظلمته عيشته بنكد وفي النهايه جاي تقول ندمان وش ينفع ندمك بعد
ماراح الغالي
جهاد بتعب : تكفى يافارس انت اغلى واحد عنده تكفى ابي اسوي أي شي
لك على الاقل ارتاح ولو شي بسيط من تأنيب الضمير
فارس : لاتسوي لي شي كثر الله خيرك هالشركه محرمه علي مثل
ماحرمت على جواد من قبلي
جهاد : خذها يافارس وسامحني خذها وعلى الاقل تبرع منها وابن منها
مساجد لجواد
فارس : مو محتاج لفلوسها عشان اتبرع لجواد اذا ابي اتبرع باتبرع
بفلوسي انا
جهاد : طيب هذي فلوسك وفلوس جواد
فارس : جهاد انا مشغول تامر على شي غير هالموضوع قلتلك الشركه
هذي محرمه علي
جهاد : بخبرك بمكان ليان
فارس بذهول : تعرف وينها ؟؟؟؟
جهاد : ايه
فارس بعصبيه : تعرف وين مكانها كل هالسنين ولا خبرت جواد وانت
عارف انه عاش حياته يبحث عنها
جهاد : كان غروري وكبريائي مانعيني من اني التفت لهالشي وبعدين كنت
ابي اسكر هالسالفه مابيها تطلع مره ثانيه
فارس : تصدق اعجز اوصفـ ..
قاطعه جهاد : جواد عرف مكانها قبل العمليه
فارس : وشلون
جهاد :علمه فهد قبل العمليه بربع ساعه
فارس بفرحه : شافها
جهاد : لا بس عرف وين مكانها
فارس بحزن : يعني جواد مات وهو مرتاح عليها
جهاد : ايوه
فارس : وينها ليان
جهاد : بس قبل توعدني تاخذ الشركه
فارس : ليش مصر اني اخذ الشركه
جهاد : بس ابيك تاخذ حق جواد مابي احرمه من حقه زياده
فارس بضيقه : اوك اوعدك
جهاد : عند فهد
فارس : جهاد تتوقع ان حنا مابحثنا عنها عند فهد هي ماهيب عنده
جهاد : هو حطها عند صديقه
فارس : أي صديق ؟؟؟؟
جهاد : واحد اسمه ناصر ساكن بالـ....
فارس : اوك عن اذنك باي
جهاد : طيب خلنا نتفق عالشركـ....
فارس : مو الحين بجي اساسا عالرياض ابي اشوف ليان
جهاد : حياك الله مع السلامه

سكر جواله وهو يتذكر ليان بالمهد وهي تلعب وتحاول تمسك يدينه
ياترى الحين وش شكلها ووشلون شكل جود جود حيه ولاميته ووينها فيه
من مات جواد وهذا تفكيره مايدري جود حيه ولا جمعها الموت بجواد
كل تفكيره بجود وكل مافكر فيها مايجي بباله الا حالتها وهو يهينها
وجواد يحميها وكيف كان معذبهم ثنيناتهم يبي يتذكر شي سواه لهم يفرحهم
بس مايذكر شي كل شي كان فيه عذاب لهم لحد فراقهم عن بعض ووفاة جواد

اماعند فارس على طول ركب سيارته وجا عالرياض وهو كله لهفه على شوفة ليان يبي يشوف عشق جواد الثاني واللي ماكان ينام الا وهو ضام صورتها بالمهد


في الرياض

العنود بقهر : الحين حنا ليش مانسافر مثل خالتي ام ناصر
امها : خلي منك الهبال وروحي اشتغلي مع خوله اذا انتي فاضيه لهالدرجه
العنود : لا مانيب فاضيه بس جايه ابي اسألك
امها : وانا جاوبتك يالله توكلي على الله
العنود : يمه انا ابي اكمل دراستي بالخارج عند اخوي احمد
امها : فال الله ولا فالك هذي اخر سنه لاحمد ان شاءالله
العنود : طيب ماهيب مشكله اروح عند خالتي ام ناصر
امها : الحين هنا يالله نقدر عليك تبينا بعد نسفرك عشان ماترجعين لنا ابد
العنود : وانتم وش تبون فيني خلوني اروح اترزق الله يمكن القى عريس الغفله
امها : مافيه عرس مابي اتفشل في خلق الله بكره يجيني الرجال يقول خذوا
ولدكم انتم معطيني ولد ماعطيتوني بنت
العنود بشهقه : حرااااااام عليك يمه جرحتي احاسيسي الرقيقه الله يسامحك
انتي كذا تحطمين ثقتي بنفسي
امها : العنود روحي اشتغلي مع خوله واتركي عنك الكلام الفاضي
العنود : طيب بس نروح نزهه ماهوب لازم دراسه يمه طقيت من هالبيت
ابي اطلع طفشت
امها : لاتزوجتي يوديك رجلك
العنود : من شوي تقولين مافيه عرس يعني مافيه امل اسافر الله يستر
امها : اذا صرتي بنت بتسافرين لانك بتزوجين
العنود : يمه اللي يسمعك يقول اني لابسه ثوب وعاصبه راسي وقاعده
افحط بهالشوارع
امها : الله يستر تاليتك مسويتها
العنود : يمكن يجيني هاجس واسويها لاصرتوا مانتب مزوجيني
ولامسفريني وش اتصنع له يالله مامي سلام بروح العب بلايستيشن
امها : تعالي وين رايحه روحي ساعدي خوله
العنود وهي رايحه : يمه خوله معها الشغالات ولاتنسين انتي قلتي اني ولد
يالله تحملوا ولدكم
امها : الله يصلحتس ويهديتس ويصبرني عليتس


في بيت فهد
ساره بصدمه : وش ذكرك فيها بعد هالسنين
فهد : اسمعيني زين بنتي بتجي ومالك دخل ذكرتها ولانسيتها بس اياني
واياك تحاولين تضرينها ولاتسوين لها شي كفايه ماجا امها من وراك
ساره بعصبيه : الحين اللي يسمعك يقول اني بذبحها وبعدين وش جا امها
مني وهالبنت من وين طلعت ووين كانت طول هالسنين اللي راحت
فهد : مالك خص
ساره : صادق مالي خص بس اذا جت مالي خص فيها انت اللي تعتني بها
انا مو ناقصه لقطاء
عطاها كف بقوه وبعصبيه : اياني واياك اسمع هالكلمه منك بنتي اشرف
منك واللي جابوك ياحماره
ساره وهي تبكي : انا تعطيني كف عشان نتفه مابعد جات للحين
فهد بعصبيه : واكسر راسك بعد ليان غلاتها من غلات جود اياني واياك
اشوفك متعرضه لها
ساره بقهر وهي تبكي : طيب يومك تحبها هالكثر ليش ماتزوجتها
فهد بقهر : كان حلمي اني اتزوجها بس حضي المقرود حطك بدربي
وابعدها عني
ساره بحقد : هه تتوقع انها حيه للحين مسكين وربي وحتى لو نفرض انها
حيه تتوقع وين عايشه في أي بيت زابنه وعند من عايشه
فهد بصراخ : ساااااااااااااره
ساره بعناد : ليه عشاني اقولك الحقيقه عصبت روح دورها وشوف وينها
عايشه هه يمكن الحين بعد متزوجه ولا هايته لاحسيب ولا رقيب
فهد والدم يفور بعروقه مسكها وضغط على رقبتها : اذا بفكر هالتفكير
فبيكون عنك انتي ولا جود نجمه بالسماء ماحد يمس طرف اصبع منها
وهذا اخر تنبيه لك لو سمعت كلمه شينه عن جود وربي اقص لسانك
وقولي فهد ماقال
نفضها عن يده وطلع وهو ماسك نفسه من انه يذبحها نقطة ضعفه جود
وهي عارفه هالشي وتحاول تستفزه


في بريطانيا
محمد : سامي مكن اطلب منك طلب
سامي : امر محمد
محمد : مايامر عليك ظالم ابيك تروح للرياض اذا تقدر لانك راح تطول هناك
سامي : افا عليك اقدر وش وراي ماوراي شي امرني انت
محمد : فديتك خذ هالعنوان ورح له عندهم مزرعه وفيها بيت شعبي ابيك
تشتريها وتشتري البيت لو تطلب الملايين ابي سكانه يطلعون منه باي ثمن
ابي هالبيت فاهمني ياسام
سامي : ابشر بس وش تبيبها وانت هنا
محمد بسرحان : لغايه في نفسي ابيك تشتريه لو كلفت ايش والفلوس بحولها عليك
سامي : ابشر من عيوني
محمد : تسلم عيونك وابيك تبحث عن واحد بحي الـ.... اسمه فهد
وتعطيني جميع اخباره يوميا اوك
سامي : اوك
محمد : حاول انك تقرب من فهد هذا مهما كلف الامر
سامي : ان شاءالله
محمد : خلاص طيارتك بتكون بكره
سامي : توكلنا على الله

وبمكان ثاني بوسط لندن
كان ناصر واحمد طالعين يتمشون
ناصر : احمد خلنا نروح للمطعم اللي تشتغل فيه
احمد : خلاص انا استقلت منه ماعاد عندي وقت فراغ انت تكفي وتوفي
ناصر : فديتك ماعليه ابي اشوفه
احمد : يالله مشينا
راحوا للمطعم وناصر يتلفت يتمنى يشوف جواد حسب وصف احمد

عند جود كانت طفشانه وقررت تروح للمطعم اللي كانت تشتغل فيه
راحت وجلست بزاويه في المطعم بس لفت انتباهها ان احمد ماهوب من
ضمن اللي يشتغلون بالمطعم معقوله ترك المطعم والا يمكن عنده اجازه
الحين لان الحين وقت دراسه واكيد احمد بلندن بس غريبه ماجا للمطعم
اليوم
ناظرت وشافت جرسون جديد ماكان يشتغل معها في المطعم لما كانت
تشتغل قالت هذي فرصتي اسأله وماراح يعرفني
جود وهي تضخم صوتها : Excuse me (المعذره )
الجرسون : Yes sir (نعم سيدي)

(ارجوك اريد منك خدمه بسيطه )Please I want you to simple service جود :

الجرسون : Well, Sir, prefer (حسنا تفضل سيدي )
جود : Is there an employee here named Ahmed (هل يوجد هنا موظف يدعى احمد )
الجرسون : I think that he had submitted his resignation yesterday (اعتقد انه قدم استقالته بالامس )
جود : ok, thank you (اوك اشكرك )
الجرسون : Welcome (اهلا بك )

طلبت كوفي وعطت اللي بالمطعم ضهرها وجلست تناظر مع الزجاج خارج المطعم كانت امطار قويه

من جهه ثانيه ركضوا وهم يضحكون نزل المطر بغزاره وهم ماكان معهم مضلات

ناصر بصوت عالي : ياخي هالمطعم بعيد ترى تغرقت بالكامل
احمد وهو ماسك يدين ناصر ويركض : لا ماهوب بعيد بنهاية هالشارع
راحو يركضون للمطعم والمطر ينزل بغزاره

اما جود كانت تناظر المطر ودموعها تنزل ماتدري ليش تحس بحزن لاشافت المطر
مسحت دموعها واستغفرت ربي المفروض تفرح ماهوب تحزن الجو كلمة روعه قليله عليه
بس هي هذا طبعها كل ماشافت شي يسعدها لازم تقلبه حزن مو من كيفها ماتدري ليش الحزن مرافقها
شافتهم يركضون متوجهين للمطعم وهم يضحكون هذا احمد اكيد بس منو هالثاني ياربي لازم اطلع قبل مايشوفني موفاضيه له
قامت بسرعه وراحت لدورة المياه الخاصه بالرجال لانها معتبره نفسها
ولد بتقعد لين يجلسون عشان تطلع بدون مايدرون
اما ناصر واحمد راحوا للحمامات عشان يعدلون وضعهم لانهم تبهدلوا وملابسهم كلها مويه
يوم سمعت صوتهم دخلت في واحد من الحمامات وسكرت عليها ياربي وش جابهم انحاش منهم ويلحقوني

اما ناصر واحمد دخلوا وهم يضحكون
ناصر : حسبي على بليسك ملابسي كلها مويه وش اسوي
احمد بضحكه : عادي يمكن ماتسبحت من زمان احمد ربك شاور مجاني
ناصر : احلف بس انت ومطعمك اللي مدري وش يبي
احمد : الحين وش دخل المطعم
ناصر :تعال صديقك جواد هذا تتوقع انه الحين بلندن
احمد : يوه للحين تذكره اكيد موجود لانه يدرس
ناصر : طيب تعرف وين يدرس
احمد : لا هذي المشكله اني ماعرف عنه شي ياخي قلتلك يرفع الضغط غامض بشكل فضيع
ناصر : تصدق نفسي اشوفه
احمد : غريبه اشوفك مهتم فيه مره
ناصر بربكه : ههههه لا بس ابي اشوف الشبه اللي بينه وبين جواد الله يرحمه لدرجة انه نفس الاسم

كانت تسمع كلامهم كله حست بدوخه وهي تسمع اسم جواد اخوها معقوله احمد يعرف جواد
جلست وهي تحس برجفه لايكون يعرفون اهلي
انتظرت لين طلعوا لفت الشال على رقبتها وغطت به فمها من تحت
ولبست النظارات والكبوس ضمت نفسها وهي تدعي انهم مايشوفونها
طلعت بهدوء وهي منزله راسها وعلى طول توجهت لباب المطعم
ماقالت على الله تطلع من المطعم حطت رجلها

اما محمد راح لشقة جود يبي يفاتحها بسالفة ليان
دق الجرس وضرب الباب بس باين انها ماهيب في الشقه
رجع للبيت وهو مقرر انه مايكلمها الا بعد مايحصل ليان والحين يتفرغ
لمشاكله هو من طلعت جود بحياته ترك كل شي وصار تفكيره فيها


في السعوديه
ضرب الجرس بس شكل مافيه احد الفله شكلها فاضيه
راح وضرب جرس الفله اللي بجنبهم
طلع شاب
فارس : السلام عليكم
الشاب وهو يصافحه : وعليكم السلام هلا اخوي
فارس : اخوي تعرف وين اهل هالفله
الشاب : والله هم مسافرين للخارج عسى ماشر
فارس : لا ابد بس بغيت صاحب البيت بموضوع متى بيرجعون
الشاب : مدري والله بس الاكيد انهم بيطولون لان ناصر رايح لعمل
فارس : طيب وين راحوا
الشاب : هم مسافرين لبريطانيا
فارس : طيب ولا عليك امر تقدر تعطيني رقمه
الشاب : ابشر
راح بعد ماخذا الرقم ماله الا يسافر وراهم مستحيل يضيع الفرصه
لازم يلقى ليان سنين وهو يبحث مع جواد عنها مستحيل يخليها
اتصل على جهاد وسأل عن ناصر وش اسم شركته وقاله يرسل صوره له على الجوال عشان اذا شافه يعرفه

................ النهايه .....................

[فارسة القلوب]

شعاع الاكوان

مهاوي كول

روفيتا

فستان السماء


ياهلا فيكم حبايبي اتمنى التكمله أعجبتكم




AL5ANSA

ياهلا فيك حياتي متابعه جديده لروايتي


سوسو

معليه فديتك عسى ان تكرهوا شي وهو خير لكم

جواد الله يرحمه حتى انا حبيته

بس ارادة الله فوق كل شي

يمكن اذا حبيتي جهاد ولا فهد يموتون امزح معك فديتك

ياهلا فيك حياتي واتمنى التكمله تكون اعجبتك


هذي هي تكملة جزء 21

وبما ان حنا خلاص الحين في عطله

راح انزل كل اثنين وجمعه

ادعولي اني انجح نتيجتي يوم السبت الجاي

الله يعين

[B S O M A]

()



!

من جد حللللللللللللللللللو هَ البآررت حمآإسسي مرآ

بس يَ ليتـﮧ أطووول بعد

يعني مَ شاء اللـﮧ الحين 3 يدورون عن جودد و لييآإن

> هذآ إذآ ڪآنو أقل أو أڪثر مدري

ناصر بربكه : ههههه لا بس ابي اشوف الشبه اللي بينه وبين جواد الله يرحمه لدرجة انه نفس الاسم كانت تسمع كلامهم كله حست بدوخه وهي تسمع اسم جواد اخوها معقوله احمد يعرف جواد جلست وهي تحس برجفه لايكون يعرفون اهلي انتظرت لين طلعوا لفت الشال على رقبتها وغطت به فمها من تحت ولبست النظارات والكبوس ضمت نفسها وهي تدعي انهم مايشوفونها طلعت بهدوء وهي منزله راسها وعلى طول توجهت لباب المطعم ماقالت على الله تطلع من المطعم حطت رجلها

 

 

يَ قهههههههر

معليه فديتك عسى ان تكرهوا شي وهو خير لكم

 

 

جواد الله يرحمه حتى انا حبيته بس ارادة الله فوق كل شي يمكن اذا حبيتي جهاد ولا فهد يموتون امزح معك فديتك

 

 

خخخخ

أجججل ليش تموتيييينـﮧ وتحطينـﮧ خطأ طبي بعدد ؟

> أمممثح ترآ

أيـﮧ علشششآن ڪذذآ بحبببببببببهم مرآآآ

ننتظر التڪملـﮧ يوم الجمعـﮧ إن شاء اللـﮧ . . لآ تطولين يَ جميييلـﮧ

ادعولي اني انجح نتيجتي يوم السبت الجاي الله يعين

 

 

بَ التوفيييق يَ رب

[* rafal]

ياااااربييي مين يقدر يصبر للجمعه!!!!!!!!!!!!!!!!!

ان شاء الله تكون نتيجتك ترفع الرااس واحنا كمان