[ O² ] ~ مدونتي

[w6n]

ياربَ ليلٍ قد تلاهُ نهار
و الشام يقبع فوقها "الجزار"

بالله قولوا كُلما صليتموا
هَتكَ الإله حِماك "يا بشار"

[w6n]

الشيخ محمد البراك

صَوت عذب يخترق صم الاذان

[w6n]

فون الفلس

يتكسر .. يطفي علي يومين .. يعلق .. يتصل من كيفه <عن العيارة
موريني الهوايل وانا ساكته و متحمله
عمركم شفتوا مثل وفائي له < ماعليه يّ الجنه


المشكلة إني اتقبلة بكل عيوبه راضيه بالضيم بس ما افارقة يوم واحد .

أخذه مني عبود إخوي يصلح الشاشة و لما قالي إنه يبيله 3 أيام قلت : هاته هاته
ماااااابي أصلحة
3 اياااام امووووت بدونه


بنطر اللي كانت السبب في تكسيرة
و قالت ماعليه انا اخذه واصلحه لج
بشوف متى إن شالله تصلحه < تخز وحدة هناااك

[w6n]

اللي يتضايـق مـن العالـم يطنشّهـم

لكن وش يسوّي اللي ضاق من حاله؟؟؟

قبل يتهـاوش مـع العالـم و يبلشهـم

ماعـاد باقـي لنفسـه شـي ما قالـه

[w6n]

13-1-2006


مرحوم يا من سيّده
................ الطيب لو هو قيّده
القبر وخيوط الكفن
............... ياليت موته حيّده
لو ان غطّاه اللحد
.............. فعله صروح مشيّده
ورّث عياله فزعته
............ الروس به متسيّده

[w6n]

قَالوا : ( تبيعه) !
قِلت : ( لا لا ما أبيعه )
بَحفظ وداده و آذكره .. لَو نساني !

حمر النواظر ورثوني طبيعه
ما أبيع حيٍ بـ الموده شراني


< فيس يحذف عقاله :p

[w6n]

جابر
لم يصنع دولة فقط
جابر
قد صنع في قلوبنا حبًا له و لـ دولته
جابر
قد غرس فينا نبتة عشق لن تنتهي

[w6n]

قصاصة .. وجدتها مكتوبة بخط يدي ..
مُذيلة بتاريخ قديم .. وأليم !
12-6-2007

حتى لو حطني بعيونه
_____ ____ ___ حتى لو سكني قلبه

كافي بس لاتعذبونه
______ ____ __ ما أحبه \ ما أحبه


بقلمي [ شهد ]

-----------------------

و مزّقت القصاصة الآن !

[w6n]

التقاييم



شيماء
نورتي يالغاليه

فنو
يسعد قلبج يارب و يرفع قدرج , حبيبتي والله شرفتيني


,

توني قاعده اطالع عدد مشاركاتي و تفاجأت بـ صورة وسام !
ضغطت عليه بتأكد من السالفه
ولا طلع صج عندي وسام نشاط




< سلامات صارله سنه و توني ادري عنه

الحمدلله

[w6n]

غلطت وقلت لاخواني الصغار
باجر الصبح بوديكم حديقة الحيوان

بسم الله
ما صدقوا خبر !
زهبوا لبسهم و اغراضهم من الحين

المشكلة إني ما اقوم من النوم إلا العصر

< يا ذا البلشه