~§ اجتماع للمســـافرات في الرحلة ..§~

[الصديقة]

و عليكم البنات ورحمة الله وبركاته

\

هلآآ فش فش :)

موضوع جآ بـ وقته والله .. :kez_14:

1- هل حابين ان رحلتنا تكون متجدده بشكل يومي بمعنى كل يوم انزل لكم رحلة !! أو بين كل يومين تنطلق رحلة جديده!! في كلا الحالتين ماعندي مانع و رايكم هو اللي يهمني!!

 

 

ليت الرحلة تكون كل يومين .. أحس نفسي مضغوطة هـ الفترة .. وانا ما ابي اقصر بـ أي رحلة .. و بعد ما نبي نتعبج ويانا

2-هل تفضلون اني اجمع لكم هدايا الرحلات مع العبارات في موضوع منفصل !!

 

 

ما في فرق .. بس احسن لو كانت بنفس موضوع الرحلة

3-هل عندكم وجهات حابين ان نتجه نحوها !! 4-هل عندكم اي اقتراحات متعلقه بالرحلة !!

 

 

بصراحة شغلج رائع فراشة .. و ما عليه كلام .. و انا واثقة بذوقج في اختيار الوجهات

ارسلت لي رساله و سبتني فيها سب يعني طلعت اللي في خاطرها علي من حقد وغيره وقالت كيف اعمل رحلة نحو التمييز وانا مب متميزه !

 

 

طنشيها فراشة .. وربي وجع راس عالفاضي

لا تضيعي وقتج مع وحدة صغيرة العقل .. خليها تموت من القهر

وعليكم السلام ورحمة الله وبركاته

× في البدايه اشكرج فرووش على جهودج وربي يعطيج العافيه ياقلبي..
× اما بالنسبه لنقل موضوع الرحله فا جزاج عند رب العالمين ..

3-هل عندكم وجهات حابين ان نتجه نحوها !!

 

 

×مممم انا عندي بصراحه موضوع واتمنى انج تتناولينه في رحلاتنا ..
وهو يخص الثقه بالنفس ..

اما بالنسبه للبنت بصراحه هاذي ماعندها سالفه :006:
بس انا اقول لج لا تخلين اي حجرة تعيق طريقج .. وانتي قدها وقدوووود :010:

[![الأماكـن]!]

بسمـ ..اللهـ ..الرحمن..الرحيمـ

1- هل حابين ان رحلتنا تكون متجدده بشكل يومي بمعنى كل يوم انزل لكم رحلة !!

واللهـ ..بصراحه..أنــا ..أفضــل..بين كل يووم ويــوومـ ...

2-هل تفضلون اني اجمع لكم هدايا الرحلات مع العبارات في موضوع منفصل !!
إيــه أحسن..
3-هل عندكم وجهات حابين ان نتجه نحوها !!

مممـ ..إيــه ياليت تحطين لنــا رحله في الأخلاق..وسمـــو الأخلاق..للنــاس اللــي..ماعندهمـ أخلاق..يعني مثل البنت اللي أرسلت لك..!!يمكن تتعلم..لوو شووويه..!

4-هل عندكم اي اقتراحات متعلقه بالرحلة !!

مممـ ..لاواللــه ماعندي شي..

................................

فرووشه البنت هذي مسكينه..تلقينها مقهووره من شي وجات تفجر قهرهــافيييييييك...
مسكينه ناقصه عقل..أستغفر الله العظيم يالله لهالدرجه الغيره والحقد والحسد يسوووي؟!!!
لو ماكانت غيرانه منك ولو ماانتي متميزهـ ..ماكانت قالتــ ..كذا..
"وإذا خاطبك السفهــاء فقولوا سلامــا.."
وزين سوويتي لاترديني عليها ...وأحقريها ترى "الحقران يقطع المصران" هع هع >>ماخذتها من مسلسل..
المهم...والله والله ثم والله ودي انها تراجع نفسها وتعتذر...وصدقيني مصيرها تندم لان هالحركـات حركــات بزران مو كبــار..ولو ان مو مميزه على قوولها ماكان شفتي المسافرات ماشاء الله متحمسين وغير كذا لو ماكنتي مميزه ومحبوبه محد شارك بموضوعك ومحد أرسلك عالخااااص يبي يشترك ومن ضمنهم أنــا...
مممـ ..وموفقه يافروووشه وكلنــا معك غلاتــي..
لحظه فرووش "ياجبل لايهزززك ريييييييح"
^_^

[S M I L E]

1- هل حابين ان رحلتنا تكون متجدده بشكل يومي بمعنى كل يوم انزل لكم رحلة !!


بالنسبه لي أفضلها كل يومين و مثل ما قالو البنات أحسن عسب يمكن تينا أشغال طارئه

2-هل تفضلون اني اجمع لكم هدايا الرحلات مع العبارات في موضوع منفصل !!إ

أنا أفضله بس بعد ما نخلص تجمعين الدروس كلها مع الهدايا في موضوع منفصل عسب اللي حاب ايخزنها عنده <<< أقصد نفسي

3-هل عندكم وجهات حابين ان نتجه نحوها !!

مثل ما قالوا البنات و ابغي درس عن العصبيه لأني من السيل <<<< سيل خخخخخخخخخخخ


4-هل عندكم اي اقتراحات متعلقه بالرحلة !!


مثل ما قالوا البنات لا إضافات


و تسلمين الغاليه ع جهودج

و الموضوع باين انه متعوب عليه

جزاك الله خير

تقبلي مروري

أختج ..^ـ^..

[بقايا أمل]

وعليكم السلام ورحمة الله وبركاته

1- هل حابين ان رحلتنا تكون متجدده بشكل يومي بمعنى كل يوم انزل لكم رحلة !! أو بين كل يومين تنطلق رحلة جديده!! في كلا الحالتين ماعندي مانع و رايكم هو اللي يهمني!!

 

 

اقترح بأن تكون بين كل يومين لأنطلاق الرحلة ، ذلك أفضل لنا و لكِ

2-هل تفضلون اني اجمع لكم هدايا الرحلات مع العبارات في موضوع منفصل !!

 

 

 

 

لا فرق لدي سواء كانت في نفس الموضوع أو في موضوع منفصل

3-هل عندكم وجهات حابين ان نتجه نحوها !! 4-هل عندكم اي اقتراحات متعلقه بالرحلة !!

 

 

أنتي الكابتن وأنتي قائدة الرحلة فــ أنتي التي لكِ الأختيار
رأيكِ صائب ونحن معكِ سائرون

ارسلت لي رساله و سبتني فيها سب يعني طلعت اللي في خاطرها علي من حقد وغيره وقالت كيف اعمل رحلة نحو التمييز وانا مب متميزه !!

 

 

حقريها ..
لان الحقران يقطع الجلاوي والبصران

.

.

تحاياي \
بقايا أمل

[النَفس التَواقة]

السلامـ عليكمـ

1- هل حابين ان رحلتنا تكون متجدده بشكل يومي بمعنى كل يوم انزل لكم رحلة !!
لا حبيبتي بليز ما تخليها متجدده لانو انا مو كل يوم اقدر افتح النت بلييييييييييييييييز


واخر شي اقول انو البنت اللي سبتكـ
ايد و 100% تكون غيرانه منكـ
لانكـ من جد متميزه بمواضيعكـ


تحياااااتي

[goody]

،’


مرحب [ فروووووش ]

:]


،’


1- هل حابين ان رحلتنا تكون متجدده بشكل يومي بمعنى كل يوم انزل لكم رحلة !!

أفضل ماتكون يومياً فراشة , لأن المواضيع صراحة حلووة ,
أحس ماتأخذ الوقت اللي تستحقه عشان نتناقش فيها ,
ياليت يكون بين كل رحلة ورحلة يوم ..

+ + +

2- هل تفضلون اني اجمع لكم هدايا الرحلات مع العبارات في موضوع منفصل !!

ما أخالف في هذي النقطة ,,

+ + +

3 - هل عندكم وجهات حابين ان نتجه نحوها !!
4 - هل عندكم اي اقتراحات متعلقه بالرحلة !!

للأسف لأ ,
وراكم وراكم ,
معاكم معاكم ,




،’



وبالنسبة للبنت اللي تكلمتي عنها ,
صدقيني هذي بس شايفة وش كثر إنتي متميزة .. ومقهورة منك ,
ولو فيها شوية عقل ,
ماسوت حركات بنات الروضة ,
(( وأتوقع بنات الروضة , عندهم ذوووق أكثر منها )) ’


،’


دمتي كما تحبين ,



،’

[love.for.ever]

فرووووووووش حبيبتى
حلو حكاية الاجتماع ده
المهم:
يا ريت فعلا يكون كل يومين او اكثر كمان
لا انا ما بدخل كتيييييييير و مش بلحق اقرأ انهى رحلة:023:
و حكاية الهدايا فى موضوع منفصل حلووووووووة اوى بس طبعا بعد رأى المسافرات
بس مفيش وجهات كل رحلاتك صراااااحة روعة
و مفش اقتراااااااح
سلااااااامى
love.for.ever

[وردةالجوري]

المشاركة الأصلية كتبت بواسطة فـراشـه أهلا بـ خواتي المسافرات عقد هذا الاجتماع عشان استشيركم في عدة أمور واستفسر منكم وهي كالتالي : 1- هل حابين ان رحلتنا تكون متجدده بشكل يومي بمعنى كل يوم انزل لكم رحلة !! أو بين كل يومين تنطلق رحلة جديده!! في كلا الحالتين ماعندي مانع و رايكم هو اللي يهمني!! كيفك الي تشوفينه مناسب سووويه... 2-هل تفضلون اني اجمع لكم هدايا الرحلات مع العبارات في موضوع منفصل !! كيفك يالغلا... 3-هل عندكم وجهات حابين ان نتجه نحوها !! نوووو انا معاك.. 4-هل عندكم اي اقتراحات متعلقه بالرحلة !! واخيرا في نقطتين حابه اوضحهم أولا :في اكثر مواضيع البنات يكتبون فيها لا احلل من تنقل موضوعي !! ولا اسامحها الى يوم الدين !!!و ووو الخ .........!! و انا بصراحه تعبت على الرحله من اكسسورات وكثرة مراجع فانا ما اكتب لكم الكلمة الا وانا متاكده من المعلومه ومن عدة مصادر ومراجع وكتب ..يعني تقولون كانه بحث جامعي مصغر !! المهم انا احلل واحلل واحلل من تنقل الرحله حتى بدون لاتذكر اسمي مب بس احلل الا اتمنى انكم تنقلونها واعتبروه رجاء مب طلب صحيح اني مسجله في منتديات ثانيه بس ما اشارك الا في منتدانا الغالي وبصراحه حابه ان الفائدة تعم على جميع أخواتي في كل مكان ثانيا:انا حابه اشكر وحده من غير المسافرات واكرر هي مب مسافره معانا والحمد لله ارسلت لي رساله و سبتني فيها سب يعني طلعت اللي في خاطرها علي من حقد وغيره وقالت كيف اعمل رحلة نحو التمييز وانا مب متميزه !! والكلام اللي اكتبه ما ينطبق علي وغيره من فلسفتها !! انا ما رديت على رسالتها لانها ما تهمني ولا اثرت فيي ارجع واقول انتوا اللي تهموني وان كنت شكرتها في الموضوع فاشكري لها سببه انها هي اللي دفعتني اني اوجه لكم هالملاحظه وهي انه بالفعل مب كل الكلام اللي اكتبه في الرحلة ينطبق علي فانا في عيوب والحمد لله متصالحه مع عيوبي وشوي شوي احاول اتخلص منها مثل العصبيه!!رغم ان العصبيه فيي شي وراثي :023: ومن زمان وانا احاول وبحاول ارتاح منها المهم بنات تذكروا اني قلت لنبحر معا يعني نتعلم مع بعض فانا بعد مثلكم قاعده اتعلم من الرحله واحاول ادرب على التدريبات اللي فيها انا اعلم واتعلم وبتعلم منكم الكثير ان شاء الله واتمنى ان محد يكون شال في خاطره علي مثل الاخت اللي سبق و راسلتني صح برجع و اقول لها شي لانها 100% تقراء مواضيعي والرحله بالذات انتي ماتهميني ما تهميني روحي انتحري بالمره هههههه ههههههه................>اعرف اني شريره بس هاللي في خاطري لها قلته وارتحت والصراحه راحه

 

 

حياتي الغيره تسوووي اكثر....

عاااااشت فرووووووووشه بنات. كوم



اختك:

وردة الجوري

[شباصات بنوته]

فكرتكم وواااااااااايد حلووه .., :060: