(( روحــــي فــــداك )) قصة حب كويتية..من تأليفي...

[هدباء]

ريم :_ لا صج مسوي لي حالك بريأ لكن باين الطيب مع أشكالك ما ينفع .

مشت عنه و أدخلت دارها قفلة الباب و راحت على سريرها تبجي .. جاسم تم واقف يطق الباب لكن ما كان في فايدة ما ترد عليه

تحرك للمطبخ .. اول ما دخل تكلم مع نسرين

جاسم :_ نسرين شلي صار لمن ريم يات أهني .

نسرين بأستغراب :_ ريم ؟ بس أنا ما شفتا لمن دخلت لهون .

جاسم مب قادر يفهم شي:_ من صجج .

نسرين :_ أي .

جاسم بدى يعصب على حركات ريم إلي بلى معنى :_ أوكي مافي مشكلة بس الغدى إذا زهب لا تحطينه على الطاولة تركيه داخل ما رح نتغدى الحين .

نسرين :_ حاضر أستاز جاسم .

مشى جاسم و طلع من الجناح بعصبيته و نزل على أول تكسي ليبتعد عن الفندق حس حاله كل ما يبي يلقى هوى يريحه بالجناح مع ريم تخنقه زود و مب عارف شسبب عصبيتها معاه ....

.................................................. .................................................. .

بأراضي الكويت وين ما كان ناصر و وليد بالممر يمشون و وليد حامل ولده ماخذه لأمه بعد ما كمل أجرائاته

بدور كانت مسكرة عينها و مسترخية من التعب لكن هيهات قلب الأم يرتاح و يهدى قبل لا يضم قطعة من قلبه صارت احذاله

بهالوقت دخل وليد للغرفة بهدوء و افتحت عينها بدور .. ناظرت وليد اشلون حامل ولده و شهق قلبها من نبضات الوله و ادمعت عينها لمن ناظرت هالموقف

وليد وهو حامل ولده يهمس له :_ يا بخت يا بخت من رح يلمك الحين .

بدور الي سمعته :_ يوز هذا ياهل لا تعلمه من الحين .

ناصر الي قام يضحك على مناقرتهم :_ حتى انتوا اتناقرون يوزوا خلوا الياهل يرقد لا تصحونه .

بدور لوليد :_ هاته عنك يا بعد قلبي .

اول ما تلامست كفينها بولدها سمت بالرحمان و حملته بهداو ليمن ضمته لصدها اول ما ناظرته اشهقت لحلاه :_ يا بعد روحي يا بعد قلبي يااااااااااااه مب جنه ماخذ ويه عمه جاسم .

وليد :_ جفتي عاد حنا نييب و نتعب و هم على الجاهز يفتخرون .

بدور :_ ههههههه حلاله و شنو فيه عمه يا حليلاته لمن يطلع على عمه قمر .

وليد :_ شنو شنو شنو يعني انا مب حلوا .

ناصر :_ وااااااااااااااااااااااااو وااااااااااااااااااااااااااو أول مرة اجوفك تغار يالمقرود .

بدور :_ اووووووش حبيبي يبي يرقد .

وليد بتمثيل انه يبجي :_ يا قلبي صار حبيبها و انا وين رحت لا خلاص نودع ايام العشق.

ناصر :_ قم قم بس بلا دلاعتك اترك امه ترضه باين انه عطشان .

بدور و اهي تبي تزيد غيرة وليد:_ اي قوم حبيبي عطشان يلا قوم .

وليد :_ لالالا جذي زودها ذي حرمني من مرتي اصبر لي يالمنحوس .

ناصر :_ هههههههههههه قوم زين ابيك انا في موضوع .

اطلعوا ناصر و وليد من عند بدور و اتركوها تاخذ راحتها مع ولدها

وليد مع ناصر برة عن غرفة بدور :_ خير اشموضوعه لو تبي تطلعني يعني .

ناصر :_ لا شطلعك بس تعال خلنا ننزل الكفيتيرية و احاجيك .

وليد :_ اوكي و بالمرة اخذ شي لبدور .

ناصر :_ اوكي يلا مشينا .

تحركوا لثنين للمصعد و انزلوا لأول طابق و توجهوا للكفتيريا الكبيرة إلي بالطابق الأول .. أدخلوا كل من ناصر و وليد و توجهوا لأحدة الطاولات المفتوحة و قعدوا كانت طاولتهم تطل على الدريشة الكبيرة إلي تطل على مباني الكويت المنورة قريب من الصبح .. ناصر وهو مب عارف اشلون يخبر وليد

وليد :_ اشفيك من قارصك تحجى .

ناصر :_ اسمع اخوي ابو وليد يعني ابوك حاجاني امس في المكتب بالشركة بأنه ناوي يخبر جاسم بالحقيقة .

وليد إلي كان ناسي الموضوع :_ اشحقيقته .

ناصر :_ وليد اشفيك خل عقلك معاي حقيقة ريم .

وليد ينصدم :_ من صجك وليش و شلي خلاه يفكر يخبره .

ناصر :_ يقول لك جاسم صار زوجها و من حقه يعرف و يبيه يعرف ليحط ريم بعيونه و يعرف أهي من شنو أنحرمت .

وليد :_ تصدق عاد هشي ما خطر على بالي كلش .

ناصر :_ و انا بالمثل و اكثر .

وليد وهو يوطي راسه سمع صوت من وراه ذكره لسالف الأزمان ذكره بأيام عشقه لبدور .

رفع راسه بهدوء و ناظر ناصر .. ناصر :_ اشفيك .

وليد :_ و لا شي اشتبي بقوم اطلب لنا .

ناصر يرخي جسمه لورى :_ يكفيني نص كفيه .

وليد :_ اوكي ثواني و ارد لك .

تحرك وليد و مشى و الصوت يتردد بمسمعه و وصل لمحل أستقبال الطلبات طلب له و لناصر و عطاهم رقم الطاولة ليبونه و التف ليرد و هذي الحظة الي كان ينتظرها رفع عينه وهو يلتف و لمح من كان وراه بالطاولة .. رجعت ايامه و رجعت الثواني و كل الدقايق وقفت لناظر وليد لهشخص حس الي من حوله ما يحس فيهم و تفكيره و نظره مأسور لهشخص و الصدمة تتخلل بعروقه ماهب معقول إلي تجوفه اعيونه

و ليش بعد هالسنين ليش يالله .. وطى عينه ولكن هالشخص المحه و بدى يراقبه مشى وليد متوجه لطاولتهم اهو و ناصر و يحس حاله من الصدمة مب قادر يتماسك نفسه و يحس راسه يلف بيه .. قبل لا يوصل لطاولتهم استوقفه نفس الصوت وهو ينبع من الشخص نفسه الي اصدمه تواجده جدام ناظره بعد هالسنين ...

صوت ناعم نبع من أنسان ... شروق :_ وليد ؟!؟!؟!؟!؟!؟!؟!؟!؟!؟!؟!؟

أهتز كيانه من نبرة الطيبة إلي ناشدته وقف و ألتف لها تم يناظرها كانت ياهل و أكبرت و صارة دكتورة و يا زينها وقفتها ناعمة و رقة صوتها تحمل معاني الطيب و أصله عيونها كانت مأسورة و مدهوشة بنفس الوقت

وليد بهمس واطي :_ أي وليد نفسه .

شروق تنصدم :_ لا تقولها لا تقولها أنت وليد أنت وليد بن فارس .

وليد :_ أي .

شروق :_ وينك وينك كل هالسنين وينك .

وليد :_ عايش بدنياي .

وطت عينها شروق و ألمحت الدبلة إلي شابكة بأصبوع وليد الناعمة

و أبرقت عينها بدموع الدافية و أنحرق قلبها حبته من الصغر و بنت أحلامها معاه بالنهاية تيي هصدفة لتفجعها بهشي

ارفت عينها لمرة ثانية و بصوت شبه مسموع و يتخلله أسارير الحزن :_ تزوجت ؟

وليد ينصدم من سؤالها و يناظر عينها التفت انها تناظر يده غلي تحمل الدبلة كور يده و كلمها :_ أي تزوجت .

شروق بحرة قلب :_ ألف مبروك .

وليد :_ الله يبارج بحياتج و أنتي ألف مبروك صرتي دكتورة يا زينج .

شروق و تداعبها مشاعرها من سمعت نغمات كلام الحلو من وليد لحينه ما تغير لحينه وليد الرُمنسي

شروق ببتسامة وسط ألم يجتاح قلبها :_ الله يبارج بحياتك .

وليد :_ و حياتج .. أنا أستأذن الحين .

شروق تستوقفه :_ عساه خير شلي يابك المستشفى عساه خير .

وليد يناظرها و احتار شيقول لها و لكنه تحجى :_ لا كل خير بس مرتي والدة .

شروق يزداد ألمها :_ لا تقولها ليش ما خبرتني ألف مبروك أشيابت ؟

وليد :_ ربي يبارج بحياتج .. ولد يابت خالد .

شروق:_ الله يخليه لكم و يتربى بعزكم الحمدالله على سلامتها و سلامته .

وليد:_ تسلمين من أصلج .

بهالوقت يوصل ناصر أحذالهم و عينه مب مستوعبة إلي تجوفه (( شروق )) ؟؟؟؟؟؟

شروق تلمح إلي ورى وليد و تنصدم أنه ناصر ....

شروق :_ ناصر ؟؟؟؟؟؟؟؟؟؟

وليد يلتفت لوراه و يناظر عمه .. ناصر :_ شروق ؟؟؟؟؟؟؟

شروق :_ أي شروق .

ناصر منصدم :_ من وين طلعتي .

شروق :_ هههههههههههههههههه لحينك غشمرجي ناصر .

وليد :_ يحتار بهالموقف و يمتلك السكوت .

ناصر :_ لا لا تفهميني غلط بس مب مصدق أن نلقاج بعد كل هالسنين .

شروق :_ هذي الدنيا تفرق و تجمع بس ها شخبارك عساك أبخير .

ناصر :_ الحمدالله و أنتي شكلج صرتي دكتورة .

شروق :_ إلي تجوفه عينك .

ناصر :_ وليد أشفيك ساكت .

وليد ينتبه لحاله :_ لا و لا شي ( ينتبه لشروق ) السموحة شروق رح نستأذن الحين .

شروق و أهي ما قدرة هلمرة تدارك مشاعرها :_ اوكي تحمل بحالك .

يناظرها وليد بعينه إلي أسرتها و ناصر يوقف لعند كلمتها و يتحسس نبرة الحب إلي تنبع لحين تمتلكها شروق لوليد

وليد أنحرج مب من طبعه يحرج غيره :_ و أنتي بالمثل في أمان الله .

شروق :_ بحفظه و رعايته .

مشى وليد و ناصر معاه و بقت شروق تناظرهم حست الدنيا دارت بيها أستأذنت من عند رفيجاتها الدكتورات و أطلعت من الكفيتريا

ناصر وهو يقعد :_ يالله مب معقول إلي جفته .

وليد و يحويه السكوت يقعد وهو يناظر ساعته و يهز بريوله بصمت .. يهزه ناصر بيدينه :_ وليد أشفيك .

وليد :_ هاه لا و لا شي .

ناصر يمسك يدين وليد :_ أربكك تواجد شروق مرة ثانية جدام ناظرك !! ؟؟

وليد يبعد يده :_ ما ادري ما ادري بس ليش جذي ليش بعد هالسنين تطلع مرة ثانية بحياتي و اكون لمرة ثانية سبب جرح لها بقلبها ما ينزاح لو طال العمر لو قصر .

ناصر :_ هذا القدر و المكتوب .

وليد :_ اهي راحت راحت من صغرها مع اخوها ليش ردت ليش .

ناصر :_ مع من اخوها ؟ مب كأن أهي يتيمة و وحيدة امها و ابوها .

وليد :_ لا اهي مب وحيدة امها و ابوها عندها اخو عود .

ناصر :_ والله قصة هالبنت غريبة .

وليد :_ الدنيا مليانة من انواع القصص لناس ماهب شي غريب هذي الدنيا عجيبة و غريبة .

ناصر :_ أي والله .

وليد :_ يالله اشلون بسامح ضميري بعد ما ناظرت عيونها الي انحبست بيها الف دمعة و دمعة قهر لمن ناظرت دبلتي و اسمعت خبر ولادة بدور و زواجي كل هذا بمرة وحدة صعب يا ناصر على الانسان يتحمل صعب .

[هدباء]

ناصر :_ وليد شيل هذا من بالك أهي إلي عطتك حب و أهي تعرف الأرزاق وحدها بيد الله و مافي شي نلقاه بساهل بهدنيا القاسية الاهم انت تنسى هشي و عيش حياتك بدور رنيم و اولهم خالد كلهم ينتظرونك و يبونك اكثثر من أي انسان على وجه هدنيا اسمعني و اشرب لك شي و قوم لبدور اقعد معاها صدقني رح تنسى كل شي اترك ربك يطمن قلبك و زيح هشكوك عن بالك .

وليد تنهد بثقل هم على صدره :_ يالله يالله رحمتك علينا رحمتك .

ناصر :_ و النعم بالله .

.................................................. ....................................

مضى الوقت على جاسم و دموعه تواسيه و غربته ترافقه وين ما تحرك و مشى أحس نفسه ضايقة من إلي قاعد يصير معاه و ريم ما عادة ريم إلي ناظرها بالمستشفى إلي لقى بعيونها كل الحٌب و الحنان الدافي ينبع من قلبها كل هذا أختفى ويا بداله البرود العصبية القهر و الحقد و الكره .. أحتار بأمره و تعب من التفكير رد لبيتهم حوالي تقريباً الساعة 9 في اليل .. تحرك و فت باب الجناح و دخل بهدوء سكر الباب و مشى بتعبه إلي يزفه معاه دخل المطبخ لقى الطاولة مزهب عليها عشى كان يشهي و منسق بترتيب و المطبخ مرتب بتنسيق حلو و لا فيه احد التف وراه لقى نسرين حاملة اغراضها و بتمشي ...

جاسم :_ كملتي شغلج بالجناح .

نسرين :_ أي و هلأ رح أنزل لغرفتي بالفندق تأمر بشي أستاز جاسم .

جاسم :_ ما يامر عليج عدوا مشكوة و الله يعطيج العافية بس ريم ما أطلعت من غرفتها .

نسرين :_ لاء .

جاسم :_ اهااا اوكي في أمان الله .

نسرين ابتسمت لجاسم و اطلعت و اهي منسحرة من حلاه كل لحظة تزيد فيها جماله و برائت ملامحه إلي ويهه أشبه بنعومة ويه اليهال الصغير إلي مولود توه

اطلعت من الجناح و اختلى المكان على جاسم .. تحرك ليمن وصل لصالة الثانية رمى بعمره على الكنبة الطويلة و حط يده على عينه و سكرها و بدى يحس حتى نفسه ضايق عليه قام للمطبخ و قعدة على الطاولة تم يناظر العشى و نفسه من الهم مليانة .. و طى راسه و بهالحظات تذكر كلمة زياد له انا معاك وين ما تروح و الدنيا لحينها بخير و عرف ربك معاك لو توصل لأخر بلاد بالعالم و رحمته موجودة على عباده و وافرة بحكمته .. ابتسم لطاري زياد على باله و اخذ تلفونه من جيبه و دز له مسج ... من بعدها رفه يدين قميصه وهو يحس اليوع رح ياكل جسمه و بدى ياكل كان الطبخ أبناني على أصول مشويات و تبولة و حمص و إلى أخره ....

..............................................

بأراضي الكويت وين ما كان زياد موجود بسيارته متوجه بيمر محمد و بيروحون لعند وليد للمستشفى .. لقى تلفونه على نغمة المسج ارفعه و كلش مب ياي على باله أن جاسم مطرش المسج .. فتحه (( أنت الصديق إلي صفا لي وداده .. و أنت العزيز إلي له القلب يرتاح .. وحشتني بُعد القمر و كبر البحر .. المُرسل :_ جاسم )) ..

أدمعة أعيونه زياد و حن قلبه لجاسم كان وده يلفاه احذاله ليلمه ولكنه بعيد اطرش له مسج بالمثل و كمل طريجه لمحمد ....

.................................................. ..........................

جاسم بعد ما خلص العشى قام و لم الصحون و كل شي و بدى يغسلهم انتبه لتلفونه يرن على مسج نشف يدينه من الماي و الصابون و تحرك له و أفتحه ...

(( دنياي من دونك ترى مالها ذوق .. خليتني عايش على حد الأرهاق .. إلي متى ببقى أطالبك بحقوق .. متشوف كل الكون في غيبتك ضاق .. المُرسل :_ زياد )) ..

أبتسم جاسم و من كثر شوفه لزياد باس شاشة التلفون .. ترك تلفونه من بعدها و تحرك ليكمل غسال أصحون ....

.................................................. .......................

وصل زياد لمحمد و دق له على جواله ليطلع .. ثواني و يطلع محمد بكشحته بس اليوم لابس له قميص و بنطلون و كاب و نظارته الشمسية ...

دخل السيارة :_ هااااي .

زياد :_ لا من صجك يسلمون في وين قاعد انت هاي .

محمد :_ وليه اقول مش زين عاد احين بتفلسف علينا .

زياد وهو يحرك السيارة :_ تدري من اشوي انا و جسوم مسجات .

محمد :_ احلف شخباره .

زياد :_ ما حاجيته بس مسجات نطرش لبعض .

محمد :_ وييييييه ليكون مفكرين حالكم عنتر و عبلة .

زياد :_ لا من صجك سكر ثمك لا اوريك .

محمد :_ يا زعم عصب عنتر .

زياد يضحك على محمد و ينتبه لشارع ...

.................................................. ..........................

هناء كانت بوسط أرقادها و تصحى على نغمة المسج افتحت عينها بصعوبة و تخللت لها نور السمش إلي يشع بغرفتها و مدت يدها لتلفونها و اسحبته افتحته و لقت مسج من نوف بعد ما قرته صحصحت اكثر مب معقولة بدور ولدت يالله ما كان يخطر على البال هشي الله يبارك لهم ان شاء الله و يتربى بعزهم .. تحكرت من على سريرها و قامت تبدل اهدودمها و اطلعت من بعدها تلم شعرها الي كان مفتوح بطريقة عشوائية و لكن لنعومته طالع حلو عليها تحركت لتلفونها و اتصلت لنوف .. نوف و اهي تزهب جنطة بدور اسحبت تلفونها أول ما ياته نغمة الأتصال

نوف :_ ألوووو.

هناء :_ هلا عمري هلا قلبي اشلونج شمسوية .

نوف :_ انا ابخير حبيبتي انتي شخبارج ما تنجافين هالكثر قطاعة يا الدبة .

هناء :_ ههههههه شسوي تسجيلي بالجامعة و شغلاتي مب قادرة افج منها يوم بس باين ولادة بدور خير علينا .

نوف :_ أي قوليه يالوسة ما تنجافين الة بالمناسبات .

هناء :_ شسوي زين شخبارها بدور و امتى ولدت .

نوف :_ بدور ابخير بس ولدت بعملية لانة صابها نزيف .

هناء :_ و على عمري لا تقولين فديتها ما تستاهل .

نوف :_بس الحمدالله قامت لنا بسلامة و يابت خلودي ريال يا زينه قوي .

هناء :_ بس مب جنها بجرت بالولادة .

نوف :_ اي اهي بالشهر التاسع بدايته بس ما رح يتعرض لحظانة .

هناء :_ أي الحمدالله على كل حال زين الف مبروك و يتربى بعزكم ان شاء الله و اليوم العصر بايي ازورها بأذن الله .

نوف :_ حياج حبيبتي كلنا هلج و الله يبارج فيج و عزج يالغالية .

هناء :_ الة نوف شخبار ريم ما تدق عليكن .

نوف :_ والله راحت مع جاسم و نستنى كلنا .

هناء :_ أي والله بس الله يهنهى ان شاء الله و ترد لنا بسلامة .

نوف :_ الله يسمع منج .

هناء :_ السموحة نوف اذا عطلتج بس اخليج الحين يلا في أمان الله .

نوف :_ بحفظه ورعايته .

………………………………………………………………………….

بأراضي باريس .. وين ما كان الهدوء يعم الجناح تحرك جاسم بعد ما كمل شغله بالمطبخ لصالة تم واقف وهو يناظر المكان و هدوئه تنهد من قلبه و تحرك لغرفته دخل لقى الأنارة هادئة و كل شي بتنسيق حلووو سكر الباب بحركة اصدرت صوت عالي ما انتبه لها الا بعد ما صدر الصوت من سكته للباب .. افتحت عينها بهالحظة ريم على صوت الباب لقت نفسها لحينها راقدة تحركت لساعتها إلي على الديرس و لقتها 9 اليل استغربت اشلون مر اليوم جذي ياربي هذي اول ايامي جذي الله يكون بالعون الله وحده يكون بالعون .. ارفعت راسها و استندت على السرير و اهي تناظر السقف و تراسيمه الروعة و دقة تفصيله و ديكوره الراقي الي ماخذ الطابع الغربي بالتصميم .. المعت عينها من يديد بدموعها الدافية بلحظة ما تذكرت جاسم تمت ساكتة و بقلبها قهر و نار تشتعل بداخلها عمرها ما عرفة تقسى على أنسان بدنياها وشلون عرفت تقسى على جاسم .. عاشت بعمرها كله بطيبة قلبها وشلون الحين تكون قاسية و تنسى كل معاني الطيبة إلي في قلبها .... لفت بويها لدريشة من بعيد لقت باب البلكونة الزجاجية كان روعة منظر الثلج الي كان يبين منه اسحبت جاكيتها الصوفي الي على سريرها و البسته و لمت حالها فيه و تحركت لتقوم وصلت لنص دربها حست براسها يدور و الدنيا تلف فيها مب قادرة تسيطر على نفسها امسكت بالجدار الي حذالها و استندت عليه ليمن اقعدة و اهي تحس جسمها كله يستنشق التعب و الأرهاق .. بجت على حالها هالمرة و اهي موطية راسها .. حاولت تقوم مرة ثانية ولكن فشلت كل محاولاتها التعب ماخذ من جسمها كله و مب تارك لها القوة توقف على ريولها يأست و بقت على الأرض لامة حالها ليمن هطل عليها ملاك الرقاد و تركها تتدنى للأرض و تستلقي عليها و تسلم نفسها لرقاد من يديد ....

جاسم بوسط ألمه و جراحه كان مستلقي على فراشه و عينه تبللت من كثر ما حبس أدموعه بالنهاية أنفجر و بدى يبجي بصوت مسموع كان صوته يقطع القلب و تراسيم ويهه كانت تقسم القلب نصين .. كان كل ما يحتاجه حد يمسح ادموعه بهاليل حد يفهمه حد يواسيه حد يرسم الأمل بحياته حد يغطي القوة حد يغطي الصبر حد يعطيه الشجاعة للأستمرار ولكن غير ظلام اليل ما كان موجود معاه .. بقى على حاله ليمن سرقه النوم و تركه مثل الياهل ماد يدينه حذال راسه و مسلم نفسه لرقاد ....

.................................................. .........

بأراضي الكويت وين ما كان الوقت عندهم الصبح مر بأستعداداتهم لزيارتهم اليوم عند بدور على العصر .. .. ..

بالمستشفى .. بالخصوص بغرفة بدور كانت راقدة و حذالها سرير خالد إلي كان خالد بداخله راقد ويشارك أمه الرقاد .. دخل عليهم وليد بعد ما صلى العصر لقى ملاك الرقاد كان أسرهم الثنين و شكلهم كان روعة و الهدوء الملائكي يحاوطهم تحرك لولده طل عليه لقاه غرقان بالرقاد باسه على جبينه و تحرك لحذال بدور .. تمت عينه على ويه بدور و الدمعة بعيونه محبوسة حس بدور و خالد و حس رنيم الي بداخله كلهم بحاجته بس ظهور شروق بحياته مرة ثانية بدى يطغي أثره عليه بشكل يتركه ما يقدر يتناسى ظهروها و يستمر بحياته بهدوء .. قرب يده ليدر بدور و حمل يدها بكفينه و قربها لثمه و باسها .. حست عليه بدور بهالحظة و صحت بهدوء رفع عينه و كأنه محتاج ليعانق عيون بدور لعله يلقى الراحة ....

بدور بصوتها الواطي :_ حبيبي انت اهني !؟!

وليد :_ ليش لي غنى عنج لكون بعيد من أهني .

بدور تبتسم و تدخل قطرات باردة مثل المطر بقلب وليد تمتلك معاني الراحة :_ يا بعد قلبي .

وليد :_ فديت قلبج انا .. شنو لحينج تعبانة .

بدور :_ الحمدالله على كل حال العملية لازم تاخذ مفعولها مني ولكن تأكد انا بخير دام أنت حذالي .

وليد :_ يا بعد روحي زين تبين شي تاكلين شي قبل لا الأهل أيون .

بدور :_ ليش الساعة كم .

وليد :_ تقريباً 4 العصر .

بدور :_ صج اشلون مر الوقت ما حسيت عليه .

وليد :_ هاي الدنيا الوقت بلمح البصر يمر .. يلا أمري تبين شي .

بدور :_ سلامتك و لا شي .

وليد :_ لا جذي بزعل عليج معقولة مب يوعانة .

بدور :_ وليد صدقني وقت ما رح اطلب شي رح اخبرك لا تحاتي .

وليد :_ يعني شنو احين امخليتني على الوايتنك .

بدور :_ ههههههههه شي من هذا .

وليد :_ ههههههههههههه حلالج انتظرج طول العمر حلالج .

على هذا الهدوء يدخل ناصر عليهم :_ أحم أحم ....

وليد يترك يد بدور و يلتفت لوراه و عين بدور بالمثل على الباب ....

وليد :_ حياك ادخل .

[هدباء]

ناصر :_ الله يحييك بس ترى معاي الاهل .

وليد :_ عمي ابو طلال ؟

ناصر :_ هذا اهو .

وليد يقوم على حيله و يتحرك لناصر و كان ابو طلال توه واصل معاه ام طلال و طلال و فراس و لولوة و شيخة ....

وليد :_ حيالله من يانا حيالله عمي .

تقرب وليد من راس عمه و باسه .. ابو طلال :_ الله يحييك يا ولدي الف مبروك و انا عمك يتربة بعزكم و الحمدالله على سلامة ام خالد و خالد .

وليد :_ الله يبارج بحياتك عمي حياك تفضل .

طلال الي توجه لوليد :_ ابوة ابوة حيالله ابو خالد .

وليد بغشمرة :_ احم احم ابو خالد و النعم .

فراس :_ يلا عاد مصدق عمره الحين .

ضحكوا الشباب و باركوا لوليد من بعدها باركة له مرت عمه و ادخلوا كلهم لعند بدور

ابو طلال الي تدنى لبدور و باس راسها :_ الحمدالله على سلامتج يا بنيتي .

بدور :_ و سلامتك عمي .

ابو طلال :_ الف مبروك و يتربى بعزكم ان شاء الله و الله يخليه و يحفظه لعيونكم .

بدور :_ ان شاء الله .

و يات من بعدها ام طلال لبدور و من بعدها لولوه و شيخة .. ابو طلال وهو يقعد على الكرسي إلي حذال بدور :_ شنو لحين ما يوا الأهل .

وليد :_ لحين عمي يلا أهم بالدرب يايين .

لولوه بجرئتها :_ بدووور تنحي تركيني اجوفه .

بدور :_ أي لولوه حمليه و عطيه عمي .

لولوه :_ من عيوني بس مب قبل ما اجوفه .

تحركة لولوه و معاها شيخة لعند خالد و تموا يناظرونه لولوه :_ ياربي مب جنه جاسم الثاني .

ناصر :_ هذا اهو ماخذ ويه عمه بالكامل .

ابو طلال :_ الله يخليه أن شاء الله .

احملته لولوه و اهي بتتخبل عليه باسته و تحركت فيه لعند ابوها لمن وصلت لابوها مدت يدينها و اهي عندها خالد :_ سم يبه .

ابو طلال وهو يحمله :_ بسم الله عليه بالرحمن .

بمبنى المستشفى تحت عند باركات السيارات ألتفوا كل من عايلة أبو مشعل بعايلة أبو وليد .. .. مشعل لمح نوف من بعيد و تخبل قلبه اما نوف كان شوقها لولد اخوها منسيها كل شي و ما عرفة بعيون مشعل إلي تراقبها ركنوا السيارات و انزلوا كل من العايلتين .. تحرك ابو وليد لأبو مشعل و محمد لمشعل و زياد يسلمون عليهن و ام وليد لأم مشعل .. نوف بهالحظة انزلت من السيارة و سكرة الباب انتبهت لاهلها لوين متحركين و لمحت مشعل تم يناظرها بعينه القوية ولكنها حست رح يزودها ما رح يشيل عينه أغترت عليه بشوي و تحركت احذال ملاك و مروة .. نوف :_ حيالله بنات عمي اشلونكم شخباركم شمسوين عساكم ابخير .

ملاك و اهي تتقرب لنوق لتسلم عليها :_ بخير دامج بخير يالغالية اشلونج انتي مبروك صرتي عمة مرة ثانية .

نوف :_ احم احم لا تخلوني اصدق عمري .

مروة :_ حبيبتي نوف اشلونج شمسوية .

نوف :_ ابخير دامج بخير عمري .

مروة :_ الحمدالله على سلامة بدور .

نوف :_ ربي يسلمج من الشر .

محمد :_ يلا نوف شنو امطولة أهني .

نوف :_ يلا يلا مشينا .

و تحركوا البنات ورى الرياييل كلهن و ادخلوا المستشفى .. .. ..

مروة و اهي تهمس لملاك :_ اخليج رايحة لعند قسم بيع الورد اشتري باقة .

ملاك :_ اوكي .

افترقت مروة عنهم و تحركت لملح ورد اجريب من الكفتيرية لتاخذ ورد لبدور

نوف تنتبه لعدم تواجد مروة .. نوف :_ وينها مروة .

ملاك :_ بالكفتيرية بتاخذ شي و ياية أن شاء الله .

نوف :_ اهااا .

اصعدوا بالمصعد و أوصلوا لطابق أول ما أدخلوا ممر غرفة بدور ألتقوا بطلال .. .. ..

طلال إلي من ناظر عايلة عمه أبو مشعل عرف من رح يكون معاهم و طار قلبه من الفرح .. الشوق ماخذه من ساسه لراسه

أبو وليد :_ حيالله طلال ولدي اشلونك شخبارك .

طلال يبوس راس عمه :_ ربي يحييك عمي ابخير دامك ابخير .

ابو شمعل :_ باين سبقتونا .

طلال :_ أي والله من شوي وصلنا .

ابو وليد :_ على وين يبه ماشي ؟؟

طلال :_ لالا نازل الكفتيرية و بأذن الله راد دقايق .

أبو وليد :_ خذ راحتك و انا عمك .

طلال وهو يفتش على تواجد مروة بينهم :_ تسلم عن اذنكن .

استأذن بعد ما سلم على مشعل و محمد و زياد و تحرك لتحت بالمصعد وهو مستغرب معقولة اهي مايات معاهم و بالبيت لحالها هذي الي بتخليني اتهور فيها

……………………………………………………………………………………

عايلة ام فيصل كانوا بنهاية الدرب للمستشفى و شهد كان كل خوفها تلقى محمد بالمستشفى .. مريم كانت من صج طاقتها غشمرة على شهد و مستمتعة بالعناد

مريم ترقق صوتها :_ اشوف حبيبتي يدج واااايد ترتجف اسم الله عليج عين الحسود فيها عود اشمنه ترتجف يا بعد قلبي .

شهد تناظر مريم بعصبية :_ مريوموووه يوزي .

مريم :_ زين زين اشفيج علينا .

شهد :_ يا تصيرين عاجل يا اسطرج .

مريم بغشمرة :_ ريلي ما يرضى علي هههههههههه .

شهد :_ الله و الريل .

مريم :_ هههههههه الا اقول هالكثر مرتبكة عشان بتجوفينه .

شهد :_ شسوي بعمري وايد استحي .

مريم :_ ويه الله و كبر الله و الحيا من وين ياج جذي مرة وحدة .

شهد :_ يلا سكريها عاد .

مريم :_ يلا يلا كاهوا وصلنا .

شهد تتخسبك :_ ها .

مريم :_ ههههههههههههههه اشفيج اخترعتي وصلنا يلا .

شهد ماسكة قلبها :_ ربي يعين .

انزلوا عايلة أم فيصل و تحركوا لداخل المستشفى .. .. ..

بهالوقت أوصلوا العايلتين ابو وليد و ابو مشعل لغرفة بدور و توهم داخلين و بدوى يسلمون الرياييل .. ناصر لمح تواجد مشعل و نوف و تونس ياااه شكل اليوم لقاء العشاق الي بالعايلة .. ناصر يمسك محمد :_ وين مرتك .

محمد ناسي السالفة :_ شنو .

ناصر :_ اقول لك وين مرتك وين حبيبة قلبك .

محمد توه يستوعب :_ تصدق عاد راح عن بالي بيون .

ناصر :_ يا عيني من الحب منسيك كل شي .

محمد :_ يلا عاد لا تحرجني .

ناصر :_ هههههههههههههه .

مشعل يوصل لحذالهم :_ اشفيكم اتعقرون حريم انتوا .

محمد :_ حيالله مشعل قلبي بالهنى .

مشعل :_ شنو شنو شنو .

ناصر :_ عذره عذره الأخ طارين على باله بعض الناس .

مشعل :_ ايوااااااا قولها من البداية .

طلال مشى وهو أعصابه فلتانة على مروة هذي ينت و أقعدة تقعد بحالها بالبيت صج يبي لها كم كف يعدلها .. وصل للكفتيرية بعد ما مروة اطلعت بدقيقتين و ما تصادف الحظ يلتقون دخل و اخذ له نص كوفيه و تم مسترخي يهدأ أعصابه .. رفع تلفونه بيدق عليها ولو أنه يعرف ما رح ترد لأنها ترفض العلاقات العاطفية قبل الزواج ولكن محاولة ما رح تخسره شي اول ما دق عليها تلفونها طلع له ما يستقبل معقولة مقفلته ياربي هذي إلي بتفقد أعصابي اليوم .. كمل النص كفيه و قام لفوق لعند جناح بدور و اهو يزفر بعصبيته

مروة كانت على بطأها تمشي على راحتها و فضلة الدري احسن من المصعد لتكون رياضية أكثر أوصلت بالوقت إلي انفتح المصعد لطلال ليدخل الجناح .. مشت بهدوئها و على يسارها الورد متدلي بشكله الساحر من الباقة إلي كانت منسقة و هادئة .. طلال مشى بالدرب و لمح من جدامه بنت بطول مروة و لكن ما ميزها و تم يمشي على هدوء هالبنت حس هدوئها يثير أعصابه أنا ناقص أحد يزيد فيني أعصابي مشى بسرعته ليسبقها و ما كان منتبه للورد إلي بيدين البنت و مر من احذالها و عينه على الدرب و اصطدم بباقة الورد و طاحت على الأرض .. مروة أشهقت :_ الله .

طلال سمع صوت البنت و أنتبه لحاله بأنه سوى شي ألتف لها كانت موطية ويها بالكامل لتسحب الباقة تسارع و نزل للباقة :_ عنج .

ارفعة عينها مروة بلحظة ما رفع عينه لها طلال .. .. .. .. .. .. .. .. .. .. ..

أدخلوا بهالحظات عايلة أم فيصل للمستشفى كان أبو فيصل و على يساره نواف و يمينه فيصل و أم فيصل على يسارها مريم و يمينها شهد

فيصل كان شكله هادء ولكن أبوه إلي بدى بالحجي و أشعل أثارت الأنتباه ليستدرك أهو بشنو رح يواجه الحين

ابو فيصل :_ يااااه وحشونا الأهل ابو وليد و ابو مشعل و ابو طلال كل ابوهم الله يحاسب هدنيا إلي تبعد الحبايب و الأهل .

فيصل توقف لعند كلمة أبو مشعل و تذكر ملاك يالله معقولة رح أجوفها الحين حس بالأرتباك يتادخل جسمه و قلبه بالأول و تم يمشي بهدوء وهو يخفي الأرتباك إلي يجتاحه بكل ثانية و لحظة و كل خطوة يتجدم فيها مع ابوه

بالجناح عند بدور كانت جمعتهم حلوة عايلة ابو وليد و ابو طلال و ابو مشعل كلهم مجتمعين .. ابو وليد :_ يبه وليد ما وصلوا بيت عمتك أم فيصل .

ملاك إلي كانت لاهية بسوالف مع نوف و شيخة و لولوه انتبهت لأخر كلمة نطقها عمها ابو وليد ( فيصل ) حست جيمها كله بدى يحس بالحرارة تشتعل فيها و حست الخوغ من جوفتها لفيصل تتحقق اليوم فهالموقف صعب عليها لكن وين المفر اهي يات و خلاص مافي جدامها شي تسويه لتهرب من هالشي لازم تواجهه مثل ما رح يواجهه فيصل بالمثل

.................................................. ........................................

تحرك وهو بوسط أفراشه و سحب ساعته السودة لقاها اربع الفجر فتح عينه اشوي اشوي ليطرد ذرات الرقاد الهاني و تحرك ليقوم و دخل الحمام تيدد و طلع يصلي الفجر تذكر ريم فتحرك لها و فتح باب غرفته و تحرك لغرفتها .. دق الباب مرتين و كلمها :_ ريمريم صارت 4 الفجر قومي صلي ... ... ...

غير الهدوء الخارق ما كان يسمع من غرفتها فقال أكيد صحت تركها و مشى لغرفته ليصلي .. ريم بهالحظة كانت واعية على دقات جاسم لها فتحت عينها اشوي اشوي و انتبهت لحالها اهي على وين راقدة لقت نفسها على الأرض بدت تذكر ليش أرقدة أهني ولكنها كانت ناسية تماماً .. كان هلالت السواد محاوطة عينها و التعب و الأرهاق حافر كل معانيه على جسمها و تراسيم ويها و كان شكلها يبان بالمرض عليها لقلة الأكل و كثرة بجيها .. همت بالوقوف و اهي تمسك الجدار إلي

[هدباء]

وراها أول ما وقفت حست بالدنيا تدور فيها و أشهقت بصوت عالي منها صدر :_ أااااااااااااااااااااااااااااااااااااااااااااااااا اااااااااااااااااااااااااااااااه .....

أرتمت على الأرض مغمى عليها و مع صدى صوتها فتح بابه جاسم كان يعلن أنتهائه من الصلاة و تردد صوتها بمسمعه ؟!؟!؟!؟!؟!؟!؟!؟!؟!؟!؟!؟

.................................................. ...............................................

ثغرات حُب تتفتح كالأزهار بين أهداب جفوننا

ألام تتداخل لقلوب طيبة رقيقة حانية بأروع الأحاسيس الدافئة

حُزن يلتقي بفرح بآن واحد

دمعات تمتزج بذالك التعب و بتلك الفرحة بذالك الحٌلم و بتلك الحسرة

من هيا شروق ؟!؟

و ما سبب ظهروها بعد هذه السنين بحيات وليد بالخصوص ؟!؟

فيصل + ملاك ؟!؟ هل ملاك ستكون ملاك قلب فيصل للأبد !؟! أم ماذا ؟؟!!

جاسم ؟!؟ هل سيقى بهذا العذاب مع ريم طوال العمر ؟!؟

ريم ؟! هل بعد ما فقدة الوعي هل ستصحى بخير و تستدرك بأنها قد بدأت تُعاقب حتى نفسها و ليس فقط تُعاقب جاسم ؟!؟

تسؤلات تجول بأذهوننا و لكن يبقى مُتابعتنا من تخبُرنا بكُل شيء

أنتظروني بالجزء الخامس عشر

تحياتي

.. هدباء ..

[نتوفه]

مشكوووره فديييتج ع الباااااارت الرووووووووووووعه
مشااااء الله علييييج فناااااااااااااااااانه

يالله عاااد لااتطوولييين عليييينااا بالبااارت اليااااااي بموووتت من كثر الفظووول D;*

[Nootah]

مشكووووووووووووورة على البارت الخيالي

والله ابدعتي فيــــــه

وان شاء الله ريم تكون بخير

ومرة ثانية اشكرك على البارت الجنااااااااان

وانتظر البارت إلي بعده

مع حبي

[احسآس غآلى]

ونااااااااااااااااااااااااااااااااااااااااااااااسه ــ..

واللهــ ابدعتــ يا هدبآآء..ماشاءالله عليجــ..

حنآآ دوومــ نتريا يديدج و انتى ما تردينا ..و دوم تفاجئينا بيديدج الاكثر

من رائعــ..


توقعاتيــ:^^..

من هيا شروق ؟!؟


اعتقد انها بنيه كانت تحب وليد و اهو بعد كان يبادلها الشعور
و ما سبب ظهروها بعد هذه السنين بحيات وليد بالخصوص ؟!؟


يمكنــ لان مشاعرها اتجاهه بعدها ما تغيرت"..
فيصل + ملاك ؟!؟ هل ملاك ستكون ملاك قلب فيصل للأبد !؟! أم ماذا ؟؟!!

آآآآآكيـــــــــد..و هاذيــ تبي كلامــ"..

جاسم ؟!؟ هل سيقى بهذا العذاب مع ريم طوال العمر ؟!؟

مآآ اعتقد^^..
ريم ؟! هل بعد ما فقدة الوعي هل ستصحى بخير و تستدرك بأنها قد بدأت تُعاقب حتى نفسها و ليس فقط تُعاقب جاسم ؟!؟

هييهــ..و اعتقد انهآآ حآآملــ..^^..



و نتريآآآ يديـــــــــــ د ــجــ^^..

بســ لا تتأخرينــ علينأأ ..^^..

و دمتــ بود..

[حبر وردي]

يا قلبي عليك يا ريم ...
أبدعتي هدوووب .... وأنا بعد بيذبحني الفضوووول مرررررره ...
متحمسه أعرف بقية الأحداث ..
تكفين لا تتأخري أكثر من شهر ... حتى لو تنزلي كل شويه جزء قصير ...
يعطيك العافيه ...

[قوية بكلمتي]

مشكورة ماتقصرين ......
وننتظر المزيد من إبداعات قلمك البراق .......
أنتظر على أحر من الجمر البارت اليديد ......

[فٍكْرَةْ مَجنُونهْ]

[أحيانا ... يجد الإنسان نفسه ومهما بلغ من الرقي والأدب ... عاجزا ... عن الشكر ولو بكلمة ... ربما الإحراج الذي يعتري مشاعري تجاه روآيتكـ اللان جعل الكلمات تتلعثم في لساني ......
هدباء ... أشكرك إنها كلمة قليلة مقابل الكلمات التي كتبيتها ... ماذا عساي أن أقول أو ماذا عسى ذاكرتي تسعفني بكلمة شكر تستحقينها... في النهاية تعجز الكلمات ... وتتلعثم الجملات أمام شموخ كلماتك القوية وتقبلي أرق وأحر تحياتي