مـتـنـفـس جـامعيـات (4) ♥♥♥

[الشمائل]

صارت اليوم أشياءات كثيرة

شيء محزن وشيء مفرح
المحزن طاف عليه ، ما يهمني فيه
والله عوضني بالمفرح السعيد

:
تصادف اليوم ان تصير حفلتين للخريجات
الاولى مالت قسمنا والثانية مالت طالبات الاتحاد

أمس وحدة من بنات اتحاد الطالبات سوت تلفون وعزمتني على الحفلة
ووعدتها اني احضر اذا خلصت الكلاس من وقت

وثاني يوم ما عطانا الدكتور وايد ، على اساس ان لازم نحضر حفلة القسم

طبعا اللي منظمين الحفلة طلعوني برا القائمة
لا عزيمة ولا مساهمة ولا شيء من هذا القبيل
فحز بخاطري هالشيء في البداية
لكن بعدين ما اهتميت ، لأن اللي قطعتهم 3 سنين تذكروني في سنة تخرجي
وعزموني على حفلتهم وكرموني واستانست وياهم اكثر

اما بنات قسمي اللي دايما وياهم في الحلوة والمرة
ما اهتموا ولا عبروني ..

ربيعتي تقول ليش ما قلتي لهم ؟ قلت لهم مي مهم لانهم يدرون اني بتخرج
مافي داعي ارز ويهي ، او احط نفسي في موقف محرج
قالت ان حتى اختها سووا فيها نفس الحركة في قسم التاريخ
ووايد حرجت وعصبت ، ولا سارت حفلتهم
:


شرايكم ؟؟

وللعلم بعد ومب متأكدة من هالمعلومة .. في بنات بيتخرجون وياي في الصيف
وتمت عزيمتهم لحفلة القسم

[sweetbutterfly]

^
^


و لآ يحز بخـآطرج و لآ شي ي آلغلآ و زين سويتي إنج مـآ إهتميتي
كفـآية إنج إستآنستي إنج كنتي معزومة في آلحفلة و كرموووج لأنج تستآهلين كل آلخير
و الله يوفقج حبوبة و إن شآءالله تتخرجين في هـآلصيف

[عابرتـ سبيلـ ,]

لكن بعدين ما اهتميت

 

 

ايوووا هذا الكلام الي ابيه ...

بس عندي سؤال وبعدها يجي الكلام >>>> الاخت مطوله

حفلة قسمج سووها ولا ..لا ؟؟

[عابرتـ سبيلـ ,]

: تصادف اليوم ان تصير حفلتين للخريجات الاولى مالت قسمنا والثانية مالت طالبات الاتحاد

 

 

اهاا ما نتبهت يعني الحفله صارت وما اعزموج..>>> توها تستوعب

شوفي جلا من لا يسهو ويمكن من عفسة الحفله والتنظيم نسووج

وبعدين لا يهمونج وطبعا لا تكلمينهم عن الموضوع لانه شي وراح ..

واهم شي لا يتغير اسلوبج معاهم خليج كما انتي ولا جنا شي صار لانه اذا كانو قاصدينها بيحسون بغلطهم واذا مو قاصدينها مراح تخسرينهم

وعلى قولة سويت اهم شي انج انعزمتي واستانستي

[عابرتـ سبيلـ ,]

بنات بقولكم شصار بمشروعي الشرح امس ..

يوم رحت ودخلت قاعة المحاضره وضبط شغلي وشغلت الاب ووويوم ركبت الفلاش ما اشتغل ..

حاولت حاولت ما قدرت >>>> خرب مدري ليش

صج مو وقته يخرب والمشكله كلللل الشغل فيه

الاستاذه قالت خلاص سويه يوم ثاني >>> انقهرت

بس ان شاء الله خيره ...

[ج‘ـوْلي ♥]

آهلين بنآت

أبشركم أنهيت مناقشتي في مشروع التخرج

و مرت على خير الحمدللــــــــــــــــــــــــه

وننتظر النتيجـة

[الشمائل]

^
ياااا قلللللللللبي ااالف اللللف مبااااااارك
إلا ما قلتي عن شو موضوع البحث ؟

نحنا النقاش بكون الاسبوع الياي
الحمد لله اني ما سجلته الحين واللا ما كنت فلحت

:

سويتي
ويوفقج يالغالية
مشكورة على رفع المعنويات



وردة
أكيييد ما بحط بخاطري ، لأن حسيت ان احد تفاعل وياي
وتضايق علشاني ، وخفف علي
واكتشفت ان وحدة من ربيعاتي قالت اليوم
ان لازم انا اسير واسجل عند سكرتيرة القسم
قلت لها كيف جذي ؟ في بنات اوريدي وصلهم مسج
يعني القائمة جاهزة من قبل
قالت لا لأن في بنات من نفسهم ساروا سألوا وكتبوا اساميهم
وغيرها من الترتيبات ..

يللا حصل خير
خيرها بغيرها ..
إن شاء الله الحفلة الكبيرة
بتنسيني كل شقا الجامعة ومشاكلها

[احساس هادئ]

الســــــــــلآآمـ عليكــــــــمـ
مرحبــــــــــآآ بنـات كيفكــــمـ؟!

وربي مشتـــاقهـ لكم كثيـــرر
أعذروني على الأنقطــــاع
الجــــامعه ماخذه معظم وقتي
وكمــــــــــان اخذ كورســـــات في عدة مجـــــــالات
دعواتكــــــــم لي
عندي مناقشة بحث وشرح

هانت مابقي شي وانتقل لمستــــوى جديد,,
ربي يسعدكـــــــــم غاليــاتي,,

[الشمائل]

الله يوفقج وييسر لج أمورج
كلنا ضايعين في الجامعة والله
:

دعواتكم بنات
الفاينل يبدأ الاسبوع الياي
مب ورا باجر .. اللي بعده
من 21-5-2011 / 31-5-2011
محكوم علي اداوم من اوله لآخره
لا وأختمها بامتحانين
بكون عندي اسبوع اجازة يمكن اطل عليكم

هذا اذا ما غرقت في الكتب

[عابرتـ سبيلـ ,]

الله يوفقج ويسر لج امتحاناتج ...

واحنا نفس الحاله الامتحانات الاسبوع الجاي ..

بس انا هالكورس مدلعه نفسي ماخذه خمس مواد بس..

يعني خمس امتحانات متفرقه واخلص ...^^

اقوول شموول جم ماخذه ماده هالكورس ؟؟