روآيتي \ . . أعشق هوآآك يآآليييتك تحسّ فيني [كــامـلــــة]

**Ηάјег ₪** · منذ /07-02-2011, 11:26 AM

تكملة البارت الثالث عشر\. .
شهد:اثير كلمي انور خليه يجهز السيارة ما اقدر اكلمه
اثير:طيب . .
انور:هلا وغلا باختي شهوودة
اثير ماتدري شنو تقول : احم .. آ . . آ .. انا مو شهد انا اثير جهز السيارة شهد تعبانة و . . و . . و بس
انور ماسك ظحكته: هئ .. اي انزين بعد دقايق طلعو على ما اجهز السيارة
اثير سكرت الخط بدون رد
انور استغرب بس اهم شي كلمها وهو مرررة مستانس
جهز السيارة و ركبت شهد قدام و اثير ورا وانور حاط عيونه طول الوقت على اثير
واثير كانت حاسة بس ماتدري شتسوي تبغى توصل بسرررعة لأنها ماتحب احد يركز عليها طول الوقت
بعد نص ساعة وصلو المستشفى و دخلو شهد الغرفة و الدكتور تكشف عليها و بعد دقايق خلصت و عطتهم بعض الادوية
انور راح الصيدلية وبعدها ركبو السيارة و نفس الشي يطالع في اثير وصلو الاستراحة نزلت شهد وهي مرة تعبانة
انور استغل الفرصة عشان يكلم اثير
انور:اثير
اثير متوترة:هلا
انور:كيف حالك بعد ما صار
اثير ماقدرت تتكلم و بسرعة نزلت وهي تبكي بهدوء دخلت الغرفة و على طووول ع السرير تبكي إلى ما نامت
انور يكلم نفسه:انا غلطان يوم اكلمها كذا راحت فرصتي اوووه خلني ادخل طقتني الشمس

............
الساعة 2 الظهر
جلسو البنات و صلو الظهر ونزلو وكانو لابسين نفس الشي برمودا تفاحي بس موصارخ و تيشيرت برتقالي فاتح فيه كتابات بالتفاحي و كاب تفاحي فيه كتابات بالبرتقالي
الكل:صباح الخير
ام تركي:اي صباح خير الحين ظهر مو صبح
رجاوي:اي عندنا صبح بس عندكم ظهر المهم ما تغديتو؟؟ ترانا ميتين جووع
ام سيف: الحين الخدم جالسين يجهزونه انتو بس جلسوو خلونا نشوفكم
رنا:غالية والطلب رخيص وهذا جلسنا
ام سيف:الا شخبارك يارنا مع زوج المستقبل وتغمز لها
رنا انحرجت:بخير
ام سيف:عساه دووم مو يوم هاه نبغا العرس لاصار ولا استوى متى حددتوه
رنا:والله مادري للحين يعني مابعد اتجهز إذا تجهزت انشالله احدد
ام سيف:يالله بالتوفيق و عقبال البنات
البنات : لا والله كل شي ولا الزواج
ام انور:يوووه ليش ان شالله لايكون بتجلسون على كبدنا طول العمر !!
ام اماني:لا ماعليك يا ام انور الحين يتدلعون علينا تلقين اي واحد يطق الباب يوافقون حتى مابعد يشوفون شكله
الكل:هههههههه
ام تركي:الا صج شهد وينها ليه ما جات معكم لاتقولون للحين تعبانة
ملاك:لا ياعمتي الحين جالسة في هالغرفة وتشوف ال TV مسلسلها المفضل الحين وقالت اذا خلص بتنزل
...:سلااام
الكل:وعليكم السلام
اام تركي:تونا نتكلم عنك هاه عسى شفتي المسلسل
شهد:للأسف ماشفته قطعوه اليوم مادري ليش
ام تركي:اي احسن كأنه حاس ان اليوم عندنا جمعة وقطع علشانك
شهد:هههه وانتي صادزة .. الا ماتغديتو؟؟
كاشي (الشغالة):كلاس غداا جاهز (خلاص الغدا جاهز)
شهد:جات بوقتها
الكل قام يتغدا
بعد الغدا البنات خططو يتمشون برا
الكل طلع و ما في سالفة ماقالوها
رجاوي:الا اقول بنات شصار على سالفة اثير لازم نخلي الشباب يتعرفون على ذاك
رنا:وانتي صادقة خلاص لازم وحدة تكلم اخوها يتفق مع الشباب
شهد:خلاص اكلم انور
اثير بسرعة:لالالا خلاص اهم يتفقون متى ما يبون
شهد:لالا انا اكلم انور مايصير اذا سكتنا الحين بعدين بيتمادوون هالاثنين الا صج شنو اسمهم
ملاك : يالعبقرية وهي شمدراها
اثير:اي الكرت مكتوب عبدالله بن نايف بن تركي بس العائلة مو مكتوبة
الكل:اهاااااا

انتهى البارت الثالث عشر

**sweetbutterfly** · منذ /07-02-2011, 01:28 PM

كسسرت خـآطررري شهووود مسكينهـ

و عجيييييبهـ صـآرت آلقصهـ أكثر فأكثر

ننتظر أحلى بآرتآت ي آلحلوهـ

**أنين طفلة** · منذ /10-02-2011, 04:47 PM

يسلموو
يلا عاد ماكأنك طولتي

**Ηάјег ₪** · منذ /11-02-2011, 03:45 AM

البآرت الرآبع عشر
عند الشباب
تركي:الا وش رايكم نكلم هذا اللي مايتسمى
جراح:اي والله ياخي تعرف عليه واذا قال لك من وين جبت رقمي شنو بتقول له؟؟
تركي:انت شوف وش بقول له وبعدين قولو لي رايكم
اتصل تركي ع عبدالله
عبدالله جالس ع اللاب ومندمج بالشآت
رن جواله اغنية عبد المجيد خلص حنانك <<
عبدالله:يآهلا
تركي:هلا والله نايف وينك ياخي غيرت رقمك وانا اخر من يعلم
عبدالله يسلك وهو مبين انه يستهبل:والله شسوي هالبنات ذولا ازعجوني
تركي يمثل انه منصدم: .. آآآ .. عفواً اخوي مين معي
عبدالله:انت اللي منو؟؟
تركي:معك تركي
عبدالله:والنعم فيك .. اخوك عبدالله
تركي:عفواً اخوي بس شكلي غلطان الا كأني مشبه في صوتك بواحد
عبدالله:وش اسمه يمكن اكون هالواحد
تركي:عبدالله عبدالعزيز راضي ال...
عبدالله:لا ياخي غلطان بس ماودك بـ تعارف يعني دامك مكلمني فـ نكسب بعض ونكون حبايب
تركي:والله تشرفنا الا وش رايك نتقابل انا وانت بكآفي شوب
عبدالله:خلآص وش رايك بـ ..... الساعة 9 نكون هناك ؟!!
تركي : أوكي يالله اشوفك على خير
سكر الخط
محمد:والله انك ذيب
تركي:ولو شرايكم فيني هاه كسبته بسهاالة وهذا عنده كل شي ايزي من كلامه
جراح:والله وطاح ولا حد درى عليه
تركي:الا اقول اليوم بالليل بكون عنده وانتو كلمو البنات وطمنوهم اوكي
الكل:اوكي
عند البنات
رنا : يووه يعني بكرآ نسحب ع المدرسة؟؟
رجاوي:اكييد وش لنا بعوار الراس
اثير:بس انا عندي اختبار
نور:عااادي خليها تعيد لك واذا ما وافقت تعرفين وش بنسوي فيها
ملاك وهي سرحانة:اممممممم .. اها جبتها والله
الكل:ايش؟
ملاك:خلاص الحين نخلي الخدم يزينون ذاك المسبح و نخلي الشباب يتحمسون ونحط لك ماي نااار ونسلخ جلدهم ونجي احنا بكاسات سفن آب و طبعا تكون شفافة عشان يفكرون انه ماي و ياخذونه من عندنا و بعدها نبدأ باللعب فيهم مجموعة تجيب لنا ثلج ومجموعة تحرسنا من الشباب ومجموعة ترمي عليهم ثلج و كل شي نشوفه قدامنا ولا وش رايكم؟؟
شهد:لالا خلينا رميهم بالثلج و ماي بارد و غرف التبديل كلها نقفلها و لا نخلي مكان بغرفة المسبح مفتوح كل شي مقفول
الكل:يسسس ..
نور:خلاص انا بتفاهم مع الخدم و بخليهم يمرون جنب الشباب وبيدهم اغراض للسباحة نظارات الخ... وبعدها نسوي الخطة الهمجية
رنا:اوكي .. انا و ملاك و رجاوي نرمي عليهم و شهد و اثير و اماني يحرسونا من الشباب ويرمونهم بالمسبح و الباقي يجهز الاغراض ^^
ملاك:اووكي خلاص اتفقنا
عند الشباب
سيف:ياخي الخدم حمسونا ندخل المسبح شوف كل شوي ولا وحدة جايبة شي للمسبح وش رايكم نسبح
انور:والله تفكيرك مثلي بالضبط اقول انا رايح ابدل عشان اسبح نغير جو بدل هالجلسة
الكل قام وبدلو والبنات قفلو كل شي وخلو لهم بس غرفة فيها كل العدة
تركي يقفز للبركة بهمجية وحماس لأن المكان يحمس و ريحته حلووووة تفتح النفس بقوووة
تركي:آآآي وشذا الماي
الكل يقفز مثل تركي بحماس و يبدأون يصارخون من هالماي الساخن
البنات يمثلون انهم معصبين وكل وحدة ماسكة كاس كبير فيه سفن آب (كأنه ماي)
ملاك:هيي انتو احنا مجهزين كل شي وتجون تخربون علينا يلا طلعو
انور:تحلموووون المكان الحين لنا يلا مناك الا اقول بس جيبي هالماي اللي بيدك و الكل طلع بياخذ كاس يبرد على جسمه
الكل غرق جسمه سفن اب وهم مستغربين وشلون صار ملمسه غير
البنات يظحكون:هههههههههههههههه تعيشون وتاكلون غيرها هذا سفن آب هههههههههههه
الكل عصب: شنوووو ويبدأون يسحبون البنات للبركة بس رنا ورجاوي وملاك يرمون عليهم الثلج والماي الباارد
تركي:الله يلعن بليسكم باارد الماي وخرو عنا بس و يسحب رجاوي وملاك ويرميهم في البركة
رجاوي كانت قريبة من السلم و تمسكت فيه وهي تحاول تطلع منه و حجابها طاح
ملاك من حرارة الماي ماقدرت تقاوم
شهد بصراخ وتحاول ترمي الشباب وبالتحديد تركي : ملالاك .. ملااااااك .. وينك ملاااااااك .. رنا روحي حق ملاك شكلها غرقت ماطلعت وينها؟؟
رنا من الخوف رمت وليد بكل طاقتها و طيران على ملاك و من حرارة الماي جلست تصارخ بأقوى ماعندها:ملالالالاك
الكل هدوووء مستغربين شالسالفة
نور:ملاك رنا !!!
جراح بما انه قريب منهم والكل بعيد قفز في البركة و رفع رنا لأنها كانت اعلى من ملاك بشوية
وملاك كانت اسفل البركة و لونها مخطوووف بسرعة طلعها جراح
البنات على طول عندها حاولو يطلعون الماي اللي دخل في فمها بس ماقدرو يجلسونها
محمد بحركة سريعة دخل الغرفة وبدل ملابسه و سحب ملاك وطيرااان المشفى
تركي:شباب احنا لازم نلحق عليهم يلا بدلو و تجمعو على سيارتي
رجاوي وهي تبكي:لا واحنا معكم مافي روحة بدوننا
البنات:اي
تركي ماعطاهم وجه البنات كل وحدة لبست عبايتها وطلعو ع سيارة تركي و خلو الشباب بسيارة سيف
تركي شافهم واستسلم وتوجهو للمشفى
الكل توجه للمشى بس باقي شخصين مهمين تتوقعون من؟؟؟ !!!
عند المسبح
كان في نهاية المسبح و راسه ينزف وماكان يشوف شي من بعد ما اصطدم راسه بأرضية البركة
رنا:وليييد
وليد يتألم:هممم .. مافيني شي بس دم بسيط
رنا:لالالا لاتتحرك الحين اكلم احد من الشباب ويجي يودينا المشفى
وليد يحاول يتوازن في وقفته وتقدم خطوة وطاح في البركة
رنا بصراخ وخوف:ولييييد .. وليد اهئ اهئ قامت اخذت الجوال واتصلت على نور
نور:ترا ماصار شي
رنا:لالا خلي كم واحد من الشباب يجون وليد ينزف وطايح بالبركة تكفين بسررعة
نور سكرت الخط وبسرعة قالت لـ انور و جراح يرجعون حق وليد
رنا نزلت البركة و تحاول توقف وليد عشان يتنفس ع الاقل
بعد ربع ساعة
جراح:وش فيه وليد !
رنا تبكي:مدري اهئ اهئ تكفون طلعوه
جراح بدل و انور معاه و طلعو وليد و ودوه المشفى ورنا معاهم

بالمشفى
الدكتور:الحمدلله قدرنا نطلع الموية و الحين تحتاج فقط الراحة
محمد دخل الغرفة بسرعة و هو مستانس لآخر درجة
الكل لحقوه ودخلو وملاك كانت تظحك ع اشكالهم اللي خشته معفوسة واللي حالته حالة
طلعو ملاك و راحو حق وليد و بعد انتظار طويل طلع الدكتور و طمنهم وقال يحتاج يوم للجلوس بالمشفى بس الكل عارض و طلعوه على مسؤليتهم
الكل توجه للاستراحة و كأن ولا شي صار تركي كلم عبدالله واعتذر له لأن كان عندهم ظروف ماتسمح له (بسبب اللي صار)

والكل توجه لمنزله بعد هذه الاحداث المتعبة بالنسبة لأبطالنا

{توقعآتكم , ردودكم , تشجيعاتكم , آنتضروني بالبآرت الخاآمس عشر وعذراً عَ القصوور}

**sweetbutterfly** · منذ /11-02-2011, 06:47 PM

قـصـهـ كلهـآ حمـآإآإآس صج
مسآكيييييين وليد و ملوووكـ كسسسروآ خـآطررري صج

مـآحب آتوووقع جذي بروحي ..
آحب آعرف آلقصهـ كـآنهـآ من نفسهـآ تقولي

**أنين طفلة** · منذ /14-02-2011, 05:37 PM

روعة البات مانتضر الباقي
تسلمي ولا طولي علبنا

**أنين طفلة** · منذ /14-02-2011, 05:40 PM

روعة البات مانتضر الباقي
تسلمي ولا طولي علبنا

**Dosh** · منذ /19-02-2011, 04:31 AM

كح كح < احسسني قديمه ههههههههههههه

من زمآآآآآآآآآن عن روايتك البطله ي مبددعه اتغيرت اشياء كثييييييييييير ووحشووووني الابطال

والاحداث سارت حماسيه اكثثثثثثر واكثثثثثثثثر

رنا ووليد شهد اتغيرت و ..و.. الخ

ننتظرك يالغلا ولا تطولي علينا

**Ćąяŏľĭņǻ** · منذ /20-02-2011, 04:43 PM

مَتِآبًعِـــــهَـَـِ

**" وردة العشاق "** · منذ /21-02-2011, 01:45 AM

يعطيك العافيه على الأبداااااع الفكري ..
والله القصه روووووووووعه ..
وتسلم اليد اللي كاتبتها على التألق ..
في أنتظاااااااااار التكمله ..

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

روآيتي \ . . أعشق هوآآك يآآليييتك تحسّ فيني [كــامـلــــة]

الـقـصـص و الـروايـات