له له في تقدم
ع الاقل يسمعون الكلمة
اما بالنسبه لللزعل أمر مفروغ منه عدم مراضاتهم
وطبعا مالت هههههههههههههه
والحمدلله عيل واهم شي مثل ما قلتي ما تم وياج للترم الثاني
والحمدلله لقيتج متواجده
قبل 5 دقايق سويت انجاز كبير بالنسبه لي كبيييييييييييييير
من متى وانا ابغي اسويه
سمعت الكلام و صرت شطورة ورحت
مع اني الفجر لما ارسلت لك ككنت مابعد سويت ولاشيء لاني كككنت جد محتاره
بس ضغطت ع نفسي و رحت والحمدلله رجعت بدري مرة و استفدت من روحتي وفهمت اشياء و تطمنت بس مااخذت محاضره واصلا عندي بس وحده و الأخت للحين ماجت الله يهديهآ لو جايه كان مخلصه اموري اليوم
المهم لسآ ماخلصت من الجدول .. بس ان شالله الامور بتمشي مع اني للحين مدري بآخذها او أأجلها للترم الثاني اهم شيء ماراح تتأجل للسنه الجايه
صدقيني دامها غايبه لا بد انه في حد غيرها
ممكن يحل السالفه .. أحيد مره واجهتني مشكله
بخصوص الجدول وقالوا ماحد بيحلها الا " سندرا "
هذي المسؤوله .. وكلما سرت مكتبها ما لقيتها ‘
ورديت قسم التسجيل والقبول وقلتلهم ماحد وصار
لي يومين اسير لها وهي ماحد فشوفو لي صررفه
قبل ما يثبت الجدول .. قالوا أوكيه بنطرش لها ايميل
وقلت اوكيه .. وع اليوم الثاني رديت لهم وقالوا ماردت!
عقب سرت عند " يوهن " هذا يعتبر بأهمية سندرا تقريبا
بس هو مدرس عادي .. وقلتله السالفه وقالي سيري عند
هلين " مدرسه بعد بس قالت اوكيه انا بحلج السالفه وحلتها عقب
لان ذيج ماحد ..!
فسيري انتي باجر شؤوون الطالبات وسوي شراتي
لا تقولين هذيل ما يخصهم .. لا سيري يمكن حد فيهم يقدر يفيدج !
وعادي شلي وياج كتاب ولاشي وتسلي .. ما شي بييج يالراحه وانا اختج
امممممممم
للحين ماصار شيء
امس ماداومت
والاخت شكلهآ للحين مارجعت
معطيه نفسهآ إجازه
انا لو اتأكد بس انه عادي الاسبوع الجاي كان برتاح
بس اللي مخوفني انه مدري عادي او لا
و امي تقول اروح لشؤون الطالبات
بس انا اعرف ان الشؤون مالهم دخل بتعديل الجدول
لهم دخل بالحذف والإضافه ايه بس التعديل لا
انا حاولت اضيف الماده اللي فيها تعارض من الموقع بس يرفض يقول انه فيه تعارض
عشان كذا لازم اتفاهم معهآ واشوف اي الجداول النهائي اللي بالموقع او اللي باللوحه
يعني بالمختصر المفيد هي و بس اللي بتحل الموضوع
مدري اداوم والا لا للحين وربي محتاره
ودي بس اخاف مااستفيد من روحتي شيء
وماابي اقعد بالكليه وانا ماعندي شيء ومااضمن اقدر ارجع بدري زي ذاك اليووم