[حلوة الإحساس]

هلااا والله سنوومهـ

حيااج الله حبووبه..تسلميين الله يعافيج..ويسعدج

هيه والله الكتااب واايد حلو ..بس عااد لاازم تشوفي كماان كتب تفهمين شخصيه الزوج وهالسواالف ..

لانج بتتعاملين مع انسان جديد ما تعرفي شو يحب وشو ما يحب وكيف تفكيره و و و و....




وحيااج والله ..حضورج بينور العرس...



الجوري وبس..

يا هلاابتس حبووبه ..

الله بعافيج وبسعدج..ما سوينا شي ..

وزي ما قلتي انوا البنات صاروا ما يقروا وصاروا بعتمدوا على شي ثاني..
بس في النهاايه للكتاب ميزه غير ..انا صراحه اللي قريته في بعض الكتب ما قد سمعت او شفت عنه في النت

وكمان يوم من الايام النت بينقطع في البيت ..او ان مكسلين تقروا من خلال الشااشه ...ف بيكوون الكتااب موجوود

وااما لسؤالك ...اكييد طبعا الرجاال لازم يقروا ويتثقفوا ...في بعضهم هوايته القراايه فتلاقيه يقرا ويقرا ويقرا..

انا اعتقد ان كل شاب لازم يتثقف ويوعي نفسه ...لانها مرحله جديده ..ولازم يكون فاهم مشاكلها وصعوباتها ومطالبهاا

.........................................






الحين بكلمكم عن ...


تعرفوا ان العروس لازم تعتني بجسمها وبشرتها و و و و و و ..الخ..

وانا بصرااحه ..كنت اقول .,,الحينه لما اسوي خلطه للبشره ..ما بستفييد شي..طبيعه عملي ود
راستي ومشااغلي راح تمحي مفعوول الخلطه:sm.66: ..والله احياانا ما اسوي شي..ولييين ما اتذكر اني عرووسه اروح اسوي خلطه واحطها ببشرتي...

والله من كثرة ما قريت خلطاات ما كنت اعرف احط شو وللا شو...

يعني كنت اشوف خلطه اسويها وبعد فتررره اسوي خلطه ثانيه ..وبعديين اروح اسوي خلطه لجسمي ..وبعدها اجلس فترره ما اسوي ارجع اسوي خلطه غيرهاا...

يعني شو اللي اريد اوصله لكم ؟؟؟؟


حددي لك كتاب او كتابيتن (كتاب.. اسرار الحريم ..وانوثه حنونه ..بكفي وشاامل ومرتب).والتزمي فيهم ..وما تتعبي حالك تجيبي اكثر و وتقري وتقري من النت ..والله بعدين بتتعبي وبينشغل بالك ..متى بسوي هالطريقه ومتى بعمل هذا ومتى بجرب هذاك..:صداع:

ثاني شي ..اختاري الخلطه المعقوله ..يعني مثلا حاطين لك اكثر من خلطه للبشره الدهنيه ..

الطريقه الاولى فيها بيض..الطريقه الثانيه ما فيها بيض..

الافضل انك تختاري الثانيه ..مش عشان نتيجتها حلوة ..عشان ما تخسري البيض..

انا لما كنت اسوي خلطاات امي كاانت تضحك عليا ...وش هذا الخرابيط اللي بوجهك..يابنتي الله بعيينك ..والله انتي كذا حلوة ومو محتااجه هالخرابيط ..خلصتي الخميره والبيض..شوووهذا !!!...يعني حااولي قدر الامكاان لو لقيتي بدييل للخلطه..احسن .

والله يا جمااعه انا كنت متحمسه واشتريت اغراض حق الخلطاات ..وبعديين سويت مره مرتين ..وكسلت ..يعني ما اسوي الا ناادرا ..يعني بين فتراات ...

والله في ناس ..يكونوا كل يوم يسووا خلطاات واشااء للجسم ..لان في حد ورااهم ويشجعهم ويوفر لهم ..ويجهز لهم بس هي ما عليها الا انها تحطه..وما في حااجه تشغلهااا..وفي حد يزن عليها سوي وسوي


بس انا لما اتذكر اني عرووسه ..وللا لما اشوف الكتاب وارحمه اقوول ارحمي الكتاب شويا وسوي منه ..

بس شغله شغله .. واكثر شي يتعبني لما اسوي خلطه للجسم ..اووووووووف..ما احب اتم انتظر لين بنشف و و و ...بللا بللا اغسله بسرعه ...زهق..


وبالاخير قلت ..جسمي وبشرتي مهما سويت لهاا ..بالنهااايه ..وبعد ما اتزوج و و و و ..بترجع هي هي..يعني صح الخلطاات تصفي وترطب و و و و ..بس اهمليها فتره .برجع بشرتك الطبيعيه ...

مش بعني انا بهمل نفسي..بس انا حطيت هالشغله براسي..وصرت كل فتره اسوي شي..

كنت زماان اسوي لشعري زيت اللوز وزيت الخروع وزيت الجرجير واخلطهم مع بعض واحطه بشعري في الليل ..واصحى الصبح واغسله بالشامبو ..ووبعدين احط حمام زيت ..بس مره بالاسبوع ..ولااحظت شعري اتحسن وااايد ...:sm.40::sm.40:


...............

اهم حااجه ..هي ...جماال روحك ...واخلااقك..هي الاسااس ..زي ما انتي تحبي تهتمي بمظهرك ..لازم تهتمي باخلاقك وتعاملك مع زوجك ...لو توقفتي من الخلطاات ..ما بيستوي شي..هو وافق عليك كذااا ..بس اهم حااجه ما تخلي اسلوبك الحلو معااه يتغير ..وخليك فرفوشه وحبوبه ..دووم قداامه ..

الرجاال ما يحبوا المرآة النكديه ..واللي تتشكى ودايم تزعل و و و و ..

حتى لو كنتي تعباانه وزعلاانه ..حاولي انك لما تتكلمي معااه ..ما تبيني انك تعباانه ..الا عااد لو هو لاحظ..حااولي انك تقولين لا لا ما في شي حاجه بسييطه .. واضحكي وغيري الموضووع ..

يعني خلي حيااتك ..حلوة ..وهذا الشي بيكون بايدك انتي ..لما تغيري من اسلوبك ..وطريقه تفكيرك ..هذا اللي بخلي زوجك دايم يتمنى يتكلم معك..لانه بلاقي حد يونسه وينسيه مشاكله ..

حاولي ان لو هو اشتكالك من همومه ومشااكله ..حااولي انك ترفعي من معنويااته ..موو تحبطيينه ..وتقوليله انا كم مره قلتلك لا تكون تسوي هالشي ..شوووف كيف جت من ربي وعااقبك و و و و و ..

لااااااااااااااا..انتبهوا ..كلميه بحيث انه يتفااءل ..وبصبر..وما يحزن ..يعني باسللووووبك الحلو ..تخلييه ..بنسى الموضووع ..ويرضى باللي صاار ..و و و و و ..


في شي كماان ...


احياانا تشوفي او تلاحظي على زوجك ..شي يغييضك ..ويقهرك ويزعلك ...هناا انتي حاولي انك تصمتي وفكري بهدوء..وحااولي انك تكوني هااديه ..وباسلووب كذاا اعطييه الكلاام من غيير كلمه لا ..كلمه لا هذي .شيليها وحطيها بالصندوق وقفلي عليها بالمفتاح



اذكرلكم مثاال...

مثلا مثلا ..الزوج كان يتكلم مع زوجته بالتلفون ...وقلها انا قاعد اقرا مجله ..وبا سلاام شفت ازبااء حلوة .. و و و و ..

بعدين هنا الزوجه سااكته ..وباسلووب حلو جابتها له ..وقالتله تعرف حبيبي لو كنت انت جالس جنبي ..ما كنت بخليك تشووفه ..طبعا الكلاام هذا تقوله بهدووء ورقه ..وهو بيقوول ..لييييييييه:sm.66:...( يا عيني)..خخخ

هو الحين حراام اشوف هالحريم ..؟؟؟؟ حرييم مش حلواات اصلاا ..لو طلعت لي وحده منهم في الليل بهرب منهاا


والزوجه خخخخخخ ..شو راايك ..؟؟ حرام ولللا حلاال...وجذي يعني .نقااش بهووء وباسلووب ورقه ودلع ..بعني بيكوون اكثره في كلاام غزل ..وبيطلعوا من الموضووع ههههههههههههههه..بعني بس الزوج بيااخذ فكره ..وبحط في بااله الكلام ..ومو شرط نلاقي النتيجه فوريه ..اكييد بتااخذ وقت ..

لكن لو قالت الزوجه له لااااااااااا تشوف لااااااااا مدري شو :cat78:بعااند الزوج..لانه جابت الزوجه الكلام باسلوب مش حلو ..فالزوج بيتضايق من الكلام ..وبيرد لك بكلااام ما تحبييه ..



يعني كل شي بالاحترام والتفااهم بيصيير ...وانتي لو عاملتيه باحسن معاامله وقدرتي ظروفه ..وكنتي له المعين في الشدائد..واستحملتيه ..واسعدتبه ...والله بتكبري بعينه..:قلوب:



احذري الكذب ..حتى بالاشيااء التاافهه..لما تكوني صادقه معااه ..راح بكوون يوثق فيك ..ولا تطري تحلفي ولا شي...
عمر الكذب ما جاب خيير ..والله ما يجي من وراه الا البلااوي حتى لو حسيتي انك طلعتي من مأزق من كذبتك ...
لو كان الكذب ينجي..فالصدق انجى ...




وان شاء الله المره الجايه بكمل ..