يوم عرسي لكل مستفيد وبيفهم قصدي..

[حلوة الإحساس]

اول شي كل عام وانتم بخير بمناسبه عيد الفطر المبارك ..


وعشان هالعيد ...حبيت اعطيكم هالموضوع عيديه ...


وبنفس الوقت عشان احقق طلبات كثير من العضوات اللي طلبوا هالموضوع ...


صح اني اتاخرت كثير فيه..بس الظروف ...والفرصه الحين سمحتلي



للمعلوميه للي ما يعرفني ترا مر على عرسي سنتين والحين عندي بنت


مو والله تحسبوه جديد وتباركولي







طبعا قبل لا ابد ..بشرح شوي عن الموضوع ....

شو رايكم بالعنوان ..ينفع عنوان كتاب ...


بخبركم شو صار معاي من مواقف ...ومنها اقدم نصايح ان شاء الله تفيد..

ومو شرط يكون مناسب للجميع ...بس ممكن تاخذين فكره

او تنتيهين لشغلات ما تخطر على باالك ..


حسب كل وحده وظروفها ..وامكانياتها ...


وبالنهايه هي ليله تبقى بالذااكره

المصدر: منتديات بنات دوت كوم

---

d,l uvsd g;g lsjtd] ,fdtil rw]d>>

الموضوع الأصلي : يوم عرسي لكل مستفيد وبيفهم قصدي.. || القسم : الحلم الأبيض || المصدر : منتديات بنات دوت كوم || كاتبة الموضوع : حلوة الإحساس

[حلوة الإحساس]

.



.



.



.

طبعا قبل ليله العرس بخبركم عن يوم الحنا ..اللي هو قبل يومين من العرس

كان يوم جمعه ..ورحت الصالون الساعه 4 ونص العصر..لخالي ..

كان موعدي معاهم على الساعه 5 ...



المهم قالتلي اللي تحني شو رايك اسويلك حنا نقش خليجي مع هندي ..مع بعض

...بس هذا بتدفعين اكثر من اللي دفعتيه ..

قلتلها لا لا ما يحتاج ..ما اريد ...دفعت 800..ومستكثراها عليهم تريد ادفع 200 زياده

شو فو الذكاء بس ..راحت ياحليلها ..سوتلي الخليجي مع الهندي من ذات نفسها ...


وبعدين يا بنات ..شكله الجلسه بتطول راحت جابت المسجل وشغلت الشريط ...

وبعدين انا قلت اووووف ..الحين بتسمعني اغاني وانا ما احب ...



وتم الشريط مشغل...من غير صوت ..انا هنا استغربت ...واللي استغربت منه زيااده ..

انها رات ورفعت الصوت زياده ..


انا هنا اتذكرت النكته اللي هي واحد كان يسمع شريط فاضي...وبعدين دخل صاحبه وعجبه الشريط..وطلب من صديقه انه يسجله واحد مثله



وتمت كذا ممكن 10 دقايق ...واحيانا تطلب من زمايلها انهم يرفعوا الصوت


انا قلت والله والحنا حقي بيكون فله مع هذي اللي تسمع الشريط الفاضي



وبعدين فجاة ... قامت من مكانها ..وراحت تشوف المسجل ..

وبالنهايه يا احبابي ...عدلت الواير ..
وما ادري شو سوت وبعدين اشتغل ...


هههههههههههههههههه



بس افا عليكم ..ما خليتها تتهنى فيه...سكروه ..


وضليت في الصالون لين الساعه 12 بالليل..

تعبت تعبت ...

كل هذا واربع حنايات فوقي...وبعدين قعت عشان ينشف ...


وطلعوني من الصالون لانهم بيسكروه ..وعاده ما نشف الحنا...


جابوا الاستشوار ....وحاله حاله كاانت


وبعدين روحت البيت ...بالليل لحالي وخايفه..بس الحنايات ساعدوني شوي ووصلوني لعند التاكسي



مشكله اللي تكون بروحها محد معاها ...




نجي الحين يوم اشتريت الشوز والمسكه...والاكسسوارات....





صراحه انا فكرت شوي قلت شو بينفعني لو اشتريت شوز الابيض ..

ما راح استفيد منه كثير .قلت احسن اشتري شوز ذهبي عشان استخدمه

بعدييين بالسهرات وكذا ..

وماراح يبين ولان الفستان كان اوف وايت...ف كان عادي ...الناس ما راح يدققوا بالشوز

انا كنت خايفه من الكعب ..لاني ما اعرف ولا ارتاح فيه كثير ..

بس الحمد لله مع هالشوز اللي جبته كان مريح ...


http://www11.0zz0.com/thumbs/2011/09.../669805156.jpg




وهذا الفستان للي ما شافه ...


http://www11.0zz0.com/2011/09/06/11/825353220.jpg




اما المسكه...فكرت فيها ..وقلت ما اريد طبيعي ...وحابه يكون صناعي...

أوفر ...يعني مشيت مع عقلي ..مع انه قلبي يريده...


قلت شوي العروسه تمسكه وبعدين تحطه بالكوشه وما بتستخدمه وسعره 200 واكثر ..وبالنهايه يرتمي..


المسكه حقي فكرت باللون ...لان بلون فستانك والمسكه ....تقدري كيف بكون مكياجك..

ناااعم او دفش

انا اخترت لون خرافي ...بني على اصفر يميل للاورنج..


وبالنهايه خليته زيينه في الغرفه ...

بس بالصووره اللون والوضوح مش واااضح كثيير


http://www11.0zz0.com/thumbs/2011/09.../957148460.jpg




نجي للاكسسوارات...


انا عن نفسي اخذت الاكسسوارات من صديقتي ...وبعدين رجعته لها ..لان اددري اني ما راح استخدمه بعديين ...


بس مره رحت واشتريت اسويره اللي يحطونها تحت الكتف

بس للاسف ...ما عجبتني ..لانها كانت تلصق على الطرحه كل شوي

..بالنهايه شليتها وانا في الكوشه ..واايد تعبتني... يالتني ما شتريتها ... عالفاضي ..




لهنا أكتفي ..تعبت...وان شاء الله بكمل المره الجايه ...

[حلوة الإحساس]

.



.



.




.



الحين وصلنا لليله العرس ...مش يوم العرس ..



يالله كم كنت خايفه و قلقانه ومتوتره واعصابي مشدوده...

وظليت ذيك الليله فاتحه المنتدى واتكلم مع البنات...اريد اخفف القلق والخوف بأي طريقه..


واكثر وحده اتكلمت معاي هي الاخت الغاليه ..حروف ..

تمينا نجرجر واخذنا ثلاث صفحات محادثه ...واستانست معاها ..

لانها كانت تجيب سوالف تضحكني ..ف خف شوي القلق اللي فيني ...,',

لو حابين تقروا المحادثه وتضحكوا ...ادخلو هالرابط وشوفوا صفحه 3 و 2 و 1


http://www.banaat.com/vb/converse.ph...2=16673&page=3



انا في ذيك الليله ..كنت مش حاطه في بالي..اني بكره عرسي..

قلت اكيد بيصير شي ..يخرب عرسي ..وقاعده انتظر المصيبه اللي بتخربها ..



وفجاة ..ابوي مدري وش صار فيه ..تعب وصار يئن...وراح اخوي

يسخن زيت زيتون لابوي عشان رقبته تعوره ..وللا فجأة اسمع اخوي يصااارخ بقوه ..

اول مره اسمعه يصارخ بهالطريقه.. وبنفس الوقت لمحه ضوء رهيب داخل المطبخ ..

وللا هو نااار طالعه من المقلاه اللي فيها الزيت وواصله لين السقف ..

انا قلت هذي هذي اللي بتخرب عرسي جت جت ..والله اني وصلت المطبخ وانا رجلي ترتعش ..


وقلبي طاح ولما شفت النار خوفت زياده ..لين ما اخوي شوي ركز بعدين طفا النار تحت المقلاة ..

الله يهديه سخن الزيت وفيها مي شوي

هذي الحادثه سوت ريفريش لنفسيتي ..ا


حسها مدري كيف خلتني ارتعش .. وما اعرف اركز ..

بعدين رحت اشوف ابوي ..راح قالي

انا تعبان لانك بتعرسين

انا هنا زعلت كثير ..وما قدرت استحمل هالجمله ..

ف اتحول كل ضغوطاتي وخوفي وقلقي الى دموع وعبره

وكنت احاول اكتمها ..عشان ما احب حد من اهلي يشوفني اصيح

بس بعدين جا ابوي وقالي شوفي عليا وابتسمي

ما قدرت احبس دموعي..

لين ما جو احد من اهلي ..ولما حبوا يسلموا عليا ..طلعت كل البكا فيهم ..
ترحييب حار بالدموع ههههههه



اذكر كاني ما قدرت انام من التوتر ..
بعدين في يوم العرس...اعطيت الجماعه اغراضي عشان ياخذونها للفندق ..

(فكره حلوة يوم تحبي تعطي هديه لعروسين ان يباتوا بفندق ...على حسابك او الاهل لو يحبوا يساعدوا بتكون هديه حلوة )


نحنا واحد اهداها ليله بفندق ..بس الله يهدي زوجي .. الرجال

قله كم ليله حابين ..ف زوجي عشان ما يثقل عليه قله ليله ...ما استفدت من هالليله بشي ..وصلنا قريب الفجر وروحنا الظهر...


بعدين بنجي لموضوع الفندق ... خلونا بيوم العرس ...

وانا جهزت حالي واكلت كم من لقمه ..ورحت الصالون ...بالظهر..

[حلوة الإحساس]

.



.




.




يو ما وصلت الصالون ..قابلتني موظفه استقبال ...رحبت فيني ..

والابتسامه الحلو ةطبعا ..

واخذت اغراضي ..وحطت اسمي عليه ..وقالتلي لو في شي فلوس او ذهب شيليه معاك

صرااحه ..تعاملها كاان واايد مريح ..وحبييته...

ما شاء الله كان الصالو ن مليان ..عرايس ..ومعازيم ...



اول شي طبعا ..سووا لي حمام زيت لشعري ..وبعدين استشوار ..

بعدها لبسوني روم وردي ..وحجاب وردي ..نربطه لورا ..

وبعدين وحده مسؤوله الفاونديشن ..سوتلي الفاونديشن وبعدين انتظرت دوري ..كان في خمس عرايس ..



كان الاشكاال ..تضحك مع هالروب ..والوجه الابيض اللي حتى ما تشوفين لون رموشك ...



انا صراحه ما كنت احب انتظر كذا من غير ما اتكلم ...



كنت اشوف كيف الخبيره تسوي المكياج لوحده من العروسات ..

وكنت ادقق واركز عشان اتعلم منها ..ههههه

وكنت اعلق واتحاور مع العروسات الثانيات ..


الا في وحده من هالعروسات ..ما كنت ادري انها عروسه ...لان شكلها كبييره ..الا يوم شفت

عامله حنا ...مثل النقشه حقي ..طلع سوته من نفس الصالون ..


ويوم جا دورها تسوي الفاونديشن ..اتفاجئوا انها جابت وياها حقها الفاونديشن من البيت ..


تريد تكوون بيضه بيضه بيضه مثل القطنه ..


ضرووري ..لان عاداتهم ...الحريم لما يشوفونها ..وهي مش بيضه ..عندهم عيب ...

بس كاانت بييييضه مرررره ...

راحت الخبيره قالتلها ..لا لا ما يصير لازم نسوي الفاونديشن اللي في الصالون

وتمت تنبههم انها تكون بيييييضه ...خخخخخخ



المهم اشوف العرايس خلصوا وانا بعدني انتظر ..صارت الساعه 5 ولسا ما بديت

لان اللي بتسويلي ..هي اصلا تسوي لعرايس وغير العرايس ..كنت كل شوي اقلها متى بتسويلي ..

لين ما حسيت عيونها ..تبي تاكلني ...قلت احسن اسكت قبل لا تخرب مكياجي ..وما تسويه زين

اما باقي العروسات عملوا مع الخبيره اللي تخصصها بس عروسات ..

و ياللي بتسويلي مكياج ..الخبيره علمتها ..



بس لو تشوفوا غرفه العرايس ..بس خصيصا حق الخبيره مع العروسه ..

اما انا اللي سوتلي مكياج برا هالغرفه الفخمه

حتى عند الاستقبال عندهم ميكروفون ...

واذا تبي تسوي مكياج او اي شي ..تاخذي رقم من عندهم ..بالدور ..


صراحه تنظيم ..ودايم عندهم زحمه ...

اسمه صالون عروس الخليج ..واللي مكيجتني مريم الهنديه ..




المهم شو صار معايا يوم مكيجوني وسوولي تسريحه ..

ان شا الله بكمله المره الجايه ....

[شموخ الطيب]

بصرآإآإآحـ،ـ،ـ،ـ،ـ،ـ،ـ،ـ،ـ،ـة جذبتـيني بكلامك عن عرسك وتسذآ
وحلوهـ فستآنك ما شاء الله

الله يخلي لك بنتك يارب

بإنتظـــآإآر التكملــه إن شاء الله

[غاردينا]

حلووه بصراااحه ذكرتيني بزواجي كان قبل سنتين وعندي بنت الحين

بصراااحه كاان حووسه لين نفس اليوم وتيسر كل شي الحمد الله ياااارب

بإنتظار التكمله تشوقت لها

[حلوة الإحساس]

.


.



.



شموخ الطيب


حبيبتي تسلمي الله يبارك فيك .

انت اول وحده تردي ..حجزتلك الطاوله اللي جريب الكوشه

لك انتي والبنات المباوعات لموضوعي في صاله عرسي



.


.



.






تعالو يا بنات الحين بكمل الموضوع ..اجلسوا ..

لحظه لحظه شوي بكنس المكان ..

ترى الكلام يريدله قعده محترمه ..وفشار



جا دوري للمكياج ...وانا اقول يارب انها تضبط مكياجي ..

وما تخليه مثل ما صار فيني يوم الملكه ..


عملت بصالون ثاني ..ومكياج عيوني ما عجب الحرييم الكبار مثل امي ..وكذا ..


امي تقولي شو هالعيون عيون ثور ..


كان واايد اوفر ..وطالع لبرى عيني ..




..على فكره ...لون المسكه ولون الفستان هو اللي يحدد نوع المكياج اللي بيسووه ...

يعني لما يكون اوف وايت والورود هاديه طبعا المكياج بكون هادي ..

بس لما يكون الفستان ابيض .زولاازم يكون المكياج ثقيل شو ..ولون الورود اعتقد تلعب دور في مكياج العيون


فانا قاعده كل شوي اشوف اللي تسويلي مكياج ..الاحظها بتسويلي دفش وللا لا ..خاايفه ..
قلت خليني اتكلم معاها واجيلها للموضوع بطريقه حكايه

قلتلها انا يوم الملكه امي قالتلي شو هالعيون اللي مثل الثور ...


عشان تفهم ان ما اريد دفش ...


وهي سااكته

وبعد فتره شفت ولمحت اللي سوته ..واللا الاقي لون اخضر مغطي فوق عيوني كاامل ...


رحت انا خفت ..وقلت شو هذا ما اريد كذا ...




بس هي قالتلي ..لسا هذا ولا شي ..لسا ما دخلنا بالجد ..

وانا بيني وبين نفسي ..اقول ..رحت فيها ... ولا مره رحت صالون وعجبني شكلي النهائي ..

بعدين خليتها تكمل شغلها ..

شوي وجت ربيعتي ..تسوي استشوار ..وتساعدني بالاغراض ..وتروح معاي الصاله ..


فرحت ...يوم شفتها ..وخليتها تراقب مكياجي .. عشان تطمني ..انه حلو





جت اللي تسويلي مكياج ..تشيل بعض الشعرات اللي بحواجبي ..

انا هنا اعترضت بقوه .زوما خليتها ..

تقولي لازم ..وانا اقولها ما في ما اريد ..حتى اني ما اريد رموش ..

راحت قالتلي ..كيف ما يصير عرووس لازم رموش..


انا قلتلها ..

انا عروس وراضيه اكون من غير رموش ...

تقلولي طيب ليش ..هذا شوي وبعدين تشيلينه ..مش دايم ...



يعني من هنا ل هنا ..ما خليتها ...

بس هي طبعا استخدمت قلم لحواجبي ..وغطت شوي منه بالفضي والذهبي ..

وبان كانه مرسوم رسم

اما الرموش سوت ماسكرا ..وطلع حلو ..ما في احلى منه




والمكياج...عجبني بالنهايه ...كان واايد نعووم ...وكمان الاخضر ذاك اللي حطته ولا بان ولا لقيته ..

دمجت الالوان ..مع بعض لين ما طلع اللون البني والذهبي ..يعني كان روووعه ..


بس يوم حطت البلاشر ما عجبني لانها كثرت ..راحت قالت لا لا ..احسن كذا لان بعدين بخف..



يوم شفت شكلي انصدمت ...ما عجبني شكلي إلا يوم رحت سوولي التسريحه ..ذيك الساعه ...طلع حلووو ...



يعني ممكن المكياج ما راح يعجبك ..بس لما يسوون التسريحه والطرحه ..وانت كمان لابسه الفستان بطلع حلااوته ..



جينا للي تسويلي التسريحه ...قبل لا اسوي التسريحه ..لبسوني الفستان ...


ف قبل ما تبدي اللي تسويلي تسريحه شغلها قلتلها ..رجاءا ما اريد شعر صناعي ...


ما ريد تركيبه ...



قالت ضروري عشان تمسك الطرحه ..ولازم وكذا

قلتلها ما اريد


هو مش حرام ..هو مش دايم ..

قلتلها هو حرام ..وانا صراحه مش حابه ...

حطيلي اسفنجه ..بدالها ...



المهم شرحتلها نوع التسريحه اللي انا افضلها ..

خلينا شعري مفتوح مع شوي فير ..ورفعه من النص ..اللي فيها الاسفنجه ..


وهي كانت تشتغل ...قلت خليني اجرجر معاها ..شوي

قلتلها خبريني عن اغرب القصص اللي تستوي عندكم في الصالون


ذكرتلي قصص واغرب قصه شدتني هي هذي القصه ..



.


.



في يوم جت عروسه تتمكيج لعرسها ..وجا معاها اهلها وبعض المعازيم ..

يتمكيجوا في نفس العرس ..عشان عرسها ...


وفجاة ما ادري شو صار خلاف شديد بين العروس والعريس ..وطلقها ..او تركها ...


واختار وحده ثانيه ..من اللي في الصالون ....طبعا البنت اللي جت

على اساس معزومه اهلها وافقوا وهي وافقت ..


وابتلشوا ...كيف بجهزوها بكافه التجهيزات ..لتكون هي العروسه ..

حتى الفستان اعطوها من داخل

الصالون ..وحناء وتنظيف ومكياج ...

يا سبحان الله ..كيف النصيب يجي ...لوحده ..


انصحكم

كونوا روحوا اتمكيجوا بنفس الصالون اللي تتمكيج فيه العروسه عسى

ممكن يجي نصيبكم مثل هالبنت



المهم ..وصلنا لعند الغره..او القصه اللي من قدام..جت تسويها على جنب اليمين ما نفع

جت تسويه على الجنب اليسار كمان ما نفع ..



جت ترفعه لفوق ...


.




.






.







.


.


.




الله الله الله,,,,,

كانه خيال ..شكلي كان ..مثل الاميرات

سوتله شوي بف ..واسبراي ..وسوتلي الطرحه ..عند الرفعه اللي فيها الاسفنجه




كذا كان الشكل النهائي طالعه رووووعه ...عاد وانا الفستان حقي اسمه سندريلا ..

حسيت نفسي سندريلا صدق



رجت بعدين سوولي لمعه على وجهي ..


وخلصت


وتميت انتظر اخوي يجيني ياخذني ..خلصت تقريبا الساعه 8...

واخوي راح يصلي العشا ..وبيرجع يا خذني ...




على فكره ...

بعد سنه من زواجي اتزوجت ربيعتي وراحت لنفس الصالون ..

وانا رحت عشان اشوفها واكون معاها ..وشفت اللي سوتلي تسريحه..

وقلتلها اتذكرتيني..هذيك الفتره كنت حامل


قالتلي لا ..

قلتلها انا اللي قلتلك..خبريني عن اغربب القصص اللي استوت عندكم في الصالون ..

قالتلي ايييوا ..عرفتك...

السنه اللي بعدها ..اتزوجت ربيعتي الثانيه ...ورحت انا كمان معاها لنفس الصالون ..

ومعاي بنتي ..


شفت اللي سوتلي تسريحه قلتلها اتذكرتيني؟؟


قعدت تفكر وتحاول تتذكر..قلتلها انا اللي سألتك شو اغرب القصص

اللي استوت عندكم في الصالون ...


وتمينا نضحك ..ويعني اتكلمنا ..وسولفنا..



رحت قلتلها ...شكلي انا لما بنتي تكبر وانا عايشه وتتزوج..وآجي لنفس الصالون ..وانا عجووز..وحالتي حاله ..

بقولك ..اتذكرتيني

وانتي تقولي ميين؟؟


واقولك انا اللي ....الخ


صرنا نضضضضحك على هالموضوع ..


نرجع للموضوع ....



اتذكر يوم كنت في الصالون ..اتصلت فيني الحبوبه صدى الليل ...تتطمن عليا ..

فرحت كثير باتصالها ...







المهم شو صار باخوي وهو جاي يا خذني ,,

وشو استوى لي وانا انتظره ..

هذا ان شاء الله بكمله المره الجاايه

[skon]

الله يخليك لبنوتك يااارب
والفستان حلوو مره
واسلوب احلا
انتظرك يالغلا

[.:محـبة الجنـان:.]

اهلا اهلا بالغااالييه

بصصصراححه موضووعج قمممة الروووعه تسسسلمين يَ قلبي
شسمه البدايه بغييت ابكي معج اهئ اهئ
بس لما كملت الموضووع فططست ضضحك ع سالفة اللي تسوي تسريحه لما قلتي عرفتيني هههههه

ي الله كككمل ي حلووه متاابعتج ي الغالييه وشش صار!!

[أميرة القمر]

الله يوفقك ياختي واتمنى لك السعادة
وعقبال البنات كلهم
أجمل تحية