حريم راجعين من عرس مع اخوهم

[بـنـ قـطـر ـوتـة]

حريم راجعين من عرس ومعهم اخوهم يسولفون :
----------------------‏----------------------‏ ‏
اخوهم : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره بدأ الأستديو التحليلي اسمعوا ما قاله وما يقوله النساء بعد كل زواج

الأولى : ايش فيك تأخرتي؟

الثانيه : ساعه قاعده ادور على عباتي انتي ما شفتي الحريم يتضاربون عند العبايات العبايات تلخبطت

الثالثه : يا ليتنا ما رحنا زواجهم

اخوهم : ليش؟

الثالثه : زحمه والبزران يتضاربون بقشر البرتقال ويلعبون بالمويه

الأولى : ما شفتي ذيك اللي كبت القهوه على الحرمه اللي كانت نايمه؟

الثالثه : لا والله ما شفتها انا ما شفت ولا شي في الزواج طول الوقت قاعده ادور على جزمة بنتي مها

الثانيه : ايش رايكم في الفستان اللي لابسته هدى؟

الأولى : مو حلو محنقط عليها والسحاب باين

الأولى: انا اعجبني مكياج أمل تقول ان زوجة خالها جابته لها هدية من باريس

الثالثه : هههههه من باريس تضحك عليك يا هبلا تلقينه من محلات ابو عشره

وقفه
***************

الغريب والعجيب انهم واثناء حديثهم في السياره يقولون لبعضهم خلاص يا بنات

بس ترى ما يجوز نتكلم على الناس

تكمله

الثانيه : صح والله كلامك يا اختي ما يجوزنتكلم عليهم بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها هههههههه متوصيه فيك شكلها بتخطبك لولدها

الثانيه : وجع في شكلها هي وولدها قاعده تقطع لي من اللحم الكبار اللي ما ينوكل

وهي طايحه في اللحم الزين

العشاء

اخوهم: ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا قاعدين على الكراسي اللي في الكوشه شايفين نفسهم

الأولى : حتى ام العروسه ما تعشت مسكينه طول الوقت قاعده تبكي

الثالثه : هههههههههه تبكي من الفرحه يا هبلا ما شفتي صدرها منتفخ من الفلوس

بس خلاص ما يجوز

صح والله ما يجوز بس شفتي وشفتي وشفتي

واخيرا وصلنا المنزل

اخوهم: شوفو لي حبتين باندول اكسترا

****************

المصدر: منتديات بنات دوت كوم

---

pvdl vh[udk lk uvs lu ho,il

الموضوع الأصلي : حريم راجعين من عرس مع اخوهم || القسم : المخالفات || المصدر : منتديات بنات دوت كوم || كاتبة الموضوع : بـنـ قـطـر ـوتـة

[مطعونه بخيانه]

هههههههههههههههههههه
ماراح فيها إلا اخوهم
الله يعينه بس عليهم
المفروض يحط قطن على اذانه
مشكووره اختي