ودني لك .. او.. جيبني لك

**ميمي وبس** · #1 29-07-2008, 01:19 AM

هذي اول كتاباتي وياليت تلاقي تفاعل منكم
.................................................. .................................................. ...................

نفسي احب مثل كل البنات ويكون عندي فارس احلامي اللي اتذكره لما اسمع اغنيه رومنسيه , اتخيله جمبي لما الكل يكون مشغول عني ,احفر حروف اسمه على طاولتي مثل ريم وساره ومشاعل و..و...و... قطع صوت امي اللي انهكه الصراخ حبل افكاري : مريووووم صليتي الظهر ترا اذن
انا وبصوت ثقيل : لا الحين بصلي , قفلت دفتر ذكرياتي البالي اللي عانا كثير من كتم اسراري

بعد ماخلصت من الصلاه نزلت لصاله كان بيتنا بسيط يتكون من 5 غرف صاله ومكبخ ومجلس
لقيت بالصاله اختي فجر كانت علاقتي فيها عدوانيه !! ما ادري ليه يمكن لانها احلى مني او يمكن لانها احسن مني في شغل البيت اللي هو مقياس النجاح بالنسبه لامي
دخلت للمطبخ ولقيت امي اللي ذبحها السكري شعرها منفوش وثيابها لاصقه بجسمها من الحر والرطوبه .. رجعت فيني ذاكرتي بالزمن لورا قبل حوالي 15 سنه كنت اركض لهالزاويه في المطبخ وتخبيت فيها وبكيت لانها كانت اول مره امي تضربني فيها والسبب اني ضربت اخوي وبعد دقيقه وحده بس جات واخضنتني , صدق ان الزمن مافيه خير اللي بالامس كانت في العشرين تركض وراي وتلعب اليوم عجوز بالمووت تقدر تمشي خطوتها .

حن قلبي على امي ورحت عشان اساعدها , جهزت الغدا وبعد الغدا كان يوم فجر في غسل الصحون انا جهزن الشاهي والقهوه ووديتهم للمجلس صادفت ابوي :تسلمين يابنتي , الا وش لون الدراسه معاك ؟؟؟
انا : ماشي الحال توني كنت طالعه اذاكر
ابوي ك يعطيك العافيه
انا : اجمعيين

طلعت لغرفتي ورميت الكب قدامي ماكنت بمزاج يسمحلي اني اذاكر بس كان لازم اني اذاكر لان ابوي كان معلق امال كثييره علي كان دايما يقولي (( الله مارزقني باولاد بس انتي عنديعن 10 اولاد بكره تتخرجي وتشتغلي وتمسكين مصاريف البيت عني ))

المصدر: منتديات بنات دوت كوم

,]kd g; >> h,>> [dfkd g;

الموضوع الأصلي : ودني لك .. او.. جيبني لك || القسم : الـقـصـص و الـروايـات || المصدر : منتديات بنات دوت كوم || كاتبة الموضوع : ميمي وبس

**ميمي وبس** · منذ /29-07-2008, 01:33 AM

كان يوم الاربعاء اخر ايام الاختبارات والحمد الله نجحت وعدت هالسنه على خير ( كنت اول سنه جامعه ) رجعت البيت وانا تعبانه مره ورميت جسمي على السرير ونمت
.................................................. .................................................. ...................
بدت العطله وانا ماعندي اي مشاريع اشغل نفسي فيها غير اني الاقي شغل صيفي اجيب منه مصروفي واخفف على ابوي شوي , والحمد اله بعد الدواره من مكان لمكان لقيت وظيفه في الاستقبال في عيادة اسنان صغيره امي وابوي كانو فرحاني كثيير لي اما فجر فقالت لي: جامعه وشهاده واخر شي استقبال !!!
انا استحقرتها ومارديت عليها لان رايها كان عندي ولا شي!!
.................................................. .................................................. ............................
اليوم هو اول يوم لي في العياده توجهت للاداره وعطوني بطاقة تعريف بعدها رحت للاستقبال مكان عملي وكان معاي سعودي في 21 من عمره يشتغل معاي
انا : السلام عليكم
هو: وعليكم السلام
انا : انا الموظفه الجديده
هو : ايي هلا اختي تفضلي هذا كرسيك وكمبيوترك
انا : مشكوور
هو بعد ماقرا اسمي على بطاقة التعريف : مريم انتي تشتغلي هينا صيفي ولا على طول ؟؟
انا : شلون عرفت اسمي
هو : ههههه من البطاقه
انا : ههههه صح نسيت اهااا محمد انا اشتغل صيفي وانت ؟
هو : كمان صيفي , تدرسي ؟؟
انا : اي ادرس في جامعه (.......)
هو : اهااا
جاتني اول مراجعه لي كانت حرمه في 40 بس كان باين عليها انها بنت عز ونعمه كانت كاشفه وحاطه مكياج خفيف قالت لي بنبره مستعجله :عندي موعد مع الدكتور بسام
انا مسكت البطاقه وانا مدري وش اسوي
لاحظ احمد الحيره اللي كنت فيها : هههههه جيبي البطاقه وتعالي اعلم وش تسوين
انا وببسمه انحراج : اوكي

**ميمي وبس** · منذ /30-07-2008, 12:36 AM

وينكـــــم ؟؟؟؟؟

**ღبنــوته دلــوعهღ** · منذ /30-07-2008, 01:31 AM

موجودين كملي مشكورة.

**سعودية ما تنهز** · منذ /30-07-2008, 06:44 AM

ايه كملي احنا معاك

**عضوة ،** · منذ /01-08-2008, 10:34 PM

مشكووورة ننتظر التكملة

**نبع الغلا** · منذ /08-08-2008, 07:08 PM

كملي بسرعه القصه حلوووووه تجنن

**عاشقة آيس كريم** · منذ /08-08-2008, 10:09 PM

روعة بس كمليها

**°-sweet-°** · منذ /08-08-2008, 11:32 PM

واااو كثير حلوة كمليها

**نبع الغلا** · منذ /14-08-2008, 06:41 PM

وينج كملي بسرررررررررررررررررررررعه صارلي اسبوع انتظر التكمله

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)