سَهراتُ الخَمِيس : بـِ لِبَاسِي أرتَقِي ()

[حَنِينْ]

الله يسعدكْ كيسامي .. و الله مقصرين ،



حبيبتي الظواهر العجيبة هذي في كل مكان .. حتى عندنا
و اللهِ صرت أكره الزواجات .. يَ ناس أشكال ثانية
أنا م يقهرني غير اللي جسمها مو حلو و متفسسخة ـ مَ أتشمت ـ بس ليه ليه !
إنتي شفتي نفسك قبل لا تجين ! متأكدة !
و حتى اللي حلو ـ تحاشي على نفسك يختي ..

لا و اللي يقهر أكثر و أكثر .. الأهالي و الأزواج
الأم / مَ تعرفين تمنعي بنتك من الأساس ،
من المحل قولي لها منتي شارية ذي القطعة و انتهينا ،
لا تقولي و الله م قدرت و بنتي و دلوعة .. أي دلع هذا اسمه قلة حيا .. !

و لا الأزواج الخكارية اللي عندنا .. ترضى زوجتك تطلع كذا !
و الله يَ بنات شفت وحدة أمّ بس لسا شباب و عندها ولد م كمّل عمره سنة ..
إنها لابسة فستان نهايته عند بداية الفخذ ..
يعني من بداية مفصل الفخذ إلى أقدامها مكشوف ! مستوعبين قد إيش قصير .. !
و متزوجة .. ! فين زوجك عنك ! أنا بس أبغى أفهم كيف مخليها تطلع كذا !
هذا حق بيييت مو حق خرجة .. حرام و الله ،
و أي تربية رح يتربى عليها ولدك هذا .. يشوفك بهذا المنظر
و يكبر متعود عليه و يصير كل شي عادي عادي .. ما في حيا أبدًا ..

- عدنا ظاهرةَ جديدة اسمها : " العباية لِ الطلعات فقطَ * المدرسةِ فقط نلبس لها مريولَ ! " على اساس إن المريول هو العباية فهمتوا

 

 

سلامات ... ليه !
ملاحظة هذا الشي ف دول الخليج .. م يلبسوا عبايات في المدرسة
عباياتهم مراييلهم , ليش !

- مكياجَ اعراس في الجامعاتَ و المولاتَ ..

 

 

خير ! ـ م تستحقر نفسها هذي !
في الصباح ، بالله باقي فيك حيل و لك نفس مع الدوام تحطي كيلو مكياج ف وجهك !
بالله كيف تقدرين ! ـ مَ لي نفس أحط مرطب و ماسكرا .. تجين إنتي حاطة مكياج سهرة !!!!!
و اللي رايحة السوق و متمكيجة .. إش عندك !
كيف فيكِ حيل علميني ! ـ أنا يصحوني م النوم يَ دوب أحط أغراضي في الشنطة
و آخذ موية و أطلع .. حتى ألبس أسهل صندل عندي في اللبس أو اللي يكون قدامي ..
إنتي تجي السوق ب مكياج كامل ! ، معناته غرضك مو تسوّق غرضك شي ثاني ..

[- ڪيسآميَ ♥]

# مشاركتيَ :
بَ لباسي ، أرتقي *

[- ڪيسآميَ ♥]

*،

عودةَ ..


عائشة ,

حتّى إنّني أعرف إحداهنّ - هداها الله - كانت مُنتقبة، إلّا أنّ النّقاب لم يكُن يعنِ لها شيئاً! فكانت تزيّن عيناها بشدّة، كما أنّ عيناها لم يكن ينقصها التّزيين، فهي جميلة! . . حتّى إنّ أحد الرّجال في الشّارع عاكسَها بقوله: يخْرب بِيت عينيكِي !!!!! ، فقالت له: يعنِي أسيبها في البيت!

 

 

تكشف احسن ليهاَ * !
ليش يَ حبيبتي متنقبةِ ؟

- طبعاً أهلهم أول ناسَ لهم ذنب في هذا الشيءَ !
لان هم تركوهم بدونَ ما يضبطونهمِ ، أو يرشدونهم لَ الطريق
الصحيحَ ؟ الله يهدي الجميعَ ..


نبض النقاء ،

فعلاً التهاون في العبايات المطرزة صار منتشر كثير ناهيكِ عن العبايات المفتوحة وخاصة في بنات الجامعة .. تطلع من البوابة ولابسة بنطلون جينز والعباية مفتوحة ! خير !! قالوا لك في عرض سوبرمان ؟؟ والرجال مليان برا والسواقين وكلهم يطالعوا فيهم :(

 

 

اقولكَ عاد ! شوهوا صورة " الفتاة المسلمةِ " ..
مدري ايش اقول , خنقتني العبرةَ ! حرام و اللهِ ,


بسومَ ,

يالله ما أحوجنا لحديثِ مُطّول عنه :"" موضوع اليوم حساس شويه :" ، بعض البنات ما تتقبل فكرة " ألبس ساتر " ! خصوصًا مع كثرة الافراح و الاعراس في الصيف .. بعضهم تنزل السوق وتشتري من القصير و العاري بـ حُجة " كل البنات يلبسوا كذا " ، " أنا بقابل بنات وحريم زيي " ! " كُل البنات يلبسوا كذا " .. ما يعني إن كل البنات على صواب

 

 

+1

كلامكِ جميل , و أكثر عبارة أعجبتني هذه ..

ملاحظة : خلي أعظم إنجاز تبين تسوينه في الاجازه .. ملابس العيد كلها طويله وساتره !

 

 

تسلمي على الحماسَ
هدف نبيلَ حقاً *

بالحديث عن العبايه و مالعبايه .. تذكرت أمس .. كُنا في الملاهي " بالرغم من كرهي الشديد لهذا المكان :| " المهم فيه لعبة ما أدري أيش أسمها هذا شكلها " هنا " علية زحمة مُخيفة ! مره الدور للرجال ومره للنساء .. لما جا دور النساء دخلو و جلسو و أمتلأت المقاعد طبعًا .. بدأت اللعبة بالحركه .. طبعا هي تصير زي بالصوره تمامًا كأنها واقفه بالهوا وتدور :| ! صيّاح البنآت " المخيّف " و رفاعات أياديهم وبعضهم كانت ترفع عبايتها لين الفخذ عشان تبين البنطلون :" !! و الشيء المُؤلم أكثر .. أن الرجال تجمّهرهم عجيب عجججيب يتفرجون عليهم!! وبعضهم كان يمسك الكاميرات ويصور ! لهالدرجة تُرخصي نفسك وتكوني أمام نظر جميع الرجال ؟ وين أهاليهم ؟ اخوانهم ؟ أبائهم ؟ أمهاتهم ؟ عادي كّلو ؟ يارب تهدينا وتهديهم :( ولا تبلانا يارب > يمكن مالها دخل مره بموضوعنا بس حزّ بنفسي :(!

 

 

وش ذي السخافة ؟
كلش كلشَ ، مافي حياء ؟ فينَ اهلكِ عنكِ !
مَ عندي كلام عن هذه السخافةِ ..
* الله يهديهم جميعاً !!!!!!!


عودة لِ نبض ,

قرأت عبارة عجبتني إن الحشمة مو بس في ملابسنا الحشمة في الكلام ، في طريقة الضحك ، في التعامل في أشياء كثيرة ... والحياء جميل جداً :")

 

 

+1
فعلا الحياء شيء جميل
" حيائي سر جماليَ "

- انا ايضاً احب التسوق ، لكنَ قليلة طلعاتيَ ..
احاول انتقي دائماً ماهو ساترَ , أو إذا كان قصير أوَ بدون اكمامَ
اعمل زيكِ , بالنهاية المنزل ملابسه غيرَ و الحفلاتَ و الطلعاتَ
ملابسهاَ غيرَ ! لازم نفهم هذا الشيء و احنا نسوقَ !

هدوء البحرَ ،

منورةَ ، المقطع جميييييييلَ
يفتح النفس يختيَ :") !
كثري من هالاناقة إلا زيكِ ..


نبض ,

الأناقة ماتحتاج عريّ .. أميرات الغرب والملكات لباسهم دائماً محتشم وهذا يدل على إن اللبس المحتشم دليل على الرقيّ والسموّ حتى أنّ الستر كان نعمة الله على آدم وحواء في الجنة () فكيف نتخلى عن الستر ؟ حسابٌ جميل في تويتر : بلباسي أرتقي @Artaqy

 

 

الاناقة تحتاجَ قلوب مؤمنةِ بحب الله ,
تخشى غضبه ! تخاف معصيته ..

+1 ،

كمان لفت انتباهي في الأفراح ان معظم اللي يقوموا يرقصوا لبسهم عريان وقصير ومفتّح وحالة :/ ما يكفي إنها تبس غلط إلا وتقوم ترقص وتستعرض لنا كمان !! حسبي الله ونعم الوكيل () صارت مجاهرة بالمعاصي الله يرحمنا برحمته ()

 

 

هدي يبغالها تكفيخَ !!
من زينك انتي و رقصك عادَ , تقولي كأنها تعبانَ تتمايعَ
عاد اناَ ما تقهرني إلا ديك إلا مصدقة عمرهاِ أنها رقاصةِ مشهورة
يختي روحي زين ! مَ نمبي نشوفك انتي ورقصكِ ؟

بسومَ ,

يا حلواتي قبل فترة رحت فرح واحد من قرايبنا و كنت لابسه فُستان طويل بأكمام حيران .. لما رحت أجلس مع البنات كُلهم لابسين قصير من تحت وعاري من فوق :" تقدرون تقولون شكلي غريب بينهم ، مافي وحده بسني أو قريب لابسه طويل :( خلص الفرح ورجعنا البيت وبعدها بكم يوم أو ربما أسبوع جاتني وحده من البنات إلي كنت جالسه معاهم تقول لي ان لبسي عجبها وانها تعتبرني قدوتها و رمت كل ملابسها الضيق و العاري و سمعت محاضرات وجلست تبكي كثير :"" يالله كلامها كان له وقع في نفسي و خنقتني العبره وكل شيء :" شيء جميل لما وحده تتأثر بكِ و تبطل الغلط بسببكِ :" و بس

 

 

يآآآآآآآآآآآآآآآآآآآه :")
مَ تدري قد أيش فرحت ؟ فعلاً كأني أنا إلا مسوية إنجازكِ
فعلاً شيء ججميل أنكِ تكوني نقطة تغيرَ في حياةِ فتاةَ !
انا بجد مبسوطة ,
* الله يهدينا جميعاً و يرزقناَ الجنةِ ..

رفيف ,

الستر ، شيء مهم لكل بنت في العالم أصبح الآن الكثير من الفتيات يخرجنَّ إما العباءة مفتوحة والملابس ضيقة أو مافي عباءة أصلاً وكثرة كمان العباءات الملونة أزرق - رمادي - بني - بنفسجي حتى إذا لبسوها ما يحطوا الحجاب ! ^ كان عندنا في المدرسة مجموعة بنات لابسي هذه العباءات دائماً كانوا يلفتوا الإنتباه وخاصةً لما يروحوا لسياراتهم

 

 

دي جلابياتَ مو عباياتَ ؟
طبعاً ولا انكر ! إن كُل جيل يجي أخس من الثانيَ !!!
لان الحين الاطفال اخس من الكبارَ ..

و السببَ ! أهلهمَ ، يتعلمون منهم !!!

ومرة رحنا على مول ، واحنا في محلات المكياج إلا وأشوف بنتين واحدة عباءتها كحلية ، والآخرى رمادية ولا أصلاً لابسين الحجاب ! الشعر طويل وملفوف وحاطين مكياج ! ، وش يحسون فيه ؟!

 

 

وععععععععععععععععع !
اشكالهم دراكولا ؟

مرة معلمة قالتلنا : زوجها راح ياخذ بنته من المدرسة في وقت الظهرية إلا وشاف بنت كبيرة في سن المراهقة مو متحجبة والعباءة مفتوحة ولابسة ملابس ضيقة ، وحاطة مكياج ، والشعر مدري وش مسواية فيه ! بس كل ذا عشان تاخذ أختها من المدرسة ! وحتى الرجال يطلعون فيها !!

 

 

هدفها اكبرَ من ان تاخد اختها من المدرسة !
خبيثة ، الله يكفينا شرهم ..

حتى تصير أكثر من مرة لما أروح على مركز صيفي يلبسوا البنات قصير وماسك وعريان ، وين أهلهم عنهم !؟

 

 

خصوصاً لما نجتمع مع البناتَ فِ " بركة " !
تقولي معاهم شباب غصب زور يبغوا يتفصخوا يفرجوهم !!
يَ حبيبتي احنا كلنا بناتَ ؟ ايش ترويناَ ؟
من حلاتك عادَ !!!!!!!!

تذكر مرة رحنا على عزيمة في العيد شفت بنت ممكن تقولي مرها ما بين 18 و22 لابسة فستان مرة مرة قصيير ومخروم ، يعني هو مزخرف بس شبه شفاف وقامت ترقص ، من جد هذا العالم عنه مشكلة مع التستر جداً ! ----------------------------- مشاركتي لسهرة اليوم : أناقتي في احتشامي ♥ ~ + صباح الخير للجميع

 

 

هدي إلا ترقص يبغالها من جد تتكفخَ !
ما تستحي ؟ مَ عندها حياء نهائياً ! الله يهديهاَ ..
- غرتهم شهوات الدنياَ و نسوا الاخرةَ و جمال الجنة *

+ تم الردَ ..
+ صباح الخيرَ

[- ڪيسآميَ ♥]

حنينَ ,

اهلاً بكِ منورة ..

أولا / أعتذر إنّي مَ ساعدت بِ هذي السهرة .. بس المنتدى مَ كان يفتح أبدًا ،

 

 

لا بأس , المرة القادمة تساعديناَ ..

و حكاية البنت اللي مَ تتستّر و تتفشل من الستر ، ليه ! خير إن شاء الله ! تفشلي من جسمك يَ ماما .. متعرية و مو حلو كمان و حتى لو حلو .. حافظي عليه ، ستّريه ، خافي عليه ..

 

 

+1 ..

و الله إنّي أستحقر البنت المتعريّة .. ! و أتفشل منها ، و لآ أحب أجلس معها أذكر مرة رحت زواج لابسة فستان طويل و بأكمام .. و جوا بنات ب عمري و شافوني في الحمامات و أنا أتزبط و همّ لابسات تنانير فوق الركبة و جاكيتات رسمية و يناظروا و يضحكوا عالخفيف , و لمّا لاحظوا إنّي انتبهت لفّوا ع طول ,, و بعد وقت كذا رقصوا قريب مّنا و كنت أتفرج عليهم أنا و خالتي و انتبهوا و جلسوا ع طول .. تفشلّوا ، استحقروا أنفسهم ^ و لو تلاحظي البنت المتعرية مهي واثقة من نفسها أبدا ، أتفه كلمه تهزها و تجلسها و تسكتها لإنها عارفة إنها ع غلط ... بس تقلّد ..

 

 

اشوة انها تفشلتَ !
فين ناسَ بالمرة , لو وش تقولي لهمَ بعد ما يخجلواَ
" يصروا على الغلطَ ، و يفكروا انهم صحَ "

.. مت ضحك مرة على صديقة عمتي و هي حرمة كبيرة عمرها فوق الـ 40 لا و معلمة و كمان طالباتها حضروا الزواج هذا .. جات لابسة فستان فوق الركبة بالزبط شكلها يفشششّل و مو حلو .. و معلمتي حضرت نفس الزواج و تعالي شوفي الأناقة ~

 

 

خير ان شاء الله ! عايشة مراهقتها المتأخرة مثلاً ؟

و مو بس التعري ، تقهرني اللي تجي لابسه لبس استغفرالله .. مطاط هذا و لا إيش ! كيف قدرتي تلبسيه ! ، بعضهم أشكّ بالفازلين تدخل البنطلون .. إش هذا كأنك بدون ملابس ، كان مَ لبستي و تعبتي عمرك تعالي كذا بدون ع الأقل بدون و لا لبس كأنه مو لبس .. ><

 

 

فازلينَ !
جبتيها و الله ..

و العبايات .. حكايتها طويلة و م تخلص ~ حزام عالخصر ليه ... ! < أذكر معلمة مسكت بنت عند الباب عبايتها فيها حزام عالخصر و أكمام كبيرة .. قالت لها إش هذا ! هذي عباية و لا جلابيّة ! ^ لا تحطي نفسك ف موقف إنتي في غنى عنّه .. العباية مو فستان ، العباية ستر .. و اللهِ بعض العبايات يبغى لها عبايات .. ناهيكِ عن الحجاب اللي صار غير معترف فيه أصلا .. و الله فرحت لمّا شفت أغلب معلماتي بعبايات راس و حجاب كامل و الباقي عبايات كتف محتشمة .. و طالبات برضه بعبايات راس و حجاب من أحسن مَ يكون ، كذا الستر ~

 

 

آآآوه !
العباية ، حكاية اخرىَ حقاً ..
لا و ليهم اسماءَ كمانَ ؟

عباية " البشت , الفراشة , لمخصرة , مدري أيشَ "
طبعاً نسوا يعملوا عباية " جهنمَ " !!!

و مدري ايش فيه الحجاب بفهم يعني ؟ ولا تجي لكَ وحدة
شعرها كأنه بلاليطَ , تضربه ستريترَ ، يعني تعالوا شوفوا شعري حريرَ
ي أختي مو مكفيكِ تتفصخي كمان تخدعي الناسَ !!!!

مَ تدري بت ميري أن ينعرف انها مسووته ستريترَ ؟
ي اختي طيري مناك بسسسَ

و اتقِّ الله و فكري إن آخرتكِ كفن أبيض ، و وراكِ حساب و عذاب .. و لا تحرمي نفسك من ريحة الجّنة عشان قطعة قماش رخيصة ..

 

 

1+

[* rafal]

وااه راححت عليا السهرة :(
تصدقون نسيت انو خميس
^ حالتي مستعصية الله المستعان

و أنا عن نفسي أشوف الأناقة بالطويل .. و بالأكمام الطويلة ..

 

 

^ هووا هذاا
بس ليتهم يفهمون

هذا أول شي يجي ف بالي لما ألبس لبس ، و الله مرات أخاف و ألبس شورت للركبة

 

 

من تحت الفساتين أو التنانير ، ترى عادة حلوة و في البيت أحب أكون لابستها أو ألبس منها بس الطويل ، و في المدرسة كمان ـ أتخيّل نفسي يغمى عليه و لا أطيح يَ فشششلتي ، مرة منظر مو حلو ، ف تلبسي شي من تحت أحسن لك و أضمن لك و أستر لك ..

 

 

^

صصح ان السهرة خلصت بس في كلام عاالق بحلقي لازم اطلعه
الحيين الأم اللي تلبس بنتها الصغيرة - ابتدائي - لبس لنص فخذهاا وظهرها برا كله
كيف تبغين تفهمينها لمن تكبر انو هذا غلط ؟

صح صغيرة بس برضو غلط تلبس فوق الركبة، مو ف صالحها اصلاً ‘(
يعني للركبة كفااية

+ بفضل الله تعوّد من صغري ماالبس قصير ابداً ولا بدون اكمام
هذا الشي مو في قاموسنا
والحمدلله مرتاحة ومبسوطة ودائماً ملابسنا انيقة والكل يمدحهاا
لمن انغرس هذا الشي فيني من طفولتي ماقدرت اتخلى عنه الحين
والله يثبتناا

أما بالنسبة للزواجات - حكاية أخرى
السوق صاير كله خياس :(
عشان كذا أنا وماما وأخواتي صممنا موديلاتنا بنفسنا وبنفصلها ان شاء الله
شي جميل ومرتب، بس ساتر :)

وووشكراً

[Awasha_UAE]

عندي سؤال . . . . . ,

يعني الحين نشارك هنا ولا نحط موضوع ولا الاثنين مع بعض ولا كيف ما فهمت ؟ !

انتظر الرد :)"

[نَبضُ النَقاء •.]

^
أهلاً بكِ

يُفترَض أن يتم النقاش هنا بالردود بيننا :)
والمشاركة والتفاعل بطرح مواضيع تلائم الموضوع
في خلال الأقسام التي تمّ اختيارها (في أول صفحة)

لكن السهرة انتهت للأسف ..

كوني معنا في السهرة القادمة بإذن الله
الخميس القادم :)