عدنا والعودُ احمدُ
عيوون المــــــــــــــــــــــــــها
تابع
في الجامعه حسن مع عبد العزيز
عبد العزيز : وش سويت امس ؟
حسن : هههههه لا تذكرني والله ان بنت عمتك هاذي تحفه
عبد العزيز : ليش ؟؟
حسن يطالع عبد العزيز : وليش تبي تعرف
عبد العزيز : ههههه والله مو علشان شي بس لأن اكيد جابت فيك العيد
حسن : ما باقي الا هاذي تجيب فيني العيد
عبد العزيز : والله ان محد غيرها راح يجيب فيك العيد
حسن : وانت طيب علمني عنك وش سويت ؟؟
عبد العزيز : من الي قبل اشوي يقول ليش تبي تعرف
حسن : ايه بس هاذي اختي
عبد العزيز : اجل خلاص روح اسأل اختك
حسن : اقول عن خفة الدم وقولي
عبد العزيز بعد ما اخذ نفس عميق : والله ما ادري
حسن : هيه اقول لا يكون سويت بأختي شي
عبد العزيز: ليش اهي فيها شي
حسن : لا
عبد العزيز : خلاص اجل ما سويت فيها شي
حسن : طيب قولي والله اني مو بس احاتي اختي حتى انت احاتيك
عبد العزيز : حسن بسألك ؟
حسن : وشو
عبد العزيز : انت قلت ان ابوك مستحيل يغصب مها وش الي خلاه يغصبها
حسن : والله الي محيرني ان ابوي ما غصبها اهي من حالها وافقت
عبد العزيز مستغرب : ليش وكيف وش الي خلاها توافق
حسن : هي هي وش هالاسئله هاذي كلها انتظر ما اقدر اجاوبهم كلها
عبد العزيز : طيب من البدايه كيف وافقت ؟
حسن : بالاول كانت رافضه بس بعدين راحت لبوي وقالت له انها موافقه
عبد العزيز : طيب ليش ؟
حسن : والله ما ادري ليش؟
عبد العزيز : وش الي ما تدري
حسن : ما ادري ليش وافقت ؟
عبد العزيز : طيب انت ما سألتها ؟
حسن : لا ما سألتها
عبد العزيز : غريبه مو بالعاده انك ما تسأل عن اختك بالعاده خواتك كل شي عندك
حسن :ما ادري بس اقولك شي؟
عبد العزيز : وشو ؟
حسن : يمكن لأني كنت ابيك تاخذها لأني بصراحه اثق فيك ومستحيل اشوف واحد ثاني يناسبها
عبد العزيز ساكت ومستغرب من كلام حسن
حسن : لا تستغرب انا كنت اقول لك ااني ما ابيك تاخذها بس والله من داخلي كنت اتمنى انك تاخذها
عبد العزيز وهو سرحان : والله انك حيرتني يا حسن صرت ما افهمك
حسن : وليش منت فاهمني
عبد العزيز وهو قايم : ما ادري ما ادري
حسن : طيب وين رايح ؟؟
عبد العزيز: المحاظره ما باقي عليها الا خمس دقايق
حسن وهو قايم : طيب انا بعد الحين راح تبدي محاظرتي
عبد العزيز : حسن ما ادري احس انك محملني مسؤليه كبيره
حسن : انا ما ابي اضايقك بس مها اختي امانه عندك وهالمره على طول يا عبد العزيز مو اسبوع والا اسبوعين
وراح حسن وما انتظر جواب عبد العزيز
عبد العزيز : والله ياحسن جالس تخنقني وانت ما تدري تثق فيني واخاف اكون مو قد هالثقه
:::::::::::::::::::::::::::::::::::::::::::::::::: ::::::::::::::::::::::::::
مها جلست من النوم وأول شي سوته انها دقت على إرم
مها : هلا صباح الخير
إرم : قولي ظهر الخير
مها : ههههه والله ولا يهمك ظهر الخير
إرم : وانت لك عين بعد كل الي سويتيه انك تضحكي زين مني اني رفعت الك السماعه
مها : وش سويت ؟؟
إرم : ما ادري عنك انت واخوك
مها واتذكرت يوم الملكه : ههههه علشان كذا امس ادق عليك ما تردين
إرم : ولا حتى اليوم ما كنت برد بس كسرتي خاطري قلت ارفعه لا تموت
مها : هههههههههههه حبيبتي والله بنت عمتي
إرم : اقول مها حبيبتي تعالي بيتنا
مها : وليش انت ما تجين بيتنا
إرم : لا يما ماما الحين خلاص صار بيتكم محرم علي ادخله
مها : ليش ؟ خالي الي قال
إرم : لا انا الي قلت وبعدين انا ما ابي اشوف وجه اخوك
مها : والله حرام عليكم اثنينكم
إرم : ليش اهو وش قال عني بعد ؟؟
مها : ما قال شي ... انت متأكده انك ما بتجين بيتنا والله حسن مو هنا في الجامعه
إرم : حتى لو مو موجود يجي .... وبعدين انا اعرف عمتي زين اذا جيت الحين بيتكم ما راح تتركني اروح البيت لازم اتخليني اتغذى عندكم واخوك لازم يجي يتغذى
مها تقاطعها : خلاص خلاص قلتي قصة حياتنا كلها كل هذا علشان لاتجي بس تدري دواك عندي
إرم : نشوف يا دكتور مها
مها : طيب مع السلامه
إرم : ما راح تجين البيت
مها : لا انا ما راح اجي
إرم : براحتك مع السلامه
سكرت مها الخط وراحت لمها تحت
مها : ماما ماما
نها : وش فيك تصارخين من الصباح
مها : الحين الساعه 11 وانت تقولي صباح
نها : والله الي يشوفك جالسه من الصبح توك الحين جالسه
مها : المهم وين ماما
نها : ماما ؟؟ انت خلاص انخطبتي وبتتزوجي وبعدك تقولي ماما ؟؟
مها : والي يعافيك لا تذكريني
نها : وش الي ما اذكرك فيه ؟؟
مها : اني انخطبت ... المهم وين ماما
نها : والله ما ادري شوفيها يمكن بالمطبخ
مها : طيب
وراحت المطبخ وهي تغني
مها : ماما
ام حسن : هلا بالعروسه
مها : يالله يعني كل ما نسيت تفكروني
ام حسن : هههه ما امداك تنسين توك قبل امس مالكه
مها : طيب ما علينا ابي منك شي قولي تم
ام حسن : الله يستر منك ومن طلباتك وهذا احنا قلنا تم
مها : ابيك تتصلين لإرم وتعزميها على الغذى.... بس إرم ما ابي معاها عُلا
ام حسن : وليش بس إرم ؟
مها : لأن لو جات معها عُلا لازم نتغذى البنات لحال والرجاجيل لحال
وانا ابي إرم تكون معانا مع حسن
ام حسن : طيب ليش يمكن البنت تستحي ؟؟
مها : ههههه لا ماما انا قلت لها تعالي اهي قالت الي ما ابي اجي بعدين تقول امك خطبناها وكل يوم تجي بيتنا لاكن اذا انت عزمتيها ما راح تقول شي
ام حسن : طيب قربي لي التلفون
مها : شووووووووكرن لأحلى ام بالدنيا
ام حسن : الو السلام عليكم
...... : وعليكم السلام هلا عمتي وش اخبارك
ام حسن : الحمدالله بخير انت وش اخباركم
إرم : بخير عمتي
ام حسن : اقول يا إرم البسي عباتك وتعالي تغذي معنا بلادلع
إرم : انا ...
ام حسن تقاطعها : لا ما فيه تجين تتغذين وسلمي على امك وقولي لها تسير علي العصر تشرب معي شاهي
إرم بصوت وشوي تصيح : انشالله عمتي
ام حسن : مع السلامه
إرم : مع السلامه
ام حسن : هذا احنا قلنا لها وبتجي الحين
مها وهي فرحانه موووووووووت : ايووووووووه الحين باقي الجزء الثاني من الخطه
وراحت تركض
ام حسن تهز راسها : والله ما ادري متى بتعقل هالبنت
:::::::::::::::::::::::::::::::::::::::::::::::::: :::
مها : الو
حسن : هلا مها
مها : اهلين وش اخبارك
حسن : بخير بس اسمعي انا الحين عندي محاظره بعدين اكلمك باي
مها : باي
مها : اووووف ياربي انشالله انه يجي على الغذا .... عشان يا إرم اعلمك من مها ههههههه
:::::::::::::::::::::::::::::::::::::::::::::::::: ::::::::::::::::
إرم : اوووووف ياربي انا اوريك يا مها يقلك الحين تبين تسوين فيني مقلب
عُلا : الحمدالله والشكر انت وش فيك تكلمين نفسك
إرم : هاذي بنت عمتك
عُلا : مها ؟؟ وش فيها ؟؟
إرم قالت لعُلا وش سوت فيها مها
عُلا : هههههه والله منتيب هينه يا مها
إرم : اقول عُلا حبيبتي انت اختي احبك انا كثير اكثر من ما احب البيبسي تعالي بيت عمتي نتغذا
عُلا : هههههههه لا تحاولين مستحيل وبعدين اصلا انا تعجبني مها من الي تسويه فيك
إرم : والله صدقيني راح اسويك الي تبيه
عُلا : نظفي غرفتي
إرم بصوت عالي : ليش بالله ما في خدامات
عُلا : فيه بس انا ابيك انت تنظفيها
إرم بستسلام : طيب والله راح انظفها بس انت قومي بدلي وتعالي معي
عُلا : ههههههه والله وشفت فيك يوم يا إرم وبعدين انا منيب محتاجتك وغرفتي دايم نظيفه مهيب مثل غرفتك
إرم : طيب تعالي معي الله يخليك الله يخليك
عُلا : لا مستحيل انا بروح اشبك على النت
إرم : اووووف عُلا الله يخليك
عُلا واهي على الدرج : لالالا مانيب رايحه
إرم : اووووووف ياربي وش اسوي
ام سالم : وش فيك جالسه تتحنطبين بروحك
إرم : يمه تعالي معي نتغذا بيت عمتي
ام سالم: وش يوديني ومن يتغذا مع ابوك وبعدين انت ليش بتروحين
إرم وبتموت من القهر : عمتي اتصلت لي قالت لي تعالي اتغذي معنا
ام سالم : طيب روحي تغذي معهم
إرم : بروح بس عمتي تقولك سيري عليها العصر
ام سالم : اذا خلصت بروح لها يالله انتي الحين روحي بيت عمتك تراهم يتغذون بدري والحين الساعه 1
إرم : طيب
وطلعت غرفتها بدلت ملابسها ولبست عبايتها و طلعت لبيت عمتها
:::::::::::::::::::::::::::::::::::::::::::::::::: :::::::::
مها وهي جالسه تعدل نفسها عشان تقهر إرم سمعت صوت جوالها
مها : هلا حسن
حسن : هلا وش اخبارك
مها : تمام الحمدالله بخير والله اسأل عنك وحشتني موووت
حسن : ههههههه وش تبين
مها : فاهمني
حسن : هههههههه طيب ما قلتي لي وش تبين
مها : اسمع ابيك اليوم تجي تتغذى معنا في البيت
حسن : بس انا اليوم راح اتغذى مع عبد العزيز
مها : الله يخليك تعال البيت تغذا معنا
حسن : ليش يعني وش معنى اليوم
مها : اذا قلت لك اكيد راح توافق
حسن : ليه يعني ؟
مها : لأن انت مستعد تسوي أي شي بس علشان انك تنرفز إرم
حسن : ويعني ؟
مها : انا اليوم جبت إرم البيت غصب عنها خليت امي تعزمها تتغذا معنا والحين ابيك تجي معنا
حسن الي مستعد يسوي أي شي بس علشان ينرفز إرم : هههههه بس ما طلبتي ربع ساعه وانا عندكم مو تتغذون عني انتظروني
مها : طيب ..والله انك تعجبني
حسن :يالله بيباي
مها : باي
:::::::::::::::::::::::::::::::::::::::::::::::::: ::::::::::
حسن بداخل نفسه يفكر والله انك منتيب هينه يامها طيب ان ما اكلتك مقلب ما اكون حسن
عبد العزيز : حســـــــــــن
حسن : انا جنبك ليه تصارخ
عبد العزيز : صار لي ساعه اكلمك وانت منتب معي
حسن : معك معك اقول انت قايل اليوم انك بتغذيني صح ؟؟
عبد العزيز : ما يحتاج تذكرني بغذيك
حسن : طيب والي يقولك اني بغذيك
عبد العزيز : وش الطاري ؟
حسن : ههههه ولا شي ليش انت ما تبي تاكل من طباخ امي
عبد العزيز : في بيتكم ؟؟ لالا ما ابي اروح معك
حسن الي فهم عبد العزيز : لا لا تخاف مها ما راح تكون معنا لأن اكيد الحين اهم يتغذون فأكيد احنا راح نكون لحالنا
عبد العزيز بتفكير : اممممم طيب يالله مشينا
حسن : ههههههه يالله
عبد العزيز : ليش تضحك ؟
حسن : لا وشي بس كذا ... بس انت روح سيارتك بسرعه نبي نوصل البيت
وراح كل واحد لسيارته
:::::::::::::::::::::::::::::::::::::::::::::::::: ::::::::::::::::::::::
مها : ماما حسن يقولك انتظروا بيجي يتغذا معنا
نها : لا انا ما فيني ابي اتغذى ابي اروح السوق اشوف وش صار على الفستان
مها : طيب ما راح يطير السوق
نها : لالا راح يطير انا ما اعرف اكل وعلى طول اطلع لازم اريح
مها : انت من كثر ما تاكلين وتريحين على قولتك راح تنتفخين
نها : ما عليك مني ... يمه انا بتغذى الحين جهزي لي الغذا
ام حسن : هذا الخدامه قولي لها
وراحت نها تتغذى علشان تريح وتروح السوق
وبعد ربع ساعه وصل حسن معه عبد العزيز
عبد العزيز : انا بجلس في المجلس
حسن : ليش ما تبي تسلم على خالتك
عبد العزيز : عيب ما يقولوا خالتك قول امي
حسن : هههههه طيب ما تبي تسلم على امي
عبد العزيز: بعدين بعد الغذا
حسن وحس ان خطته بتفشل: لا اكيد الحين ما في احد بس بعد الغذا خواتي بينزلون
عبد العزيز : طيب ياللا
حسن : هههههههه ياللا
عبد العزيز : انت وش فيك اليوم كل شوي وتضحك
حسن : ولا شي
عبد العزيز : والله ما اقول الا الله يعين حرمتك عليك
حسن : ههههه قول انا الي الله يعني عليها
عبد العزيز : طيب راح تنادي خالتي والا ؟؟
حسن : طيب انت اجلس هنا وانا راح اناديها
راح حسن يتأكد ان نها مهيب موجوده علشان يقدر يدخل عبد العزيز غرفه الطعام
حسن: السلام
الكل : وعليكم السلام
حسن مطنش إرم على الاخر: يمه جهزي لنا الغذى
إرم تكلم مها بصوت واطي : تقولين ما راح يجي ها
مها وفيها ضحكه : علشان مره ثانيه اذا قلت لك تعالي بيتنا تجين بدون نقاش
حسن الي ما سمع كلامهم بس عارف عن ايش يتكلمون جلس على الكنبه بجنب إرم
حسن : اقول مها ياريت والله اتصيرن شخص فعال في المجتمع وتروحين تجهزين الغذا مع امي
مها : بس؟؟ ما طلبت الحين اروح
حسن ذكر عبد العزيز الي جالس في الصاله ينتظر
حسن : مها مها انتظري
مها : ايش
حسن : روحي شوفي في الصاله جوالي جيبيه
مها مستنكره ورافعه حاجب : طيب ولا يهمك
وراحت مها للصاله
إرم الي شافت جوال حسن بجنبه : هذا جوالك هنا
حسن : هههههههههههه بصراحه انا ما تهون علي مرتي يسون فيها مقلب
إرم ما فهمت حسن وش يقصد
حسن : عبد العزيز بالصاله
إرم منصدمه وبنفس الوقت فرحانه لأن حسن رد المقلب لمها
إرم : جد ؟؟
حسن : طيب ليش لهدرجه انت فرحانه ؟
إرم : لأنها مره فرحانه انها سوت فيني مقلب والحين المقلب انقلب عليها
حسن بجديه : إرم انا ابي اكلمك بموضوع
إرم خافت من لهجة حسن بالكلام : وشو الموضوع ؟
حسن : مو الحين بعد الغذا
إرم : اصلا انا ما ابي اتغذا معكم
حسن بحنيه: كل هذا لأ انا موجود خلاص انا بتغذى بالمجلس
إرم وهي مرتبكه : لا لا ما كنت اقصد بس لأن عبد العزيز موجود
حسن بمكر : خلاص اجل انا اتغذى معك بلحالنا ونخلي عبد العزيز معهم
إرم : بس...
حسن : مو تقولين لأن عبد العزيز موجود ؟؟
إرم : طيب
وقام حسن يخبر امه تجهز له إذا مع إرم
إرم من داخلها تحقد على حسن على الي يسويه فيها
:::::::::::::::::::::::::::::::::::::::::::::::::: :::::::::::::::::::::::::::::
مها اول ما دخلت الصاله كانت تغني
مها وهي تغني : You promise me that you love me for ever but you leave me and love another...
عبد العزيز منصدم يناظر فيها
وبعد ما استوعب المقلب الي سواه فيه حسن والي مبين انه مسويه في مها لأنها الثانيه منصدمه
عبد العزيز : هلا مها وش اخبارك ؟
مها من دون نفس : بخير
عبد العزيز : انا بعد بخير
مها توها بتروح
عبد العزيز : وين رايحه انا جاي علشانك
مها : جاي علشاني والا حسن مأكلك مقلب
عبد العزيز في خاطره وانت علطول مفشلتني
عبد العزيز : حتى لو كان مأكلني مقلب على قولتك هذا احلى مقلب بحياتي
مها سكتت وما عرفت ترد عليه تحسه بس يبي يسكتها ويمكن اهي الثانيه جالسه تتبع نفس الاسلوب
عبد العزيز وهو يأشر بالمكان الي جنبه : تعالي اجلسي ليش واقفه
مها : بروح اجهز الغذا مع امي
عبد العزيز بدون اهتمام : على راحتك
مها انقهرت من حركته وراحت لمها المطبخ وشافت حسن
مها وهي تناظر في حسن : وش تقصد بالحركه
حسن : ههههههههه والله انا واحد ما ارضى على مرتي
مها : والله ؟؟ الي يسمعك الحين يقول انك متقطع عليها
حسن : لا مش متقطع عليها بس دام انها مرتي ما ارضى عليها
مها : عبد العزيز هذا انت تاخذه وتتغذا معه بمجلس الرجال
حسن وحب يعاند اخته : مهوب على كيفك
مها : اصلا ما تقدر لان إرم معنا كيف راح تخليه يتغذى معنا
حسن : ومن قال ان إرم معكم انا وإرم راح نتغذا لوحدنا
مها : هههههههه والله انك مسكين يعني الحين انت تتوقع انه إرم راح ترضى كذا بكل سهوله
حسن : وليش ما ترضى بكل سهوله ؟؟ عادي زوجها
مها : أي بس إرم ما راح توافق
حسن : ههههه لا لا تخافين وافقت وخلصت ... وإذا جات امي قولي لها تجهز لنا الغذا بغرفة الطعام انا مع إرم
ومشى عنها وهي نفسها تقوم تذبحه
:::::::::::::::::::::::::::::::::::::::::::::::::: ::
نها : هلا
فهد : هلا والله وش اخبارك
نها : الحمدالله بخير انت وش اخبارك ؟؟
فهد : بخير حبيبتي اشوف اليوم الرباعي عندكم
نها : أي رباعي
فهد : هههههه ليه انت ما تدرين
نها : شنو ؟
فهد : الله يسلمك حسن مع إرم وعبد العزيز ومها معكم اليوم
نها : والله ؟؟ انا لما ركبت قبل شوي ما شفت احد بالبيت بس حسن قال انه بيجي على الغذا
فهد : احسن انا ما ابيك تدرين عن احد غيري
نها : هههههه يا سلام وش هالانانيه
فهد : لا هاذا ما يقولون عنه انانيه هذا يقولون عنه حب .. هيام .. عشق ... وله ... الي تبيه بس مو انانيه
نها : يا سلام وش هالرومانسيه
فهد : اصلا انا علطول رومانسي
نها : الله يخليك لي يارب ولا يحرمني منك
فهد : تدرين وانت تدعين كذا تذكريني بجدتي
نها : هذا جزاة الخير ادعي ان الله يخليك لي
فهد : ويخليك لي لوحدي بس انا يارب
نها : ما قلت لك اناني ما تصدقني
فهد : اذا انت تسمين حبي لك انانيه عادي سميه بس بعد بظل احبك وما ابي احد غيري يحبك بعد
نها : طيب وامي وابوي واخواني
فهد : لا هذيلين غير وانا غير تقدرين تقولين غير كذا
نها : لا ما اقدر ... فهد انا عندي اقتراح
فهد : اقترحي يا بعد عمر فهد انت
نها : طيب لا تتغزل كثير بعدين استحي وما اعرف اتكلم
فهد : بس ما طلبتي الحين اسكت بس انت قولي لي متى تبيني اتكلم وانا اتكلم
نها : طيب اسمع الحين باقي على زواجنا كم؟؟
فهد : شهرين واسبوعين وثلاثة ايام
نها : هاهاهاهاهاه حاسبها باليوم بعد
فهد : اكيد وانت عندك شك يعني
نها : طيب مو كأن العرس قريب
فهد : لالالا مو قريب واذا انت في بالك تبين تأجلين العرس فأنا من الحين رافض وبزعل وبعرف انك اكيد ما تحبيني
نها : ههههههه فهد وشفيك انا ما قلت اني ابي ااجل العرس بس كنت بقول ان العرس قرب المفروض خلاص ما نشوف بعض ولا نكلم بعض علشان تشتاق لي
فهد : انت وش جالسه تخربطين تبيني اموت ؟؟ وبعدين انا اشتاق لك وانت معي يعني ما يحتاج
نها : ويه بسم الله عليك من الموت
فهد : لالا انا ما اقدر كذا تخيلي ما اكلمك شهرين واسبوعين وما اشوفك مستحيل
نها : يالله عاد فهد علشاني طيب بعد اسبوعين علشان يصير شهرين ما شفتني
فهد : انا يومين ما اقدر وانت تقولين شهرين
نها : كذا احسن علشان لما يجي العرس تكون مشتاق لي
فهد : انا مشتاق لك جاهز ما يحتاج الي تقولين عنه وبعدين بسألك سؤال
نها : شنو ؟
فهد : انت تقدرين ما تكلميني ولا تشوفيني شهرين
نها : امممم بحاول
فهد بزعل : اذا انت بتحاولين انا ما اقدر حتى احاول
نها وكسر خاطرها : طيب خلاص ولا يهمك بس لا تزعل
فهد : حبيبتي انت والله اعرفك حرمتي ولا كل الحريم
نها : ههههههه طيب لكن ما راح اتنازل قبل العرس بسبوع ما تكلمني
فهد : طيب بدرس الامر وسلبياته بعدين ارد عليك
نها : هههههه احلف انت بس
فهد : والله العظيم
نها : تدري عاد والله اني ما اقدر استغني عنك
فهد : ياربي انا وش اسوي بعمري انطط والا شقق ملابسي
نها بضحكه عذبه : ههههاي لا هذا ولا هذا تعال الي
فهد : لا انت اليوم اكيد ناويه علي طيب دام انك اليوم غير بطلب طلب
نها : امر تدلل انا كلي لك
فهد : بعد روحي وقلبي وعمري احبك قوليها
نها : طيب بس هذا الي تبيه ؟؟
فهد : ايه والله بس هذا الي ابيه
نها : باحلامك فهد
فهد : وشدعوه عاد يالله نهوي حبيبتي
نها : بعد العرس بقولك الي تبيه
فهد : ما في فايده عنيده
نها : اوكي فهد انا الحين بروح اخذ لي شاور علشان بعد شوي بروح السوق
فهد : اوكي حياتي مع السلامه وانتبهي لنفسك
نها : طيب مع السلامه
:::::::::::::::::::::::::::::::::::::::::::::::::: :::::::::::
حسن : ليش ما تاكلين
إرم : من غير نفس : شبعت الحمدالله .. وش الموضوع الي كنت تبي تقوله؟؟
حسن : انت اكلي بالاول بعد الغذا يصير خير
إرم بعصبيه لأنها متوتره : قلت لك شبعانه
حسن : طيب طيب لا تعصبين وش فيك
إرم وما قادره تتحمل : مو معصبه بس انت وش تبي
حسن وقام من مكانه وراح لما جالسه إرم وقالها بهدوء : إرم ليش خايفه لا تخافين
إرم وشوي تصيح : مو خايفه
حسن : طيب تعالي اجلسي على الكنب هنا
وراحت إرم جلست على الكنب بس مو جنبه
حسن : إرم انا ادري انك مو متقبلتني وهذا يبين من تصرفاتك معي يعني مستحيل وحده تعامل خطيبها كذا الا اذا كانت مغصوبه عليه
إرم بجرأه : وانت بعد مو متقبلني وما في احد يعامل خطيبته كذا وادري انك ما تبيني بس لعلمك اذا انت ما تبيني مره انا ما ابيم الف مره
حسن : إرم وش فيك عصبتي انا ما اقصد بالكلام الي قلته شي بس ابيك تفهمين ان زواجنا عائلي يعني لمصلحة العيله وانفصالنا مستحيل والحل الوحيد ان احنا نتقبل الوضع واذا ما قدرتي تحبيني مو لازم
إرم وهي تصيح : وليش ما تتكلم عن نفسك ليش ما تقول انك انت الي ماراح تقدر تحبني
حسن راح جنب إرم : إرم اسمعيني الحب مو كل شي في العلاقه الزوجيه يعني يكفي ان الطرفين يحترمون بعض ويفهمون بعض
إرم وقفت : انا رايحه بيتنا
حسن مسكها : وتروحي وانت كذا
إرم : ليش؟؟ مهتم فيني والا خايف احد يشوفني كذا
حسن : إرم اجلسي
إرم : ما راح اجلس وشالت يده عنها وطلعت من الغرفه
حسن جلس وهو يفكر : ياربي وش اسوي يعني انا وش سويت لها ... يعني الحين اهي عاجبها الوضع الي احنا فيه
حسن يرد على نفسه بعصبيه : لكن انا اوريك من حسن يا إرم
:::::::::::::::::::::::::::::::::::::::::::::::::: :::::::::::
اما في الغرفه الي فيها عبد العزيز ومها وام حسن وابو حسن يتغذون
مها جالسه تلعب بالماشروم الي بصحنها وتقطعه صغار وما شالت عينها من الصحن وعبد العزيز يا كل بهدؤ تام وما كان ينسمع في الغرفه غير صوت ام حسن وابو حسن وهم يتكلمون
ابو حسن حس بالتوتر الموجود بين عبد العزيز ومها
ابو حسن : مها وش فيك ما تاكلين ؟؟
مها الي كانت سرحانه : ها ... انا .. جالسه اكل بابا
عبد العزيز لما سمعها قالت بابا ناظرها وقال بنفسه ياربي وش مزوجيني بزر لحد الان تقول بابا ؟؟ هههه والله حاله
مها قامت من الكرسي
ابو حسن : وين يا بنتي ؟؟ اجلسي ما اكلتي
مها : الحمدالله بابا شبعت
عبد العزيز قام اهو الثاني
ابو حسن : وشفيكم ... انت بعد ما اكلت شي
عبد العزيز : لا عمي و الله اني شبعت وبعدين احد يشوف طباخ خالتي وما ياكل
ابو حسن : اذا هذا اكلكم انت ومرتك والله موفرين
عبد العزيز : هههههه عمي انا اكل بس اهي ما اكلت شي بس ولا يهمك بعد العرس اعلمها شون الناس تاكل
ابو حسن : والله لا انت ولا اهي اكلتوا شي
:::::::::::::::::::::::::::::::::::::::::::::::::: :::::::
بعد يومين في بيت ابو سالم
إرم : الا ما قلتي لي يا إرم عبد العزيز يدق عليك ؟
مها : لا ما يدق ليش ؟؟
إرم : بسألك لو يدق عليك كنتي بترفعين له
مها : لا ما راح ارفع وبعدين عبد العزيز مستحيل يدق لأني اعرفه عدل
إرم : وش دراك انه ما بيتصل
مها : قلت لك اعرفه عدل عبد العزيز ما يحبني والا اقولك بعد كلمة ما يحبني قليلة عبد العزيز يكرهني ما يواطني والله يعني مو بس انه مغصوب على الزواج مغصوب على وحده يكرهها تتوقعنه يدق والا يكلم مستحيل
إرم : طيب وش الي يأكد لك انه يكرهك يمكن صحيح انه ما يحبك وغصوب على هالزواج بس ما يكرهك
مها : اولا انا ما اعرف ليه يكرهني بس الي اعرفه انه يكرهني وبعدين حتى لو انه ما كان يكرهني بعد ما انغصب على الزواج مني اكيد صار يكرهني
إرم : طيب انت ليه تكرهينه : انا بصراحه ما اعرفه بس من كلام حسن عنه كرهته بس الحين زاد كرهي له وما ادري ليه
إرم : بس حسن مهوب مبين عليه انه يكره عبد العزيز
مها : هذا الي محيرني لأن حسن بس قبل كم شهر ما كان يواطن عبد العزيز ولا يشتهيه وحتى عبد العزيز نفس الشي والكل كان يدري عن هالشي بس الحين الهم فتره ما يفارقون بعض بالمره يعني مستحيل تشوفين حسن طالع وعبد العزيز مهوب معه غريبين هالاثنين
مها : وانت ليه كل هالاسئله؟
إرم : ولا شي بس حبيت اسأل اذا كنت تكلمين عبد العزيز
مها : انت تكلمين حسن ؟؟
إرم : اكلم حسن ؟؟ مستحيل ومن سابع المستحيلات اولا اخوك غروزره ما يسمح له انه يرفع السماعه ويدق وبعدين لو دق ما راح اكلمه
مها : حسن ما كلمك ولا مره من الملكه
إرم : لا ولا مره وبعدين احنا ماصار لنا اسبوع مالكين
:::::::::::::::::::::::::::::::::::::::::::::::::: :::::::::::::::::::::::::::::::
ومرت الايام وشخصيات قصتنا على حالهم
عبد العزيز مطنش مها على الاخر ولدرجة انه عادي ينسى انه خاطب بالاساس
مها مرتاحه مع الوضع كذا اكثر وتحس نفسيتها كذا احسن بكثير من لما كانت قريبه من عبد العزيز
حسن مره حاول يدق على إرم بس إرم ما رفعت له السماعه وهو فهم السالفه عناد علشان كذا عاند وما دق مره ثانيه وكان بس يحاول يحرجها لما يقابلها صدفه
إرم اخذت اهي الثانيه السالفه عناد ويمكن لأن لسانها طويل كان يساعدها في بعض الاوقات انها تطلع من احراجات حسن لما يشوفها
:::::::::::::::::::::::::::::::::::::::::::::::::: :::::::::::::::::
وبعد مرور شهر ونص وما باقي على زواج نها الا شهر
عبد الله : عبد العزيز ؟؟
عبد العزيز الي كان يطالع المباراه بحماس : نعم
عبد الله : انا ولامره شفت انك رايح لمها او مكلمها
عبد العزيز : مها ؟؟ ايه مها مو فاضي الحين
عبد الله: لا تلعب على نفسك وشو الي مو فاضي انت تقريبا من ملكتوا صار لكم شهرين معقوله ولا مره فضيت علشان تروح لها والا تكلمها على الاقل بالتلفون
عبد العزيز : اوووووف عبد الله والله ما الي خلقها وبعدين انا ادري انها ما تشتهيني اروح لها ليش يعني لو اهي على الاقل متقبلتني ممكن اني اجامل واروح بس انا عارف اني اذا رحت لا انا ولا اهي راح نرتاح مع بعض
عبد الله : طيب وبعدين كيف راح تعيشون مع بعض ؟؟
عبد العزيز : بعدين يحلها الف حلال
عبدالله : والله عبد العزيز حرام عليك الي تسويه في البنت
عبد العزيز وبدأ يعصب : وش شايفني سويت لها ؟؟
عبد الله : على الاقل عودها عليك روح لها كلمها حسسها انها مخطوبه مثل كل البنات المخطوبات حتى لو ما كنت تحبها دوس على كرامتك شوي والا كرامتك ما تسمح لك انك تجامل بنت عمك شويه
وقام عبد الله عنه وهو معصب
عبد العزيز حاول انه ما يفكر في كلام عبد العزيز ويرج للمباره بس ما قدر وقام لغرفته فتح النت يمكن يشوف نتيجته والتهى شوي بالنت ولحد ما نعس ونام
:::::::::::::::::::::::::::::::::::::::::::::::::: :::
مها : ها اطلعت والا لسه ؟؟
حسن : ما اطلعت
مها بخيبه امل : والله طيب انت وش حاس حاس انك راح تنجح
حسن : ما ادري والله الله يستر ... الا اقول ما ودك تعرفين ان كان عبد العزيز نجح والا لاء ؟
مها : توك تقول ان النتايج ما اطلعت
حسن : ايه بس عادي يكون ان المواد الي حقه اطلعت
مها : طيب نجح ؟
حسن : ما ادري
مها : مسوي لي فضيحه وفي النهايه ما تدري ؟؟
حسن : اتصلي له واسئليه
مها : نعم نعم اتصله هذا الي ناقص بعد
حسن طنش ما علق على الكلام الي قالته مها
مها : حسن
حسن : نعم
مها : وش رايك تتزوج مع نها بنفس اليوم
حسن : لا ؟؟ وليش انت ما تتزوجين معها بنفس اليوم وبعدين ليش مستعجله على هم اخوك يعني
مها : هههههههه مو مستعجله على هملك قل اني مستعجله على سعادتك
حسن : اقول اطلعي بره الغرف وسكري الباب
مها: طيب هذا جزاة الخير بس تصبح على خير واحلام سعيده وانشالله تحلم بإرم
حسن : بتطلعين والا كيف ؟؟
مها : طيب طيب
واطلعت وتركت حسن بأفكاره
حسن ما يدري ليش بكلام مها حس انه يبي يعرف اخبار إرم ووش جالسه الحين تسوي
:::::::::::::::::::::::::::::::::::::::::::::::::: :::::::::::::::::::::
عبد العزيز كان مار على حسن وتذكر كلام عبدالله
عبد العزيز : يعني انزل اسلم عليها ... بس انا اعرف ان هالشي ما راح يريحها ... طيب انا اسوي الشي الي يريح ضميري واهي بكيفها
ونزل عبد العزيز طق الجرس وطلع له حسن
حسن : هلا والله الحين بجهز بس دقايق
عبد العزيز مبتسم : ومن قال لك اني جاي لك انا بالمجلس اند لي على مها
ودخل عبد العزيز وما اعطى حسن فرصه انه يستوعب الي سواه
:::::::::::::::::::::::::::::::::::::::::::::::
حسن : مها مهـــــــــــــــا
مها : نعم وش تبي وش فيك اتصارخ
حسن عبد العزيز تحت يبيك
مها : انا يبيني وش يبي فيني
حسن : وش يبي فيك ؟؟ عادي واحد جاي يزور خطيبته
مها : قول له منيب موجوده
حسن : ابوي قالي الي يكذب الله يوديه النار
مها : لا احلف انت بس
حسن : والله العظيم
مها : يالله حسن الله يخليك قوله والله اني ما الي خلقه
حسن : اسف تبين انت روحي قولي له
ونزل عنها وما اعطاها فرصه
مها : ياربي وش اسوي الحين اوووووف
نها : وش فيك تكلمين نفسك جنيتي ؟؟
مها : عبد لعزيز تحت
نها : طيب روحي بسرعه بدلي وجهزي حالك
مها حست ان ما في مجال فراحت وبدلت ملابسها ولبست تنوره بنيه كلوش طويله ولبست عليها بلوزه ورديه شاينيز ورفعت شعرها وتكحلت ونزلت بسرعه
وهي على الدرج كانت تركض وصدمت في حسن
حسن : اااااخ بشويش وش فيك تراكضين من الي قيبل شوي ماتبي تشوفه
مها طنشته وكملت طريقها وراحت للمجلس
مها : السلام
عبد العزيز: وعليكم السلام وش اخبارك مها
مها بعد ما جلست في ابعد كنبه عنه : بخير الحمدالله انت وش اخبارك
عبد العزيز: الحمدالله بخير ايه وابشرك بعد نجحت
مها : مبروووك
عبد العزيز وحاب يرفع ضغطها : طيب والهديه
مها : الهديه
عبد العزيز : ايه الهديه مو ا الي ينج يعطونه هديه
مها : وحبت تسكته : الي ينجح من اول مره مو الي رسب وبعدين بالموت نجح
عبد العزيز : ههههههه طيب ما علينا ليش جالسه هناك تعالي هنا بجنبي
مها تغير الموضوع : بروح اجيب لك شاهي
وطلعت وما اعطته فرصه يرد عليها
وعبد العزيز في نفسه الله يكون بعوني اذا راح تكون حياتنا كذا
مها رجعت وعها الشاهي وحطته على الطاوله وصبت له شاهي وقدمته له وراحت جلست مكانها مره ثانيه
عبد العزيز : مها ليش ساكته
مها منزله راسها : وش تبيني اقول ؟؟
عبد العزيز : أي شي كلميني عنك
مها وما زالت منزله راسها : ما عندي أي شي اقوله
عبد العزيز : طيب مو لازم تتكلمين على الاقل ارفعي راسك
مها : رفعت راسها ولما التقت نظراتها مع عبد العزيز لفت عينها للجه الثانيه
عبد العزيز قام وجلس بجنبها ومها على طول وقفت
عبد العزيز : وش فيك لا تخافين ما راح اسوي فيك شي ترى انا مسالم ما اكل لحوم البشر
مها ساكته ومنزله عينها للأرض ما تدري ليش بس تحس نفسها ما تقدر ترفع راسها وتناظر في عبد العزيز
عبد العزيز : مسك يدها علشان تجلس بجنبه
عبد العزيز : اجلسي
مها ومازالت عينها بالارض : اترك يدي ما راح اجلس
عبد العزيز : مها لا تعقدين الامور خلاص الشي صار ولازم نتقبله
مها وهي تفك يده منها : قول لنفسك هذا الكلام
عبد العزيز : وليش تقولين هالكلام ؟؟
مها : ما ادري اسال نفسك
وطلعت من الغرفه وتركته يفكر بكلامها
عبد العزيز : ياربي وش هالبنت .. اذا اهي ما تبيني ليش من الاساس وافقت علي ... ااااه يا مها ليش ما رفضتي وريحتيني وريحتي نفسك ليش
طلع عبد العزيز للسياره وما حب يرجع البيت ولا يشوف احد فلف شوارع الخبر كلها لحد ما تعب ورجع البيت هلكان ونام علطول
::::::::::::::::::::::::::::::::::::::::::::::::
نها : والله ما اتوقعت اني راح اكون كذا متوتره كذا
مها : عادي يا ماما عادي انتم السابقون ونحن اللاحقون
إرم : والي يخليك اسكتي بس لا تذكريني انا كذا الوضع عاجبني ما ابي اتزوج
نها : ايه والله ايام الخطوبه تجنن بصراحه
إرم ومها بنفس الوقت : ههههههههههه
إرم : الظاهر مهيب عايشه معنا الاخت
مها : خليها محد يحس بالنار الا واطيها
نها : اقول ترى اليوم عرسي والي فيني مكفيني وربي كلمه ثانيه من هالكلام اقوك اكفخكم
إرم : ههههههههههه وش فيك انت احنا نشوف العرايس رقيقات مو كذا شوي وتلعبين معنا مصارعه
مها : لا اختي حاله استثنائيه
نها : تدرون اطلعوا بره انا ما ابيكم اصلا معي بالغرفه
مها : المشكله هاذي ثني مره تطردنا
إرم : وبترجع تنادي علينا مره ثانيه
نها : انتو اصلا ما تستاهلون الواحد يجلس معكم انا ابي عُلا
مها : لا يماما عُلا مهيب فاضيه لك عُلا جالسه تشتغل وتستقبل الناس مع امي وخالتي
إرم تدرين يعني تبي عريس وهاذي الطريقه الوحيده
نها : والله حرام عليكم علشان انها ساكته عنكم تقولون عنها كذا
مها : والله ياريتني انا الي ما انخطبت
نها اتذكرت ليش اختها من الاساس وافقت على عبد العزيز ونزلت راسها وما قدرت تناظر في اختها
مها علشان تغير الموضوع : اقول نها ما قلتي لي وحشك فهد ؟؟
نها الي رجعت مثل اول : لا والله ما وحشني بس لا تعرسوني اليوم احس بيتنا وحشني من الحين
إرم : هههههههه وحشك وانت بعدك ما انزفيتي وتوك واصله الفندق ؟
نها : ايه وحشني بيتنا ووحشتني غرفتي بعد
مها : هذا وفهد شاري لك بيت بجنب بيتنا علشانك
نها : ايه والله بالموت اقنعنا خالتي نشتري البيت كانت تبينا نجلس معهم
مها : كيف اقنعتوها ؟؟
نها : والله لو تدرين كيف قلنا لها بالبدايه ارفضت وقالت ان البيت بيفضى عليها كذا واهي من زمان نفسها ان حرمة ولدها تجي تملي عليها البيت وتجيب لها عيال بس فهد قال لها ان عبد العزيز بيتزوج مها وبيجبها هنا ومستحيل يطلع عن البيت وانت تعرفين من سمعت طاري اسمك علطول وافقت لأنها تموت فيك وعاد بعد فهد تلكع لها شوي وقال لها انه اذا ظل بالبيت اكيد عبد العزيز بيطلع بره البيت لأن ما بيصير اثنينهم بالبيت ما راح ياخذون راحتهم وانت تعرفين خالتي كل شي ولا عبد العزيز مدللها يبتعد عنها وغير كذا ما خذ عيون المها الي تموت فيها خالتي
مها : لا حرام عليك والله
إرم :و ليش انت ما تبين تعيشين مع خالتك ؟؟
مها : مو ما ابي اعيش معها بس .....
دخلوا عليهم ساره وشهد
ساره : الله مها طالعه حلوه مررررره
شهد : ايه صح طالعه احلى وحده انت اليوم
" مها كانت لابسه فستان وردي وفيه شوي فضي وحاطه مكياج ناااعم مرره وطالعه كأنها ملاك وكل الي يشوفها كان ينعجب فيها "
إرم : ياربي وش فيكم انتم كل وحده تدخل تقول مها حلوه طيب طلعوا يسمين يسار يمكن تشوفون غيرها وبعدين من زينها يعني
نها : ياربي انا الي بقطع حالي انا يعني ما كأني انا العروس كل الي يدخل ينعجب بهالمها ارفعوا معنوياتي على الاقل قولوا اني حلوه لو مجامله
" إرم كانت لابسه فستان ازرق وحاطه مكياج حلو وناعم ومره طالعه حلوه "
" اما نها كانت مثل الملاك بالفستان الابيض وشعرها كان مرفوع بطريقه حلوه ومكياجها كان حلو ومخليها من صدق ملاك "
::::::::::::::::::::::::::::::::::::::::::::
منذ /26-11-2006, 07:35 PM
