منذ /24-12-2006, 11:03 PM
|
#121 | |||||||||||||||||||
|
بنوتة محلقة
|
مشكوووورييين
|
|||||||||||||||||||
| #ADS | |
|
:: إعلانات ::
Circuit advertisement
 تاريخ التسجيل: Always
الدولة: Advertising world
العمر: 2010
المشاركات: Many
|
|
|
|
منذ /24-12-2006, 11:27 PM
|
#122 | ||||||||||||||||||||
|
بنوتة new
|
ohhhh thanks my lover !!
|
||||||||||||||||||||
|
منذ /25-12-2006, 03:31 AM
|
#123 | |||||||||||||||||||
|
بنوتة مبتدئة
|
مشكوووره على الرووعه
|
|||||||||||||||||||
|
منذ /25-12-2006, 11:01 AM
|
#124 | |||||||||||||||||||
|
بنوتة عسولة
|
مشكووووووووووورة روووووووووعه البارتات
|
|||||||||||||||||||
|
منذ /25-12-2006, 03:03 PM
|
#125 | |||||||||||||||||||
|
بنوتة محلقة
|
عشااااان
|
|||||||||||||||||||
|
منذ /25-12-2006, 07:54 PM
|
#126 | |||||||||||||||||||
|
بنوتة محلقة
|
تكفين كملي ...
|
|||||||||||||||||||
|
منذ /26-12-2006, 04:38 AM
|
#127 | |||||||||||||||||||||
|
بنوتة مبتدئة
|
مشكووووووره على البارتين ،،،
|
|||||||||||||||||||||
|
منذ /26-12-2006, 12:08 PM
|
#128 | |||||||||||||||||||
|
بنوتة محلقة
|
اليوم إن شاء الله بكون طالعه من ابيت فإعذروني
|
|||||||||||||||||||
|
منذ /26-12-2006, 01:48 PM
|
#129 | |||||||||||||||||||
|
بنوتة محلقة
|
الجزء ال 22
. . . ...............بالوقت هذا وفي شقة العيال.......... الوليــد صحى العيال من النوم وبحيلة قال لهم أن أبو ابراهيم وعمه دقوا عليه يقولون له يبون يشوفون العيال اليوم..وبيتعشون سوا..ومجبرين العيال قاموا من النوم وصلوا.. والتقوا البنات والعيال في شقة ابو ابراهيم.. وضع ريــم كانت لا تحسد عليه كانت حتى مو قادرة ترفع عيونها عن الأرض.. فيــصل وهو حاب يحرجها شويه: ريامي أممم شكلك أحصيتي عدد بلاط الشقه ولاأناغلطان ريم: ابتسمت لـفيــصل وهي مو عارفة شترد عليه.. نهلا: الله يهداك يا فيــصل لا غلطان أكيد.. ريم تناظر الأرض صح بس مو تعد البلاطات هي تفكر بشيء ثاني أكيد ولا ياريم؟؟(( وتغمز نهلا بعينها)) ريــم: بكيفك أنتي وياه سووا اللي تبونه أنا بروح البلكونة.. ويوم تخلصون من تريقتكم الماصخة.. بروح السوق..((وقامت ريم للبلكونة وكان الضيق من مزحهم واضح عليها)) الوليــد: زين كذا ضيقتوا صدر البنت؟؟ فيـصل: وأنت شكو هي اللي ضاق صدرها ولا أنت يازينك ساكت بس.. ديمه: زين شرايكم تودونا السوق عشان ريـم يستاسع صدرها؟؟ الوليــد: آآآآخ منك أنتي تستغلين عطفنا عليها.. ديمه: بكييييييفك الخسارة لك يالحبيب الوليــد: زين شرايكم عيال نوديهم للسوق؟؟ فيـصل: أمممم يالله وش عليه نودي للسوق.. ابراهيم: فكرة مو شينة منها نوسع صدورنا ومنها نشوف لنا بدل,,,,, تخاوينا مـاجد؟؟ ماجد: اييييييه أكييييييد فيـصل يهمس لوليد: شجابه هذا لاحول ولا قوة إلا بالله مكتوب علي ماآخذ راحتي أبد بالسفرة الوليــد: عندي لك فكرة بدل الروحه لبكره يوم يكون هالرجال فك عنك!! فيـصل: أقووول عيال شرايكم نأجل الروحة لبكرة ابراهيم+ماجد: لا ليش بكره اليوم..بكره يمكن ننشغل نهلا: يحيا العدل هيييييييييه ابراهيم: زين يالخبلا نهلا دام انك مبسوطه كذه قومي نادي أختي وقولي لهاأننابنروح السوق نهلا: خبلا بعينك بقوم أناديها بس مو عشانك لأ عشاني أبي لها الخير الوليــد: لاااااااا خلك هنا بروح أنا أناديها... تسمح لي يا ابراهيم؟؟ ابراهيم: خذ راااحتك بس مومرة عبود: أحم أحم ماكأن ماكو أحد عزمني؟؟ فيــصل: أفااا أنت مايبيلك عزيمة بتعزم روحك خلقة؟؟ عبود: الله يسلمك الوليــد: بالأذن بروح أشوف ريــم.. واتجه الوليــد لريم في البلكونة..وأول ماأقبل عليها سمع ضحكتها استغرب من سبب هالضحكة القوية لكنه بعد مافتح الباب لقاها تكلم في الجوال..وقف وراها شوي يتسمع..كانت تقول.. _ والله من جد..حتى أنت لك وحشة..هنا الوضع يطفش حيل بالله عليك أحد يخطب بسويسرا؟ _ تصدقين أنا ولد عمي واللي وجهه بوجهي 24 ساعة توه يفطن يخطبني يوم جينا هنا؟؟ _ لا لسه ماأعطيت الموافقة أنا خايفة صراحة من هالكلمة.. _ لا والله ياأروى خايفة أعطيه الموافقة يكون حبه لي فقط طيش شباب وفترة وتزول..لا تنسين يا أروى أنه ماكد شاف بنيه من قبل وأنا طلعت له في حياته فجأة وأكيد وحدة وجهها بوجه وغريبه عنه أكيد بيميل لها.. وأخاف ماأوافق أخسر حب عمري!! ابتعد الوليــد شويه للخلف ومسح دمعة حارقة من عيونه وسوى حاله كأنه توه جاي تنحنح وقال: ريــم يالله بنروح للسوق لعيونك بس بنروح.. ريــم كأنها تلخبطت شويه وقالت لصديقاتها: أكلمك بعدين باي باي..والتفتت للوليد الوليــد: هاه شقلتي تروحين ولا لأ..ترى الروحه لك لو ماودك نأجلها.. ريــم: الوليــد أنت من متى وأنت هنا؟؟ الوليــد: ليييه ريــم أنتي خايفة من شيء؟؟((وعقد حواجبه وضيق فتحت عيونه)) ريــم بصوت متردد: لا مو خايفة من شيء بس أنت من متى هنا لأني كنت أكلم صديقتي بموضوع يخصها هي ماتبي أحد يدري فيه.. الوليــد: أهااا صديقتك اللي ماتريد أحد يدري فيه؟؟ لا أنبسطي أنا توني جاي ماسمعت شيء ريــم: زين ليه عيونك حمراء؟؟ الوليــد: هاااه عيوني حمراء أنا..يمكن لأني قبل شويه طخيتها بأصبعي.. ريــم: أشوى بس أنت طخيتها..تعيش وتاكل غيرها يالله نروح؟؟ الوليــد: نروح يالله تفضلي.. ريــم: لا بعدك تفضل أنت الوليــد: لا بعدك حلفت ابراهيم: أهووووه عليكم يالله واحد منكم يمشي كلهم رفعوا روسهم لفوق هاااااااااه أنت من متى هنا... ابراهيم: من يجي 10 دقايق يوم شفت الوليــد تأخر لحقته.. ريــم: وليد من متى كنت هنا؟؟ الوليــد: ماادري يالله بس خلينا نمشي..لا تروح الروحه عليك.. وتارطين مشت ريــم أمام ابراهيم و الوليــد.. همس الوليــد بإذن ابراهيم: فضحتني أنت ووجهك.. ابراهيم: ماأحد قال لك تكذب!!!الكذب حبله قصير.. رمت في روحها على الكنبه وهي تقول: أوه طلعت اليوم للسوق كانت خيال تجنن لينـا: صدقتي يا نهلا بس ريــم اليوم مأعجبتيني في السوق؟؟ ريــم: ليييه ماأعجبتك؟؟ ديمـــه: بما أنني ملقوفة بقول لك ليه.. ياأختي أنتي أول كنت في السوق تفنين بالذوق الجميل أما الحين شوفي مشترياتك أتحداك تلقين بلوزة تركب على تنورة ولا على بنطلون؟؟ ريــم: آه لأني كنت أشتري بلايز للكليه.. نهلا: بلايز للكليه بكم قصير وبدون أكمام؟؟اللي ماخذ عقلك يتهنى فيه فيــصل: الوليــد أنت اليوم في السوق مو وعجبني شفيك؟؟ الوليــد تنهد بقووووة وقال: اقعد يا فيــصل محتاج لك.. فيــصل: شفيك يا الوليــد تكلم؟؟ الوليــد: ريــم فيــصل: شفيها ريــم بعد؟؟؟ الوليــد: تصدق شاكه في حبي لها فيــصل: وأنت كيف عرفت؟؟؟ الوليــد: سمعهتها اليوم تكلم صديقتها وتقول لها((أحس حب وليد طيش شباب أنا أول بنيه يشوفها وأكيد بيحس بأنه يميل لها)) فيــصل: طيب أكيد هي ماكانت تقول الكلام من قلبها.. الوليــد: لا يا فيــصل هي تظن هالشيء هذا..هي قالت لصديقاتها أخاف أوافق يكون حبه فترة وتزول وأخاف ماأوافق أخسر حب عمري.... فيــصل: زين أثبت لها هالشيء تقدر تثبته لها بتصرفاتك معها بعدين هي تحبك صدقني ماتقدر تستغني عنك..وأنا واثق أنها بتوافق وأنكم إن شاءالله بتزوجون وترى أول ولد فيصل الوليــد: لا أول ولد عبدالله على عمي فيــصل: ولا صارت بنت؟؟ الوليــد: سارة على أمك فيــصل: أوهووووه طيب ثاني ولد الوليــد: هذاك الحين يكون أسمي اللي أبي ممكن أسمي سلطان مثلا وممكن ابراهيم وممكن فيــصل وممكن ماجد.. فيــصل ضحك وقال: تعجبني يالله خلنا نروح للعيال... الوليــد: الا على فكرة فيــصل ماتدري متى بنرجع للسعودية؟؟ فيــصل: والله أنا أسمع أبوي يقول بعد اسبوعين احتمال كبير نرجع للوطن تصدق حنيت له الوليــد: وأنا بعد حنيت له فيــصل: أوهوووووه بدينا بالتقليد.... الوليــد: زين البخ بس البخ.. ابراهيم: زييين اللي شرفتوا أنت وياه بدررررري فيــصل: من عمرك بس كنا ندردش أنا ويا هالحبيب شويه عبود: أقول الوليــد شصار على موضوعك أنت والعروس للحين ماأعطت موافقتها الكريمة؟؟ الوليــد: للحين والله بس أنت شدخلك مو كأنك جاي بالعرض؟؟ عبود: لا مشكلتي جاي بالطول أنا الكل يقول عني نحيف طويل الا أنت تقول عني عرض فيــصل: غلطان الوليــد وين عرض لا يكون هالضعيف هذا نحيف وممشوق القوام أجعد الشعر عسلي العينين ابراهيم: أسهمت بوصفه حييييييييييل يا فيــصل ماجد: أنا أقترح تسكت أنت وياه ونجي بالجد سمعتوا آخر خبر؟؟ الوليــد+فيــصل+عبود+ابراهيم: وشو آخر خبر ماجد: أبوي وعمي جاء لهم تلفون اليوم وقالوا ضروري نرد البلاد بسرعه وحجزوا رحلة على لبنان ومن لبنان للوطن.. عبود: واااااااي كشخة بنروح للبنان شقصتهم أبوي وعمي هالسنة كثير مشونا ماجد: ياربي ثبت علينا نعمة العقل أقول يالخبل مستعجل وهم مالقوا غير هذي الرحلة واضطروا ياخذونها لأنه ماكو رحلة للسعودية على طول..فهمت علي يعني كل اللي بتقعده بلبنان كله ساعات..فهمت والا اسهم لك بالتفهيم.. عبود: لا فهمت خلاص مشكوووووور.. ابراهيم: زين ماعرفت شالمكالمة هذي؟؟ ماجد:الافهمته أنها من الشركة وأبوي وعمي بان عليهم الضيق بعدها شكل الموضوع كايد.. ابراهيم: الله يستر والله غريبة.. الوليــد يهمس لفيصل: ياحظي التعيس.. فيــصل: هذا أكبر همك المشكلة شكلها كايده وأنت كل تفكيرك بمشاعرك؟؟ ابراهيم: زين بالإذن بقوم أنام ماجد: وأنا بعد بروح أنام تصبحون على خير الوليــد+فيــصل+عبود: وأنتم من أهله الله معكم.. عبود: وقفت علينا أنا بإذنكم بروح اطقطق عالنت شويه الوليــد: اذنك قصدي خشمك معك.. فيــصل: وقفت علي أنا وياك أنا بروح أشري أغراض من السوبر ماركت تجي معي؟؟؟ الوليــد: يالله شورانا خلنا نروح.. بس ببدل أول.. فيــصل: وأنا بعد ببدل 10 دقايق ونكون جاهزين وبعد ما تجهزوا..نزلوا للسوبر ماركت واللي كان قريب منهم وعلى رجولهم راحوا له.. وفي السوبر ماركت.... فيــصل: تصدق سوبر ماركت حقهم يذكرني بلندن الوليــد: أقوووول شرايك ناخذ لنا شكولاتات وحلويات ناكلها بالطريق؟؟وبالغرفة وبكل وقت فيــصل: بل دعاية هذي مسوي لي فيها كأنك تشور أنا أحافظ على رشاقتي روح أنت خذلك الوليــد: ياسلاااام توها تجي المحافظة على الرشاقة أقول بس تعال وياي نختار.. فيــصل: أمري لله يالله أختار مجبر ولست مخير!! الوليــد: تصدق حلوياتهم تحير ماأدري شآخذ.. فيــصل: أنا أقولك شتاخذ خذ شيء تكون عارف أنه مافيه منتجات الخنزير الوليــد: تصدق هالنقطة ناسيها تعال بآخذ هذا وهذا وهذا ريامي تحبه فيــصل: وأنا شأخذت لي؟؟ الوليــد: أمممممم بآخذ هذا وهذا لك..يعجبك ولا لأ؟؟ فيــصل: يعجبني الا مشكوووووور.. وبعد ماحاسبوا.. طلعوا من السوبر ماركت.... الوليــد: تصدق ماأحلاه الشارع بالهدوء.. فيــصل: صدقت والله بس أصلا هذا الطريق ماتجيه سيارات كثيره اللي يمشون فيه أكثر.. الوليــد كان ماسك الأكياس بين يدينه وظامهن لصدره ويمشي متقدم على فيصل وهو سرحان فيــصل كان يمشي ورى الوليــد وكان بينهم مسافه وكان يطالع الطريق وهو يقطعه.. انتبه فيــصل فجأة لسيارة جايه ومسرعه صوّت لوليد بينبهه لها بس وليد مارد كان سرحان تقدم فيــصل بسرعة لوليد وكان يبي ينبه الوليــد للسيارة الجاية وهو مسرع بخطواته.. وماحس الوليــد الا بصوت ارتطام شيء..التفت خلفه وماشاف غير دم ورفع راسه لقى فيــصل مرتفع بالهواء تقريبا على بعد متر من السيارة.. شهق الوليــد وصرخ: فيــصل ورمى الأكياس من يده وركض لـفيــصل وكان وقتها فيــصل طاح بالأرض صرخ الوليــد صرخة قوية..ورفع راس فيــصل من الأرض واسندها على يده.. وصار يكلمه..لكن فيــصل كان غايب عن الوعي ومو حاس بشيء تم يكلمه ويصوت له لكن فيــصل مارد عليه.. نزل سائق السيارة وطالع فيــصل لكن كان منظر فيــصل جدا سيء فما قدر لف ظهره وكلم على الإسعاف.. تجمهروا الناس حول الحادث..كان الوليــد يطالع اللي حوله ومو قادر يميز الوجيه كان مايشوف غير ضباب أمام عينه وينزل راسه على صدر فيــصل ويبكي بقوه.. سمع الوليــد صوت حشرجه من صدر فيــصل طق خد فيصل وكلمه لكن فيــصل كان يقول كلام ماقدر الوليــد يميزه كان رهبة الموقف أكبر من أنه يفكر شكان فيــصل يتمتم.. الوليــد مو عارف شيسوي كان حتى مو قادر يفكر ماكان يسوي غير أنه يصيح على صدر فيــصل..تلطخ راس الوليــد بالدم لكن مع كذه كان حاط راسه على صدر فيــصل... وجاء الإسعاف ينقل فيــصل..كان الوليــد حالته النفسية متدهورة ومو عارف شيسوي.. ولاهو عارف من يكلم ولا عارف وين يروح...وبما أن الحادث كبيركان الكادر الطبي كبير فماكفت سيارة الإسعاف الوليد فأضطر الوليــد أنه ياقف ينتظر لموزين يمر من المكان..التفت على المكان اللي صار فيه الحادث وحس برغبة بالبكاء لكن رجولته منعته من أنه ينزف دموع أكثر مما نزف..كان الدم منتشر بالأرض ومختلط الدم مع الأكياس مسك الوليــد راسه وكرر: إنا لله وإنا اليه راجعون.. .....: السلام عليكم.. الوليــد طالع الرجال وهو مو قادر يرد عليه ومو قادر حتى يميز وجه الرجال.. مسك الرجال يد الوليــد وقال له تعال أخوي خلني أوديك بسيارتي.. الوليــد أشر براسه بالموافقة..وكأنه للحين مابعد صحى من الصدمة.. وركب مع الرجال بالسيارة كان الصمت يخيم على السيارة ومافيه أي صوت غير صوت المحركات.. الشوارع كانت خالية وأضوائها خافته حس الوليــد بوحشه مو عارف شسببها ودموعه كانت على خده لكن من غير صوت..طالع الوليــد يدينه شاف دم يلطخ يدينه وقال بأسى وبصوت كله حزن : ليتها فيني ولا فيك يا فيــصل.. .......: استغفر ربك هذا قدر ومكتوب ومالك فيه يد.. طالع الوليــد الرجال وهو مو عارف شيرد غير برده: إنا لله وإنا إليه راجعون.. وصلوا المستشفى ونزل الوليــد بسرعة ولحقه الرجال..وصلوا لريسبشن كان الوليــد وده يتكلم ويسأل عن الحادث لكن حس كأن لسانه انلجم حس فيه الرجال اللي وياه فتكلم عنه وسأل الممرضه عن الحادث أجابته الممرضة بأنه وصل قبل شويه ودخلوه غرفة العناية من سمع الوليــد هالكلام الا وطار لغرف العنايه..أخذ الرجال رقم الغرفة ولحقه كانت الغرفة بآخر الممر..راح الوليــد للغرفة لكن الممرضات رفضوا أنه يدخل وقالوا له أن الدكتور عنده.. أصر الوليــد أنه يدخل لأنه حس أنه لازم يكون جنب فيــصل.. وبعد إصرار الوليــد على الممرضات وبعد موافقة الطبيب وافقوا أنه يدخل للغرفة ويقفل جواله..طلع من جيبه الجوال ورماه بالأرض وقال بس دخلوني..تكفووون الرجال مازال واقف عند الغرفة وساعة يحاول يهدي الوليــد وساعة كان يقنع الممرضة بأن الوليــد يدخل على فيــصل فلما رمى الوليــد جواله طمس الرجال وأخذه من الأرض.. دخل الوليــد على فيــصل كان فيــصل وكأنه جثة هامده مغطيه باللون الأحمر كان شكله يصعب على العدو..والأجهزة مو تاركة مكان واحد فجسمه.. طمس وليد راسه وتقدم لسرير فيــصل وحط يده على جبهة فيــصل وقال: لا باس ان شاءالله..وأجهش في بكاء عميق.. دخل الدكتور على الغرفة فمسح الوليــد دموعه بسرعة ورفع راسه المترجم: السلام عليكم أنا محمد المترجم حبيت أكون موجود أكون لك بالعون اذا واجهت مشاكل بالتفاهم مع الدكاترة.. الوليــد وهو مو حاس شقاعد يقول: طيب وش جابك؟؟ المترجم طايرة عيونه: أهاا قصدك من قال لي؟؟ الدكتور خبر السفارة وأنا من عند الملحق الطبي للسفارة.. الوليــد: لغة نعرف لغة أنت شعندك بالضبط المترجم: أكون عارف بالخطوات في مثل هالحلات الوليــد: تشرفنا وأنا الوليــد المترجم: هلا بك أخ الوليــد فيه أي أسئلة بتسألها الدكتور لتطمئن على حالة أخوك الوليــد ضحك ضحكة سخرية وطمس راسه وقال: الموضوع باين من عنوانه شتبيني أسأله؟ المترجم: لا ياأخ الوليــد قو إيمانك بالله مافي شيء بعيد على ربك.. الوليــد: مافي بعيد عليه سبحانه.. زين أسأله عن الحالة بشكل عام وترجم محمد السؤال للدكتور وبعد ماعرف الجواب التفت على وليد وقال له: الدكتور يقول وضع أخوك في حالة سيئة جدا واحنا بإنتظار الـ24 ساعة الجاية اذا استقر الوضع نقدر نقول ان شاءالله زال الخطر.. محمد: الدكتور يطلب منا الخروج من الغرفة يقول أن هذا يقلق راحة المريض ويطمئنك أنه هنا تحت المراقبة المشددة وان شاءالله بيكون بخير.. الوليــد: كم الساعة الحين؟؟ محمد: الساعة .0 يالله نكمل كلامنا برى الغرفة.. قام الوليــد والتفت خلفه شاف الرجال اللي قبل لحظات كان يشوفه مثل الحصان الآن هو جثة لا تشعر.. مسك يده وحبها وقال: ماقدامك الا العافية ان شاءالله يالغالي.. وخرج من الغرفة مع المترجم لقى الرجال اللي وصله للمستشفى يستفسر عن حالة فيــصل ناظره الوليــد وقال: وقال أنت مين؟؟ الرجال: أنا اللي نقلتك بسيارتي لهنا الوليــد: أهاا مشكور ماقصرت الرجال: أفا عليك بس الناس للناس والكل بالله ....((وأعطى الوليــد جواله)) الوليــد: ألف شكر.. الرجال: دق كذا مرة وأنت داخل الوليــد: زين طيب.. جلس الوليــد على الكرسي المقابل لغرفة فيــصل وأسند راسه للجدار.. محمد: زين أخ محمد أنا بروح أكمل إجرائات دخول المستشفى ممكن جواز الأخ المريض والفيزا؟؟ الوليــد: الجواز وينه؟؟؟؟ دقيقة من فضلك على ماأعتقد أن الجواز والفيزا بالشقة.. ومسك الجوال وهو كاره يدق على أحد مو قادر يقول له مثل هالخبر لأي كائن.. ..........: نعم شتبي الوليــد: هلا ابراهيم ابراهيم: يالله صباح خير شتبي داق على الفجور؟؟ الوليــد: ابراهيم مو وقته اسمعني.. فيــصل صار له حادث والحين أنا معه بالمستشفى ومحتاجين للجواز والفيزا عشان اكمال الإجرائات تعال بسرررعة ابراهيم: متى صارله الحادث؟؟ وكيف حالته الحين؟؟ الوليــد: مو وقته الحين بسرعه تعال أنا محتاج لأحد معي يا ابراهيم بسرعه تكفىىىى ابراهيم: مسافة الطريق بس وأكون عندك.. وسكر الجوال من ابراهيم ورجع لحالته السابقة مسند راسه على الجدار كان كل مايقفل عيونه يتذكر منظر فيــصل وهو في الهواء وفي وسط دمه.. كان يتمنى لو أن الوقت يرجع كان يفتدي فيــصل بروحه.. وأخذه تفكيره لبعيييد..ومارجعه للواقع الا صوت ابراهيم ابراهيم: ويييييييينك حفيت وأنا أدورك وليه ماترد على الجوال روعتني عليك يا شيخ.. الوليــد: ماسمعته جبت الجواز والفيزا؟؟ ابراهيم: ايه وطلعهن من جيبه الوليــد: عطهم هذاك الشخص اللي واقف هناك ابراهيم: وهالشخص من يكون؟؟؟ الوليــد: مترجم جاء من السفارة بسرعة عطه الأوراق اللي معك خله يكمل شغله ابراهيم: زين طيب خلاص.. وتقدم ابراهيم لمحمد وسلم عليه وبعد ماتعرفوا على بعض..أعطاه الأوراق وسأله عن حالة فيــصل وقال له محمد نفس الكلام اللي قاله له الدكتور.. ابراهيم: يعني الحالة سيئة للدرجه هذي؟؟ محمد: الصراحة ياأخ ابراهيم كله بيد الله.. ابراهيم: كيف يعني؟؟ كلم الدكتور أبي أدخل أشوفه محمد: ربك كريم فيــصل محتاج لدعواتكم أكثر من أنه محتاج أنكم تاقفون جنب سريره.. ابراهيم: الله يجزاك خير بس أبي أشوفه محمد: صدقني يا ابراهيم مو من مصلحة الكل هالطلب ابراهيم: طيب الله معك.. ورجع عند الوليــد وهو يردد: لاحول ولا قوة الا بالله ابراهيم: الوليــد كيف صار الحادث؟؟ كان الوليد مازال مسند راسه على الجدار غمض عيونه وكأنه يحاول يتذكر اللي صار وقال: ماادري ماادري يا ابراهيم أنا اللي أذكره فيــصل وهو طاير بالهواء والدم منتشر على الأرض... ابراهيم تهقى فيــصل يرجع مثل ماكان؟؟ ابراهيم: ربك كريم كله بيد الله قم نصلي دخل وقت الفجر الوليــد: طيب.. أهلي من يخبرهم باللي صار؟؟ ابراهيم: قم نصلي والصبح الساعة 7 يكونون أهلي قاموا نروح نخبرهم... الوليــد: يالله شهلا المسيكنة شبتسوي ابراهيم: شهلا؟؟شجابها الحين احنا وين وأنت وين؟؟ الوليــد: لا يا ابراهيم من صار اللي صار وأنا مو قادر أمنع تفكيري عن شهلا شبتسوي لا درت لا تنسى أنها مازال سنها صغير وأكيد ماراح تستحمل الصدمة.. ابراهيم: الله يتكفل فيها وفي فيــصل خلنا نصلي بس وندعي لـفيــصل.. قاموا العيال والتقوا مع المترجم عند البوابة وصلوا جماعة ورجعوا لمكانهم.. محمد: أنا من رأيي يا أخوان تروحون للشقة وترجعون الظهر وان شاءالله كل خير الوليــد: وين تبينا نروح ونخلي فيــصل بالحالة هذي أنا ماراح أتحرك من هنا محمد: صدقني وجودك هنا مثل عدمه روحوا للشقة ارتاحوا وبدلوا وطمنوا الأهل وأنا أول مايجد جديد بخبركم.. ابراهيم: مشكووور وماقصرت محمد: ماسويت أكثر من واجبي ممكن بس أرقام أقدر أكلمكم عليها اذا جد أي جديد؟؟؟ الوليــد: شعندكم أنتم ليه تدقون أنا بتم هنا ولا راح أتحرك من هنا الا لما أتطمن على فيصل ابراهيم: آآخ منك يا الوليــد معجبك شكلك ملطخ بالدم الحين؟؟ الوليــد: ايه ملطخ بدم لكن بدم الحبيب دم فيــصل دم الغالي.. ابراهيم: زين شوف نجلس هنا لحد الساعة 7 وبعدها نرد نخبر الأهل ونبدل ونرد هنا الوليــد ضحك ضحكة استهزاء وقال: يصير خير لحد الساعة 7 وبينما هم واقفين الا ويقبل عليهم فوج هائل من الممرضات والأطباء واتجهوا لغرفة فيــصل الوليــد: فيـ ــ ــ ــصل شفيه؟؟؟ المترجم تقدم بسرعة ومسك احد الممرضات على جنب وسألها ردت رد مختصر وسريع.. ابراهيم: شتقووول الممرضة؟؟ محمد: الصراحة تقول أن الحالة ازدادت خطورة والأطباء الحين بيشفونها.. الوليــد قام على حيله وقال: وتبوني أترك فيــصل بعد..يااارب رحمتك وقفوا العيال عند غرفة فيــصل وكان الخوف والقلق مبين في عيونهم..والعبرة تطقطق في حلق كل واحد منهم خاصة وأن رهبة الموقف مو مخليتهم يفكرون في شيء غير حال فيصل ................................ رمى نفسه على الكرسي ووضع راسه بين يدينه وبكى لكن أي بكاء بكاء من قلب وراح فيــصل من بين يديني.. فيــصل تركني تركني للأبد.. مكتوب علي أعيش وحيد.. آه يا فيــصل ليتها فيني ليتها فيني ... ليتها فيني يارب خذني الى حيث أخذت فيــصل.. ابراهيم: إنا لله وإنا اليه راجعون اذكر رربك يا الوليــد مكتوب ومالنا فيه يد ادع له بالرحمه الوليــد: تدري كيف فقدت أعز ناسك بين يديك وأنت مو قادر تسوي شيء؟؟ تدري كيف تفقد أخوك بالدنيا... تدري كيف؟؟؟ ابراهيم أحس أني بختنق... محمد: اذكر ربك يا وليد مايجوز لك ترحم عليه ادعي له بالرحمة مايجوز اللي تسويه الوليــد: الله يرحمك يا فيــصل الله يرحمك.. مسك ابراهيم يد الوليــد وطلعوا من المستشفى...كان الوليــد في حالة يرثى لها... وبعد ماوصلوا الفندق اتجهوا على طول الى شقة ابو ابراهيم..لكن من له نفس يخبر أحد بالخبر السيء على الصبح.. وصلوا باب الشقة طقوا الباب وفتح لهم ابو ابراهيم.. ابو ابراهيم: بسم الله عليك يا وليد شفيك شالدم هذا؟؟ الوليــد: ياليته فيني بس مو فيني ابو ابراهيم: في مين أجل.. ابراهيم: يبه ندخل قبل لا نتكلم.. ابو ابراهيم: اييه أكيد دخلوا وقابلتهم أم فيــصل بسؤال شفيك يا وليد؟؟ بسم الله عليك عسى ماشر أنت عريسنا عاد الوليــد: أي عريس أي عريس؟؟ ابو ابراهيم: الحين ممكن تفهموني السالفة؟؟ ابراهيم: خاله أم فيــصل مشتهين من ايدك قهوة على الصبح.. حست أم فيــصل أن ابراهيم يبغى يكلم أبوه بس.. قامت وهي تقول الله يستر..الله يستر ابو ابراهيم: شفيكم قلقتوني عليكم؟؟ ابراهيم: يبه ماادري من فين أبدأ ولا من فين أنتهي ابو ابراهيم: من النهاية يا ولدي هاتها ابراهيم تنهد بقوة ورفع راسه فوق وقال: يبه من حيث أنتهى بـفيــصل فيصل يطلبك الحل.. ابو ابراهيم يطالع وليد وكأنه يبي وليد يكذب الخبر..لكن عيون وليد أكدت له الخبر.. ابو ابراهيم: مسح دمعته ومافي أقوى من أنه يفقد ولده يفقد ولده بين عشية وضحاها..يفقد سنده بالحياة.. حس كأن اللي صار سكين طعنه في صدره وسكت فترة يفكر بالصدمة اللي صارت له.. حس أن الدنيا أظلمت بعينه .. وبعد لحظة صمت.. كيف ووين؟؟ وليش توكم تقولون لي؟؟ تكلم الوليــد: مابغينا نزعجك ياعمي صار لـفيصل حادث الفجر وتوفى قبل ساعة تقريبا ابو ابراهيم: تزعجوني كيف تزعجوني حرمتوني من السلام على ولدي بلحظاته الأخيرة ياليتكم أزعجتوني ولكني شفت ولدي ياليتكم... الوليــد: بس ياعمي بس تكفى لا تقطع قلبي أنا خلقة متقطع قلبي عليه.. ابو ابراهيم: اليوم طيارتنا للبلاد على الساعة الفجر وماأبي الحريم يدرون بأي شيء والخبر بيني وبينكم وبين عمكم مفهووم والجثمان ينقل ان شاءالله... الوليــد: زين شنقول لهم لا سألونا عن فيــصل ابو ابراهيم: قولوا لهم فيــصل صار له حادث وبينقلونه بطيارة المستشفى الخاصة للوطن.. ابراهيم+الوليــد: ان شاءالله ابو ابراهيم: الحين روحوا بدلوا وتجهزوا للسفر وبشوف لنا واسطة يكملون فيها الإجراءات بسرعة والله يرحمك يا فيــصل الوليــد: لا يبه أنا ماراح أتحرك من هنا الا وجثمان فيــصل معنا.. ابراهيم: وأنا بعد.. ابو ابراهيم: اذا طولنا الجلسة بتصر أمه وخواته يشوفونه وحنا ماودنا نضيق صدرهم هنا مافيه غير عمكم يروح مع الأهل للوطن وإحنا نتم هنا لحد مانكمل الإجراءات... ابراهيم: لكن مصيرأهلي يدرون الحين ولا بعدين.. ابو ابراهيم: بتفق مع عمكم يخبرهم بعد مايصلون للوطن ويرتاحون لكن عمكم مايقدر يواجههم في الخبر لحاله بحاجه لك يا ابراهيم تكون معه وانا ووليد نكفي هنا ابراهيم: ان شاءالله.. الوليــد: طيب ياعمي كم يبغى له نقل الجثمـــ((وهنا دخلت أم فيــصل))لفق الموضوع الوليــد وقال كم يبيله النقل بالطيارة الخاصة.. ابو ابراهيم: الصراحة أنا جاهل بالأمور هذي أم فيــصل: شفيييييييييكم؟؟ ابو ابراهيم: زين أنك سألتي طيحتي عني نصف المشوار.. أم فيــصل: زين شفيه طيحتوا قلبي ابو ابراهيم: أنتي حرمة عاقلة وفاهمة وتؤمنين قضاء ربك وقدره فيــصل صار له حادث والحين هو بالمستشفى.. أم فيــصل وقفت على حيلها: شتقووول أنت؟؟ الوليــد: ياخاله كل أمر ربك والله أراد له هالشيء... حست أم فيــصل كأن الدنيا تلف فيها..وماعادت تحس باللي يصير حولها.. ابراهيم: خاله خاله وصار يطق خدها ويناديها خاله.. الوليــد: مسكينة هذا وهي مادرت باللي صار صدق داخت أجل لو تدري شيصير فيها ابراهيم: وليد مو وقته الحقنا بسرعة بعطر تلفت حوله ومالقى غير منديل معطر فكه من القرطاسه..ومده بسرعه لابراهيم ابو ابراهيم: كان مابين يدافع عبراته على ولده ومابين تفكيره السارح ولكنه جمد شوي وقال: بسم الله عليك ومسك يدها وهو يحاول يصحيها ابراهيم أخذ المنديل وحطه عند أنفها لحد ماصحت من الدوخة.. أم فيــصل: فيــصل شفيه؟؟ياويلي على ولدي ابو ابراهيم: ولدك مافيه الا العافيه أم فيــصل: أبي أشوفه الحين الحين ابو ابراهيم: فيــصل مافيه الا كل خير بس حادث وممنوعه الزيارة عنه..واليوم ان شاءالله بتردون للسعودية وكلها كم اسبوع ونلحقكم أنا ووليد و...و... فيــصل أم فيــصل: لا ماأرد الا مع ولدي ابو ابراهيم: أنتي ياأم فيــصل وراك مسئوليات ومايصير تتركينها ولازم تردين واحنا بنلحقكم أم فيــصل: مدري ليه بس أحس أني مو مطمئنة لكلامكم.. ابراهيم ولدي قل لي الصدق ابراهيم: هذا الصدق ياخالة أم فيــصل نقلت عيونها بين الوليــد و ابراهيم وابو ابراهيم وهي تقول: أحس أنكم تكذبون بس بجاريكم وأمري لله.. الوليــد: تنهد بقوة وقال: عن أذنكم بروح أتسبح وأبدل.. ماكان عارف شاللي يخيليه بالوقت هذا يقوم يتسبح لكن كان كل ظنه هو الهروب من الواقع اللي انحط فيه الوليــد وهو أنه يفقد صاحبه وأخوه وصديق عمره ويفقده للأبد.. مشى الوليــد بخطى ثقيله لغرفته مثل ماكان الوقت يمر عليه ثقيل.. كان يفكر بحياته وكيف راح يلقى للفرح طعم من بعد فيــصل كيف بيعيش حياته.. و فيــصل اللي كان يرافقه بحله وترحاله الحين مو قادر يسمع حتى صوته.. راح فيــصل لكن بقت له السيرة الحسنة اللي تركت انطباعها على الجميع..وأثناء ما الوليــد يمشي مر من غرفة البنات.. التفت للغرفة بأسى ماكان عارف شسببه لكنه أدرك فيما بعد أن الأسى هو أسى على حال شهلا لادرت أو يمكن أسى لحاله قبل كل شيء.. مشى بطريقه وكأنه يمشي بطريق طويل مو عارف له نهاية والوجيه كأنها أول مرة يشوفها.. وقف عند باب غرفة العيال..سمع صوت منادي.. …….: M.S can I take garbage طالعه الوليــد بنظرة متفحصه.. أدرك أنه عامل النظافة.. لكنه اكتفى بالصمت ودخل الغرفة ........................................ .......... .. فتحت عيونها مفزوعة وصرخت صرخة دوى صداها بالغرفة.. *********** الجزء ال 23 . . . ريــم: بسم الله عليك(( وقامت تركض لسرير شهلا)) لينـا واللي كان سريرها الأقرب لسرير شهلا .. مسكت جيك المويه وصبت لها كاس ومدت الكاس لها وهي تسمي عليها وتقول: شفيك بسم الله عليك.. شهلا مسكت كاس المويه بيد ترتجف خوف وقربتها من شفايفها ورشفت منها رشفة.ماأدري حلمت كابوس مايطمن بـفيــصل... أخاف فيه شيء بس؟؟ دقوا على الوليــد ريــم: لا يابنت الحلال هذا أكيد أنك مثقلة البارحة ونمتي وأنتي تفكرين بفارس أحلامك شهلا: لا يا ريــم فيــصل فيه شيء فيه شيء لينـا: تفائلي بالخير أنتي ووجهك.. شهلا: صدقوني اللي أنا شفته مايبشر بخير..((ومن غيرحيلها صارت تبكي)) ريــم صعب عليها حال شهلا قامت ومسكت جوالها وقالت عشان أريحك بدق عليهم.. لقت ريم في جوالها مسج جديد فتحت المسج ولقته من فيــصل.. ضحكت والتفتت على شهلا وقالت شفتي يا شهلا لاقلت لك فارس أحلامك مافيه الا العافيه..كاهو مرسل لي مسج شحلاته.. شهلا: ريم المسج مو دليل دقي عليهم تكفيييين يمكن يكون أرسل المسج بالليل ريــم: فعلا وقت الإرسال الساعة 1.55 بس بدق عشان تطمئنين.. دقت على جوال فيــصل ودق لآخر دقه ماأحد رد.. شهلا: شفتي فيه شيء.. لينـا: آآآخ منك تفائلي بالخير يعني ماتعرفين نوم فيــصل؟؟ لو عنده قنابل ماقام شهلا: لا طيب دقي على الوليــد ريــم: بدق وأمري لله... ودقت على جوال الوليــد لكن الجوال كان مقفل..حست بالخوف لكنها حبت تبعده عن البنات ريــم: الوليــد عادته يقفل الجوال قبل ينام.. شهلا: يا ريــم على مين تقولين هالكلام أنا اللي أعرفه الوليــد مايقفل جواله الا اذا بغى يبدل الشرايح دقي على ابراهيم فيــصل أكيد فيه شيء دقت ريم على ابراهيم وبعد طول انتظار رد عليها ابراهيم.. ابراهيم: هلا ريــم: صباح الخير.. ابراهيم: هلا ريــم: أنت ماعندك غير هلا؟؟(( بالوقت هذا شهلا كانت ميته قهر وتشر لها عشان تسأله)) ابراهيم: هلا شتبيني أقوول؟؟ الحين ممكن أفهم شتبين داقه على الصبح؟؟ ريــم: زين أكلتني بقشوري ابراهيم شفيه صوتك متغير؟؟؟؟؟؟؟ ابراهيم: هاه صوتي متغير صدق؟؟ يمكن؟؟ بداية انفلونزا ريــم كانت بقلبها تقول أنا أعرف صوتك عدل واللي معك مو بداية انفلونزا كان ودها تسأله عن اللي فيه لكن ماحبت تزيد النار اشتعال بقلب شهلا وتصدق شكوكها.. ريــم: أممم ياولد الحلال شهلا صجتنا تقول أنها حلمانة كابوس بـفيــصل وأنه فيع شيء ابراهيم: هاااه مين فيــصل؟؟؟ شهلا؟؟ هو يعني؟؟بس لا هو مافيه الا كل خير هو.. وحاس أن العبرة خانقته لكنه تدارك الموضوع وقال... هو نايم.. ريــم: اهااا الحمد لله أن مافيه الا كل خير..(( لكن حست أن قلبها يقول كلام ثاني والدليل لعثمة ابراهيم وصوته المتغير..)) ابراهيم: طمني شهلا وقولي لها ترجع تنام فيــصل مافيه الا الخير ان شاءالله..بخاطرك ياريم ريم: الله معك...وقفلت الجوال من أخوها وهي وكأنها مومصدقة وهواجيسها تروح وتجي فيها..وقلبها نغزها لكن تحملت على روحها..وابتسمت لشهلا وهي تقول: ارتحتي؟؟ شهلا حطت راسها على ركبتها وهي تقول: لا ماارتحت ماارتاح حتى أشوف فيــصل أمامي ريــم: زين نامي بس نامي والظهر أكيد بنشوفهم في شقة أبوي..ان أراد الله شهلا.. مسكت غطاء سريرها وغطت فيه وجهها.. لينـا رجعت لسريرها مع أنها كانت خايفة على شهلا لكن كانت رغبتها في النوم أكبر من أنها تفكر في شهلا..بحيث أنها أول ماحطت راسها على مخدتها نامت ريــم رجعت سريرها وكأنها بتنام لكن تفكيرها كان مشغول بحال ابراهيم وقت ماكلمته صوته ماأعجبهاولعثمته بالكلام أكدت لهاأنه في شيء ماحاصل بالموضوع..بس ماحبت تقلق شهلا .............. وفي شقة أبو ابراهيم............... ابو ابراهيم كان أغلب الوقت سرحان والحزن واضح عليه وهذا اللي زاد شكوك أم فيــصل بالوضع.. لكنها أحتبست كلماتها وعبراتها بحلقها.. ابو ابراهيم: يقطع الصمت: عن أذنك ياأم فيــصل بطلع بره أم فيــصل: ويييييييييييييييين؟؟؟ ابو ابراهيم: لا بس بروح أشم هواء..بالحديقة أم فيــصل: أجي معك؟؟؟ ابو ابراهيم: لاا خلك هنا لاجاء أخوي وزوجته تكونين موجوده.. طلع ابو ابراهيم من الشفة وهو حاس أنه مخنوووق لكن ماكان قادر يفك هالشحنة عند زوجته.. وفعلا مشى للحديقة كان كل شاب خليجي بعمر فيــصل يلفت انتباهه والمنطقة اللي هم كانوا ساكنين فيها كانت كلها خليجيين.. جلس على كرسي الحديقة وكان مبحر في تفكيره لبعيد.. اللهم لا اعتراض على قدرك..اللهم لا اعتراض على قدرك.. مالله أراد لك يا فيــصل حياة بدنيتك لكن الله أراد لك حياة في وسط قلوبنا.. مسح دمعته.. كانت دمعه حارقة ودمعة الأبوه مالها مثيل دمعة حنان..حزن.. دمعة حنين.. تنهد بقوة ورفع عينه للسماء.. نقل بصره بين الموجودين بالحديقة اثاره شاب في عمر فيــصل أو أكبر شوي كان يلعب مع اخوانه كورة.. وفجأة ودون أي سابق انذار.. كانت الكورة اللي يلعب فيها الولد عند رجوله.. مسك ابو ابراهيم الكورة بقوه ورماها بالجو وكأنه طلع كل شحنة الغضب والقهر اللي في صدره على هالكورة...وتم يذكر الله ويقول الموت حق.. وصورة فيــصل ماتفارقه لحظة وحدة.. ........................................ .......... ......................... وقف وهو حاس أن الأرض مو قادرة تشيله.. توجه لسرير فيــصل.. الحنين رجعه للسرير جلس عليه تذكر صاحب السرير واعتصر قلبه له.. .......: اذكر ربك هذي حال الدنيا حيا وموت.. الوليــد: حياة وموت ايه نعم حياة وموت.. تعلمني يا ابراهيم وأنا أكثر من واجه معناة من الموت.. ابراهيم ليه أنا كل ماتعودت على شخص وحبيته مات؟؟؟ ليه أنا اللي أفقد أهلي وأنا حتى سن التمييز مابلغته.. ليه أنا بس اللي بعد ماتعلقت بسلطان.. الله أخذ أمانته.. ليه بعد ماأحب فيــصل وأحسه أكثر من أخوي .... يروح و....(( وهنا قاطعه ابراهيم.. بس يا الوليــد لا تكمل.. لاتكمل... لاتظن أنك وحدك اللي قاسيت من هالنقطة.. نسيت ياوليد أننا كلنا عانينا من هالشيء؟؟أنا فقدت أمي.. وفقدت سلطان من قبل والحين أفقد أخوي فيــصل وليد النار اللي تكويك تكويني.. واللي جاك كله جاني.. لكن مالي على حكم الله اعتراض استغفر ربك.. الوليــد: استغفر الله استغفر الله...وكانت دموعه مغرقة عيونه.. ........................................ .......... ............................ ابو سلطان: متى صار هالشيء وكيف وليه توك تقول لي.. ابو ابراهيم: أنا مادريت الا قبل 4 ساعات... لكن الله أراد وأخذ أمانته.. ابو سلطان: لاحول ولاقوة الا بالله العلي العظيم.. شبتسوي الحين؟؟ ابو ابراهيم: والله مادري وأنا أخوك اليوم بالطول بالعرض لازم تردون البلاد وأنا ويا الوليــد بنتم هنا نكمل الإجراءات لكن بعد ماتردون البلاد وتستريحون تجمعون البيتين في بيتك وتخبرهم بالخبر يمكن يكون الوضع أنسب من هالوضع.. ........................................ .......... ............................ ريــم: بنااااااااااااااااااات اصحوا يالله أبوي دق علي وطالبنا ضروري الحين.. شهلا: فيــصل فيه شيء؟؟ ريــم: تفائلي بالخير ماادري بس طلبنا وبالضبط ماادري شعنده الحين نروح له.. ديمـــه: ياخبر اليوم بقروش بكره ببلاش.. نهلا: لايكون نيته نرد البلاد والله أعجيتني الجلسه وماودي أرد.. وبسرعة لبسوا حجاباتهم وانطلقوا بسرعة الريح لغرفة ابو ابراهيم..وعند الباب قابلوا الوليــد... ديمـــه: احم احم نحن هنا السلام لله.. نهلا: لا الولد رااايح فيها تفكيييييييير طالعهم الوليــد بنظره سخرية ودخل الغرفة وهو يقول.. ادخلوا داخل ابوي طالبنا.. ماجد: ارفق على البنات أنت؟؟ الوليــد اكتفى بالصمت وهو يقول بينه وبين نفسه والله مو داريين في اللي بقلبي... ابو ابراهيم: زين جيتوا بالوقت نفسه...الصراحة أنا جامعكم كنت بقول لكم((وهنا شهلا قاطعته وقالت فيــصل ويييييييييييييينه؟؟؟)) ماجد: ايه صدق وين فيــصل ماشفته اليوم.. ابو ابراهيم: فيــصل صار له حادث.. ونقل للمستشفى.. شهلا صرخت بقوه وقالت تكذبوني لا قلت لكم قلبي يقول أن فيــصل فيه شيء.. تكذبوني.. ريــم مسكتها وجلستها على الكرسي وهي تقول خلينا نسمع اللي يقول ابوي شهلا جلست وهي تصيح وتقول اعذرني ياعمي.. ابو ابراهيم: ماتنلامين يابنتي.. ديمـــه: طيب كيف حالته اليوم..؟؟؟ ابو ابراهيم مابغى يأملهم لكنه قال: حالته الصحية ماتبشر بخير فيــصل محتاج لدعواتكم.. الكل كان مبين عليه الشدوه والإستغراب والحزن بنفس الوقت عدى ماجد اللي كانت انفعلاته بارده جدا.. ابو ابراهيم يكمل كلامه: اليوم أنتم بتردون البلاد وأنا ووليد بنتم هنا نكمل إجراءات نقل فيــصل والله يدبر اللي فيه خير.. الكل كان يرقب ردة فعل شهلا.. كانت دموعها على خدها والبنات حولها يواسونها ويطمنوها بكل خير.. تنحنح الوليــد بقوة وقرب من شهلا وقال: شهلا لو فيــصل معنا ماكان خلى دمعه وحدة تسقط من عينك.. ريــم: ايه صح الوليــد ممكن تجيب لها ماء؟؟ الوليــد طالعها باستغراب بس قام من مكانه منقاد لأوامرها وراح للمطبخ.. ردة فعل ريــم خلت اللي حولها يستغربون من تصرفها.. ريــم جلست على الكرسي وأرخت عضلاتها شويه.. الوليــد جاب الماء لشهلا ومدها لها.. ابو ابراهيم: الحين تقدرون تروحون تجهزون أغراضكم.. السفر اليوم الساعةالليل.. تفرقت المجموعه..والكل لغرفته يكمل شغله ويجهز أغراضه.. ........................................ .......... ..............في غرفة البنات................. شهلا من جت رمت في روحها على سريرها وراحت بنوبة من البكاء.. وباقي البنات كانوا يجهزون الأغراض.. وتكفلوا بضف أغراض شهلا... ريــم بعد ماانتهت من ضف أغراضها جلست على الكرسي الوحيد في البلكونه وأعادت شريط اليوم..من بداية اليوم الا أن وصلت بعد أن خبرهم أبوها بحادث فيــصل وبالذات الموقف لما كانت شهلا تبكي وبعد مابغى الوليــد يهديها حاولت أنها تصرفه.. حست بتفاهة موقفها وفسرت أنها يمكن تكون غيرة.. ممكن أنها تعودت أنها تكون محط اهتمامه وبعد ماوضح اهتمامه في شهلا حست بنار الغيرة.. سمعوا البنات صوت طرق على الباب... ريــم: ميييييين؟؟؟؟ .....: أنا الوليــد افتحي جهزتوا الشنط؟؟؟ ريــم فتحت الباب وهي تقول ايه ونزلناها تحت.. الوليــد: زين يالله نوديكم المطار.. ريــم: طيب دقايق أكالم البنات الوليــد: ريــم اصبري شهلا شأخبارها؟؟ ريــم ناظرته من فوق لتحت شهلا بخير.. الوليــد حس أن ريــم تغار اذا الوليــد سأل عن شهلا..لكن مع كذه حس بالفرح لأنها تغارعليه ودقايق وكل البنات كانوا متجهزين.. نزل الوليــد معهم للدور اللي تحت بحيث تجمع الكل وراحوا ابو ابراهيم ووليد يودعونهم في المطار... وفي المطار وبعد ما حطوا كل الشنط ومابقى غير أنهم يركبون الطيارة.. الوليــد: ريم بغيتي شيء أجيبه معي وأنا جاي؟؟ ريــم: أشرت براسها لأ.. الوليــد: عالعموم لو بغيتوا شيء..دقوا علي خبروني.. ريــم: طيب ان شاءالله بس حط بالك على روحك زين.. الوليــد: ان شاءالله.والتفت الوليــد للجهة الثانية وهو يقول: أكره لحظات الوداع.. وأخاف من سيرة الموت.. واللي عانيته منه شويه؟؟ ريــم: تقول شيء؟؟ الوليــد: سلامتك أقول الله يجيبنا لكم بالسلامة.. وبعد ماابعدت ريــم شوي وكان الوليــد باقي على وقفته يطالعها وهي تبعد عنه حتى اختفت بين الجموع..حس بحركة خلفه وقبل مايلتفت.. ضرب ابراهيم على كتف الوليــد وهو يقول: الوليــد شد حيلك البقاء براسك.. الوليــد: والله يا ابراهيم الحياة بتكون صعبة ومن المستحيل أتعود عليها من غير فيــصل الله يرحمه ابراهيم: الحياة بتكون علينا كلنا صعبة لكن تذكر ياوليد الحزن محله في القلب.. الوليــد: صدقت.. يا ابراهيم ولف عليه وضمه بقوة.. ماجد: احم احم مالنا حق من هالضم؟؟ الوليــد لف عليه وضمه وحبه.. وللمرة الأولى الوليــد ضم ماجد من قلب..ماكان يدري شالسبب اللي خلاه يسوي كذا.. وودعوا ابو ابراهيم ووليد الأهل ورافقوهم حتى ركبوا الطيارة.. وردوا وليد وابو ابراهيم سلموا الغرف و أخذوا لهم غرفة في مكان ثاني قريب من السفارة.. وبعد ماأخذوا لهم راحه.. وهي بالأصح مو راحة الا هي خلوة اختلى كل واحد في روحه وصار يفكر باللي صار واللي بيصير... تفكير وليد وابو ابراهيم كان مشغول بنقل الجثمان والحياة الجديدة من دون فيــصل.. فيــصل اللي كان مثل البلسم للجميع مالي البيت بخفة دمه.. ابو ابراهيم: وليد دقوا علي الملحق الطبي للسفارة ويبونا نجي نكمل الإجراءات وأنا شفت لنا واسطة بحيث نخلص من الموضوع بأسرع وقت ونرجع للوطن ندفن.. فيــ ـ ـ ـصل((وخنقت العبرة ابو ابراهيم وصار التغير في صوته واضح لكنه مع كذه كان يداري دمعته)) الوليــد تنهد بقوة: ان شاءالله نروح الحين بس أبدل دخل الوليــد غرفته.. قرب من شنطته بيفتحها وتذكر أغراض فيــصل.. طلع يركض لأبوه الوليــد: عمي أغراض فيــصل شسويتي فيها؟؟ ابو ابراهيم: أغراض فيــصل سبقتك للسعودية.. شهلا كانت منسدحة على جنبها بفراشها وتفكر في عالم آخر ودموعها على خدها.. أم سلطان: شهلا حبيبتي مايصير اللي تسويه بروحك قومي كولي لك شيء كذا أنتي تضرين روحك.. شهلا: يمه خليني تكفييين روحي عني.. أم سلطان: لا مابخليك وأنتي بالحالة هذي يابنيتي هي كذا الدنيا حيا وموت الدنيا ياابنيتي ماتصفي لحد أمس تكونين في قمة السعاده اليوم تصيرين في قمة الحزن والعكس.. ياابنيتي أنتي بعدك صغيرة والحياة قدامك طويله مايصير تظلين حابسة روحك طول عمرك.. شهلا: يمه تدرين كيف يعني أفقد فيــصل؟؟؟ فقد فيــصل هو موت في عز الشباب.. أم سلطان: لا يابنيتي لاتقولين كذه أنتي بعدك صغيرة والحياة أمامك.. شهلا: يمه أنا مالي حياة بعد موت فيــصل.... مفارق فيــصل للدنيا تعني موتي.. كيف تبيني يمه أحيا من دونه؟؟ أم سلطان: لا يا شهلا لا أسمع منك هالكلام ثانية تكفين.. شهلا قامت قعدت على حيلها.. وصارت تصفق خدودها وتقول: مالي حياة بعد فيــصل مالي حياة بعد فيــصل... أم سلطان على طول سحبت كرتون حبوب التهدئة وأعطتها حبها ومدت لها كاس مويه... ضربت شهلا كاس المويه بالأرض وقال: ماراح آخذ هالحبوب وبأظل مجنونة مجنونة دام أني فقدت فيــصل أنا من بعده مجنونة وللأبد بعد.. مسكتها أم سلطان وضمتها لصدرها وبدت تقرأ عليها قرآن... وسبحان الله بسرعة هدت شهلا وظلت تبكي على صدر أمها... وأمها مواصلة قراية القرآن حتى هدت شهلا ونامت على صدر أمها..ردت أمها راسها لمخدتها وطلعت من عندها.. نهلا: يمه شأخبار شهلا؟؟ أم سلطان: والله ماادري حالتها المسكينة كل مالها وهي تدهور أكثر مو راضية تاكل ولا تشرب ولاتاخذ الحبوب والله عجزت عنها.. ماغير تبكي.. وانسحبت أم سلطان من عند نهلا وهي تمسح دموع ألمها على حال بنتها.. تنهدت نهلا بقوة.. كان ودها لو أنها تقدر أنها تشيل هالحزن اللي في قلب أختها وتقطه في البحر.. اتجهت لغرفتها وشالت فراشها وراحت تحطه عند فراش أختها.. انسدحت على الفراش وهي تطالع شهلا اللي كانت نايمه لكن ملامح وجهها مبين فيها التعب والإرهاق.. وأول ماغمض جفنها بتنام... صرخت شهلا: بررررى اطلعي برىأنا مو طفلة عشان تجين تنامين معي فزت نهلا على حيلها وهي تقول: لا محشومة ماانتي طفله بس أنا حسيت أني اشتقت لك من زمان عنك.. قلت أجي أنام عندك بالقليل لاصرت ماأسمع سواليفك أشوفك.. ارتاحت شهلا بعد ماقالت نهلا هالكلام .. رجعت لفراشها وانسدحت وهي تقول: نهلا لا تلوميني لكن فرقى فيــصل صعبة.. نهلا: الله يلوم اللي يلومك.. ماألومك أنا ياشهلا وعمري ماراح ألومك.. شهلا: حتى أنا يانهلا محتاجة أسولف مع أحد مثل الأول بس أحس أني مو قادرة أحس أن الفرح ماعاد له مكان في قلبي.. قلبي من بعد وفاة فيــصل هو مكان للحزن وبس.. نهلا: لا أسمع منك هالكلام ياشهلا مهما كان حبك لـفيــصل ومهما وصلتوا درجات العشق أكيد بيفرقكم الموت سواء طال فيكم العمر أو قصر.. ((وكل نفس ذائقة الموت)) ياشهلا.. وهذي سنة الله في خلقه وهذي حكمته.. ادعي ربك ياشهلا انك تلتقين فيه في دار الخلد.. شهلا: آآآآآمييين يارب... نهلا قامت غطت شهلا وقال لها... تصبحين على خير.. ........................................ .......... .................................. أم فيــصل من بعد مادرت أن ابو ابراهيم ووليد بياصلون بكره والصلاة على فيــصل العصر وهي معفوسة فوق تحت... حاسه أنها ماراح تقدر تواجه العزاء واللي بيعزونها بنظر عيونها ريــم ماكانت تدري هي تفرح هي تحزن هي تبكي هي تأسى كانت متذبذبة لكن الأكثر كان احساسها بالحزن وكيف بتفرح برجعة الوليــد وهي لاتذكرت سبب تأخره عنهم زادها هم.. ديمـــه كل دقيقه عن الثانيه يزيد حزنها على توأمها اللي طلعت للحياة معاه وكانت تظن أنه بيظل معاها لآخر الحياة وبيفارق الحياة معاها.. ........................................ .......... ........................................ .......... ................ ابراهيم: نورت السعودية بوجودكم.. ابو ابراهيم+الوليــد: منورة بنوركم.. ابو سلطان: يالله ياخوي على ماتاصلون بيتكم وتبدلون وتاكلون لكم شيء يكون أذن العصر ابو ابراهيم: يالله ياعيال يالله يمدينا.. ابراهيم: يالله توكلنا على الله ابو سلطان: أنتم روحوا وأنا بكمل أجراءات استلام الجثة وأنقلها للمسجد والوعد هناك.. ابو ابراهيم: ان شاءالله..توكلنا على الله.. وبعد ماوصلوا العيال+ ابو ابراهيم البيت نزل الوليــد وابو ابراهيم من السيارة.. و ابراهيم راح يلبق السيارة في القراج على يمين باب المدخل.. وقف الوليــد يطالع سيارة ابراهيم وهي تبتعد الى أن تاصل القراج شاف سيارة فيــصل تذكر فرحته فيها لما شراها له أبوه في بداية الصيفية.. تذكر أول مشوار فيها كان مشوار للكورنيش أخذ فيها العائلة يمشيهم.. تذكر لما كان الوليــد يعلمه السواقه قبل لايستلم السيارة ضرب ابراهيم على كتف الوليــد وهو يقول: ماودك تدخل معجبتك حرارة الشمس؟؟ تراك بالسعودية مو في سويسرا.. الوليــد: هاااااااه الا ندخل يالله.. ابراهيم: معك نصف ساعة على أذان العصر خلص أمورك.. الوليــد: ان شاءالله.. دخل الوليــد و ابراهيم وكان الجميع في استقباله سلموا عليه مصافحة..وعزوه بوفاة فيــصل ورد عليهم التعزية..ولما وصل ريــم حس أن الدموع تجتمع بعيونه وتغرق الرؤيه عنده فتتحول الى رؤية ضبابية لكنه تماسك.. ورد عليها أجرنا وأجرك... واتجه لجدته وحبها على راسها وعلى يدها وعزاها بوفاة المرحوم.... وصعد الدرج وهو يعيد ذكرياته في كل مكان وفي كل ركن.. حتى وصل لغرفة فيــصل تنهد بقوة.. دفعه الفضول وفتح باب الغرفة.. كانت الغرفة مثل ماتركها فيــصل الشيء الوحيد اللي اختلف أن الغبار صار يعلو بعض أركانها..التفت يساره ووجد صورة فيــصل ابتسم غصب عنه لما شاف البسمه تطل من عيون فيــصل على الرغم من أن الصورة رسمية.. الا أن ابتسامته كانت واضحه في عيونه.. قفل باب الغرفة..وتذكر أنه لازم يخلص قبل صلاة العصر..اتجه لغرفته وبسرعة بدل البدله ولبس ثوب وشماغ ونزل عند عمه و ابراهيم.. ابراهيم: ابن الحلال عند ذكره تونا كنا بناديك الوليــد: يالله نروح؟؟ ابو ابراهيم: يالله.. ومثل ماكان الوعد وصلوا وكان ابو سلطان واصل قبلهم بفترة قصيرة..وجموع من العالم متجمهرة للصلاة على فيــصل.. أنهوا صلاة العصر وعلى صوت المؤذن.. الصلاة على الميت صلوا صلاة الميت.. ونقلوا الجنازة للمقبرة..وأنهوا مراسم الدفن.. وتقبلوا التعازي من العالم. وانتقلوا للبيت واكملوا العزاء.. أما في صالة الحريم.. كانت أم فيــصل مو قادرة تمسك روحها من البكاء ومثلها البنات ريم و ديمـــه و لينـا أما شهلا... ماحضرت العزاء عشان نفسيتها السيئة وجلست معها نهلا في البيت.. الجده كانت متماسكة نوع ما.. أم سلطان تحاول تهدي أم فيــصل قد ماتقدر.. وبعد ماخلص العزاء.. وعزوا الحريم أم فيــصل وخوات المرحوم.. أم سلطان: عن اذنك يا أم فيــصل ودي أرجع مبكر لأني مخليه البنات بروحهم ولا ودي أتأخر عليهم.. أم فيــصل: إيه صدق شأخبار شهلا؟؟ أم سلطان: آآه يا أم فيــصل والله حالتها لا تسر عدو ولا صديق.. ماغير حابسة روحها بغرفتها.. وتبكي ماادري شبتاصل له البنت..وهي على هالحالة.. أم فيــصل: الله يكون بعونها خليها بكره تجي لو ماجلست معنا هنا لكن أحسن لها من القعده في البيت بروحها وهي على هالحالة و لو صعدت الى غرف أحد البنات..ونامت.. أم سلطان: بأقول لها وياليتها تطيع.. أم فيــصل: الله يدبر اللي فيه خير وصالح.. الله معك ياأم سلطان ........................................ .......... ........................................ .......... .. وصلت البيت وقلبها ماكلها على بنتها رمت عباتها وصعدت بسرعه لغرفة شهلا.. فتحت الباب بسرعه.. لكن ارتاحت لما شافت نهلا نايمة مع أختها شهلا.. دخلت وتقدمت لسرير شهلا حبتها على جبينها.. صحت شهلا على الحركة اللي صارت حولها.. شهلا: يمه رديتي؟؟ أم سلطان: ايه يمه رديت.. نهلا قامت على الحركة مفزوعة: شفيييييييييكم؟؟؟ أم سلطان: مافينا شيء ارتاحي بس جيت أتطمن عليكم.. نهلا تنهدت بقوة وقالت: الحمدلله ياربي.. أم سلطان: شهلا خالتك أم فيــصل تقول خلي البنات يجون.. شهلا: لا لا لا لا لا لا مستحييييييييييييييييييييييييييييييييل أم سلطان: تقول لو جلستي بأحد غرف البنات اذا ماودك تجلسين مع الحريم يابنيتي جلستك أنتي وأختك بروحكم بالبيت صعبة بالقليل أكون أنا مطمئنة لا صرت أقدر أطمئن عليكم بين لحظة ولحظة.. شقلتي بكره تروحين وياي؟؟ شهلا: يمه أبي أنام..ممكن أم سلطان: أكيد يابنيتي ممكن.. نامي ريحي.. واتجهت أم سلطان للباب بتطلع لكنها تذكرت.. اتجهت للمسجل وفتحت اذاعة القرآن وخرجت ............................... في بيت ابو ابراهيم...................... بعد ماصعد الكل لغرفته ينام.. قامت ريــم وتوضأت ولفت جلال الصلاة حول شعرها.. وصلت ركعتين في آخر الليل دعت ربها من قلب.. أنه يغفر لـفيــصل وأمها ولأموات المسلمين.. حست بالجوع يقؤصها تذكرت أنها اليوم ماأكلت شيء غير نصف تفاحة.. نزلت للدور الأسفل ولقت نور المطبخ مشغل جاء في بالها على طول أن أحد البنات في المطبخ.. دخلت المطبخ..وتفاجأت بالموجود بالمطبخ.. ريــم: السلام عليكم.. الوليــد: وعليكم السلام.. شجايبك في هالوقت؟؟ ريــم: أممم استحت تقول جوعانة... قالت عطشانة أبي ماء.. طالعها الوليــد وابتسم وكأنه عرف باللي يدور في بالها وقال: أنا جوعان تبين نسوي لنا شيء ناكله؟؟ ريــم: إييييييييييه ايه الوليــد بالصراحة ماكان له نفس ياكل فعلا كان جوعان لكن نفسيته مسدودة وبعد ماقالت ريــم ايه.. حس أنه بحاجة أنه يتكلم مع أحد ورحمه من ربي كان هالأحد ريــم.. ريــم: شنسوي؟؟ الوليــد: أي شيء؟؟ ماادري شنسوي.. ساندوتش جبن ريــم في بالها.. خيييييييييييييبه بس ساندوتش أنا ميته جوع.. الوليــد: هااه شقلتي نسوي؟؟ ريــم: ايه نسوي.. الوليــد: اوكي أنتي سوي السندوتشات وأنا بسوي الشاهي.. ريــم باشرت عملها.. وبعد الوليــد باشر عمله وهو أصلا كل اللي سواه حط أوراق ليبتون في الكوب وصب عليها مويه حارهمن الغلاية وجلس يراقب ريــم وهي تسوي السندوتشات.. كان يبتسم وهو يطالعها محتاسه في تصليح الساندوتش..قام وسحب الملعقة منها وقال: كم صارلك ماسويتي ساندوتشات؟؟ ريــم خجلت من روحها وانعفس وجهها.. الوليــد: أولا: هذا الجبن موزريلا مو جبن للساندوتش؟؟ ثانيا: تصليح الساندوتشات مايبيله تفنن.. شوفيني والمرة الجايه أنتي بتسوين ترى ريــم: إن شاءالله.. الوليــد: بفهم كيف كنتي بتحطين الموزريلا بملعقة على الساندوتش؟؟روحي جيبي جبن سائل ريــم: طييب الوليــد: تصدقين شكلك نكته وأنا أتفرج عليك وأنتي ماسكه الموزريلا وتطالعينها ماتدرين شتسوين فيها.. تجيبينها يمين تجي يسار.. وبعد ماخلصوا مسوين العشاءجلسوا على الطاولة.. ريــم ساكته ومثلها الوليــد.. قطع الوليــد الصمت وقال: الله تسلم ايدي؟؟ انتظرك تقولينها ماقلتيها.. ريــم: هههههه تسلم ايدك.. ورجع الصمت يخيم على المكان..لكن ريــم قطعت الصمت ريــم: الوليــد فيــصل من متى توفى؟؟ الوليــد تنهد بقوة وقال: ليه كل ماأحاول أنسى هالهم تذكروني فيه.. ريــم: ماعليه بس جاوبني.. الوليــد: أممم فجر اليوم اللي سافرتوا فيه.. ريــم: تصدق في ذاك اليوم شهلا قامت من النوم مفزوعه تقول أنها حلمت كابوس وأنها حاسة أن فيــصل فيه شيء..ودقيت عليك بطمنها لكن جوالك مقفل.. كلمت ابراهيم وحسيت من نبرة صوته أنه فيه شيء.. كان متردد وهو يقول لي فيــصل بخير.. الوليــد وقف أكل.. وقال: سبحان الله فيــصل يحب شهلا من كانوا صغار وشهلا نفس الشيء أتذكر لما كان عمي يعطينا فلوس اذا بغينا نروح البقالة كان يقسم حصته بينه وبين شهلا وقتها كانت شهلا ماتعي اللي حولها.. لكن أتذكر شهلا أول اسم نطقته بعد ماما قالت: فيـسل ريــم: آآه لو تشوفها حالها مقلوب من بعد فيــصل مسكينة الوليــد: الله يكون في عونها يالله ياريم لاتاخذنا السواليف بكره ورانا قومه من الصبح وبقلبه أنا من وفاة فيــصل عيني ماذاقت لذيذ المنام بروح وأنا عارف أني ماراح أنام غيرساعتين ريــم: يالله شكلك مليت مني؟؟ الوليــد: لا أنتي ماتنملين.. ........................................ .......... ................ ثاني أيام العزاء...................... أم سلطان: شقلتي يا شهلا تجين وياي اليوم؟؟ شهلا: لأ أم سلطان: الله يرضى عليك ياشهلا تعالي.. أطمن لقلبي أنا... شهلا: أجي بس على شرط أم سلطان: اشرطي مثل ماتبين.. شهلا: لا تغصبيني أنزل أسلم على الحريم لا رحنا بجلس فوق.. أم سلطان: ايه اللي تبينه بس أنتي تعالي.. وراحت شهلا وأمها ونهلا للعزاء..
|
|||||||||||||||||||
|
منذ /26-12-2006, 04:13 PM
|
#130 | |||||||||||||||||||
|
بنوتة محلقة
|
آآآآآآآآآآآآآآآآآآآآآآآخ صحت من كل قلبي
|
|||||||||||||||||||
| الكلمات الدلالية (Tags) |
| النآجح, بدون, تفوتكم, ورحل, قصه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
