(الجزء الخامس عشر )
لاوالله ألا ضاق صدري ومليت
والصبر عندي مابقاله بقايا
حاولت أخفي ضيقه الصدر وأزريت
وأنهد حيلي وأنعدم به رجايا
لاقلت طبت ومن همومي تشاويت
جتني بها سود الليالي ملايا
همآ وردني تو من غير توقيت
والهم الاخر مرمسآ في حشايا
والباقيه تنتابني كل ما أمسيت
من كل حدب وصوب مثل السرايا
وأصبحت وكر للهموم المفاخيت ِ
قامت توارد من جميع النحايا
وليا ركد قلب العنا وأسفهليت
سوابي الهم الخبيت السوايا
لين أنفجر صمتي سواة الدناميت
ثم صابني عقب انفجاره شظايا
لولا الكريم يثبت العقل تثنيت
كان أنفضحت وبان مافي خفايا
ولا فقدت الذاكره واستجنيت
وأشغلت من حولي بكثرة إلهذايا
مالي جدى ياكود جر التناهيت
ولا الشعر ماعاد يروي ضمايا
وأنا أحسبني في سبيله تفانيت
حتى وصلت من التعب منتهايا
في لندن
كلمت هند نورا وقالتلها ان جود تبي السوق قالت نورا خلاص اجل نلتقي
هناك وترى امي وخواتي بيجون معي طبعا نورا فهمت امها وخواتها
قصة جود بتحفظ واختصار شديد يعني كل اللي عرفوه ان حركاتها
الصبيانيه عشان تخفي هويتها لانها ماتبي احد يعرفها عشانها هربت من
اهلها لان عندها معهم مشاكل
لبست جود بنطلون اسود وبالطو ابيض وخذت من هند حجاب اسود
طالع شكلها يجنن
طلعو للسوق وهناك تقابلو مع نورا واهلها
سلمت عليهم جود وهم انهبلو على نعومتها وجمالها
نورا : واااااو جودي شكلج روعه
جود بحيا : يوه احرجتوني من لبسته ترا وهند تمدح فيني
هند : تلوميني لعنبو شكلك وانتي ولد تخققين وانتي بنت عذاب
نورا : خلاص عاد بسج مغازل تراها مو جواد
جود : ههههههههههههههه
هند : سخيييييييييفه
فاتن : والله تبين الصج ياجود شكلج يهبل
الجوهره : أي والله صج يهبل ماشاءالله
جود بابتسامه : انتو اللي تهبلون والله وترى اخجلتوني ماعرف ارد على
أي احد يمدحني
سارا : عادي قولي عيونكم الحلوين وبس
جود وهي منهبله على التوأم : والله عيونكم انتم الحلوات
سارا : انا اللي قلتلج جذي يارا شكو
جود : واي على هالغيوره طيب انتي حلوه ويارا حلوه
يارا بغرور : لاتهمج بس ترى هي وايد غيوره
جود : ياحبيلكم ثنيناتكم
ام نورا : اصبري بس ويطلعون هبالهم تقولين ليتني مامدحتهم
سارا ويارا بصوت واحد : يمااااااااااه
جود : هههههه عسل على قلبي ياخالتي
شرت جود ملابس لها واغراض بعدين راحو يتمشون وماخلو مكان الا
وراحو له
تعشو في مطعم
وهم جالسين في المطعم على العشاء دق جوال جود لما شافت الرقم
ارتبكت وماردت عليه
هند : جود ردي على جوالك تقطع قلبه
جود وهي تحطه عالصامت : لا هذا رقم غريب اكيد واحد غلطان
نورا : طيب شوفي يمكن احد يبيج بس مغير رقمه
جود باحراج : لا ماراح ارد وبعدين من اللي يعرفني غيركم
ام نورا : خلاص خلو البنت على راحتها ماتبي ترد على جوالها انتو
شكو
جود : اللقافه ياخاله الله لايبلانا
نورا بنظره : لاتخليني اقلب عليج
جود راح فكرها بعيد : لا خلاص كلش ولا زعلك
هند بهمس : من اللي متصل
جود : احمد
هند : اها وانا اقول ورى وجه البنت حمر
جود : اقول انطمي انتي اللي احرجتيني
هند : لو كنت بمكانك برد عليه عادي
جود : احلفي ارد عليه قدام خالتي
هند بضحكه : ترى ماعندها اولاد يعني اخذي راحتك
جود : ياحمااااااره تفكيرك وسخ
هند : ياي على الرقه ترى من خمس ساعات ونص صرتي بنت ما امداك
تصيرين رقيقه
جود : على تبن ياحماره
هند باستفزاز : ايه صيري جلفه ولو شوي مو لايق عليك النعومه
جود بصوت مرتفع شوي : هنووووووود
نورا : بسم الله الرحمن الرحيم شفيج يالهبله
جود : مالهبله الا انتي
هند : هههههههه منقهره عشاني اقول ان النعومه ماهيب لايقه عليك
ام نورا : لا والله الا مدري وشلون تنكرت اكيد بيبين انها بنت مع
هالنعومه
نورا : افرحي من قدج الوالده صارت بصفج
جود : فديتها خالتي هي اللي تعرف الذوق ولا بعض الناس الحمدلله
والشكر
هند : وش تقصدين
جود : ابد ما اقصد احد
هند : ايه زين
مالت جود على هند وبهمس : ماعجزتي لاتذوبين فيني يوم كنت ولد
ضربتها هند على كتفها : هييي تراك صدقتي نفسك وبعدين انا الحين
احب جواد الاصلي مو اللي كان مزيف
جود تبي تقهرها : ماحصلك المزيف ولا راح يحصلك الاصلي
هند : على تبن يالحمااااره من زينكم عاد
كملو سهرتهم ورجعو خوات نورا وامها للاوتيل لان امها تعبت من
الفرفره و قالت لنورا تجلس مع البنات لانهم بيرجعون بعد اسبوع
وبترجع نورا معهم
اما نورا وهند وجود قعدو بالمطعم يسولفون ويعلقون وماخلو احد بحاله
الا وحشو فيه
في مكان ثاني من المطعم كان جالس هو وصديقه ويناظرهم من يوم
دخلو ويتابع جود اذا ضحكت ضحك واذا عصبت عقد حواجبه وكل شي
تسويه تلقائيا يسوي نفسها وكأنه جالس معها ومن اندماجه معها نسى
صديقه
سامي وهو يأشر قدام وجهه : هيييي يابو الشباب
محمد : هااا
التفت سامي يبي يشوف محمد من يناظر بس المطعم مليان ومالفت نظره
احد يعرفه
( طبعا سامي ماعرف جود لانها لابسه لبس بنات ومتحجبه وهند معطيته
ضهرها اما محمد عرف جود على طول )
لما شاف محمد ام نورا قامت وطلعت ومعها بناتها قال لسامي : سام
سامي : نعم
محمد : ابيك تروح الحين لفرانك وتروحون تجيبون السياره اللي طلبتها
من عند صديقه ميشيل
سامي باستغراب : الحين وبهالوقت
محمد : ايه
سامي : بس مثل مانت عارف ميشيل بعيد وشوله نروح بهالليل
محمد : ابيها بكره من الفجر
سامي : بروح الله يعيني بس عسى فرانك يوافق
محمد : قوله هذا امر من محمد ويوافق غصب عنه
سامي : طيب اوصلك للبيت ترانا جايين بسياره وحده
محمد : لا اذا مليت رجعت مع تاكسي انا بروح الحين اتمشى
سامي : اوكـ باي
محمد : باي
طلع محمد معه يوم تأكد انه راح رجع للمطعم وراح لطاولة البنات
حط يده على الطاوله : السلام عليكم
هند بشهقه : انت
جود وهي ترجف : وش تبي انت
محمد بابتسامه : ابد جاي اسلم
هند : مابينا سلام
محمد بنظره : وين اللي كان تتخبى في ظهر جواد اشوف طلع لك لسان
هند بعصبيه : مالك دخل ابعد عنا ولا والله الحين اصارخ والم عليك
العالم
نورا باستغراب : اسم الله الرحمن الرحيم شفيكم انتم
محمد : هلا والله انتي صديقتهم
نورا : انت منو هنود جود شنو السالفه
هند باستهزاء : هذا زعيم العصابه
نورا وعيونها طالعه من الصدمه : شنووووووو
محمد وهو ماسك ضحكته : اقول انا ماجيت لكم اناجاي عشان جود وبس
جود بخوف : وش تبي مني
محمد : ماعرفتيني
جود : لا ماعرفتك ولا ابي اعرفك
محمد : بس انا اعرفك مو انتي جود بنت خالد الـ ...
جود بصدمه : انت وش عرفك فيني
محمد : اعرفك واعرف جواد وجهاد واعرف كل شي عنك بس ابي منك
الحين شي واحد
جود : وش تبي
محمد وهو يأشر على طاوله ثانيه : قومي معاي على هذيك الطاوله
هند : خييييير وين حنا فيه تقوم معك وش تبي انت بالضبط
محمد : هند خليك في حالك ترى مو من صالحك تتدخلين
هند : ترى خوفتني عاد اقـ...
قاطعتها جود ودموعها بعيونها : وش تبي مني
محمد وهو حاقر هند : صدقيني ياجود ماراح اضرك الا اذا رفضتي انتي
تعالي وتعرفين
ناظرت جود لهند اللي عطتها نظره وصدت ونورا اللي نظراتها كلها
فضول وقامت وهي ترجف وخايفه
على طاولة البنات بعد ماراحت جود
هند بعصبيه : الحماااااااااره راحت معه
نورا باستغراب : وش السالفه ترى انا مو فاهمه شي شنو عرف هذا
بجود
هند بنرفزه : ترى مو ناقصتك انتي بعد
نورا : هييييه انتي شنو فيج
هند بعصبيه : نوراااا اسكتي مو رايقه لك انا بس ابي اذبح هالجود
يعني تعرفه الحماره وماعلمتني يوم مسكونا
نورا : هند شنو يخصج فيهم
هند من بين اسنانها : اقول انطمي اقولك بغو يذبحوني وانتي تقولين
وش يخصك
نورا وصلت حدها من اسلوب هند : طمج بحر قولي امين لايكون انتي
ولية امرها مالج خص فيها تعرفه ولا لا ترى اخذتي مقلب بنفسج
وبعدين اضن انج شفتي البنت يوم انصدمت بعد مادرت انه يعرفها
والله حاله و ياليت تحسنين الفاضج اشحقه منهده علي لايكون
انا اللي معرفتهم على بعض ولا انا اللي دليتهم عليج على فكره انتي اللي
رحتي لهم بريولج
هند : طيب واللي يرحم والديك اسكتي خليني اشوف لي صرفه مع
هالحماره
نورا : هننننند قلتلج مالج خص فيها تسوي اللي تبي مو عايبج مو
مشكلتنا
عطتها هند نظره وسفهتها سكتت نورا وهي تراقب جود اللي باين عليها
مرتبكه ودقايق وتبكي
على طاولة محمد وجود
محمد : ها ردي علي وش اللي خلاك تتنكرين على انك ولد
جود :..................
محمد : جود اكلمك انا
جود : وانت وش دخلك
محمد : كل شي يخصك لي دخل فيه
جود : لا مالك دخل
محمد : جود تكلمي بالطيب لا اخليك تتكلمين بالغصب
خافت جود بس مابينت : وش بتسوي يعني
محمد بابتسامه : انتي عارفه وش بسوي
جود : انا متنكره كذا ابي اخذ حريتي
محمد : لا مو عشان كذا ترى انا اعرفك ويمكن اعرف عنك اشياء انتي
ماتعرفينها
جود : الا عشان كذا مو مصدق بالطقاق مايهمني
محمد بحزم : جود تتكلمين ولا شلون
جود : ............
محمد : وبعدين يعني الى متى على فكره ماراح اطلع من هنا الا عارف
السبب
جود بربكه : طيب صاحباتي يبون يروحون تعبانين وحنا الحين ليل
وتاخرنا على الشقه بوقت ثاني اعلمك
محمد باصرار : قلتلك ماراح اطلع من هنا الا عارف السبب
وصديقاتك روحي قوليلهم يروحون واذا قلتيلي السبب رجعتك بنفسي
جود بصوت مرتفع : تراك مصدق نفسك اني بجلس معك لا يابابا
العب على غيري قال رجعتك بنفسي قال
محمد بابتسامه وهو يريح ضهره على الكرسي : تصدقين ياحلاتك وانتي
معصبه
حمر وجه جود وارتبكت وبعصبيه : آآآ أخـ ـ ـلـ ـص انت ووش تبـ تبي
ضحك محمد بصوت عالي وهو مستمتع بخجلها
جود والدموع ماليه عينها : لا تضحك ماقلت شي يضحك
مسك محمد ضحكته : طيب جودي ماراح تقولين لي ليش انتي هنا
جود : اول شي انت كيف تعرفني
محمد وهو يرفع خشمه وبغرور : أنا اللي ابيه اعرفه مهما كان ولا
تضنين أنك هربتي من الشقه وغيرتي بشكلك ماراح أعرفك لا ياماما
انا اعرف عنك كل شي بس أنا مخليك بمزاجي
جود : طيب وش بتستفيد لو علمتك صدقني ماراح يفيدك شي وفي نفس الوقت راح يضرني
محمد وهويمدد يدينه براحه على الطاوله : اممممممم يضرك ماعتقد
لاني لو أبي اضرك كان ضريتك من زمان أما وش يفيدني - وببتسامة
مكر- فضووووووووول عندك بعد سؤال ثاني
جود : ماعندي وبعناد وماراح أقولك الا لمل تقولي من وين تعرفني
محمد : وعد
جود وهي متردده : وعد
محمد : طيب بقولك وشلون انا عرفتك بس ترى بذبحك لو ماقلتي لي
الصراحه ليش انتي هنا
جود : طيب
تنهد محمد وهو يحط يديه على الطاوله ويتراكا عليها : انا اعرفك من
كان عمرك 7 سنوات
جود : كيف وانا ما اعرفك
محمد : طيب بقولك السالفه وانتي اسمعي
جود : اوكـ
( كان جالس على البحر يبكي بقهر
قبل شهر توفت امه واليوم ابوه بيتزوج ما احترم وفاة امه اللي عاشت
معاه على الحلوه والمره لا واللي يقهر بعد انه حاط الزواج بافخم قصر
وماخلى احد الا وعزمه ومافي احد قده بفرحته
واللي يقهر اكثر ان هاللي بتصير عمته كانت من الد اعداء امه
كان عمره وقتها 15 سنه واخته 12 اليوم بكبره ماشاف ابوه لانه طبعا
مشغول بزواجه حتى الغدا ماتغدو بس ابوهم مايدري عنهم
بكى وهو يتذكر امه وحنانها عمرها مانامت الا وهي جايته تساله اذا يبي
شي وتتضايق اذا تضايق هي اللي تواسيه اذا ضربه ابوه
كانت مصدر امانه والحين راحت نزل راسه على ركبه وقعد يبكي بصوت
عالي يبي يطلع كل اللي بقلبه اخته بكت يوم فقدت امه بس هو خاف
لايقولون انك بزر اذا بكى وكتم كل شي بقلبه بس خلاص ما عاد يتحمل
اكثر من كذا يحس بضيقه فضيعه
حس باحد يهزه مع كتفه رفع راسه بخوف وشاف قدامه طفله صغيره
تناظره باستغراب مسح دموعه و هو يناظر هالملاك اللي قدامه
كانت لابسه فستان ابيض قصير من فوق الركبه وسندل ابيض
وشعرها البني الى نص ضهرها سايح ولابسه نظارات شمسيه اطاراتها
بيضاء ورافعتها على شعرها
جلست الطفله قدامه : ليش تصيح
محمد يجاريها : لاني تعبان
الطفله : ليه وش يعورك
محمد : قلبي – اشر على قلبه –
الطفله : طيب ليش ماتروح للدكتور
محمد : مافيه عنده دواء
الطفله بحزن : ليش
محمد ودموعه على خده : انا تعبان لان ماما ماتت وخلتني انتي وين
ماما
الطفله : ماما هناك تعال عادي تصير ماما امك بعد
محمد : طيب ياحلوه انتي وش اسمك
الطفله : اسمي جود
محمد : واااااااااو اسمك حلو
جود : وانت وش اسمك
محمد : انا محمد
جود : طيب وين ابوك
محمد : ابوي مايحبني
جود : ليش
محمد : مدري بس هو مايحبني
جا طفل يركض : جووود
قامت جود وراحت له : نعم
: ليش تجلسين مع اغراب بابا ايش قال
جود : هذا مو غريب تعال هذا صديقي محمد
: بس انتي بنت مايصير صديقك ولد واكبر منك ترى بعلم بابا
رجعت جود وجلست بجمب محمد على الصخره : عادي روح قول له
محمد : تعال يابابا انت وش اسمك
راح الطفل يركض : بعلم ماما زينب
جود وهي تمد لسانها له : عاااااااااااادي
التفت عليها محمد بابتسامه وهو مستانس على تمردها : منو هذا
جود : هذا اخوي جواد
محمد : طيب ليش ماتروحين معه
جود : مابي
محمد : منو اكبر انتي ولا هو
جود : ماما تقول انا وهو سوا بس انا اكبر منه
محمد وهو يضحك : وش دراك انك اكبر منه
وقفت جود وهي تسحب يديه : ادري تعال انت العب معي كوره جوادوه
مايعرف يلعب كله يضرب الكوره فيني
محمد بابتسامه : طيب شوتي الكوره
قعدو يلعبون كوره لين جات وحده من وراهم سوريه : جود شو ئلتلك
جود وهي مبوزه : ماما ابي العب
السوريه : لا مامتك مابدها اياك تروحي مع اغراب
جود : لا هذا مو غريب هذا محمد صديقي
السوريه وهي تضحك : ياعيب الشوم صديئك مره وحده هلا بابا راح
يزعل انتي بنت مو صبي لتصادئي صبيان
جود وهي تتكتف بزعل : مابي بابا يقول أي شي تبيه جودي تسويه وانا
ابي العب مع محمد
التفتت عليه السوريه : انت محمد
محمد : ايه
جود بلقافه : محمد هذي ماما زينب
محمد بمزحه وهو حزين : ماشاء الله انتي عندك ثنتين وانا امي ماتت
ماعندي احد
راحت جود وتعلقت في زينب : ماما انتي بتصيرين ام لمحمد صح
زينب : الله يرحمها يابني ادعي لها ربي يثبتك ويثبتها
محمد : اللهم امين
جود بصراخ : مااااااما
زينب : ايوه شو بدك فجرتي لي اذني
جود : انتي بتصيرين ام لمحمد صح
محمد : لا انا ماتت امي خلاص يالله جود انا بروح الحين عشان ابوي
مايزعل مني وانتي لاتزعلين ماما عشان ماتروح مثل امي
جود بخوف : لا خلاص ماراح ازعلها بس ماتروح مني
محمد : الله يحفضها لك
راح يمشي راجع للبيت وهو يحس انه ارتاح شوي واستانس مع جود )
محمد : هذي هي السالفه اللي كانت بيني وبينك ذكرتي ولا لا
جود : لا ماذكرتها يعني من عمري سبع سنوات ولا نسيتني
محمد : ايه مانسيتك
جود : بس انا ما اذكرك ولا اذكر هالسالفه
محمد : يحقلك من زمان ماشفتيني
جود بحيره : طيب وش معنى انت ذكرتني
محمد بابتسامه : لاني مارحت للبيت على طول قعدت احتريكم لين مشيتو
واذكر انكم ماطولتو بعدي بسرعه مشيتو انا عاد تبعتكم مع تكسي
وعرفت بيتكم ومن بعدها كنت دايم اراقبك واتابعك اذا طلعتي من
المدرسه وكنت دايم وراك لمدة ست سنوات
جود : ست سنوات
محمد : ايوه لين توفى ابوك بهالوقت جاتني بعثه هنا لبريطانيا
واضطريت اجي لهنا مع اني كنت اتمنى اني ابقى قريب منك على الاقل
اتابع اخبارك من بعيد لبعيد بس للاسف ابوي يبي الفكه مني واصر اني
اجي للبعثه وانا بعد قلت خلني اروح يمكن ربي يوفقني في دراستي
بس ماتوقعت اني باجتمع معاك هنا
جود : اها طيب انا طولت على البنات عن اذنك
محمد بصوت عالي : وين رايحه وش كان اتفاقنا مايمديك تنسين
جود : بس انا قلت لك من قبل اسبابي
محمد : وانا ماصدقتها جود ترى انا اكبر مجرم هنا في لندن تعلميني
ولا مايحتاج اقولك وش بسوي
خافت جود : طيب اسبابي خاصه انت وش يخصك
محمد : جوووووووووود
نزلت جود راسها وقالت بسرعه : متهاوشه مع اهلي
محمد باستغراب : اييش
جود : ايه متهاوشه معهم وهربت عنهم
محمد : طيب ليش متهاوشين
جود : لانهم يبون يزوجوني ولد عمي غصب عني
محمد : وعشان كذا هربتي كان بامكانك ترفضين وتنتهي السالفه
جود : لا كانو مصرين
محمد : حتى جواد توأمك
جود : لا بس جهاد اصر وماقدر جواد يوقف بوجهه
محمد : لا يقدر اقل شي ياخذك معه لاي مكان وتعيشين عنده واذا حاول
جهاد يجبرك ترفضين وماراح يقدر عليك وانتي بحماية جواد
جود نست نفسها من الانفعال : كان صغير وماقدر يوقف بوجه
جهاد وماكان يقدر يعيش بروحه من دون عاد ياخذني معه
محمد باستغراب : كان صغير ليه كم كان عمرك يوم اجبروك
جود استوعبت : ماكنت صغيره مره
محمد بابتسامه : تكفين لاتعيدين لي كذبتك في اول لقاء لنا انك اكبر من
جواد
جود : كان عمري 16
محمد بذكاء : 16 ويجبرونك على ولد عمك كان على الاقل بيستنون
الين تكبرين ويجبرونك بس وانتي بهالعمر غريبه مو
جود : ولد عمي كان مستعجل
محمد : أي واحد منهم
جود : ليش تعرفهم
محمد : قلتلك اعرف كل شي عنك
جود بتردد : فهد
محمد بنظره استهزاء : فهد ليش مستعجل تراه اكبر منك بس بخمس
سنوات يعني خلينا نقول عمره تقريبا 20 او 21 ها وش اللي معجله
جود : مدري
محمد : جود وبعدين ترى راسي بدى يصدع قومي اول شي صرفي
صديقاتك هذولا اللي لو النظرات تقتل كان قد مت منهم وبعدين لي
كلام معك
قامت جود وراحت لطاولة البنات
هند : بدري ياقلبي كان طولتي شوي
جود : هند انا مو فاضيه لك
هند : طيب من تفضين له وانتي عندك الزعيم محمد
سفهتها جود : نورا تكفين قوليلي وش اقوله يبيني اقوله ليش متنكره
نورا : طيب قولي مالك خص
جود : قلته بس هذا يعرف كل شي عني اخاف يخبر اخواني
نورا : طيب الفي أي قصه
جود بيأس وهي تضرب رجلها بالارض علامة التوتر : المشكله
انه ذكي اجيبها يمين يجيبها شمال
نورا : مممم طيب قولي اجل السالفه بعدين واقولك كل شي لاني الحين
تعبانه وانا بييب لج فكره جهنميه ماتخرش الميه تفكج منه
جود بقهر : وينها الفكره جيبيها الحين رافض اطلع من هنا الا عارف
السبب
نورا : ماعندي الحين شي تفكيري خارج التغطيه
هند : ليش وهو متى دخل التغطيه
نورا : ولا مره
جود : اللهم طولك ياروح انا في مصيبه وهم حضرتهم داقينها سوالف
نورا : شنو تريدين منا بالله ماراح تحصلين عندنا الا مصايب ثانيه
جود من بين اسنانها : ونعم الصديقات والله اقول تقلعو برا يالله مابي
اشوف وجيهكم
نورا ببرود : ماكأننا انطردنا ياهنود
هند : وين تبينا نروح ونخليك
جود : تكفون يابنات انتو اطلعو بس لاتروحون راقبوني من بعيد وخلوكم
قريبين مني للطوارىء
نورا : امحق من طوارئ الا ليش نطلع هنا الطوارئ اقرب لج
جود : لا الحبيب يقول خليهم يروحون
هند بهدوء : طيب حنا بنطلع ثم بنرجع ونروح بطاوله ثانيه انتبهي
على نفسك
نورا : لا انا مراح اطلع ابي اكون معكم محرم
جود من بين اسنانها : نوراااااااا يازفت
هند : ماعليك منها روحي بس حسابك عندي بالبيت
جود : طيب طسوا اللحين ويصير خير
طلعو البنات وهي رجعت عليه وهي ترجف ومو عارفه وش تقول له
محمد باستهزاء : كان طولتي الا وش صار على قضية فلسطين
عسى حليتوها
جود :..............
محمد يعدل جلسته وبجديه : انا تعبان وانتي تعبانه خلصيني قولي وش
السالفه وتوكلي على الله
جود : طيب وش تبيني اقول كل اللي عندي قلته
محمد : لا ماقلتيه تكلمي ولا ترى مانيب عجزان لا اتصل الحين على
المخرج الكبير جواد واساله عن السالفه واذا قال وش دخلك بقول ترى
جود عندي واذا تبيها علمني وبكذا تكونين خسرتي كل شي وانا عرفت
السالفه
جود : لا خلاص لاتتصل عليه بقولك بس اوعدني ماتستغلني
محمد باستغراب : استغلك في ايش
جود : احلف وبس
محمد : والله ما استغلك في شي
جود بربكه ودموعها تنزل : انا كان اخوي جهاد يبي يزوجني فهد ولد
عمي بس قبل الزواج بيومين هربت
محمد : ايوه
جود وهي تبكي : وعشت عند دكتور ابوي سنه كامله ولان مربيتي
زينب غلطت في الجواز وجابت جواز جواد تنكرت على اني جواد
لاني ماقدرت اجيب جوازي بعد مادروا اهلي باختفائي خذوا جوازي
وابعدوه عشان ماخلي احد يجيبه واسافر بس اللي ماتوقعوه اني سافرت
بجواز جواد اخوي
محمد : ايوه
جود : عشت هنا لمدة 11 سنه تقريبا كنت فيها جواد مو جود لين
تعرفت على هند ونورا ومن هنا بدا التغيير وفهموني اني ملعونه
لاني تشبهت بالرجال عاد انا قررت اني البس لبس بنات وابعد عن كل
اللي عرفو جواد
محمد : ايوه
جود وهي مازالت تبكي : وهذي هي قصتي
محمد : طيب للحين ماعرفت السبب اللي اجبروك فيه على الزواج من
ولد عمك
حطت يديها على وجهها وقعدت تبكي
محمد : جود وش السالفه وصدقيني ورب البيت لا ابذل كل جهودي
واساعدك
جود وهي تشاهق : الله يخليك مابي اقول
رحمها محمد من بكاها : طيب انتي الحين روحي نامي واللي قلتيه
يكفي لليوم بس لي جلسه ثانيه معك اوك
جود : اوكـ
خذا جوالها وخزن رقمه ثم دق على جواله وحفظ رقمها : اذا دقيت عليك
تردين ولا ترى مثل ماقلتلك اتصل على جواد
جود وهي تمسح دموعها : طيب
محمد : يالله تراني سجلت اسمي حمودي من اول رنه تردين علي
جود : ان شاء الله
وقف محمد : يالله تعالي اوصلك لشقتكم
جود : لا مايحتاج البنات ماراحو هم هنا
التفت محمد يدورهم بالمطعم : وينهم
اتصلت جود عليهم وجوها لما شافهم محمد راح اما هم خذوا جود
وراحو للشقه وهناك عاد بدى التحقيق مع جود اللي للحين قاعده تبكي
هند : اووووووووف كل هالسنين ومانساك
نورا : ومن الحب ماقتل
جود : أي حب واي بطيخ ليته نساني كان الحين انا مرتاحه تكفون بنات
وش اقوله
نورا : وليش ما تقولين له القصه الحقيقيه
جود : مستحييييييييييل تخيلي شكلي وانا قاعده اقوله السالفه
هند : طيب انتي بس مستحيه تقولين له السالفه ولا عندك سبب ثاني
جود : مو سالفة اني مستحيه وبس اساسا هو وش دخله اعلمه
هند : طيب انتي تبينه يعلم جواد
جود : لا ما اتوقع هو بس يهدد عشان اقوله
نورا : ماتوقع يا جود انه حجي فاضي تراه مجرم واي شي يريده يوصله
بسهوله
جود بقهر : الله ياخذه ويريحني منه وش بيستفيد الحقير اذا علمته
هند : طيب انتي وش بتخسرين اذا علمتيه وبالمقابل شوفي وش بيصير لك
اذا عاندتي وماعلمتيه
جود : كذا عنااااد مابي اعلمه
هند : واضن ياجود انك عارفه نتيجة عنادك ووش سوى بك العناد من قبل
بكت جود : ياناس حسو فيني وشلون تبوني اقوله وبعدين انا خايفه
هند : خايفه من ايش
جود : خايفه يستغلني
هند بعقلانيه : ما اضن ياجود انه بيضرك ولو كان يبي هالشي ماراح يرده
شي يقدر يجيب راسك بين يوم وليله بس هو مثل ماقالك يعرفك ومستغرب
وش اللي قلبك ولد ويبي يعرف السبب وترى حلف لك حسب كلامك وقال
ابي اساعدك ماظن انك بتخسرين شي ياجود
جود : بس انا ما اذكره ولا اذكر هالموقف
هند : ماعليه كنتي صغيره مو لازم تذكرينه بس الشي اللي يثبت لك انه
صادق معرفته التامه بكل شي عنك
جود : وهذا اللي مخوفني اخاف انه يكون متهاوش مع احد من اخواني
او له مشاكل مع احد من اهلي ويبي ينتقم منهم فيني
نورا : شنو هالتفكير يعني بيتبعج لهنا عشان ينتقم واهلج تارسين السعوديه
جود بحيره : مدري بس خايفه
هند بجديه : جود فكري بالايجابيات قبل السلبيات يمكن يساعدك ويجيب
لك بنتك وانتي عارفه واحد مجرم مثله بيكون له في كل مكان شخص
يعرفه ويتعامل معه
فكري انه اذا كان صادق بكلامه ممكن يحميك من فرانز اللي يتمنى
يحصلك هو شلته وحاقد عليك
فكري ياجود بالشي اللي راح تستفيدين منه فيه وبعدين اذا كان على قولتك
ناوي ينتقم حنا وين رحنا حنا معك للاخر ولا تخافين
جود : يعني اقوله كل شي
هند : انا من رايي انك تقولين له
نورا : وانا بعد
جود بتنهيده : اجل توكلت على الله بانتظر اتصاله والله يعيني
في الشرقيه 5 العصر
جواد جالس وبجمبه جنى بنت جهاد : ها فارس كل شي جاهز
فارس : ايه الحمدلله كل شي جاهز
جواد : طيب قبل ثلاث ايام من العرض بتكون البروفه النهائيه وانشاءالله
بعد اسبوعين بيكون العرض
فارس : ان شاء الله بس انت الحين رح ريح تراك اهلكت نفسك
قام جواد : خلاص انا بروح الحين يالله مع السلامه
فارس : مع السلامه بس تراك معزوم الليله عندي على العشاء
جواد : لا فارس لاتتعب اهلك نتعشى في مطعم
فارس : لا خلاص ملينا من المطاعم وبعدين اللي يسمعك يقول اني بذبح
لك خروف ياخي تراها كلها دجاجتين وتخب عليك
ضحك جواد : اجل مانيب جايكم الا لين تذبح لي خروف
فارس : اجل اذا ماكان عندك رقم مطعم علمني اعطيك ولا اشوف خشتك
جواد : ابو القعاطه ياشيخ
فارس : لا عاد مو سالفة قعاطه ابشر بثلاث دجاجات بس خروف ماضنتي
جواد بضحكه : لا ابي اربع دجاجات
فارس : اقول تراك طولتها تعال واللي بتلقاه قدامك اكله حتى لو نص
دجاجه صدق لي قالو طرار ويتشرط
جواد : انا طرار يالبخيل
انحاش فارس : طرار ويتشرط بعد
ضحك جواد وخذا جنى اللي تنعس تبي النوم من التعب وراح لبيته
في الرياض
ناصر : ها يادكتور وش اخبارها
الدكتور : هي موأشراتها الحيويه تمام الحمد لله بس للحين ماطلعت من
الغيبوبه
ناصر بحزن : طيب يادكتور متى تتوقع تطلع من هالغيبوبه
الدكتور : والله ياخوي علمها عند الله بس انتو ادعو لها
ناصر : الله يشفيها عن اذنك يادكتور
الدكتور : اذنك معك
طلع وهو صدق متضايق اشتاق لها مرره راح لغرفتها ودخل عندها
جلس بجمبها وقعد يقرا عليها ويمسح وجهها اللي صاير اصفر
لما خلص قرايته باسها على راسها وطلع برا
وهو طالع صادف سلطان وهو جاي لغرفتها
ناصر باستغراب : سلطان هلا والله
سلطان وهو مرتبك : هلا والله ناصر
ناصر : عسى ماشر عسى ما احد تعبان
سلطان : لا بس جاي ازور ليان
ناصر : ايه حياك الله
سلطان : وش اخبارها
ناصر بحزن : والله على حالها الله يشفيها
سلطان : اللهم امين اصبر وانا اخوك وتصدق عنها ترى الصدقه دفع
للبلاء
ناصر : ان شاءالله
سلطان : عموما انا كنت جاي ابي اتطمن عليها واشوف وش صار عليها
يالله انا استأذن
ناصر : ماتشوف شر
راح كل واحد لسيارته
رجع سلطان لبيتهم وقابلته العنود وهي لابسه ثوب ابيض من ثيابه على
بنطلونها الجينز ولابسه نعاله وحاطه حمدانيه بغتره حمراء وصاير شكلها
يضحك لان ثوبه وسيع عليها
العنود تخشن صوتها : ارحب
سلطان تعود على هبالها : ارحبي
ضربته العنود على كتفه : كل هالرجوله وتقول ارحبي قول ارحب
سلطان : طيب ارحب
العنود : ايه خلك كذا اعرف سلوم الرجال والرجوله والـ
سلطان يقاطعها : طيب هلا والله اخوي ماعرفتنا بنفسك
رزت نفسها : معك عناد
سلطان : هلا والله
العنود : المهلي مايولي
سلطان : طيب تقلع انا دايخ ابي انام
العنود : افا والله تطردني
سلطان : عناد وانا اخوك تراني تعبان
العنود : يخسى التعب والله قلي وانا اخوك وش بك
سلطان : عنوووووووووود
العنود : رجعنا على طير ياللي ياخي انا عناااد ماتشوف الكشخه هذي
والثوب الابيض والحمدانيه
سلطان بتعب : الا شايفها بس الله يخليك خليني اروح انام تراني تعبان
العنود : فيه احد ينام العصر يالمتخلف
سلطان : ايه انا بس اتركيني بحالي وياويلك تجين تطقين باب الغرفه اذا
نمت خلي مواهبك في الطق لين اصحى تراني عارف حركاتك
العنود بابتسامه : طيب ان شاءالله بس بشرط
سلطان : وش تبين الله يعيني
العنود : عطني العود حقك
سلطان : روحي خذيه بس ياويلك لايكسره احمد ولا امي اذا شفتيهم خبيه
العنود وهي تأشر على خشمها : ابشر على هالخشم
رفعت الثوب وربطته على خصرها وراحت تركض لغرفته وخذت العود
ومايشوف الا غبرتها
على الاقل بيرتاح شوي ماهوب قايم على المواهب والطرب اللي بيكون
على باب غرفته كل يوم
اما العنود راحت وجلست على كرسي عند النافوره اللي بوسط الحوش
وحطت رجل على رجل
وقعدت تدق العود وهي داخله جو وتغني
طبعا خبصت ام ابو الاغاني العزف في جهه والاغنيه في جهه
وتركب كلمات الاغاني في بعض عزفت عزف حزين وهي تغني
عندي كلام وخاطري لك اقوله
وابيك تفهم مقصدي يا اريش العين
ولا تعذبوني لاتعذبوني حلفتكم بالله لاتعذبوني
ولا تسألوني لاتسألوني عن دمعة بالعين لاتسألوني
ورايعه يابو ظبي يابو ظبي يابو ظبي
انتي ينبوع الحنان وانتي ممممممم يابو ظبي يابو ظبي
وجيت اسلم عليكم يفرح القلب فيكم
يوم غبتو علينا جيت اسلم عليكم
هاها هاها هاها هاها هم هم هم هم
وعزاااااه ياقلبي من الهم عزاه
يامن يواسي دمعتي قال خيره
وشلون خيره من بعد فرقاه
عزاااااااااه عزاااااااااااه
وبشروني عنك مايدرون عني
مادرو باللي شغل فكري وضني
(ملاحضه ترى كل هالاغاني غنتها ورى بعض وعلى نفس العزف
الحزين )
سمعت تصفيق من وراها التفتت وشافت ولد عمها سعد
سعد : الله وش هالمنوعات
العنود انحاشت بسرعه وتخبت ورى الشجره عشان مايشوفها : احم احم هلا والله بولد العم
سعد : اهلين الا عمي اذكر ماعنده الا ولدين من وين جيت انت
العنود : اسأله الا ورى ماتتوكل على الله ابي اروح
سعد : رح ياولد عمي بس انت وش اسمك
العنود : اقول سعيد ترى مانيب فاضيه لك توكل على الله
سعد : سعيد في عينك بزر قدامك وبعدين مانيب رايح روحي انتي
العنود تتخصر : لا والله تبي تشوفني
سعد : يقالك الحين اني ماشفتك
العنود : لا ماشفت وجهي
سعد : يابنت الحلال مانيب ميت عليه بس روحي نادي سلطان
العنود : طيب روح في مجالس الرجاجيل وانا بروح اصحيه
سعد : لا مايحتاج انا بقعد هنا
العنود : لا مايصير لازم نضيفك
سعد : ماتقصرين يابنت عمي بس انا مستعجل
العنود بنرفزه : عاد ورى ماتطس ابي اروح
فطس سعد من الضحك : يعني الضيافه ماهيب لله
العنود : سعد تكفى روح عشان اروح
سعد : طيب روحي مامسكتك
العنود : وشلون اروح وانت في وجهي
سعد : يابنت روحي والله اني عجزان ولا تخافين مانيب ميت على خشتك
العنود : طيب لف ولا تناظر
سعد وهو طفشان وبصوت عالي : زييييييييييييييييييييييييين
تلثمت وراحت وهي مقهوره : صدق انك دلخ بس احللللم اصحي الدلخ
الثاني
سعد يبي يقهرها : مانيب قايل شي الحين بس الوعد لا تزوجتك
العنود : ايييييييييش والله انه حلم ابليس بالجنه تاخذني
سعد بغرور : ليش انا مو حلو والله اني احلى من وائل كفوري
العنود : ايه يصير خير انت شكلك تبي تطول بس اقول ترى الباب يوسع
جمل وسلطان تعبان ولانيب مصحيته عشانك
دخلت وصكت الباب بقوه
اما هو قعد يضحك عليها دايم يحب ينرفزها ويحب يعصب بها من يوم
ماكانت صغيره لدرجة انه يحس انها صارت تكرهه
اتصل على سلطان يطلع له وجلس يعزف على العود اللي نسته العنود من
العصبيه لين جاه سلطان وطلعو مع بعض
( سعد ولد عم سلطان عمره 24 عنده اختين هند وهدى ساكنين بالخرج
يحب دايم ينرفز العنود على ادنى شي انسان جدي وقت الجد
ابوه متوفي وهو اللي قايم بخواته وامه عشان كذا مايجي دايم للرياض
لانه مايبي يخلي اهله ماعندهم احد وقليل مايلتقي باولاد عمه
طبعا ماله عم الا ابو احمد بس )
........................ النهايه ...................................
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ]
منذ /28-04-2011, 10:17 PM
.gif "Md1 (86)")
